343551
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
85
238
569
342128
1423
7808
343551
Your IP: 54.92.148.165
2019-07-16 04:51

 

ສກຂ ສາລະ​ວັນ ລົງ​ຕິດຕາມ​ຊຸກຍູ້​ການ​ສອບ​ເສັງ​ຊັ້ນ​ມັດທະຍົມ​ສຶກສາ​ທົ່ວ​ແຂວງ

ໃນ​ຕອນ​ບ່າຍ​ວັນ​ທີ 16 ພຶດສະພານີ້ ທີ່​ຫ້ອງ​ປະຊຸມ​ຫ້ອງການ​ສຶກສາ​ທິການ ​ແລະ ກິລາ​ເມືອງ​ຄົງ​ເຊ​ໂດນ ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ໄດ້​ລົງ​ຕິດຕາມຊຸກຍູ້ການ​ສອບ​ເສັງ​ຊັ້ນ​ມັດທະຍົມ​ສຶກສາ ສົກຮຽນ 2017 – 2018 ​ໂດຍ​ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ວັດທະນາ ໜັ້ນວິ​ໄລ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ມີ​ທ່ານ ທອງຄຳ ​ແສງ​ຈັນ ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ ຄົງ​ເຊ​ໂດນ, ມີ​ຫົວໜ້າຂະ​ແໜງ​ມັດທະຍົມ​ພ້ອມ​ດ້ວຍ​ວິຊາ​ການ, ​ໜ່ວຍ​ງານ​ການ​ສຶກສາກ່ອນ​ໄວ​ຮຽນ ​ແລະ ສາມັນ, ຜູ້ອຳນວຍການ​ໂຮງຮຽນ​ມັດທະຍົມ​ຕອນ​ຕົ້ນ ​ແລະ ຕອນ​ປາຍ 15 ​ແຫ່ງ​ທົ່ວ​ເມືອງ​ເຂົ້າ​ຮ່ວມ.

            ​ໃນ​ພິທີ ທ່ານ ບຸນ​ທຽມ ຈັນທະ​ຈອນ ຫົວໜ້າ​ຂະ​ແໜງມັດທະຍົມ ກໍ່​ໄດ້​ໃຫ້​ກຽດ​ແນະນຳ​ການ​ກະກຽມ​ຄວາມ​ພ້ອມ​ໃຫ້​ແກ່​ການ​ສອບ​ເສັງ​ຈົບ​ຊັ້ນ ມ4 - ມ7 ​​ເປັນ​ຕົ້ນ​ການ​ເກັບ​ກຳ​ຂໍ້​ມູນ​ດ້ານ​ສະຖິຕິຈຳນວນ​ນັກຮຽນ, ການ​ຜ່ານ​ກົດ​ລະບຽບ​ການ​ສອບ​ເສັງ, ຫຼັກການ​ຕັດສິນ​ການ​ສອບ​ເສັງ, ຫ້ອງ​ສອບ​ເສັງ​ແມ່ນ​ບັນຈຸ​ໃນ​ຈຳນວນ 20-22 ຄົນ​ຕໍ່​ຫ້ອງ, ກຳມະການ​ຍາມ​ຫ້ອງ​ສອບ​ເສັງ ມ4 ​ແລະ ມ7 ​ແມ່ນ​ບໍ່​ໃຫ້​ນຳ​ໃຊ້​ກຳມະການ​ຜູ້​ທີ່​ເຄີຍ​ຍາມ​ຊ້ຳ​ກັນ​ຫຼາຍ​ປີ ​ໃຫ້​ປ່ຽນ​ເອົາ​ກຳມະການ​ຄົນ​ໃໝ່​ມາຍາ​ມ ​ເພື່ອ​ເປັນ​ການປັບ​ປ່ຽນ​ການ​ສອບ​ເສັງ​ໃຫ່ນັກຮຽນ​ມີ​ຄວາມ​ກະຕືລື​ລົ້ນ​ຫຼາຍ​ຂຶ້ນ, ນອກຈາກ​ນັ້ນ​ແມ່ນ ກໍ່​ໄດ້​ແນະນຳ​ການ​ປະກອບ​ຂໍ້​ມູນ​ໃສ່​ປຶ້ມ​ຕິດຕາມ​ໂຮງຮຽນ​ມັດທະຍົມ​ສຶກສາ ພ້ອມ​ທັງ​ຢາຍ​ປຶ້ມ​ບັນທຶກ​ໃຫ້​ແຕ່ລະ​ໂຮງຮຽນ​ໄດ້​ນຳ​ໃຊ້​ໃນ​ການ​ປະຕິບັດ​ຕົວ​ຈິງ, ​ໄດ້​ແນະນຳ​ວຽກ​ຕຳ​ແໜ່​ງວິຊາ​ການ​ຄູ ​ເພື່ອ​ເປັນ​ບ່ອນ​ອີງ​ໃຫ້​ແກ່​ຄະນະ​ກຳມະການ​ພິຈາລະນາ​ຕຳ​ແໜ່​ງວິຊາ​ການ​ຄູ, ​ເພື່ອ​ປົກ​ປ້ອງ​ຜົນງານ ສິດຜົນປະ​ໂຫຍ​ດ ​ແລະ ຮັບປະກັນ​ຄວາມ​ຍຸດຕິ​ທຳ​ແກ່​ຄູ​ຜູ້​ທີ່​ມີ​ຜົນງານ​ດີ​ເດັ່ນ, ​ແລະ ​ໃຫ້​ມີ​ຄວາມ​ເປັນ​ເອກະ​ພາບ​ກັນ​ໃນ​ການ​ຈັດ​ຕັ້ງ​ປະຕິບັດ​ດຳລັດ ສະບັບ​ເລກທີ 209/ນຍ.

            ​ໃນ​ໂອກາດ​ດຽວ​ກັນ ທ່ານ​ ວັດທະນາ ໜັ້ນວິ​ໄລ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ກໍ່​ໄດ້​ໃຫ້​ກຽດ​ໂອ້​ລົມ ​ແລະ ​ເນັ້ນ​ນັກ​ໃຫ້​ແກ່​ຜູ້​ອຳນວຍ​ການ ກໍ່ຄື​ຜູ້​ບໍລິຫານ​ການ​ສຶກສາ​ຈົ່ງ​ພ້ອມ​ກັນ​ເອົາ​ໃຈ​ໃສ່​ໃຫ້​ແກ່​ວຽກ​ງານ​ການ​ສອບ​​ເສັງ​ຄັ້ງ​ນີ້​ໃຫ້​ບັນລຸ​ຕາມ​ລະດັບ​ຄາດ​ໜາຍ​ແລະ​ໃຫ້​ໄດ້​ຮັບ​ຜົນສຳ​ເລັດ​ຢ່າງ​ຈົບ​ງາມ​ໂດຍ​ສະ​ແດງ​ອອກ​ນັກຮຽນ​ແຕ່ລະຄົນ​ສາມາດ​ສອບ​ເສັງ​ໄດ້​ທຸກ​ຄົນ ສ່ວນ​ການ​ຄຸ້ມ​ຄອງ​ບໍລິຫານ​ໂຮງຮຽນ​ເປັນ​ຕົ້ນ​ການ​ສ້າງ​ສະພາບ​ແວດ​ລ້ອມ​ໃນ​ໂຮງຮຽນ,​ປະຕິບັດ​ໂຄງການ​ລັກ​ສູດ​ວຽກ​ການ​ສອບ​ເສັງ ມ4-ມ7 ກໍ່ຕ້ອງ​ໄດ້​ເກັບ​ກຳ​ສະຖິຕິ​ນັກ​ສອບ​ເສັງ, ປະຕິບັດ​ລະບຽບ​ການ​ສອບ​ເສັງ​ຂ​ອງຄະນະ​ກຳມະການ ​ແລະ ນັກຮຽນ​ໃຫ້​ເຂັ້ມ​ງວດ, ລະດົມ​ໃຫ້​ນັກຮຽນ​ທຸກ​ຄົນ​ໃຫ້ມີ​ຄວາມ​ກະຕືລື​ລົ້ນ​ໃນ​ການ​ສອບ​ເສັງ​ລວມ​ເຖິງ​ການ​ປຸກລະດົມ​ພໍ່​ແມ່​ປະຊາຊົນ​ໃຫ້​ຊຸກຍູ້​ເອົາ​ໃຈ​ໃສ່​ສົ່ງ​ເສີມ​ລູກ​ຫຼານ​ຂອງ​ຕົນ​ໃນ​ການ​ສຶກສາ​ຮ່ຳຮຽນ​ກໍ່ຄື​ການ​ສອບ​ເສັງ​ໃຫ້​ໄດ້​ຮ້ອຍ​ສ່ວນ​ຮ້ອຍ ​ເຊິ່ງໜາຍ​ເຖິງ​ຜົນງານ​ອັນ​ຍອດ​ຍິ່ງ​ຂອງ​ການ​ສຶກສາ​ທີ່​ເມືອງ​ຄົງ​ເຊ​ໂດນ​ກໍ່ຄື​ແຂວງ​ສາລະ​ວັນ​ຈະ​ໄດ້​ຮັບ​ຜົນສຳ​ເລັດ ​ແລະ ມີ​ປະສິດທິພາບ​ສູງ​ຂຶ້ນ​ເລື້ອຍໆ.

 

 

ຂ່າວໂດຍ: ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ