ແຈ້ງການສອບເສັງ ມຈ ສົກຮຽນ 2017-2018

 

241531
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
237
215
2136
237588
3943
6900
241531
Your IP: 54.198.243.51
2018-07-15 23:01

 ເມືອງສະໜ້ວຍ ແຂວງ ສາລະວັນ ປະກາດເປັນເມືອງຈົບການສຶກສາ

ຊັ້ນມັດທະຍົມຕອນຕົ້ນບໍາລຸງເປັນອັນທີ 7 ຂອງແຂວງ.

            ໃນຕອນເຊົ້າຂອງວັນທີ 26 ມິຖຸນານີ້ ເມືອງ ສະໜ້ວຍໄດ້ຈັດພິທີປະກາດເປັນເມືອງຈົບການສຶກສາຊັ້ນມັດທະຍົມຕອນຕົ້ນບໍາລຸງເປັນອັນທີ 7 ຂອງແຂວງ, ຢູ່ທີ່ສະໂມສອນຂອງເມືອງ  ໃຫ້ກຽດເຂົ້າຮ່ວມຂອງ ທ່ານ ຮອງສາດສະດາຈານ ປະລິນຍາເອກ  ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກິລາ,  ມີ ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງໆສາລະວັນ, ທ່ານ ຄຳຕາ ໂຮ່ຊົງເຮືອງ ເຈົ້າເມືອງສະໜ້ວຍ ມີບັນດາທ່ານ ຫົວໜ້າກົມການສຶກສານອກໂຮງຮຽນກະຊວງສຶກສາທິການ ແລະ ກິລາ, ທ່ານຫົວໜ້າພະແນກສຶກສາທິການ ແລະ ກິລາແຂວງ, ສະມາຊິກສະພາທ້ອງຖິ່ນ ບັນດາທ່ານກຳມະການພັກແຂວງ, ເຈົ້າເມືອງ, ຮອງເຈົ້າເມືອງ, ຫົວໜ້າພະແນກການອ້ອມຂ້າງ, ອົງການທຽບເທົ່າພາຍໃນແຂວງ, ບັນດາທ່ານຄະນະນຳຂັ້ນເມືອງ ພະນັກງານລັດຖະກອນ, ທະຫານ-ຕຳຫຼວດ ນັກຮຽນຮູ້ປັນຍາຊົນ ແລະ ພໍ່ແມ່ປະຊາຊົນອ້ອມຂ້າງເທດສະບານເມືອງເຂົ້າຮ່ວມຢ່າງພ້ອມພຽງ.

ທ່ານ ວິໄລສັກ ພົມພັກດີ ຮອງເຈົ້າເມືອງໆສະໜ້ວຍ  ໄດ້ຕີລາຄາຄືນການຈັດຕັ້ງປະຕິບັດ ການຮຽນ - ການສອນຊັ້ນມັດທະຍົມຕົ້ນບໍາລຸງ ເຊິ່ງໃນທົ່ວເມືອງສະໜ້ວຍ ມີ​ຄູ​ສອນ​ທັງ​ໜົດ 257 ຄົນ, ຍິງ 117 ຄົນ, ມີໂຮງຮຽນທັງໝົດ 91 ​ແຫ່ງ, ​ໂຮງຮຽນອະນຸບານ 9 ​ແຫ່ງ, ມີນັກຮຽນທັງໝົດ 411 ຄົນ, ຍີ 197 ຄົນ, ມີຫ້ອງກຽມປະຖົມ21​ແຫ່ງ, ມີນັກຮຽນ 391 ຄົນ, ຍີ 210 ຄົນ, ມີໂຮງຮຽນປະຖົມ 53 ​ແຫງ, ມີນັກຮຽນ 3.583 ຄົນ, ຍີ 1.738 ຄົນ, ​ໂຮງຮຽນມັດທົະຍົມຕົ້ນ 7 ​ແຫ່ງ, ມີນັກຮຽນ 1.598 ຄົນ, ຍີ 846 ຄົນ, ​ໂຮງຮຽນມັດທະຍົມປາຍ 1 ​ແຫ່ງ, ມີນັກຮຽນທັງໝົດ 227 ຄົນ, ຍີ 107 ຄົນ, ພາຍຫັລງທີ່ປະກາດເມືອງຈົບຊັ້ນປະຖົມບຳລຸງໃນປີ 2014 ​ແມ່ນໄດ້ສືບຕໍ່ບຳລຸງປະຖົມໃຫ້ປະຊາຊົນໃນເກນອາຍຸ 15 ​- 40 ປີ, ບາງບ້ານທີ່ບໍ່ທັນຈົບຍ້ອນຢູ່ຫ່າງໄກສອກຫລີກ, ​​ແລະໄດ້ສືບຕໍ່ຈັດຕັ້ງການຮຽນ​-ການສອນ ມັດທະຍົມຕົ້ນບຳລຸງໃຫ້ປະຊາຊົນໃນເກນອາຍຸ 15 - 35 ປີ, ​ໃຫ້ຜູ້ທີ່ບໍ່ທັນຈົບມັດທະຍົມຕອນຕົ້ນໂດຍໄດ້ສົມທົບກັບອຳນາດການປົກຄອງເມືອງ,ຄະນະກຸ່ມບ້ານ, ຄະນະພັດທະນາການສືກສາຂັ້ນບ້ານແລະ ຜູ້ອຳນວຍການໂຮງຮຽນ ​​ເພື່ອເກັບກຳຂໍ້ມູນແລະແຕ່ງຕັ້ງຄະນະຮັບຜິດຊອບ ເຊີ່ງມີທັງໝົດ 51 ບ້ານ, ມີນັກຮຽນທັງໝົດ 3.635 ຄົນ, ຍີ 1.655 ຄົນ, ​ໃນນີ້ໄດ້ຮຽນຈົບມັດທະຍົມຕອນຕົ້ນສາມັນ 2.508 ຄົນ, ຍີ 1.237 ຄົນ, ຜ່ານການຈັດຕັ້ງປະຕິບັດໃນສົກຮຽນ 2014 - 2015 ບັນລຸໄດ້ 3 ບ້ານ, ມີນັກຮຽນ 30 ຄົນ , ຍີ 7 ຄົນ, ສົກຮຽນ 2015 - 2016 ບັນລຸໄດ້ 10 ບ້ານ, ມີນັກຮຽນ 210 ຄົນ, ຍີ49 ຄົນ, ​ແລະ ສົກຮຽນ 2016 - 2017 ບັນລຸໄດ້ 850 ຄົນ, ຍີ 350 ຄົນ, ​ເຊີ່ງເທົ່າກັບ 96,71 ສ່ວນຮ້ອຍ, ສ່ວນທີ່ຍັງບໍ່ທັນຈົບມີ 37 ຄົນ, ຍິງ 11 ຄົນ ເທົ່າກັບ 3,28 ສ່ວນຮ້ອຍ, ​ໂດຍທາງອຳນາດການປົກຄອງຮ່ວມກັບພາກສ່ວນທີ່ກ່ຽວຂ້ອງຍັງຈະໄດ້ສືບຕໍ່ປະຕິບັດການຮຽນ ​- ການສອນໃນສົກຮຽນຕໍ່ໄປ​​ເພື່ອຮັດໃຫ້ວຽກງານການສຶກສາມີບາດກ້າວຂະຫຍາຍຕົວຢ່າງເຂັ້ມແຂງຂຶ້ນເລື້ອຍໆ.

ຈາກນັ້ນ ໃນພິທີກໍໄດ້ມີມອບໃບຍັ້ງຢືນການຈົບຊັ້ນມັດທະຍົມຕອນຕົ້ນບໍາລຸງໃຫ້ແກ່ເມືອງ ສະໜ້ວຍ ເປັນເມືອງອັນດັບທີ 7 ຂອງແຂວງ ໄດ້ມອບໃບຍ້ອງຍໍຂັ້ນກະຊວງສຶກສາທິການແລະກິລາ, ຂັ້ນແຂວງ, ຂັ້ນພະແນກ ແລະ ຂັ້ນເມືອງໃຫ້ກົມກອງບຸກຄົນທີ່ມີຜົນງານໃນການເຄື່ອນໄຫວການຮຽນ - ການສອນ ແລະ ຕອນທ້າຍຂອງພິທິກໍ່ໄດ້ມີການຕັດແຖບຜ້າແລະລັ່ນຄອງເປັນສັກຂີພິຍານໃນການປະກາດເປັນເມືອງຈົບມັດທະຍົມຕອນຕົ້ນບໍາລຸງຂອງແຂວງສາລະວັນຢ່າງເປັນທາງການ.

ຂ່າວ​ໂດຍ : ​ແຫຼັງ​ຄຳ​ ບຸດ​ນາ​ໂຄກ