ການເຄື່ອນໄຫວຕ່າງໆ

ແຈ້ງການທຶນການສຶກສາ

177990
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
38
203
241
175511
6055
5537
177990
Your IP: 54.167.202.184
2017-10-23 02:34

        ສົກຮຽນ 2016-2017 ສກຂ ສາລະວັນ

ຈະສູ້ຊົນໃຫ້ການສອບເສັງສາຍສາມັນບັນລຸ 99 ສ່ວນຮ້ອຍ.

            ສົກຮຽນ 2016 – 2017 ພະແນກສຶກສາທິການ ແລະ ກິລາແຂວງ ສາລະວັນ ( ສກຂ ) ຈະສູ້ຊົນໃຫ້ການສອບເສັງສາຍສາມັນສຶກສາບັນລຸ 99 ກວ່າສ່ວນຮ້ອຍຂຶ້ນໄປ. ໂດຍເນັ້ນໃສ່ຄຸນນະພາບຂອງການສຶກສາໃຫ້ຫຍັບເຂົ້າມໍ່ກັບພາກພື້ນ ແລະ ສາກົນ.

            ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາ ໃຫ້ສໍາພາດເຖິງແຜນສູ້ຊົນຂອງການຮຽນໃນສົກຮຽນນີ້ ໂດຍສະເພາະການສອບເສັງຈົບຊັ້ນ ເຊິ່ງໄດ້ຕັ້ງເປົ້າໜາຍໄວ້ຈະໃຫ້ການສອບເສັງຈົບຊັ້ນມັດທະຍົມຕອນຕົ້ນ ແລະ ເສັງຈົບຊັ້ນມັດທະຍົມຕອນປາຍ ມ7 ໃຫ້ບັນລຸ 99% ຂຶ້ນໄປ. ເພື່ອໃຫ້ບັນລຸຕາມທິດທາງແຜນການທີ່ວາງໄວ້ນັ້ນແມ່ນພະແນກສຶກສາທິການ ແລະ ກິລາແຂວງສາລະວັນ ໄດ້ກະກຽມໃຫ້ແກ່ການສອບເສັງ ໂດຍໄດ້ອອກແຈ້ງການກ່ຽວກັບການປະຕິບັດຫຼັກສູດການຮຽນ - ການສອນ, ການສອບເສັງມັດທະຍົມສຶກສາເພື່ອເອກະພາບກັນໃນການຈັດຕັ້ງປະຕິບັດທົ່ວແຂວງກໍ່ຄືທົ່ວປະເທດ, ພ້ອມນັ້ນກໍ່ໄດ້ແຕ່ງຕັ້ງຄະນະກຳມະການຮັບຜິດຊອບຊີ້ນຳ ແລະ ຕັດສິນຜົນການສອບເສັງຈົບຊັ້ນ.

ສຳລັບ ຊັ້ນມັດທະຍົມຕອນຕົ້ນ ມ4 ແມ່ນວັນທີ 13-15 ມິຖຸນາ 2017 ມີ 6 ວິຊາສອບເສັງຄື: ວິຊາພາສາລາວ - ວັນນະຄະດີ, ສຶກສາພົນລະເມືອງ, ວິທະຍາສາດທຳມະຊາດ, ວິທະຍາສາດສັງຄົມ, ຄະນິດສາດ ແລະ ພາສາອັງກິດ. ມາຈາກໂຮງຮຽນ 78 ແຫ່ງ, ມີ 14 ສູນສອບເສັງ ມີ 186 ຫ້ອງສອບເສັງ, ມີນັກສອບເສັງທັງໜົດ 4.37 ຄົນ, ຍິງ 1.946 ຄົນ. ຊັ້ນມັດທະຍົມຕອນປາຍ ມ7 ແມ່ນວັນທີ 20-21 ມິຖຸນາ 2017 ມີ 4 ວິຊາສອບເສັງຄື: ວິຊາພາສາລາວ - ວັນນະຄະດີ, ຄະນິດສາດ, ຟິຊິກສາດ ແລະ ປະຫວັດສາດ ທົ່ວແຂວງ ມາຈາກໂຮງຮຽນ 25 ແຫ່ງ, ມີ 10 ສູນສອບເສັງ, ມີ 95 ຫ້ອງສອບເສັງ, ມີນັກສອບເສັງທັງໜົດ 2.044 ຄົນ, ຍິງ 977 ຄົນ.