ແຈ້ງການສອບເສັງ ມຈ ສົກຮຽນ 2017-2018

 

266702
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
241
195
611
264627
3765
9151
266702
Your IP: 54.198.15.20
2018-10-16 04:02

ສກມ ຕຸ້ມລານ

ເປີດບັ້ນດຳເນີນຊີວິດການເມືອງປະຈຳປີ 2018

ໃນວັນ​ທີ 15 ສິງຫານີ້ ທີ່ສະໂມສອນຫ້ອງວ່າການປົກຄອງເມືອງ ໄດ້ເປີດກອງປະຊຸມດໍາເນີນຊີວິດການເມືອງປະຈໍາປີໃຫ້ແກ່ພະນັກງານຄູ-ອາຈານ ທົ່ວ​ເມືອງຕຸ້ມລານ ເຂົ້າຮ່ວມ​ເປັນ​ກຽດໃນພິທີຂອງ ທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ວັນເພັງ ອິນທະສອນ ຮອງເຈົ້າເມືອງໆຕຸ້ມລານ, ທ່ານ ບຸນລອດ ຄຸນຍອດປັັນຍາ ຮັກສາການ​ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ, ມີບັນດາຜູ້​ບໍລິຫານ​ການ​ສຶກສາ ຜູ້​ອຳນວຍ​ການ​ໂຮງຮຽນ ຄູອາຈານທົ່ວເມຶອງ ຈຳນວນ 206 ຄົນ ຍິງ 87 ຄົນ ເຂົ້າຮ່ວມຢ່າງພ້ອມພຽງ.

ການດຳເນີນຊີວິດການເມືອງປະຈຳປີ 2018 ນີ້ ​​​ແມ່ນ​ໄດ້​ນຳ​ເອົາເອກະສານຕ່າງໆ ທີ່ສໍາຄັນມາເຜີຍແຜ່ ແລະ ເຊື່ອມຊຶມໃຫ້ແກ່ພະນັກງານຄູ-ອາຈານ ທັງ​ນີ້​ກໍ່ເພື່ອເຮັດໃຫ້ຄູ​ອາຈານ​ທຸກ​ຄົນ​ໄດ້​ຮັບ​ຮູ້ ​ແລະ ເຂົ້າໃຈໄດ້ເຖິງບັນດາເນື້ອໃນຕ່າງໆຂອງເອກະສານຢ່າງເລິກເຊິ່ງ ໂດຍປະກອບມີ ​ເອກະສານ​ຄຳ​ສັ່ງ​ແນະນຳ​ເລື່ອງ​ການ​ປະ​ເມີນ​ຜົນ​ການ​ປະຕິບັດ​ໜ້າ​ທີ່​ວຽກ​ງານ​ຂອງ​ລັດຖະກອນ​ຄູ​ ເລກທີ 204/ສສກຈຕ,ລົງວັນທີ 7 ກຸມພາ 2017, ເອກະສານຕ້ານປະກົດການຫຍໍ້ທໍ້ ແລະ ສະກັດກັ້ນການສໍ້ລາດບັງຫຼວງ, ​ເອກະສານ​ມາດຕະຖານ​ຄຸນ​ນະພາ​ບການ​ສຶກສາ​ສຳລັບ​ຊັ້ນ​ມັດທະຍົມ, ປະຖົມ, ​ເອກະສານ 3 ຂໍ້​ແຂ່ງ​ຂັນ​ຂອງ​ຂະ​ແໜງ​ການ​ສຶກສາ - ກິລາ, ເອກະສານການເລື່ຶືອນຂັ້ນແບບຕໍ່ເນືຶ່ອງ ​ຊັ້ນ​ປະຖົມ ແລະ ມັດທະຍົມ. 

ພາຍຫຼັງທີ່ສຳເລັດການເຜີຍແຜ່ ແລະ ເຊື່ອມຊືມບັນດາເອກະສານຕ່າງໆແລ້ວ ແມ່ນຈະໄດ້ແບ່ງຈຸເພື່ອດຳເນີນການສຳຫຼວດກວດກາ ຕີິປະເພດຕົນເອງ - ກົມກອງ ພ້ອມ​ທັງ​ຈັດກໍລະນີຕ່າງໆ ແລະ ໃຫ້​ຄຳ​ຕຳ​ຕິ​ສົ່ງ​ຂ່າວ​ຊ່ວຍ​ເຫຼືອ​ເຊິ່ງກັນ ​ແລະ ກັນ ທີ່ສໍາຄັນແມ່ນເປັນ​ການ​ຖອດ​ຖອນ​​ແລກປ່ຽນບົດຮຽນ​ຮ່ວມ​ກັນ​ໃນ​ໄລຍະ 1 ປີຜ່ານມາຂອງ​ການຈັດ​ຕັ້ງ​ປະຕິບັດ​ວຽກ​ງານ​ການ​ຮຽນ - ການ​ສອນ ​ເພື່ອ​ນຳ​ໄປ​ຈັດ​ຕັ້ງ​ປະຕິບັດ​ໃຫ້​ເກີດ​ຜົນ​ປະ​ໂຫຍ​ດສູງ​ສຸດ​ແກ່​ວຽກ​ງານ​ການ​ສຶກສາໃນສົກຮຽນຕໍ່ໜ້່່າ.

ການດຳເນີນຊີວິດການເມືອງປະຈຳປີແມ່ນດຳເນີນເປັນເວລາ 3 ວັນຈຶ່ງສໍາເລັດ.

 

 

 

ຂ່າວໂດຍ: ແຫຼງຄຳ ບຸດນາໂຄກ

ອັບຂາວໂດຍ: ໂອເລ້ ສິງຂາວເພັດ