ການເຄື່ອນໄຫວຕ່າງໆ

ແຈ້ງການທຶນການສຶກສາ

177986
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
34
203
237
175511
6051
5537
177986
Your IP: 54.167.202.184
2017-10-23 02:33

 

ສກມ ສາລະວັນ ວາງ​ຄາດ​ໜາຍ​ການສອບເສັງຈົບຊັ້ນ ມ4 ໃຫ້ບັນລຸ 96%

ຫ້ອງການ​ສຶກສາ​ທິການ ​ແລະ ກິລາ​ເມືອງ ສາລະ​ວັນ ​ຈຳນວນ 1.195 ຄົນ, ຍິງ 579 ຄົນ​ເຂົາ​ຫ້ອງສອບ​ເສັງ​ຈົບ​ຊັ້ນ​ປະຈຳ​ສົກຮຽນ 2016 – 2017 ​ໃນລະຫວ່າງ​ວັນ​ທີ 13 – 15 ມີ​ຖຸນານີ້, ​ເຊິ່ງມີ​ 4 ສູນ​ສອບຄື: ສູນສອນເສັງ ມສ ສາລະວັນ, ມສ ອົງແກ້ວ, ມສ ສົງ ແລະ ໂຮງຮຽນສາມັນກິນນອນຊົນເຜົ່າ  ສໍາລັບ​ຊັ້ນ ​ມ4 ​ແມ່ນ​ສອບ​ເສັງ​ທັງ​ໜົດ 6 ວິຊາຄື: ວິຊາ​ພາສາ​ລາວ - ວັນນະຄະດີ, ສຶກສາພົນລະເມືອງ, ວິທະຍາສາດທຳມະຊາດ, ວິທະຍາສາດສັງຄົມ, ວິຊາຄະນິດສາດ ແລະ ພາສາອັງກິດ.

            ​ໃນ​ວັນ​ທີ 13 ມິຖຸນາ 2017 ນີ້ ​ເມືອງ ສາລະ​ວັນ ກໍ່​​ໄດ້​ຈັດການ​ສອບ​ເສັງ​ຈົບ​ຊັ້ນ ມ4 ພ້ອມ​ກັບ​ບັນດາ​ເມືອງ​ອື່ນໆ​ໃນ​ທົ່ວແຂວງ ສາລະວັນ ກໍ່ຄື​ໃນປະ​ເທດ ​ໂດຍ​ໃຫ້​ກຽດ​ລົງ​ຕິດຕາມ​ ​ແລະ ​ເປີດ​ຫົວ​ບົດສອບ​ເສັງ​ຊັ້ນ​ ມ4 ຂອງ ​ທ່ານນາງ ນວນ​ໃສ ​ແກ້ວ​ເມກ ຄະນະປະຈຳພັກເມືອງ ຮອງ​ເຈົ້າ​ເມືອງໆ​ສາລະ​ວັນ, ມີ​ທ່ານ ໜູຄຳ ສີສະຫວັດ ຫົວໜ້າຫ້ອງການສຶກສາ​ທິການ ​ແລະ ກິລາ, ບັນດາ​ຄະນະ​ກຳມະການ​ຍາມ​ຫ້ອງ​ສອບ​ເສັງ ​ແລະ ນັກຮຽນ​ສອບ​ເສັງ​ເຂົ້າ​ຮ່ວມ.

 

            ​​ໃນ​​ໂອກາດ​ດຽວ​ກັນ ທ່ານ ໜູ​ຄຳ ​ສີສະ​ຫວັດ ກໍ່​ໄດ້​​ໃຫ້​ສຳພາດ​ກັບ​ພວກ​ເຮົາ: ​ໃນ​ສົກຮຽນ 2016-2017ນີ້ ​ເມືອງ​ສາລະ​ວັນ​ໄດ້​ວາງ​ເປົ້າ​ໜາຍ​ການ​ສອບ​ເສັງ​ຈົບ​ຊັ້ນ​ມັດທະຍົມ​ຕອນ​ຕົ້ນ ມ4 ​ໃຫ້​ບັນລຸ 96% ຂຶ້ນ​ໄປ ​ເພື່ອ​ໃຫ້​ໄດ້​ທັງ​ປະລິມານ ​ແລະ ຄຸນ​ນະພາ​ບນັ້ນ​ໃນ​ໄລຍະ​ຜ່ານ​ມາ​ກໍ່​ໄດ້​ເອົາ​ໃຈ​ໃສ່​ຊຸກຍູ້​ຕິດຕາມ​ຂະ​ບວນການ​ຮຽນ - ການ​ສອນ​ຂອງ​ຄູ​ອາຈານ-ນັກຮຽນ ພ້ອມ​ກັນ​ນັ້ນ ກໍ່​ໄດ້​ສ້າງ​ກິດຈະກຳ​ຕ່າງໆ​ໃຫ້​ບັນດາ​ນັກຮຽນ​​ໄດ້​ມີ​ໂອກາດ​ສະ​ແດງ​ຄວາມ​ຮູ້​ຄວາມ​ສາມາດ​ເຊັ່ນ: ການ​ຖາມ-ຕອບ, ການສະ​ແດງ​ສິນລະປະ​,ວັນນະ​ຄະດີ, ການ​ຫຼິ້ນ​ກິລາ ​ແລະ ອື່ນໆ.               ​ໃນການ​ສອບ​ເສັງ​ຄັ້ງ​ນີ້​ກໍ່​ເພື່ອ​ເປັນ​ການ​ຕິດຕາມ​ການ​ຮຽນ - ການ​ສອນ​ຂອງ​ຄູ​ອາຈານ ​ແລະ ການ​ຮ່ຳຮຽນ​ຂອງ​ນັກຮຽນ ​ເພື່ອ​ຊອກ​ສາ​ເຫດ​ທີ່​ພາ​ໃຫ້​ມີ​ຈຸດ​ອ່ອນ​ຂໍ້ຄົງຄ້າງ​ໃນ​ສົກຮຽນ​ຜ່ານມາ ​ເພື່ອ​ແກ້​ໄຂ​ໃນ​ສົກຮຽນ​ຕໍ່​ໄປ, ຄຽງ​ຄູ່​ກັນ​ນັ້ນ​ການ​ພັດທະນາຊັບພະຍາກອນ​ມະນຸດ​ຍິ່ງ​ມີ​ຄວາມ​ສຳຄັນ​ຢ່າງ​ໃຫຍ່​ຫຼວງ​ຕໍ່​ການ​ພັດທະນາ​ບ້ານ​ເມືອງ​ໃຫ້​ມີ​ຄວາມ​ກ້າວໜ້າ ​ຖ້າ​ພວກ​ເຮົາ​ມີ​ຄົນ​ທີ່​ມີ​ຄວາມ​ຮູ້​ຄວາມ​ສາມາດ ມີ​ຄຸນສົມບັດ ສິນ​ທຳ​ປະຕິວັດ ມີ​ອຸດົມການທີ່​ສູງ​ສົ່ງ ກໍ່ຍິ່ງ​ເຮັດ​ການ​ພັດທະນາ​ບ້ານ​ເມືອງ​ໃຫ້​ຈະ​ເລີ​ນຮຸ່ງ​ເຮື່ອ​ງກໍ່ຄື​ສັງຄົມ​ມີ​ຄວາມ​ສີວິ​ໄລ​ຂຶ້ນ​ເລື້ອຍໆ.