343513
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
47
238
531
342128
1385
7808
343513
Your IP: 54.92.148.165
2019-07-16 04:08

 

 

ສກຂ ສາລະວັນ

ສະຫຼຸບຕີລາຄາສະພາບການສຶກສາ ແລະ ກິລາສົກປີ 2017-2018

ແລະ ແຜນພັດທະນາ ສົກປີ 2018-2019.

ໃນຕອນເຊົ້າວັນທີ 16 ກໍລະກົດນີ້ ທີ່ຫ້ອງປະຊຸມສະໂມສອນແຂວງສາລະວັນໄດ້ຈັດກອງປະຊຸມສະຫຼຸບຕີລາຄາສະພາບການສຶກສາ ແລະ ກິລາ ສົກປີ 2017 - 2018 ແລະ ແຜນພັດທະນາການສຶກສາ ແລະ ກິລາ ສົກປີ 2018 – 2019 ຂຶ້ນຢ່າງເປັນທາງການ ພາຍໄຕ້ການເປັນປະທານຂອງ ທ່ານ ສີລິສັກ ຖະໜອມຮັກ ກໍາມະການພັກແຂວງ ຫົວໜ້າພພະແນກສືກສາທິການ ແລະ ກິລາແຂວງ, ເປັນກຽດເຂົ້າຮ່ວມຂອງ ທ່ານ ຮອງສາດສະດາຈານ ປະຣິນຍາເອກ ສີສະໜອນ ສິດທິຣາດວົງສາ ຄະນະພັກກະຊວງ ຫົວໜ້າກົມພົວພັນຕ່າງປະເທດກະຊວງສືກສາ-ທິການ ແລະ ກິລາ, ມີທ່ານຮອງເຈົ້າເມືອງ, ພະແນກການອ້ອມຂ້າງແຂວງ, ຄະນະພະແນກ, ຫົວໜ້າຫ້ອງການສືກສາທິການ ແລະ ກິລາເມືອງ, ຜູ້ອໍານວຍການໂຮງຮຽນ-ສູນ,ພ້ອມດ້ວຍພະນັກງານວິຊາການຂອງພະແນກສຶກສາເຂົ້າຮ່ວມ.

            ໃນພິທີ ​​ທ່ານ ສຸນີ ນາມມະບົວລີ ຮອງຫົວໜ້າພະແນກສືກສາ-ທິການ ແລະ ກິລາແຂວງສາລະວັນ​ໄດ້ຕີລາຄາຄືນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ສົກປີ 2017 - 2018 ພ້ອມທັງຜ່ານແຜນພັດທະນາການສຶກສາ ແລະ ກິລາ ສົກປີ 2018 – 2019, ເຊິ່ງໃນ​ສົກ​ຮຽນ 2017-2018 ຜ່ານມາ ​ຄະ​ນະ​ນຳພະແນກ​ສຶກ​ສາ​ທິ​ການ ແລະ ກິ​ລາ​, ຜູ່​ບໍ​ລິ​ຫານ​ການ​ສຶກ​ສາ ແລະ ກິ​ລາ​ ແຕ່​ຂັ້ນ​ແຂວງຮອດ​ຂັ້ນ​ທ້ອງ​ຖິ່ນ ໄດ້​ເອົາ​ໃຈ​ໃສ່​ປະ​ຕິ​ບັດ​ຕາມ​ພາ​ລະບົດບາດ, ໜ້າ​ທີ່ຄວາມຮັບຜິດຊອບສູງ ໂດຍ​ສົມ​ທົບ​ກັບ​ອຳ​ນາດ​ການ​ປົກ​ຄອງ​ທຸກ​ຂັ້ນ ແລະ ຄູ່​ຮ່ວມ​ພັດ​ທະ​ນາ ໄດ້​ເອົາ​ໃຈ​ໃສ່​ລົງ​ທຶນ​ເຂົ້າ​ໃນ​ການ​ພັດ​ທະ​ນາ​ການ​ສຶກ​ສາແຕ່​ອະ​ນຸ​ບານ​ຈົນ​ຮອດ​ ມັດທະຍົມຕອນປາຍ ໂດຍ​ເນັ້ນ​ໃສ່​ການ​ຂະ​ຫຍາຍ​ຫ້ອງ​ຮຽນ​, ໂຮງ​ຮຽນ​, ສະ​ໜອງ​ອຸ​ປະ​ກອນ​ຮັບ​ໃຊ້​ການ​ຮຽນ​-​ການ​ສອນ​, ອົບ​ຮົມ ແລະ ຍົກ​ລະ​ດັບ​ຄູ​ລວມ​ທັງ​​ການ​ສ້າງ​ຄວາມ​ເຂັ້ມ​ແຂງ​ວຽກ​ງານ​ການ​ບໍ​ລິ​ຫານ ແລະ ຄຸ້ມ​ຄອງ​ການ​ສຶກ​ສາໃຫ້ແກ່ຜູ່ບໍລິຫານການສຶກສາ​ໃນ​ແຕ່​ລະ​ຂັ້ນ​ ປະຈຸບັນ ໂຮງຮຽນໄດ້ເພີ່ມຂື້ນຄື: ໂຮງຮຽນອະນຸບານ ຈຳນວນ 75 ແຫ່ງ,ເອກະຊົນ 3 ແຫ່ງ, ໂຮງຮຽນປະຖົມ 609 ແຫ່ງ, ໂຮງຮຽນມັດທະຍົມທັງ​ໝົດ 92 ​ແຫ່ງ, ​ໃນ​ນັ້ນ ມັດທະຍົມຕອນຕົ້ນ 54 ແຫ່ງ ແລະ ມັດທະຍົມ​ສົມບູນ 38 ແຫ່ງ, ເຮັດໃຫ້ອັດ​ຕາ​​ເຂົ້າ​ຮຽນ​ຂອງ​ເດັກ​ອາ​ຍຸ 5 ປີ ບັນລຸ 67,91%, ອັດ​ຕາ​ເຂົ້າ​ຮຽນ​ໃໝ່​ສຸດ​ທິ​ຊັ້ນ​ປະ​ຖົມ​ສຶກ​ສາ ໃຫ້​ບັນ​ລຸ​ໄດ້ 98,5%, ​ອັດ​ຕາ​ປະ​ລະ​ການ​ຮຽນ ຂອງ​ນັກ​ຮຽນ ປ.1 ຫຼຸດລົງຈາກ 9% ເປັນ 6,73%, ​ອັດ​ຕາ​ປະ​ລະ​ການ​ຮຽນ​ຂອງ​ນັກ​ຮຽນ​ຊັ້ນ​ປະ​ຖົມ​ສຶກ​ສາ ຫຼຸດລົງຈາກ 7,5% ເປັນ 6,97%, ​​ອັດ​ຕາ​ຄ້າງ​ຫ້ອງ ຂອງ​ນັກ​ຮຽນ ປ.1 ຫຼຸດລົງຈາກ 13,3%ເປັນ 12,59%, ອັດ​ຕາ​ຄ້າງ​ຫ້ອງ​ຂອງ​ນັກ​ຮຽນ​ຊັ້ນ​ປະ​ຖົມ​ສຶກ​ສາ ຫຼຸດລົງຈາກ 6% ເປັນ 5,83%, ອັດຕາ​ລອດ​ເຫຼືອ​ຮອດ ປ.5 ເພີ່ມຈາກ 68,9% ເປັນພຽງແຕ່ 70,87% (ຄາດໝາຍ 72,33%) ສ່ວນອັດ​ຕາ​ເຂົ້າ​ຮຽນ​ລວມ​ຊັ້ນ​ມັດ​ທະ​ຍົມ​ຕອນ​ຕົ້ນ ປະຕິບັດໄດ້ 67,10%, ອັດ​ຕາ​ເຂົ້າ​ຮຽນ​ລວມ ຊັ້ນມັດທະຍົມຕອນປາຍ ​ເພີ່ມຈາກ 35,2% ເປັນ 36,9%, ອັດຕາປະ​ລະ​ການ​ຮຽນ​ຂອງ​ນັກ​ຮຽນ​ຊັ້ນ​ມັດ​ທະ​ຍົມ​ຕອນ​ຕົ້ນ ແມ່ນ 14,4%, ​ອັດ​ຕາ​ປະ​ລະ​ການ​ຮຽນ​ຂອງ​ນັກ​ຮຽນ​ຊັ້ນ​ມັດ​ທະ​ຍົມ​ຕອນ​ປາຍ ແມ່ນ 8,24%, ສຳລັບສົກຮຽນ 2017-2018 ​​ແມ່ນ​ເນັ້ນ​ໃສ່​ວຽກ​ງານ​ຂະຫຍາຍ​ການ​ສຶກສາກ່ອນ​ໄວ​ຮຽນ​ໃຫ້​ກ້ວາງ​ຂວາງ​ໂດຍ​ສະ​ເພາະ​ແມ່ນການຂະຫຍາຍ​ຫ້ອງ​ກຽມ​ປະຖົມ, ​ເນັ້ນ​ໃສ່​ການ​ປັບປຸງ​ຄຸນ​ນະພາ​ບການ​ຮຽນ-​ການ​ສອນ​ໃນ​ຊັ້ນ​ປະຖົມ​ສຶກສາ ​ແລະ ມັ​ດທະ​ຍົມ​ສຶກສາ. ຄຽງຄູ່ກັນນັ້ນ, ​ເປົ້າໝາຍຂອງການຈັດຕັ້ງປະຕິບັດແຜນພັດທະນາ 5 ປີຄັ້ງນີ້ແມ່ນເພື່ອສືບຕໍ່ຈັດຕັ້ງປະຕິບັດເປົ້າໝາຍສະຫະສະວັດດ້ານການພັດທະນາໂດຍສະເພາະແມ່ນເປົ້າໝາຍທີ່ຍັງບໍ່ທັນບັນລຸຢ່າງ​​ເຕັມສ່ວນແລະເພື່ອຈັດຕັ້ງປະຕິບັດເປົ້າໝາຍການພັດທະນາແບບຢືນຍົງ ໃນການ​​ຈັດຕັ້ງ​ປະ​ຕິ​ບັດ​ແຜນການສຶກສາ​ປະ​ຈຳ​ປີ​ຂອງ​ຂະ​ແໜງ​ການ​ສຶກ​ສາ ແລະ ກິ​ລາໄດ້​ກຳ​ນົດ​ຕາມ 8 ຂະ​ແໜງ​ການ​ຍ່ອຍຄື​:1. ການ​ສຶກ​ສາ​ກ່ອນ​ໄວ​ຮຽນ​, 2. ປະ​ຖົມ​ສຶກ​ສາ​, 3. ມັດ​ທະ​ຍົມ​ສຶກ​ສາ​ຕອນ​ຕົ້ນ​, 4. ມັດ​ທະ​ຍົມ​ສຶກ​ສາ​ຕອນ​ປາຍ​, 5. ການ​ສຶກ​ສາ​ນອກ​ໂຮງ​ຮຽນ​, 6. ອາ​ຊີ​ວະ​ສຶກ​ສາ​, 7. ກິ​ລາ​-​ກາ​ຍະ​ກຳ ແລະ 8. ການ​ບໍ​ລິ​ຫານແລະ ຄຸ້ມ​ຄອງ​ການ​ສຶກ​ສາ​.

            ສຳລັບແຜນວຽກບູລິມະສິດສົກຮຽນ 2018 – 2019 ແມ່ນໃຫ້ເດັກທຸກຄົນໄດ້ມີໂອກາດໄກ້ກຽມພາສາລາວ, ຄະນິດສາດ ແລະ ມີຄວາມພ້ອມກ່ອນເຂົ້າຮ່ຽນໃນຊັ້ນປະຖົມສຶກສາ ເພື່ອຫຼຸດຜ່ອນການປະລະການຮຽນ ແລະ ຄ່້າງຫ້ອງໃນຊັ້ນປະຖົມສຶກສາ, ອັດຕາເຂົ້າຮຽນຂອງເດັກອາຍຸ 3-5 ປີ ປະຕິບັດໃຫ້ໄດ້ 48,02%, ອັດຕາເຂົ້າຮຽນຂອງເດັກອາຍຸ 5 ປີ ປະຕິບັດໄດ້ 70%, ອັດຕາເຂົ້າຮຽນສຸດທິຊັ້ນປະຖົມສຶກສາໃຫ້ປະຕິບັດໄດ້ 98,95%, ເພີ່ມອັດຕາເຂົ້າຮຽນລວມຊັ້ນມັດທະຍົມຕອນຕົ້ນ ໃຫ້ໄດ້ 70%,​ເພີ່ມອັດຕາການເລື່ອນຊັ້ນຂອງນັກຮຽນ ປ5 ຂຶ້ນ ມ1 ໃຫ້ໄດ້ 91,3%, ເພີ່ມອັດຕາເຂົ້າຮຽນລວມຊັ້ນມັດທະຍົມຕອນປາຍ ໃຫ້ໄດ້ 40%, ຫຼຸດຜ່ອນອັດຕາປະລະການຮຽນ ໃຫ້ຍັງເຫຼືອ 7%, ສ້າງໂອກາດໃຫ້ປະຊາຊົນກຸ່ມເປົ້າໜາຍ 6-14 ປີ ແລະ 15-40 ປີທີ່ບໍ່ທັນຈົບປະຖົມ ແລະ 15-30 ປີທີ່ບໍ່ທັນຈົບມັດທະຍົມຕອນຕົ້ນ ຍ້ອນພາດໂອກາດໄດ້ຮັບການສຶກສາເທົ່າທຽມກັນ ທົ່ວເຖິງ ແລະ ມີຄຸນນະພາບ ເພື່ອສໍາເລັດການສຶກສາພາກບັງຄັບ ສົ່ງເສີມການຮຽນຮູ້ຕະຫຼອດຊີວິດ, ເພີ່ມການເຂົ້າຮຽນ ແລະ ປັບປຸງການເຂົ້າເຖິງການຮຽນສາຍອາຊີວະສຶກສາໃຫ້ເທົ່າທຽມກັບສຳລັບ ຍິງ-ຊາຍ, ຊົນເຜົ່າ ແລະ ຜູ້ດ້ອຍໂອກາດຫ່າງໄກສອກຫຼີກ, ວຽກງານກິລາກາຍະກໍາແມ່ນສົ່ງເສີມໃຫ້ເດັກທຸກຄົນໄດ້ຫັນມາຫຼິ້ນກິລາເພື່ອຫ່າງໄກຈາກສິ່ງເສບຕິດ ໃຫ້ທຸກຄົນ ທຸກເພດທຸກໄວ ໄດ້ເຂົ້າຮ່ວມຂະບວນກິລາກາຍະກຳ ສ້າງຄົນໃຫ້ມີນ້ຳໃຈກິລາ, ມີຄວາມເສຍສະຫຼະ ມີລະບຽບວິໄນແລະ ມີນ້ຳໃຈກິລາ ພ້ອມທັງຝຶກໃຫ້ທຸກຄົນທີ່ມີພອນສະຫວັນທາງດ້ານກິລາປະເພດຕ່າງໆ ແລະ ກາຍເປັນກິລາອາຊີບ, ຂະຫຍາຍໂອກາດການຮຽນ-ການສອນວິຊາພະລະ, ສິລະປະ ເລີ່ມແຕ່ຊັ້ນອະນຸບານ, ປະຖົມ, ມັດທະຍົມໃນບ່ອນທີ່ມີເງື່ອນໄຂ, ໃຫ້ຊັ້ນມັດທະຍົມຕອນປານໄດ້ຮ່ຳຮຽນວິຊາປ້ອງກັນຊາດ-ປ້ອງກັນຄວາມສະຫງົບ, ສ້າງໂຮງຮຽນຕົວແບບປອດສິ່ງເສບຕິດໃນຊັ້ນມັດທະຍົນໃຫ້ຫຼາຍຂຶ້ນ.

            ຈາກ​ນັ້ນ​ ຜູ້​ແທນ​ທີ່​ເຂົ້າ​ຮ່ວມ​ກອງ​ປະຊຸມກໍ່​ໄດ້​ພ້ອມປຶກສາ​ຫາລື ​ແລະ ປະກອບ​ຄຳ​ຄິດ​ຄຳ​ເຫັນ​ເປັນ​ຕົ້ນ​ແມ່ນ ໂອກາດການເຂົ້າເຖິງການພັດທະນາເດັກກ່ອນໄວຮຽນຢູ່ເຂດຊົນນະບົດຫ່າງໄກສອກຫຼີກຍັງຈຳກັດ ແລະຫຼຸດໂຕນກັນກັບຕົວເມືອງ, ຄຸນນະພາບການຮຽນ - ການສອນຍັງເປັນບັນຫາທີ່ຕ້ອງທີ່ຕ້ອງໄດ້ເອົາໃຈໃສ່ໂດຍສະເພາະຢູ່ຊັ້ນມັດທະຍົມສຶກສາ, ປະສິດທິພາບພາຍໃນຍັງຈໍາເປັນຕ້ອງໄດ້ຮັບການປັບປຸງໂດຍສະເພາະແມ່ນຫຼຸດຜ່ອນການປະລະ ແລະ ຄ້າງຫ້ອງຂອງນັກຮຽນໃນຊັ້ນປະຖົມແລະ ມັດທະຍົມສຶກສາຕອນຕົ້ນ, ການສ້າງນັກກິລາອາຊີບ, ຄູຝຶກ ແລະ ກໍາມະການຕັດສິນຍັງບໍ່ເປັນລະບົບ ຫຼາຍເມືອງປະຕິບັດຕົວເລກຄາດໜາຍຍັງບໍ່ທັນໄດ້ເປັນຕົ້ນແມ່ນ ອັດຕາຄ້າງຫ້ອງ, ອັດຕາປະລະຍັງສູງ, ອັດຕາເລື່ອນຂັ້ນຍັງຕໍ່າ, ການປະລະການຮຽນໃນຊັ້ນມັດທະຍົມຕົ້ນຍັງສູງ ແລະ ອັດຕາເຂົ້າຮຽນລວມຍັງຕ່ຳ, ຕໍ່ກັບບັນຫາດັ່ງກ່າວບັນດາ​ຜູ້​ແທນ​ກອງ​ປະຊຸມ​ກໍ​ໄດ້​ພ້ອມ​ກັນ​ປະກອບ​ຄຳ​ຄິດ​ຄຳ​ເຫັນຊອກຫາ​ວິທີ​ການ​ແກ້​ໄຂ​ຮ່ວມ​ກັນ​ເພື່ອ​ເຮັດ​ໃຫ້​ວຽກງານ​ການ​ສຶກສາມີ​ຄຸນນະພາ​ບດີ​ຂຶ້ນ​ເທື່ອລະກ້າວ.

 ຂ່າວໂດຍ: ແຫຼງຄຳ ບຸດນາໂຄກ
ອັບໂຫຼດຂາວໂດຍ: ໂອເລ້ ສິງຂາວເພັດ