ການເຄື່ອນໄຫວຕ່າງໆ

ແຈ້ງການທຶນການສຶກສາ

177988
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
36
203
239
175511
6053
5537
177988
Your IP: 54.167.202.184
2017-10-23 02:33

ໂຮງຮຽນເຕັກນິກວິຊາຊີບແບບປະສົມແຂວງ

ຮັບມະຫາຊົນກ້າວໜ້າເຂົ້າເປັນສຳມະຊິກພັກສຳຮອງ

ໃນຕອນເຊົ້າວັນທີ 9 ມິຖຸນານີ້ ທີ່ໂຮງຮຽນເຕັກນິກວິຊາຊີບແບບປະສົມແຂວງ ສາລະວັນ ໄດ້ຈັດພິທີຮັບມະຫາຊົນກ້າວໜ້າຜູ້ທີ່ມີເງື່ອນໄຂເຂົ້າເປັນສຳມິຊິກພັກສຳຮອງ ໂດຍພາຍໃຕ້ການເປັນປະທານຂອງທ່ານ ຄຳເຟືອງ ອິນທິສອນ ຮອງເລຂາຄະນະພັກຮາກຖານພະແນກ, ຫົວໜ້າຂະແໜງກວດກາ-ປະເມີນຜົນ, ມີຕາງໜ້າຄະນະກວດກາແຂວງ, ຄະນະຈັດຕັ້ງແຂວງ, ຄະນະໜ່ວຍພັກອ້ອມຂ້າງ, ພ້ອມດ້ວຍບັນດາມະຫາຊົນຜູ້ທີ່ມີຄວາມກ້າວໜ້າ 4 ສະຫາຍ ຍິງ 1 ສະຫາຍເຂົ້າຮ່ວມ.

ໃນ​ພິທີ, ບັນດາມະຫາຊົນຜູ້​ທີ່​ມີ​ຄວາມ​ກ້າວໜ້າຈຳນວນ 4 ສະຫາຍ​ກໍ່​ໄດ້​ຂຶ້ນ​ຜ່ານ​ໃບ​ສະ​ໜັກ​ເຂົ້າ​ເປັນ​ສະມາຊິກ​ພັກ​ ​ເຊິ່ງ​ໄດ້​ກ່າວ​ປະຕິຍານ​ຕົນ​ວ່າ ​ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ໃນ​ທຸກ​ດ້ານ, ບຸກ​ບືນ ຮ່ຳຮຽນ​ຍົກ​ລະດັບ​ຕົນ​ເອງ, ຫ້າວ​ຫັນ​ປະຕິບັດ​ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໜາຍ​ໃຫ້​ສຳ​ເລັດ, ​ບໍລິສຸດ, ສັດ​ຊື່ ​ແລະ ຈົງ​ຮັກ​ພັກດີ​ຕໍ່​ອຸດົມ​ການ​ຂອງ​ພັກ, ປົກ​ປັກ​ຮັກສາ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ, ​ເປັນ​ຜູ້​ຖື​ຜົນ​ປະ​ໂຫຍ​ດລວມຂອງ​ຊາດ.

ຈາກ​ນັ້ນ ທ່ານ ນາງ ທອງໃບ ໄຊຍະສານ  ຄະນະພັກພະແນກສຶກສາທິການ ແລະ ກິລາແຂວງກໍ່ໄດ້ໃຫ້ກຽດຂຶ້ນຜ່ານມະຕິຕົກລົງອະນຸມັດຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 4 ສະຫາຍຄື: ທ່ານ ສະຫາຍ ບຸນມີ ​ໂນນ​ທະ​ໃສ, ສະຫາຍ​ ນາງ ຂີງ​ຄຳ ​ແກ້ວ​ມີ​ໄຊ,  ສະຫາຍ ບົວ​ສີ ​ແສງ​ບົວ​ຄຳ ​ແລະ ສະຫາຍ​ ບຸນ​ມີ​ ທຳ​ມະ​ວົງສາ.

 

​​ໃນ​ວາລະ​ສຸດ​ທ້າ​ຍຂອງ​ພິທີ ທ່ານ ຄຳ​ເຟືອງ ອິນ​ທິສອນ ຮອງ​ເລຂາ​ຄະນະພັກຮາກຖານພະແນກສຶກສາທິການ ແລະ ກິລາແຂວງກໍ່​ໄດ້​ກ່າວ​ຄວາມ​ຮູ້ສຶກ​ຕ້ອນຮັບ​ສະມາຊິກ​ໃໝ່​ທີ່​ໄດ້​ເພີ່ມ​ກຳລັງ​ແຮງ​ຂອງ​ພັກ ພ້ອມ​ທັງ​ແນະນຳ​ພິທີ​ຂອງ​ພັກ​ເປັນ​ຕົ້ນ​ແມ່ນ: ຄວາມ​ໜາຍ​ຂອງ​ທຸງ​ພັກ, ຮູບ​ທ່ານ​ກາກ​ມາກ - ​ເລ​ນິນ, ສິດ-ໜ້າ​ທີ່​ຂອງ​ສະມາຊິກ​ເປັນ​ຕົ້ນ​ການ​ເປັນເຈົ້າ​ການ​ໃນ​ການ​ປະຕິບັດ​ແນວ​ທາງ, ນະ​ໂຍບາຍ, ມະຕິ, ຄຳ​ສັ່ງ, ກົດ​ລະບຽບ​ຂອງ​ພັກ, ລັດຖະທຳ​ມະນູນ​ແລະ ກົດ​ໜາຍ​ຂອງ​ລັດ, ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ໃນ​ທຸກ​ດ້ານ, ຮ່ໍາຮຽນ​ທິດ​ສະ​ດີ​ມາກ​ - ​ເລ​ນິນ, ​ແນວ​ທາງ ​ແຜນ​ນະ​ໂຍບາຍ, ກົດ​ລະບຽບ​ຂອງ​ພັກ ​ແລະ ກົດ​ໜາຍ​ຂອງ​ລັດ, ຍົກ​ລະດັບ​ການ​ສຶກສາ, ວິທະຍາສາດ​ເຕັກນິກ, ວິຊາ​ສະ​ເພາະ, ພາສາ​ຕ່າງປະ​ເທດ, ສຶກສາ​ຄົ້ນຄວ້າ​ບົດຮຽນ​ທີ່​ດີ​ເພື່ອ​ຍົກ​ລະດັບ, ຄວາມ​ຮູ້, ຄວາມ​ສາມາດ, ຄຸນສົມບັດ​ສິນ​ທຳ​ປະຕິບັດ, ຕ້ານ​ແນວ​ຄິດ​ເອກະ​ຊົນ, ຕັ້ງໜ້າ​ປະກອບສ່ວນ​ເຂົ້າ​ໃນ​ວຽກງານ​ກໍ່ສ້າງ​ພັກ​ເຮັດ​ໃຫ້​ພັກ​ເຂັ້ມ​ແຂງ​ທາງ​ດ້ານ​ການ​ເມືອງ ​ແນວ​ຄິດ, ພົວພັນ​ສະໜິດ​ແໜ້​ນກັບ​ປະຊາຊົນ ​ເຄົາລົບ ​ແລະ ​ເສີມ​ຂະຫຍາຍ​ສິດ​ເປັນ​ເຈົ້າ​ຂອງ​ປະຊາຊົນ, ​ເອົາ​ໃຈ​ໃສ່​ຕໍ່​ຊີວິດ​ການ​ເປັນ​ຢູ່​ທາງ​ດ້ານ​ວັດຖຸ ​ແລະ ຈິດ​ໃຈ​ຂອງ​ປະຊາຊົນ, ກຳ​ແໜ້ນ ​ແລະ ປະຕິບັດ​ນະ​ໂຍບາຍ​ການ​ຕ່າງປະ​ເທດ​ຂອງ​ພັກ - ລັດ ຍົກ​ສູງ​ນ້ຳ​ໃຈ​ສາມັກຄີ​ສາກົນ​ອັນ​ຜ່ອງ​ໃສ່​ຂອງ​ຊົນ​ຊັ້ນ​ກຳ​ມະກອນ.