ແຈ້ງການສອບເສັງ ມຈ ສົກຮຽນ 2017-2018

 

266664
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
203
195
573
264627
3727
9151
266664
Your IP: 54.198.15.20
2018-10-16 03:33

ສກມ ຄົງເຊໂດນ

ເຜີຍແຜ່ເອກະສານທີ່ສຳຄັນໃຫ້ແກ່ຜູ້ບໍລິຫານການສຶກສາ

ໃນວັນ​ທີ 16 ສິງຫາ ທີ່ສະໂມສອນວັດທ່າຫຼວງ ເມືອງຄົງເຊໂດນ ໄດ້ເປີດກອງປະຊຸມດໍາເນີນຊີວິດການເມືອງປະຈໍາປີໃຫ້ແກ່ພະນັກງານຄູ-ອາຈານ ທົ່ວ​ເມືອງ ຄົງເຊໂດນ ເຂົ້າຮ່ວມ​ເປັນ​ກຽດໃນພິທີຂອງ ທ່ານ ສົມຈິດ ເພັງສຸວັນນະວົງ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ທອງຄຳ ແສງຈັນ ​ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ, ມີທ່ານຮອງປະທານກວດກາເມືອງ, ຄະນະກຸ່ມຄຳທອງ ພ້ອມດ້ວຍບັນດາຜູ້​ບໍລິຫານ​ການ​ສຶກສາ ຜູ້​ອຳນວຍ​ການ​ໂຮງຮຽນ ຄູອາຈານ ຈາກ ​ໂຮງຮຽນ 107 ​ແຫ່ງ ຈຳນວນ 205 ທ່ານ ຍິງ 111 ທ່ານ ເຂົ້າຮ່ວມຢ່າງພ້ອມພຽງ.

ການດຳເນີນຊີ້ວິດການເມືອງປະຈຳປີ 2018 ​​​ແມ່ນ​ໄດ້​ນຳ​ເອົາເອກະສານຕ່າງໆ ທີ່ສຳຄັນມາເຜີຍແຜ່ ແລະ ເຊື່ອມຊຶມໃຫ້ແກ່ພະນັກງານຄູ-ອາຈານ ​ເຊິ່ງ​ເມືອງ​ລະຄອນ​ເພັງ​ແມ່ນ​ໄດ້​ແບ່ງ​ອອກ​ເປັນ 2 ຈຸດ​ໃນ​ການ​ດຳ​ເນີນ​ຊີວິດ​ການ​ເມືອງ ຈຸດ​ທີ 1 ຢູ່​ທີ່​ໂຮງຮຽນ ມສ ຄົງເຊໂດນ ມີ 4 ໂຮງຮຽນເຂົ້າຮ່ວມຄື: ກຸ່ມຄົງເຊໂດນ, ນາປົ່ງ, ຕານປ່ຽວ ແລະ ນາເມກ , ຈຸດ​ທີ 2 ​ແມ່ນ​ຢູ່ທີ່ສະໂມສອນວັດທ່າຫຼວງມີ ກຸ່ມຄໍາທອງ, ກຸ່ມນາມ່ວງ, ກຸ່ມນາໂນງ, ກຸ່ມແກ້ງຫວດ ແລະ ກຸ່ມແກ້ງໂຄນ ​ໂຮງຮຽນ 107 ​ແຫ່ງ ມີ 205 ຄົນ ຍິງ 111 ຄົນ ທັງ​ນີ້​ກໍ່ເພື່ອເຮັດໃຫ້ຄູ​ອາຈານ​ທຸກ​ຄົນ​ໄດ້​ຮັບ​ຮູ້ ​ແລະ ກຳໄດ້ເຖິງບັນດາເນື້ອໃນຕ່າງໆຂອງເອກະສານຢ່າງເລິກເຊິ່ງ ໂດຍປະກອບມີ ​ເອກະສານ​ຄຳ​ສັ່ງ​ແນະນຳ​ເລື່ອງ​ການ​ປະ​ເມີນ​ຜົນ​ການ​ປະຕິບັດ​ໜ້າ​ທີ່​ວຽກ​ງານ​ຂອງ​ລັດຖະກອນ​ຄູ​ເລກທີ 204 ສສກ.ຈຕ ລົງ​ວັນ​ທີ 7 ກຸມພາ 2017, ​ເອກະສານ​ມາດຕະຖານ​ຄຸນ​ນະພາ​ບການ​ສຶກສາ​ສຳລັບ​ຊັ້ນ​ມັດທະຍົມ, ປະຖົມ, ​ເອກະສານ 3 ຂໍ້​ແຂ່ງ​ຂັນ​ຂອງ​ຂະ​ແໜງ​ການ​ສຶກສາ - ກິລາ, ການ​ເພີ່ມ​ທະວີ​ວຽກ​ຕິດຕາມ ກວດກາ, ສະກັດ​ກັ້ນ ​ແລະ​ຕ້ານ​ສໍ້​ລາດ​ບັງ​ຫຼວງ, ພາຍຫຼັງທີ່ສຳເລັດການເຜີຍແຜ່ ແລະ ເຊື່ອມຊືມບັນດາເອກະສານຕ່າງໆແລ້ວ ແຕ່ລະຄົນຈະໄດ້ຂຽນກິດສຳພັນ, ແບ່ງຈຸເພື່ອດຳເນີນການສຳຫຼວດກວດກາ ພ້ອມ​ທັງ​ໃຫ້​ຄຳ​ຕຳ​ຕິ​ສົ່ງ​ຂ່າວ ​ຊ່ວຍ​ເຫຼືອ​ເຊິ່ງກັນ ​ແລະ ກັນ. ທັງ​ນີ້​ກໍ່​ເພື່ອ​ເປັນ​ເຜີຍ​ແຜ່​ເອກະສານ​ທີ່​ສຳຄັນ​ຕ່າງໆ​ໃຫ້​ແກ່​ຄູ​ອາຈານ ພ້ອມ​ທັງ​ເປັນ​ການ​ຖອດ​ຖອນ​​ແລກປ່ຽນບົດຮຽນ​ຮ່ວມ​ກັນ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ການ​ຮຽນ - ການ​ສອນໄລຍະຜ່ານມາ ໂດຍສະເພາະແມ່ນການເຮັດໜ້າທີ່ໃນການສິດສອນ ກໍ່ຄືການສອນຄົບຕາມໂຄງການຫຼັກສູດ ແລະ ຕາມຊົ່ວໂມງທີ່ໄດ້ກຳນົດໄວ້, ຄູທຸກຄົນຕ້ອງໄດ້ປະຕິບັດໜ້າທີ່ຢ່າງເຂັ້ມແຂງເປັນຕົ້ນ ດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຈັນຍາບັນ, ດ້ານວິຊາຊີບ, ການພັດທະນາຕົນເອງ ແລະ ດ້ານການບໍລິຫານ ເປັນຕົ້ນແມ່ນທັດສະນະຫຼັກໜັ້ນ ມີສະຕິຕໍ່ການຈັດຕັ້ງ ແລະ ປະຕິບັດໜ້າທີ່ຕາມການມອບໜາຍ, ປະຕິບັດພັນທະໃນການເຄື່ອນໄຫວ, ມີນ້ຳໃຈຮັກາດ ແລະ ຮັກອາຊີບ ດຳລົງຊີວິດດ້ວຍຄວາມໂປ່ງໃສຂາວສະອາດ, ຮັກກຽດສັກສີຂອງຄູ ມີການວາງແຜນການສອນ ແລະການແຕ່ງບົດສອນ, ໃນນັ້ນກໍ່ຕ້ອງໄດ້ມີສື່ການຮຽນ - ການສອນໄປພ້ອມໆກັນ ທີ່ສຳຄັນແມ່ນວິທີການສິດສອນ ການສຶກສາອົບຮົມເພື່ອໃຫ້ນັກຮຽນໄດ້ຄວາມຮູ້ຢ່າງເຕັມເມັດເຕັມໜ່ວຍ, ຜູ້ບໍລິຫານການສຶກສາຕ້ອງປະຕິບັດຫຼັກການລວມສູນປະຊາທິປະໄຕ,​ຫຼັກການມີສ່ວນຮ່ວມ, ນຳພາເປັນໜູ່ຄະນະ ແລະ ບຸກຄົນໃຫ້ເຂັ້ມງວດ, ມີແຜນການ, ແຜນງານ ພ້ອມທັງຊຸກຍູ້ ແລະ ສະຫຼຸບລາຍການເປັນປະຈຳ, ສ້າງເງື່ອນໄຂອຳນວຍຄວາມສະດວກ ແລ ສ່ງຈູງໃຈໃນການປະຕິບັດໜ້າ ພາຍໃນໂຮງຮຽນກໍ່ຕ້ອງມີກນພັດທະນາຢ່າງຮອບດ້ານ ໂດຍສະເພາະການປະຕິບັດ 3 ຂໍ້ແຂ່ງຂັນຂອງຂະແໜງການສຶກສາໃຫ້ໄດ້ຮັບຜົນສຳເລັດສແດງອອກໃຫ້ເຫັນດ້ານຜົນງານການປະຕບັດ, ນອກນັ້ນແມ່ນການພົວພັນກັບຊຸມຊົນເປັນຕົ້ນແມ່ນຄະນະພັດທະນາການສຶກສາຂັ້ນບ້ານຕ້ອງໄດ້ມີການພົວພັນກັນສະເໜີເພື່ອສະດວກໃນການເຮັດໜ້າທີ່ຂອງຄູ ແລະ ຂອງອຳນາດການປົົກຄອງໃນການຊຸກຍູ້ສົ່ງເສີມລູກຫຼານເຂົ້າໂຮງຮຽນຕາມເກນອາຍຸ, ການຮຽນ - ການສອນຕ້ອງໄດ້ປະຕິບັດຕາມ 5 ຫຼັກມູນຂອງການສຶກສາ ເພື່ອໃຫ້ນັກຮຽນໄດ້ມີກິດຈະການຮຽນຫຼາຍຂຶ້ນ ທັງຮຽນ ແລະ ປະຕິບັດຕົວຈິງໄປພ້ອມໆກັນ ເພື່ອເຮັດໃຫ້ການຮຽນຂອງນັກຮຽນມີປະສິດິພາບສູງ ການສອນຂອງຄູກໍ່ຕອງໃຫ້ໄດ້ຄຸນນະພາບເຊັ່ນດຽວກັນ.

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ