283517
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
204
157
564
280813
4521
8678
283517
Your IP: 107.21.169.9
2018-12-18 15:03

      

 

ສກຂ ສາລະ​ວັນ ຕີ​ລາຄາ​ການຈັດ​ຕັ້ງ​ນຳພາ​ວຽກ​ຮອບດ້ານ​ເຄິ່ງສະ​ໄໜ

ຂອງ​ຄະນະ​ພັກ​ຮາກ​ຖານ

          ​ໃນ​ຕອນ​ເຊົ້າ​ວັນ​ທີ 3 ກໍລະກົດ​ນີ້ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ​ໄດ້​ຈັດ​ກອງ​ປະຊຸມ​ຕີ​ລາຄາ​ການຈັດ​ຕັ້ງ​ນຳພາ​ວຽກ​ຮອບດ້ານ​ເຄິ່ງສະ​ໄໜຂອງ​ຄະນະ​ພັກ​ຮາ​ກຖານ ພະ​ແນ​ກສຶກສາ​ທິການ ​ແລະ ກິລາ​ແຂວງ​ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ພູ​ທົງ ຄຳ​ມະນີ​ວົງ ຄະນະ​ປະຈຳ​ພັກ​ແຂວງ ຮອງ​ເຈົ້າ​ແຂວງໆ ສາລະ​ວັນ, ທ່ານ ສີ​ລິ​ສັກ ຖະໜອມ​ຮັກ ກຳມະການ​ພັກ​ແຂວງ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ, ມີສະມາ​ຊິກ​ພັກ​ພ້ອມ​ດ້ວຍ​ພະນັກງານ-ລັດຖະກອນ ​ແລະ ຕ່າງ​ໜ້າ​ກຸ່ມ​ວັດທະນະທຳ​ສັງຄົມ​ເຂົ້າ​ຮ່ວມ 72 ສະຫາຍ, ຍິງ 21 ສະຫາຍ​.

            ​ໃນ​ພິທີ ທ່ານ ສີ​ລິ​ສັກ ຖະໜອມ​ຮັກ ກຳມະການພັກ​ແຂວງ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ກໍ່​ໄດ້​ໃຫ້ກຽດກ່າວ​​ເປີດ​ກອງ​ປະຊຸມ​ເຄິ່ງສະ​​ໄໜຂອງ​ຄະນະ​ພັກ​ຮາກ​ຖານ​ເຊິ່ງສຸດ​ທີ່​ມີ​ຄວາມ​ໜາຍ​ຄວາມ​ສຳຄັນ​ຕໍ່​ການ​ປັບປຸງ ​ແລະ ກໍ່ສ້າງ​ພັກ​ໃນ​ໄລຍະ​ໃໝ່, ຢັ້ງຢືນ​ເຖິງ​ບົດບາດ​ການ​ນຳພາ​ຂອງພັກ​ຕໍ່​ອົງການ​ຈັດ​ຕັ້ງ​ມະຫາຊົນ​ຕ່າງໆ ກອງ​ປະຊຸມ​ໃຫຍ່​ຄັ້ງ​ນີ້​ພວກ​ເຮົາ​ຈະ​ໄດ້​ພ້ອມ​ກັນ​ຄົ້ນຄວ້າ​ບົດ​ລາຍ​ງານ​ການ​ເມືອງ​ໃນ​ການ​ຕີ​ລາຄາ​ການ​ນຳພາ​ຂອງ​ພັກ ​ແລະ ທິດ​ທາງ​ແຜນການ, ຄົ້ນຄວ້າ​ຕໍ່​ບົດ​ຕີ​ລາຄາ​ການ​ນຳພາ​ຂອງ​ຄະນະ​ພັກ​ຮາກ​ຖານ​ໃນ​ເຄິ່ງສະ​ໄໜຜ່ານ​ມາ, ບັນດາ​ສະຫາຍ​ສະມາຊິກ​ພັກ​ ​ແລະ ຜູ້​ແທນ​ກອງ​ປະຊຸມ​ຈົ່ງ​ພ້ອມ​ກັນ​ສຸມ​ທຸກ​ສະຕິ​ປັນຍາ ປະກອບ​ຄຳ​ຄິດ, ຄຳ​ເຫັນ​ໃສ່​ບົດ​ລາຍ​ງານການ​ຕີ​ລາຄາ​ການ​ນຳພາ​ຂອງ​ຄະນະ​ພັກ​ໃນ​ເຄິ່ງສະ​ໄໝ, ​ໃຫ້​ຄຳ​ຕຳ​ຕິ​ສົ່ງ​ຂ່າວ​ຊ່ວຍ​ເຫຼືອ​ບຸກຄົນ​ໃນ​ຄະນະ​ພັກ ​ແລະ ຮ່ວມ​ກັນ​ຕີ​ລາຄາ​ຈັດ​ປະ​ເພດ​ຂອງ​ບຸກຄົນ​ແລະ ຮາກ​ຖານ.

            ໃນໂອກາດດຽວກັນ ທ່ານ ຄຳເຟືອງ ອິນທິສອນ ຄະນະພັກຮາກຖານ ຫົວໜ້າໜ້າຂະແໜງກວດກາ-ປະເມີນຜົນ ກໍ່ໄດ້ໃຫ້ກຽດຂຶ້ນຜ່ານຮ່າງບົດສະຫຼຸບຕີລາຄາການນຳພາຮອບດ້ານເຄິ່ງສະໄໜຂອງຄະນະພັກຮາກຖານພະແນກສຶກສາທິການ ແລະ ກິລາ ປະຈຳປີ 2015 – 2017 ແລະ ທິດທາງແຜນການປະຈຳປີ 2018-2020 ເຊິ່ງເຫັນໄດ້ວ່າສະມາຊິກພັກແຕ່ລະສະຫາຍມີທັດສະນະຫຼັກໜັ້ນ, ເຊື່ອໜັ້ນຕໍ່ການນໍາພາຂອງພັກ, ປະຕິບັດກົດລະບຽບຂອງລັດ ມີຄວາມຈົງຮັກພັກດີຕໍ່ປະເທດຊາດ ສາມັກຄີພາຍໃນ ແລະ ພາຍນອກຢ່າງເປັນປຶກແຜ່ນແໜ້ນໜາ ໃນໄລຍະ 3 ປີຜ່ານມາຄະນະພັກໄດ້ຖືເອົາການຄົ້ນຄວ້າເຊື່ອມຊຶມມະຕິຄຳສັ່ງຕ່າງໆຂອງຄະນະພັກຂັ້ນເທິງນຳມາຜັນຂະຫຍາຍຢ່າງຕັ້ງໜ້າ ເປັນຕົ້ນໄດ້ເປີດບັ້ນດຳເນີນຊີວິດການເມືອງຕ້ອນຮັບກອງປະຊຸມໃຫຍ່ຂອງແຂວງ, ຈັດຕັ້ງຮ່ໍາຮຽນເຊື່ອມຊຶມມູນເຊື້ອຂອງພັກ, ມູນເຊື້ອຂອງຊາດ ແລະ ມູນເຊື້ອກອງທັບ, ຈັດຕັ້ງເຜີຍແຜ່ຜົນສໍາເລັດກອງປະຊຸມໃຫຍ່ຄັ້ງທີ X ຂອງ​ສູນ​ກາງ​ພັກ, ຄັ້ງ​ທີ VIII ຂອງ​ແຂວງ ​ແລະ ການ​ເລືອກ​ຕັ້ງ​ສະມາຊິກ​ສະພາ​ແຫ່ງ​ຊາດ​ຊຸດ​ທີ VIII, ​ເຜີຍແຜ່ກົດລະບຽບຂອງພັກປະຊາຊົນປະຕິວັດລາວ ສະໄໜທີ X ​ໃຫ້​ແກ່​ສະມາຊິກ​ພັກ​ໃນ​ຂົງ​ເຂດ​ຂະ​ແໜງ​ການ​ສຶກສາ, ຈັດ​ຕັ້ງ​ຮ່ຳຮຽນ​ການ​ເມືອງ​ປະຈຳ​ປີ​ໃຫ້​ພະນັກງານ​ສຶກສາ ​ແລະ ກິລາ ຄູ​ອາຈານ​ໃນ 8 ຕົວ​ເມືອງ , ຊຸກຍູ້​ການ​ສ້າງ​ຂະ​ບວນການ​ຂ່ຳນັບ​ຮັບ​ຕ້ອນ​ວັນ​ສຳຄັນ​ຕ່າງໆ​ຂອງ​ຊາດ ​ແລະ ​ເຂົາ​ຮ່ວມ​ການ​ຊຸມນຸມ​ມິດ​ຕິງ​ໃນ​ວັນ​ສຳຄັນ​ຕ່າງໆ​ຢ່າງ​ເປັນ​ຂະ​ບວນ, ດ້ານ​ວຽກ​ງານ​ປ້ອງ​ກັນຊາ​ດ - ປ້ອງ​ກັນ​ຄວາມ​ສະຫງົບ ​ແມ່ນ​ໄດ້​ຈັດ​ຕັ້ງ​ການ​ເວນຍາມ​ໃນ​ຫ້ອງການ​ຂອງ​ຕົນ​ຢ່າງ​ເຂັ້ມ​ງວດ ​ເພື່ອ​ຕ້ານ ​ແລະ ສະກັດ​ກັ້ນ​ປະກົດ​ການ​ຫຍໍ້​ທໍ້​ຕ່າງໆ, ຈັດ​ຝຶກ​ອົບຮົມ​ວຽກ​ງານ ປກຊ ​ແລະ ປກສ, ການ​ຮຽນ - ການ​ສອນ​ວິຊາ​ປ້ອງ​ກັນຊາ​ດ- ປ້ອງ​ກັນ​ຄວາມ​ສະຫງົບ ​ໃຫ້​ຄູ​ພາລະ​ໃນ 8 ​ເມືອງ, ດ້ານ​ວຽກ​ງານ​ວິຊາ​ການ ​ແທ່ນ​ໄດ້​ເອົາ​ໃຈ​ໃສ່​ພັດທະນາ​ການ​ສຶກສາ ​ແລະ ກິລາ ​ໃຫ້​ໄດ້​ທັງ​ປະລິມານ ​ແລະ ຄຸນະພາບ ຂະຫຍາຍ​ຕ່າງ​ນ່າງ​ການ​ສຶກສາ​ອອກ​ໄປ​ຢ່າງ​ກວ້າງຂວາງ ​ແລະ ທົ່ງ​ເຖິງ, ​ເຂດ​ຫ່າງ​ໄກ​ສອກຫຼີກ​ນັບ​ແຕ່​ອະນຸບານ​ຈົນຮອດ​ມັດທະຍົມ​ປາຍ.

            ສຳລັບ​ທິດ​ທາງ​ແຜນການ​ຂອງ​ຮາກ​ຖານ​ພະ​ແນ​ກສຶກສາ​ທິການ ​ແລະ ກິລາ​ໃນ 3 ປີ 2018-2020 ​ເພີ່ມ​ທະວີ​ບົດບາດ​ການ​ນຳພາ​ຂອງ​ຄະນະ​ພັກ, ໜ່ວຍ​ພັກ​ໃຫ້​ມີ​ຄວາມ​ປອດ​ໃສ​ເຂັ້ມ​ແຂງ​ໜັກ​ແໜ້ນ​ທາງ​ດ້ານການ​ເມືອງ ​ແລະ ການຈັດ​ຕັ້ງ​ມີ​ແບບ​ແຜນການ​ເຮັດ​ວຽກ​ຮັດກຸມ, ຍົກ​ສູງ​ພາລະ​ບົດບາດ ​ແລະ ຄຸນະພາບ​ຂອງ​ອົງການ​ຈັດ​ຕັ້ງ ​ແລະ ໜ່ວຍ​ພັກ​ໃນ​ການ​ນຳພາ ອຳນາດ​ການ​ປົກຄອງ​ຢູ່​ຂັ້ນ​ຮາກ​ຖານ​ລົງ​ຮອດ​ທ້ອງ​ຖິ່ນ, ​ເພື່ອ​ຊຸກຍູ້​ອົງການ​ຈັດ​ຕັ້ງ​ມະຫາຊົນ​ໃຫ້​ໄດ້​ເຄື່ອນ​ໄຫວ​ຕາມ​ພາລະ​ບົດ​ບາດ, ກໍ່ສ້າງ​ຖັນ​ແຖວ​ພະນັກງານ​ສະມາ​ຊິກ​ພັກ​ໃຫ້​ມີ​ຄວາມ​ໜັກ​ແໜ້ນ, ມີ​ສະຕິ​ຕໍ່​ການຈັດ​ຕັ້ງ, ມີ​ລະບຽບ​ວິ​ໄນ ​ແລະ ​ເປັນ​ແບບຢ່າງ​ນຳ​ໜ້າ​ມະຫາຊົນ, ​ເອົາ​ການ​ຕຳ​ນິກໍ່ສ້າງ​ເປັນ​ບັດ​ທັດ​ຖານ​ໃນ​ການ​ຄຸ້ມ​ຄອງ​ບໍລິຫານ​ການ​ສຶກສາ​ໃນ​ໄລຍະ​ໃໝ່ ​ເອົາ​ໃຈ​ໃສ່ຊີ້​ນຳ-ນຳພາ ທາງ​ດ້ານ​ການ​ເມືອງ​ - ແນວ​ຄິດ, ວຽກ​ງານ​ປ້ອງ​ກັນຊາ​ດ - ປ້ອງ​ກັນ​ຄວາມ​ສະຫງົບ, ວຽກງານ​ວິຊາ​ສະ​ເພາະ, ວຽກ​ອົງການ​ຈັດ​ຕັ້ງ​ມະຫາຊົນ, ວຽກ​ງານ​ກໍ່ສ້າງ​ພັກ​ກໍ່ສ້າງ​ພະນັກງານ, ວຽກ​ງານ​ກໍ່ສ້າງ​ຮາກ​ຖານ​ການ​ເມືອງ - ຕິດ​ກັບ​ວຽກ​ງານ​ສາມ​ສ້າງ, ວຽກ​ງານ​ພົວພັນ​ນະ​ໂຍບາຍ​ພາຍ​ໃນ ​ແລະ ຕ່າງປະ​ເທດ

 

 

 

ຂ່າວໂດຍ: ແຫຼ່ງຄຳ ບຸດນາໂຄກ

ອັບຂ່າວໂດຍ: ໂອເລ້ ສິງຂາວເພັດ