343563
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
97
238
581
342128
1435
7808
343563
Your IP: 54.92.148.165
2019-07-16 05:08

 

ສກຂ ສາລະວັນ

ຝຶກອົບຮົມການໂຄສະນາປູກຈິດສຳນຶກກ່ຽວກັບຜົນຮ້າຍ ຜົນກະທົບຂອງການຄ້າມະນຸດ

ໃຫ້ແກ່ຜູ້ບໍລິຫານການສຶກສາ ແລະ ກິລາ

          ໃນຕອນເຊົ້າວັນທີ 19 ມັງກອນນີ້ ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງສາລະວັນ ໄດ້ຈັດກອງປະຊຸມຝຶກຮົມອົບການໂຄສະນາປູກຈິດສຳນຶກກ່ຽວກັບຜົນຮ້າຍ ຜົນກະທົບຂອງການຄ້າມະນຸດ ໃຫ້ແກ່ຜູ້ບໍລິຫານການສຶກສາ ແລະ ກິລາ ໂດຍເປັນກຽດເຂົ້າຮ່ວມຂອງທ່ານນາງ ຂັນທະລີ ສີຣິພົງພັນ ຄະນະປະຈຳພັກ ປະທານຄະນະກວດກາພັກກະຊວງ ຫົວໜ້າຫ້ອງການກະຊວງສຶກສາທິການ ແລະ ກິລາ, ທ່ານ ສີລິສັກ ຖະໜອມຮັກ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາ ແຂວງ, ທ່ານ ພັທ ຄຳປານ ໄຊຍະວົງ ຫົວໜ້າພະແນກໂຄສະນາຕ້ານການຄ້າມະນຸດ ກົມຕຳຫຼວດສະກັດກັ້ນຕ້ານການຄ້າມະນຸດ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ, ມີບັນດາທ່ານຫົວໜ້າຫ້ອງການສຶກສາທິການ ແລະ ກິລາເມືອງ, ໜ່ວຍງານກວດກາ ແລະ ປະເມີນເມືອງ, ວິທະຍາໄລຄູສາລະວັນ, ສູນການສຶກສານອກໂຮງຮຽນ ຜູ້ອຳນວຍການໂຮງຮຽນ, ຫົວຂະແໜງ ພ້ອມດ້ວຍວິຊາການເຂົ້າຮ່ວມຢ່າງພ້ອມພຽງ.

            ໃນພິທີ ທ່ານນາງ ຂັນທະລີ ສີຣິພົງພັນ ຄະນະປະຈຳພັກ ປະທານຄະນະກວດກາພັກກະຊວງ ຫົວໜ້າຫ້ອງການກະຊວງສຶກສາທິການ ແລະ ກິລາ ກໍ່ໄດ້ໃຫ້ກຽດກ່າວເປີດພິທີ ແລະ ມີຄໍາເຫັນຕໍ່ກອງປະຊຸມເຊິ່ງທ່ານກໍ່ໄດ້ເນັ້ນໜັກໃຫ້ນັກສຳມະນາກອນທຸກພາກສ່ວນຈົ່ງພ້ອມກັນເອົາໃຈໃສ່ ແລະ ຮ່ວມກັນຮັບຟັງ ແລະ ແລກປ່ຽນຂໍຄິດເຫັນຕ່າງໆຕໍ່ການຝຶກອົບຮົມຄັ້ງນີ້ ເພື່ອນໍາໄປສູ່ບົດຮຽນໃນການໂຄສະນາປູກຈິດສຳນຶກໃຫ້ຖັນແຖວພະນັກງານ ນັກຮຽນ ນັກສຶກສາ ໄດ້ຮູ້ເຖິງຜົນຮ້າຍ ຜົບກະທົບຂອງການຄ້າມະນຸດ ເພື່ອຕ້ານແລະ ສະກັດກັ້ນຕໍ່ຜົນຮ້າຍດັ່ງບໍ່ໃຫ້ເກີດຂຶ້ນ ພ້ອມກັນນັ້ນກໍ່ເພື່ອປ້ອງກັນ ແລະ ປົກປ້ອງຊ່ວຍເຫຼືອຕໍ່ຜູ້ຖືກເຄາະຮ້າຍ ພ້ອມກັນນັ້ນກອງປະຊຸມກໍ່ຈະໄດ້ໄຂຂໍ້ຂ້ອງໃຈຕໍ່ບັນດາທ່ານທີ່ມິຄຳຖາມຕໍ່ການຝຶກອົບຮົມຄັ້ງນີ້.

            ໃນບັ້ນຝຶກອົບຮົມຄັ້ງນີ້ ນັກສຳມະນາກອນຈະໄດ້ຮັບຮູ້ກ່ຽວກັບຄວາມຮັບຜິດຊອບຂອງກະຊວງສຶກສາຕໍ່ວຽກງານການຄ້າມະນຸດ, ສະພາບການຄ້າມະນຸດ, ສາເຫດທີ່ພາໃຫ້ເກີດການຄ້າມະນຸດ, ຮູບແບບຂອງການຄ້າມະນຸດ, ວິທີການ ເລ້ລ່ຽມຂອງຜູ້ຄ້າມະນຸດ, ຜົນກະທົບຂອງການຄ້າມະນຸດ, ການກຳນົດຕົວຜູ້ຖືກເຄາະຮ້າຍ, ການປ້ອງກັນການຄ້າມະນຸດ, ການໂຄສະນາຕ້ານການຄ້າມະນຸດ, ການປ້ອງກັນຊ່ວຍເຫຼືອຜູ້ຖືເຄາະຮ້າຍ ແລະ ນຳສະເໜີກົດໜາຍວ່າດ້ວຍການຄ້າມະນຸດ ເຊິ່ງວິທະຍາກອນບັນຍາຍເອກະສານຈາກກະຊວງສຶກສາ, ກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ, ສູນໃຫ້ຄຳປຶກສາ ແລະ ປົກປ້ອງແມ່ຍິງສູນກາງສະຫະພັນແມ່ຍິງ, .

            ກອງປະຊຸມຝຶກອົບຮົມຄັ້ງນີ້ ແມ່ນຈະໄດ້ດຳເນີນໄປເປັນເວລາ 5 ວັນຈິ່ງສຳເລັດ.

                                                                                                                                          

ຂ່າວໂດຍ: ນາງ ແຫຼັງຄຳ ບຸດນາໂຄກ

ອັບຂ່າວໂດຍ: ໂອເລ້ ສິງຂາວເພັດ