ການເຄື່ອນໄຫວຕ່າງໆ

ແຈ້ງການທຶນການສຶກສາ

164006
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
37
129
735
162285
2595
7633
164006
Your IP: 54.145.95.149
2017-08-18 06:42

 

ມອບ-ຮັບອາຄານຮຽນຫຼັງໃໝ່ ໂຮງຮຽນ ປະຖົມ ນາບອນ ເມືອງ ເລົ່າງາມ ແຂວງ ສາລະວັນ

ໃນຕອນເຊົ້າຂອງວັນທີ 8 ພຶດສະພາ 2017 ນີ້ ເມືອງເລົ່າງາມ ແຂວງສາລະວັນ ໄດ້ຈັດພິທີ ມອບ-ຮັບ ອາຄານຮຽນຫຼັງໃໝ່ຂື້ນຢ່າງເປັນທາງການ ໂດຍການໃຫ້ກຽດເຂົ້າຮ່ວມຂອງ ທ່ານ ພູທົງ ຄຳມະນີວົງ ຮອງເຈົ້າແຂວງໆສາລະວັນ, ທ່ານ ຊິນສຸເກະ ໂອກຸໂນະ ສະມາຊິກສະພາແຫ່ງຊາດ (ປະເທດຍີ່ປຸນ) ພ້ອມຄະນະ, ທ່ານ ນ ສູນທອນ ແກ້ວບົວລະພາ ເຈົ້າເມືອງໆເລົ່າງາມ, ທ່ານ ສີລິສັກ ຖະໜອມຮັກ ຫົວຫ້າພະແນກສຶກສາທິການ ແລະ ກິລາແຂວງ, ນອກນັ້ນຍັງມີທ່ານ ຮອງເຈົ້າເມືອງໆເລົ່າງາມ, ຫົວໜ້າ ແລະ ຮອງພະແນກການອ້ອມຂ້າງແຂວງ, ທ່ານຫົວໜ້າຫ້ອງການສຶກສາທິການ ແລະ ກິລາເມືອງ, ອຳນາດການປົກຄອງບ້ານ, ພໍ່-ແມ່ປະຊາຊົນ, ຄູ-ອາຈານ ແລະ ຫຼານນ້ອຍນັກຮຽນ ເຂົ້າຮ່ວມເປັນສັກຂີພະຍານ.

ໃນພິທີ ທ່ານ ສັງວານ ບຸດຕາວົງ ຮອງເລຂາຄະນະພັກກຸ່ມ 7 ບ້ານນາບອນ ໄດ້ຕາງໜ້າໃຫ້ພໍ່ແມ່ປະຊາຊົນ,ຄູ-ອາຈານ ແລະ ຫຼານນ້ອຍນັກຮຽນ ຂື້ນຜ່ານບົດລາຍງານການກໍ່ສ້າງອາຄານຮຽນ ເຊິ່ງທ່ານໃຫ້ຮູ້ວ່າ: ການກໍ່ສ້າງອາຄານຮຽນແມ່ນດ້ວຍທຶນຊ່ວຍເຫຼືອ ຈາກສະມາຄົມກຸ່ມອົດອາຫານເພື່ອການກໍ່ສ້າງໂຮງຮຽນ ເພື່ອເດັກນ້ອຍອາຊີ (AEFA)ໃນການຈັດຕັ້ງປະຕິບັດຜ່ານສະມາຄົມ ພັດທະນາຊຸມຊົນບ້ານເຮົາເຊິ່ງທັງໝົດນີ້ແມ່ນການຮ່ວມມືລະຫວ່າງປະຊາຊົນກັບສະມາຄົມ ແລະ ການກໍ່ສ້າງອາຄານຮຽນປະກອບມີ 1 ຫຼັງ,5 ຫ້ອງຮຽນ, 1 ຫ້ອງການຄູ, ຫ້ອງນໍ້ານອກອາຄານ 3 ຫ້ອງ, ເຈາະນ້ຳບາດານ 1 ບໍ່-ກໍ່ສ້າງຖານເກັບແທ້ງນ້ຳ, ປະຕູໂຂງເຂົ້າໂຮງຮຽນ-ຮົ້ວເຫຼັກໝາກຈັບ, ໂຕະ-ຕັ່ງ ແລະ ເອົາໄຟຟ້າເຂົ້າໃຫ້ໂຮງຮຽນ. ໂຄງການດັ່ງກ່າວໄດ້ເລີ່ມລົງມືກໍ່ສ້າງໃນວັນທີ 6 ມີຖຸນາ 2016 ແລະ ສຳເລັດໃນວັນທີ 6 ທັນວາ 2016. ການກໍ່ສ້າງໃນຄັ້ງນີ້ທາງສະມາຄົມ  ໄດ້ສະໜອງວັດຖຸ ແລະ ເງິນຄ່າຊ່າງໃນການກໍ່ສ້າງ ຄິດເປັນມູນຄ່າ: 54,998.73 ດອນລາສະຫະລັດ (ຫ້າສິບສີ່ພັນເກົ້າຮ້ອຍເກົ້າສິບແປດດອນລາກັບເຈັດສິບສາມເຊັນ) ສຳລັບການປະກອບສ່ວນຂອງຊຸມຊົ ນແມ່ນແຮງງານໃນການຍ້າຍອາຄານເກົ່າ, ອະນາໄມສະຖານທີ່ປຸກສ້າງ,ຖົມດິນ ແລະ ເລື່ອຍໄມ້ໂຄງຫຼັງຄາຄິດເປັນມູນຄ່າ 31,575,000 ກີບ (ສາມສິບເອັດລ້ານຫ້າແສນເຈັດສິບຫ້າພັນກີບ).

ຫຼັງຈາກນັ້ນ ທ່ານ ຊິນສຸເກະ ໂອກຸໂນະ ສະມາຊິກສະພາແຫ່ງຊາດປະເທດຍີ່ປຸນ ຕາງໜ້າໃຫ້ສະມາຄົມກຸ່ມອົດອາຫານເພື່ອການກໍ່ສ້າງໂຮງຮຽນ ເພື່ອເດັກນ້ອຍອາຊີ (AEFA) ກໍ່ໃຫ້ກຽດມອບອາຄານດັ່ງກ່າວໃຫ້ແກ່ໂຮງຮຽນ ແລະ ປະຊາຊົນບ້ານນາບອນຢ່າງເປັນທາງການ ໂດຍເປັນກຽດຮັບໂດຍທ່ານ ພູທົງ ຄຳມະນີວົງ ຮອເຈົ້າແຂວງໆສາລະວັນ ເຊິ່ງທ່ານກ່າວວ່າ: ການໄດ້ຮັບທຶນໃນການກໍ່ສ້າງອາຄານຮຽນຂອງໂຮງຮຽນ ປະຖົມ ບ້ານນາບອນ ຖືເປັນສັນຍາລັກແຫ່ງສາຍພົວພັນຮ່ວມມືອັນດີງາມລະຫວ່າງສະມາຄົມກຸ່ມອົດອາຫານເພື່ອການກໍ່ສ້າງໂຮງຮຽນ ເພື່ອເດັກນ້ອຍອາຊີ AEFA (ປະເທດຍີ່ປຸນ) ກັບລັດຖະບານລາວ ກໍ່ຄືປະຊາຊົນລາວທີ່ໄດ້ປະກອບສ່ວນໃນການພັດທະນາຊັບພະຍາກອນມະນຸດໃຫ້ມີຄວາມຮູ້,ຄວາມສາມາດ ເປັນກຳລັງແຮງຊຸກດັນໃນການນຳພາປະເທດ ຊາດກ້າວສູ່ຄວາມ ຈະເລີນສີວິໄລໃນອະນາຄົດ.

            ຂ້າພະເຈົ້າຂໍຕາງໜ້າໃຫ້ຄະນະນຳຂັ້ນແຂວງ ຂໍມອບຕໍ່ໃຫ້ຂະແໜງການສຶກສາ ກໍ່່ຄືພະແນກສຶກສາທິການ ແລະ ກິລາແຂວງ, ຫ້ອງການສຶກສາທິການ ແລະ ກິລາເມືອງ, ປະຊາຊົນບ້ານນາບອນ ໂດຍໃຫ້ສົມທົບກັບໂຮງຮຽນ,ຄູ-ອາຈານ ເພື່ອນຳໃຊ້ເຂົ້າໃນການຈັດການຮຽນ-ການສອນ ໃຫ້ເກີດປະໂຫຍດສູງສຸດແກ່ສັງຄົມ ແລະ ປະຊາຊົນແຂວງສາລະວັນ ມອບຄວາມຮັບຜິດ ຊອບໃຫ້ທຸກພາກສ່ວນຈົ່ງ ຊ່ວຍກັນປົກປັກຮັກສາອາຄານ

ຮຽນຫຼັງໃໝ່ໃຫ້ມີຄວາມສະອາດ ແລະ ສວຍສົດງົດງາມຕະຫຼອດໄປ. ຮຽກຮ້ອງມາຍັງອຳນາດການປົກຄອງ ແລະ ການຈັດຕັ້ງທຸກຂັ້ນ ຕະຫຼອດທັງຄູ-ອາຈານ,ຜູ້ປົກຄອງເດັກ ຈົ່ງຊຸກຍູ້ລູກຫຼານຂອງຕົນເຂົ້າຮຽນ ເພື່ອຈະເປັນຜູ້ສືບທອດ ແລະ ພັດທະນາປະເທດໃນອະນາຄົດ.