ແຈ້ງການສອບເສັງ ມຈ ສົກຮຽນ 2017-2018

 

259621
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
136
302
1365
255866
5835
7569
259621
Your IP: 54.156.51.193
2018-09-20 14:31

     

 

ກອງ​ປະຊຸມ​ປະຈຳ​ພາກ​

ໃນ​ການວາງ​ແຜນ​ເພື່ອ​ສະໜັບສະໜູນ​ຄູ​ໃໝ່​ແຜນ​ງານ​ບີ​ຄວາ

          ​ໃນ​ຕອນ​ເຊົ້າ​ວັນ​ທີ 28 ມິຖຸນາ​ນີ້ ທີ່​ຫ້ອງ​ປະຊຸມ​ສູນ​ໄອ​ຊີ​ທີ ​ແຂວງ​ສາລະ​ວັນ ​ໄດ້​ຈັດ​ກອງ​ປະຊຸມ​ປະຈຳ​ພາກ​ໃນ​ການວາງ​ແຜນ​ເພື່ອ​ສະໜັບສະໜູນ​ຄູ​ໃໝ່​ ​ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ​ເກດ ພັນ​ລັກ ຮັກສາ​ການ​ຫົວໜ້າ​ກົມ​ສ້າງ​ຄູ ​ແລະ ກະຊວງ​ສຶກສາ​ທິການ ​ແລະ ກິລາ, ທ່ານ ສົມ​ຈິດ ​ເພັງ​ສຸວັນນະ​ວົງ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ​ແກຣີ ຊ່ຽວຊານ ​ແຜນ​ງານ​ບີ​ຄວາ ມີ​ບັນດາ​ທ່ານ​ຊ່ຽວຊານ​ແລະ​ຜູ້​ປະສານ​ງານ​ແຜນ​ງານ​ບີ​ຄວາ, ວິຊາ​ການ​ຈາກ​ພະ​ແນ​ກສຶກສາ​ທິການ ​ແລະ ກິລາ, ຫ້ອງການ​ສຶກສາ​ທິການ ​ແລະ ກິລາ​ເມືອງ, ຄູ​ນິດ​ເທດ ​ແລະ ໜ່ວຍ​ງານ​ພັດທະນາ​ຄູ​ໃນ 5 ​ເມືອງມີ ​ເມືອງ ສາລະ​ວັນ, ​ເລົ່າ​ງາມ, ຕຸ້ມ​ລານ, ຕະ​ໂອ້​ຍ ​ແລະ ສະ​ໜ້ວຍ​ເຂົ້າ​ຮ່ວມ.

            ​​ໃນ​ພິທີ ທ່ານ ສົມ​ຈິດ ​ເພັງ​ສຸວັນນະ​ວົງ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາກໍ່​ໄດ້​ໃຫ້​ກຽດ​ກ່າວ​ເປີດ​ພິທີ ​ແລະ ມີ​ຄຳ​ຄິດ​ຄຳ​ເຫັນ​ຕໍ່​ກອງ​ປະຊຸມ​ເຊິ່ງທ່ານ​ກໍ່​ໄດ້​ກ່າວ​ວ່າ: ​ກອງ​ປະຊຸມ​ປະຈຳ​ພາກ​ໃນ​ການວາງ​ແຜນ​ເພື່ອ​ສະ​ໜັບ​ສະ​ໜູນ​ຄູ​​ໃໝ່ ​ແມ່ນ​​ເປັນ​ການ​ແນະນຳ​ໃຫ້​ທຸກ​ພາກສ່ວນ​ໄດ້​ຮັບ​ຮູ້​ແຈ້ງ​ເຖິງ​ແນວ​ຄິດ​ຂອງ​ການ​ສະໜັບ​ສະ​ໜູນ ​ແລະ ຊ່ວຍ​ເຫຼືອ​ຄູ​ໃໝ່ ​ໂດຍ​ອີງ​ໃສ່​ຄູ່​ມື ທີ່​ທາງ​ແຜນ​ງານ​ບີ​ຄວາ​ໄດ້​ພັດທະນາ​ຂຶ້ນ, ກຳນົດ​ອອກ​ມາ​ຢ່າງ​ຈະ​ແຈ້ງ​ໃນ​ບັນດາ​ກິດຈະກຳ​ຕ່າງໆ​ທີ່​ແຜນ​ງານ​ບີ​ຄວາ​ຈະ​ໃຫ້ການ​ສະໜັບສະໜູນ​ພາຍ​ໃຕ້​ໜ້າ​ວຽກ​ຂອງ​ແຜນ​ວຽກ​ການ​ສະໜັບ​ສະ​ໜູນ ​ແລະ ຊ່ວຍ​ເຫຼືອ​ຄູ​ໃໝ່ ທີ່​ແຜນ​ງານ​ບີ​ຄວາ​ຈະ​ໃຫ້ການ​ສະ​ໜັບ​ສະ​ໜູນ, ​ໃຫ້​ບັນດາ​ວິຊາ​ການ​ຫ້ອງການ​ສຶກສາ​ທິການ​ເມືອງ, ພະ​ແນ​ກສຶກສາ​ແຂວງ ​ໄດ້​ກຳນົດ​ກິດຈະກຳ​ທີ່​ຈຳ​ເປັນ​ໃນ​ແຜນ​ວຽກ​ການ​ສະໜັບສະໜູນ​ ​ແລະ ຊ່ວຍ​ເຫຼືອ​ຄູ​ໃໝ່ ​ເພື່ອ​ກ້າວ​ໄປ​ເຖິງ​ການ​ກຳນົດ​ແຜນ​ວຽກ​ທັງ​ໜົດຂອງ​ສົກ​ຮຽນ​, ​ເພື່ອ​ໃຫ້​ມີ​ຄວາມ​ເຂົ້າ​ໃຈ​ຢ່າງ​ຈະ​ແຈ້ງ​ເຖິງ​ພາລະ​ບົດບາດ​ຕົນ​ເອງ​ໃນ​ການ​ລົງ​ຊຸກຍູ້​ຕິ​ດຕາມໜ້າວຽກ ​ແລະ​ງົບປະມານ​ທີ່​ໄດ້​ຮັບ​ອະນຸມັດ.

            ຈາກ​ນັ້ນ​, ນັກ​ສຳ​ມະ​ນາກ​ອນກໍ່​ໄດ້​ຮັບຟັງ​ເນື້ອ​ໃນ​ຂອງ​ແຜນ​ວຽກ​ການ​ປະຖົມ​ນິ​ເທດ​ຄູ ​ໂດຍ​ເນັ້ນ​ໜັກ​ວຽກ​ການ​ນຳພາ​ຄູ​ໃໝ່, ຮ່ວມ​ກັນ​ຖອດ​ຖອນ​ບົດ​ຮຽນ​ຂອງ​ການ​ລົງ​ຝຶກ​ຫັດ ​ໂດຍ​ອີງ​ໃສ່​ຜົນ​ຂອງ​ການ​ສຳ​ຫຼວດການ​ລົງ​ຝຶກ​ຫັດ​ຂອງ​ຄູ​ຊົນ​ເຜົ່າ ທຶນ​ຂອງ​ແຜນ​ງານ​ບີ​ຄວາ, ກິດຈະກຳ​ຕ່າງໆ​ທີ່​ຈະ​ບໍ່​ມີ​ຄວາມ​ເປັນ​ໄປ​ໄດ້ ທີ່​ຈະ​ໄດ້​ຮັບ​ການ​ສະ​ນັບ​ສະ​ໜູນ ​ເຊັ່ນ ຍານ​ພະ​ຫະນະ, ທັດສະນະ​ສຶກສາ, ຈາກ​ນັ້ນ​ກໍ່​ໄດ້​ນຳພາ​ເຮັດ​ວຽກ​ເປັນ​ກຸ່ມ ກ່ຽວ​ກັບ​ການ​ທົບ​ທວນ, ຄັດ​ເລືອກ ​ແລະ ວິ​ເຄາະ​ກິດຈະກຳ, ການຈັດ​ລຽງກິດຈະ​ກຳ​ເພື່ອ​ສະໜັບສະໜູນການ​ປະຖົມ​ນິ​ເທດ .

            ກອງ​ປະຊຸມ​ຄັ້ງ​ນີ້ ​ແມ່ນ​ດຳ​ເນີນ​ເປັນ​ເວລາ 2 ວັນ​ຈື່ງ​ສຳ​ເລັດ.

 

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂາວໂດຍ: ໂອເລ້ ສິງຂາວເພັດ