283503
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
190
157
550
280813
4507
8678
283503
Your IP: 107.21.169.9
2018-12-18 14:59

           

ສູນການສຶກສານອກໂຮງຮຽນໄດ້ຮັບເຄື່ອງຊ່ວຍເຫຼືອຈາກອົງການ VFI

ຈັກ​ຫຍິບ​ຈຳນວນ 3 ​ເຄື່ອງ ມູນ​ຄ່າ 4 ລ້ານ​ກວ່າ​ກີບ

ໃນ​ຕອນ​ບ່າຍ​ຂອງ​ວັນ​ທີ 29 ມິຖຸນາ​ຜ່ານ​ມາ​ນີ້ ທີ່​ສູນ​ການ​ສຶກສານ​ອກ​ໂຮງຮຽນ​ ​ແຂວງ ສາລະ​ວັນ ​ໄດ້​ຮັບ​ເຄື່ອງ​ຊ່ວຍ​ເຫຼືອ​ຈາ​ກອົງການ VFI ຈຳນວນ 3 ​ເຄື່ອງ ມີ​ມູນ​ຄ່າ​ທັງ​ໜົດ 4.800.000 ກີບ ( ສີ່​ລ້ານ​ແປ​ດ​ແສ​ນກີບ ) ​ເຊິ່ງມອບ​ໂດຍ ທ່ານ ນາງ ກອງ​ແສງ ປ່ຽງ​ປັນຍາ ຜູ້​ປະສານ​ງານ​ໂຄງການ, ອົງການ​ບ້ານ​ຈຸດ​ສຸມ​ສາກົນ VFI ພ້ອມ​ດ້ວຍ​ທິມງານ ​ແລະ ຮັບ​ໂດຍ ທ່ານ ສີ​ລິ​ສັກ ຖະໜອມ​ຮັກ​ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ມີ​ບັນດາ​ຄູ​ອາຈານ ​ແລະ ນ້ອງ​ນັກຮຽນ​ເຂົ້າ​ຮ່ວມ​ເປັນ​ສັກຂີ​ພິຍານ​.

            ໃນພິທີ ທ່ານສີລິສັກ ຖະໜອມຮັກ ຫົວໜ້າພະແນກສຶກສາທິການແລະ ກິລາແຂວງ ກໍ່ໄດ້ສະ​ແດງ​ຄວາມ​ຂອບ​ໃຈ​ຢ່າງ​ສູງ​ສົ່ງ ຕໍ່​ການ​ຊ່ວຍ​ເຫຼືອ​ຄັ້ງ​ນີ້ ​ພ້ອມ​ທັງໄດ້ເນັ້ນ​ໜັກ​ໃຫ້​ເອົາ​ໃຈ​ໃສ່​ຕໍ່ວຽກ​ງານ​ການ​ຮຽນ - ​ການ​ສອນຝຶກ​ອົບຮົມ​ວິຊາ​ຊີບ ​ໂດຍ​ສະ​ເພາະ​ແມ່ນ​ການ​ນຳ​ໃຊ້​ຈັກ​ຕັດຫຍິບ​ເຂົ້າ​ໃນ​ການ​ສິດສອນ​ນັກຮຽນ​ໃຫ້​ມີ​ຄວາມ​ເຂົ້າ​ໃຈ ​ແລະ ສາມາດ​ສ້າງ​ລາ​ຍ​ໄດ້​ໃຫ້​ແກ່​ຄອບຄົວ, ການ​ຕັດຫຍິບ​ຍັງ​ເປັນ​ການ​ຝຶກ​ຝົນ​ໃຫ້​ຄົນ​ເຮົາ​ມີ​ຄວາມ​ຕັ້ງ​ໃຈ ມີ​ຄວາມ​ອົດທົນ​ພະຍາຍາມ, ຜູ້​ທີ່​ຫຍິບ​ເປັນ ສາມາດ​ກຸ້ມ​ຕົນ​ເອງ ດ້ວຍ​ການ​ຕັດຫຍິບ​ເຄື່ອງນຸ່ງ​ໃຫ້​ແກ່​ຕົນ​ເອງ, ​ໃຫ້​ແກ່​ຄົນ​ໃກ້ຊິດ ກໍ່ຄື​ໃຫ້​ແກ່​ສະມາຊິກ​ພາຍ​ໃນ​ຄອບຄົວ ​ເຊິ່ງກໍ່ນັບ​ວ່າ​ເປັນ​ການ​ປະ​ຢັດ​ມັດທະຍັດ​ລາຍ​ຈ່າຍ​ໃນ​ສ່ວນ​ນີ້​​ໃຫ້​ແກ່​ຄອບຄົວ​ໄດ້​ຕື່ມ​ອີກ. ​ທີ່​ສຳຄັນ​ໄປ​ກວ່າ​ນັ້ນ​ກໍ່​ແມ່ນ​ການ​ເອົາ​ໃຈ​ໃສ່​ໃນ​ການ​ສິດສອນ ​ແລະ ສົ່ງ​ຄວາມ​ຮູ້​ໃຫ້​ແກ່​ນັກຮຽນ ​ໃຫ້​ເຂົາ​ເຈົ້າ​ຮຽນ​ຮູ້ ​ແລະ ປະຕິບັດ​ຕົວ​ຈິງ​ໄປ​ພ້ອມໆ​ກັນ ​ເພື່ອ​ໃ​ຫ້ມີ​ຄວາມ​ເຂົ້າ​ໃຈ ຈື່​ຈຳ ​ແລະ ນຳ​ໃຊ້​ໄດ້ ຈົ່ງ​ປະ​ຕິ​ບັດ​ການ​ຮຽນ-ການ​ສອນ​ຕິດ​ພັນ​ກັບ 5 ຫຼັກ​ມູນ​ຂອງ​ການ​ສຶກສາ​ຄື ປັນຍາ​ສຶກສາ, ຄຸນສົມບັດ​ສຶກສາ, ສິລະ​ປະ​ສຶກສາ, ພະລະສຶກສາ ​ແລະ ​ແຮງ​ງານ.

 

                                                 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ