ການເຄື່ອນໄຫວຕ່າງໆ

ແຈ້ງການທຶນການສຶກສາ

187120
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
221
235
936
183399
6564
8621
187120
Your IP: 54.198.210.67
2017-11-22 14:29

ບ້ານ​ວັງເປືອຍ ​ເມືອງ​ເລົ່າງາມ ​ໄດ້​ຮັບ​ອາຄານ​ຮຽນ​ຫຼັງ​ໃໝ່

          ​ໃນ​ຕອນ​ເຊົ້າ​ຂອງ​ວັນ​ທີ 1 ພະຈິກ 2017 ນີ້ ​ເມືອງ​ເລົ່າງາມ ​ແຂວງ​ສາລະ​ວັນ ​ໄດ້​ຈັດ​ພິທີ​ມອບ-ຮັບ​ອາຄານ​ຮຽນ​ປະຖົມ​ສຶກສາ​ສົມບູນ​ບ້ານວັງເປືອຍ ​ໂດຍ​ເປັນກຽດ​ເຂົ້າ​ຮ່ວມ​ຂອງ​ທ່ານ ພູທົງຄຳມະນີວົງ ຮອງເຈົ້າແຂວງໆ ສາລະວັນ ທ່ານ ຢາມະດະ ໂກຈິ ປະທານບໍລິສັດຟໍຣໄຊທ໌ ປະເທດຍີ່ປຸ່ນ ຜູ້ໃຫ້ທຶນໃນການປຸກສ້າງອາຄານຮຽນ ບ້ານວັງເປືອຍ, ມີ ທ່ານ ຄຳໄຫຼ ພົມວິຈິດ ຮອງເຈົ້າເມືອງໆເລົ່າງາມ, ທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີບັນດາຜູ້ປະສານງານ, ສະມາຄົມພັດທະນາຊຸມຊົນບ້ານເຮົາ, ຫ້ອງການສຶກສາທິການ ແລະ ກິລາເມືອງ, ນາຍບ້ານ, ອໍານາດການປົກຄອງ, ພໍ່ແມ່ປະຊາຊົນ ແລະຄູອາຈານ ນ້ອງນ້ອຍນັກຮຽນເຂົ້າຮ່ວມເປັນສັກຂີພິຍານ.

      

            ​ໃນ​ໂອກາດ​ດັ່ງກ່າວ, ທ່ານ ສີວິໄຊ ແສງທະວີສຸກ ຜູ້ອຳນວຍການໂຮງຮຽນ ມສ ວັງເປືອຍກໍ່​ໄດ້​ຂຶ້ນ​ຜ່ານ​ບົດ​ລາຍ​ງານ​ການກໍ່ສ້າງ​ໂຮງຮຽນ​ມັດທະຍົມສົມບູນ ບ້ານ​ວັງເປືອຍ ​ເມືອງເລົ່າງາມ ​ເຊິ່ງທ່ານ​ໄດ້​ກ່າວ​ວ່າ: ບ້ານ​ວັງເປືອຍ​ມີ​ພົນລະ​ເມືອງ​ທັງ​ໜົດ 8.138 ຄົນ, ຍິງ 3.878 ຄົນ, ມີ​ຈຳນວນ1.623 ຫຼັງຄາ​ເຮືອນ, ມີ​ 2.348 ຄອບຄົວ, ມີ​ຄູ​ສອນ 25 ທ່ານ ຍິງ 12 ທ່ານ, ມີ​ນັກຮຽນ​ທັງ​ໜົດ 575 ຄົນ, ຍິງ 321 ຄົນ, ການຈັດ​ຕັ້ງ​ປະຕິບັດການກໍ່ສ້າງ​ແມ່ນ​ເລີ່​ມ​ແຕ່​ວັນ​ທີ 1 ກຸມພາ 2017 ​ໄລຍະ 6 ​ເດືອ​ນ, ມີ​ອາຄານ 1 ຫຼັງ ມີຂະໜາດ 9x48 ​ແມັດ, 6 ຫ້ອງ​ຮຽນ ມີ​ຫ້ອງ​ນ້ຳ 1 ຫຼັງ 3 ຫ້ອງ, ອ່າງ​ເກັບນ້ຳ​ບາ​ດານ 1 ອ່າງ,​ ລວມມູນ​ຄ່າ​ໃນ​ການກໍ່ສ້າງ​ໂຮງຮຽນ ມສ ວັງ​ເປືອຍ ທັງ​ໜົດ​ແມ່ນ 484.000.000 ກີບ ( ສີ່​ຮ້ອຍ​ແປດ​ສິບ​ສີ່​ລ້ານ​ກີບ ) ​, ​ໃນ​ນັ້ນ​ອຳນາດ​ການ​ປົກຄອງ​ພ້ອມ​ດ້ວຍ​ພໍ່​ແມ່​ປະຊາຊົນ​ໄດ້​ປະກອບສ່ວນ​ແຮງ​ງານ​ສົມທົບ ​ແລະ ວັດສະດຸ​ການກໍ່ສ້າງ​ຈຳນວນ​ໜຶ່ງ​ເພື່ອ​ເຮັດ​ໃຫ້​ລູກ​ຫຼານ​ໄດ້​ມີ​ໂຮງຮຽນ​ຫຼັງ​ໃໝ່​ທີ່​ເປັນ​ສະຖານ​ທີ່​ການ​ສຶກສາ,         ຫຼັງ​ຈາກ​ນັ້ນ​ທ່ານ ທ່ານ ຢາ​ມະ​ດະ ​ໂກ​ຈິ ຜູ້ໃຫ້ທຶນໃນການປຸກສ້າງອາຄານຮຽນ ບ້ານວັງ​ເປືອຍ ກໍ່​ໄດ້​ກ່າວ​ມອບ​ອາຄານ​ຮຽນ​ໃຫ້​ກັບ​ທ່ານ ພູ​ທົງ ຄຳ​ມະນີ​ວົງ ​ຮອງ​ເຈົ້າ​ແຂວງໆ​ສາລະ​ວັນ ​ເຊິ່ງທ່ານ​ກໍ່​ໄດ້​ມອບ​ຕໍ່​ໃຫ້​ກັບ​​ເມືອງ, ຫ້ອງການ​ສຶກສາ​ທິການ ​ແລະ ກິລາ​ເມືອງ​ກໍ່ຄື​ອຳນາດ​ການ​ປົກຄອງ​ຂອງ​ບ້ານ​ໃຫ້​ພ້ອມ​ກັນ​ເອົາ​ໃຈ​ໃສ່​ປົກ​ປັກ​ຮັກສາ​ອາຄານ​ຮຽນ​ຫຼັງ​ດັ່ງກ່າວ​ໃຫ້​ເກີດ​ຜົນ​ປະ​ໂຫຍ​ດສູງ​ສຸດ​ໃນ​ການ​ສຶກສາ​ຮ່ຳຮຽນ​ຂອງ​ລູກ​ຫຼານ.

 

     

 

 ຂ່າວໂດຍ: ເດັກຈາກທົ່ງນາ ແຄມເຊໂດນ