283512
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
199
157
559
280813
4516
8678
283512
Your IP: 107.21.169.9
2018-12-18 15:02

 

  

ສກມ ສາລະ​ວັນ ​ເປີດ​ໄຂ​ສົກຮຽນ​ໃໝ່

ໃນ​ຕອນ​ເຊົ້າ​ວັນ​ທີ 3 ກັນຍາ 2018 ນີ້​ທີ່​ສະ​ໂມ​ສອນ​ຫ້ອງ​ວ່າການ​ປົກຄອງ​​ເມືອງ​ສາລະ​ວັນ​ ຫ້ອງການ​ສຶກສາ​ທິການ ​ແລະ ກິລາ​ເມືອງ ສາລະ​ວັນ ( ສກມ ) ໄດ້​ຈັດ​ພິທີ​​ເປີດ​ໄຂ​ສົກຮຽນ​​ໃໝ່​ທົ່ວ​ເມືອງ​ຂຶ້ນຢ່າງ​ເປັນ​ທາງ​ການ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ພູທົງ ຄຳມະນີວົງ ຮອງເຈົ້າແຂວງໆ ສາລະ​ວັນ, ​​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາ ແຂວງ ສາລະ​ວັນ, ທ່ານ ນາງ ນວນ​ໃສ ​ແກ້ວ​ເມກ ຮອງ​ເຈົ້າ​ເມືອງໆ ສາລະ​ວັນ, ບັນດາ​ພະ​ແນ​ກການ​ອ້ອມ​ຂ້າງ​ແຂວງ, ຫ້ອງການ​ອອ້ມຂ້າງ​ເມືອງ, ຜູ້ອຳນວຍການ​ໂຮງຮຽນ, ອຳນາດ​ການ​ປົກຄອງ, ​​ກຸ່ມ​ບ້ານ ​ແລະ ​ຄູ​ອານ​ຈານ​ພ້ອມ​ດ້ວຍ​ນ້ອງ​ນ້ອຍ​ນັກຮຽນ​ເຂົ້າ​ຮ່ວ​ມຢ່າງ​ພ້ອມພຽງ.

       ​​ໃນພິທີ ທ່ານ ໜູຄຳ ສີສະຫວັດ ຫົວໜ້າຫ້ອງການສຶກສາທິການ ແລະ ກິລາເມືອງ ສາລະວັນ ກໍ່ຜ່ານ​ບົດ​ລາຍງານຜົນສຳເລັດການຈັດຕັ້ງປະຕິບັດວຽກງານການສຶກສາໂດຍຫຍໍ້ ປະຈຳ​ສົກປີ 2017-2018 ​ແລະ ​ແຜນການ​ພັດທະນາ​ການ​ສຶກສາ​ປະຈຳ​ປີ 2018 – 2019 ເຊິ່ງມີຫຼາຍອັນທີ່ພົ້ນເດັ່ນໃນການຈັດຕັ້ງປະຕິບັດຜ່ານມາ ເປັນຕົ້ນແມ່ນ ການສຶກສາກ່ອນໄວຮຽນແມ່ນມີການຂະຫຍາຍຕົວໄວສົມຄວນ, ຈຳນວນໂຮງຮຽນ, ຫ້ອງຮຽນ ແລະ ຈຳນວນນັກຮຽນກໍ່ເພີ່ມຂຶ້ນຢ່າງຕໍ່ເນື່ອງ ອັດຕາເຂົ້າຮຽນລວມຂອງເດັກອາຍຸ 3-5 ປີ ບັນລຸ 40%, ອັດຕາເຂົ້າຮຽນລວມຂອງເດັກ 5 ປີ ບັນລຸ 60,5%,​ຍິງ 59,1%.  ການສຶກສາປະຖົມອັດຕາເຂົ້າຮຽນໃໝ່ສຸດທິ ປ1 ປະຕິບັດໄດ້ 99,9%, ອັດຕາເຂົ້າຮຽນສຸດທິຊັ້ນປະຖົມປະຕິບັດໄດ້ 99,76%, ອັດຕາເລື່ອນຂັ້ນ ແລະ ຈົບຊັ້ນປະຕິບັດໄດ້ 85,4%,  ວຽກງານ​ມັດທະຍົມ ອັດຕາເຂົ້າຮຽນລວມຊັ້ນມັດທະຍົມ 72.9%, ອັດຕາເລື່ອນຂັ້ນ - ຈົບຊັ້ນມັດທະຍົມຕອນຕົ້ນເທົ່າກັບ 86,9%, ອັດຕາປະລະປະຕິບັດໄດ້12,5%, ການ​ສຶກສາຊັ້ນມັດທະຍົມຕອນປາຍ ອັດຕາເຂົ້າຮຽນລວມຊັ້ນມັດທະຍົມຕອນປາຍປະຕິບັດໄດ້ 44,69%, ອັດຕາປະລະ ເທົ່າກັບ 4,5%,​ອັດຕາຄ້າຫ້ອງ ເທົ່າກັບ 0,5%, ວຽກການສຶກສານ​ອກ​ໂຮງຮຽນ ໄດ້ເກັບກໍາປະຊາກອນໃນເກນອາຍຸ 15-35 ປີ ຈຳນວນ 12 ບ້ານ ມີຈຳນວນກຸ່ມເປົ້າໜາຍທັງໜົດ 145 ຄົນ, ຍິງ 79 ຄົນ ແລະ ສືບຕໍ່ບຳລຸງຊັ້ນປະຖົມມີ 7 ບ້ານ ມີກຸ່ມເປົ້າໜາຍທັງໜົດ 62ຄົນ, ຍິງ 31​ຄົນ, ໄດ້ຝຶກອົບຮົມວິຊາຊີບຂັ້ນພື້ນຖານໃຫ້ແກ່ພໍ່ແມ່ປະຊາຊົນ, ຝຶກອົບຮົມຄູສອນຫ້ອງຄວບຈຳນວນ 211 ຄົນ, ຍິງ 106 ຄົນ, ວຽກ​ງານ​ພະລະ ​ແລະ ສິລະ​ປະ, ໄດ້ສົ່ງເສີມໃຫ້ນັກຮຽນທຸກຄົນໄດ້ຫຼິ້ນກິລາ -ສີິລະປະ ເພື່ອໃຫ້ມີສຸຂະພາບທີ່ດີ ແລະ ຜູ້ທີ່ມີພອນສະຫວັນໄດ້ສະແດງອອກສູ່ສາຍຕາມວນຊົນ, ພ້ອມກັນນັ້ນກໍ່ໄດ້ເອົາໃສ່ໃຈການຮຽນ - ການສອນ ວິຊາພາລະສຶກສາໃຫ້ໂຮງຮຽນປະຖົມ, ມັດທະຍົມ, ທັງທິດສະດີ ແລະ ປະຕິບັດຕົວຈິງໄປພ້ອມໆກັນ, ໂດຍໃຫ້ໄດ້ຕາມ 5 ຫຼັກມູນຂອງການສຶກສາຢ່າງທົ່ວເຖິງ, ເມືອງສາລະວັນໄດ້ປະກາດໂຮງຮຽນປອດສິ່ງເສບຕິດມີ 21 ແຫ່ງ, ວຽກງານປ້ອງກັນຊາດ - ປ້ອງກັນຄວາມສະຫງົບ, ຫຼັກສູດທ້ອງຖິ່ນ ແລະ ວຽກງານກິລາ ນອກຈາກນັ້ນກໍ່ຍັງໄດ້ປັບປຸງຄຸນນະພາບ ແລະ ຄວາມສອດຄ່ອງເປັນຕົ້ນແມ່ນ ວຽກງານພັດທະນາຫຼັກສູດ, ການສະໜອງອຸປະກອນການຮຽນ - ການສອນ, ວຽກງານພັດທະນາຄູ, ວຽກງານບັນຈຸຊັບຊ້ອນ ແລະ ແກ້ໄຂບັນຫາຄູ, ວຽກງານສຶກສານິເທດ, ພ້ອມກັນນັ້ນ ແຜນງານບໍລິຫານ ແລະ ຄຸ້ມຄອງການສຶກສາກໍ່ໄດ້ຮັບການພັດທະນາທີ່​ດີ​ຂຶ້ນ.

       ສຳລັບ​ທິດ​ທາງ​ແຜນການ​ໃນ​ການ​ພັດທະນາ​ວຽກ​ງານ​ການ​ສຶກສາ​ສົກ​ປີ 2018-2019 ​ແມ່ນ​ຈະ​ສູ້​ຊົນ​ເຮັດ​ໃຫ້​ອັດຕາ​ເຂົ້າ​ຮຽນ​ລວມຂອງ​ເດັກ​ອາຍຸ 3-5 ປີ ​ໃຫ້​ໄດ້ 47,5%, ອັດຕາ​ເຂົ້າ​ຮຽນ​ລວມຂອງ​ເດັກ​ອາຍຸ 5 ປີ ​ໃຫ້​ໄດ້ 65,3%, ຂະຫຍາຍ​ໂຮງຮຽນອະນຸບານ 6 ​ແຫ່ງ​ຄື: ອະນຸບານ​ບຶງ​ຂາມ, ໜອງ​ບົວ, ​ແບ່ງ​ອຸດົມ, ​ເລີ​ນ​ໂທນ, ນາ​ແພງ​ໃຫຍ່, ດ່ານ​​ໃຫຍ່ ), ສ້າງ​ກຸ່ມ​ຫຼິ້ນ​ໃຫ້​ແກ່ 6 ບ້ານ​ເປົ້າ​ໜາຍ​ຄື: ບ້ານ​ຈານ​ໃຕ້, ຫ້ວຍ​ຫຼາດ, ໝາກ​ນາວ​ໃຫຍ່, ໜອງ​ເຜິ້ງ, ກະຊະ​ນ້ອຍ, ຈານ​ເໜືອ. ວຽກ​ປະຖົມ ຫຼຸດຜ່ອນ​ອັດຕາ​ປະລະ​ການ​ຮຽນ​ຂອງ​ນັກຮຽນ​ ປ 1 ​ໃຫ້​ໄດ້ 4,8%, ຫຼຸດຜ່ອນ​ອັດຕາ​ຄ້າງ​ຫ້ອງ​ຂອງ​ນັກຮຽນ​ ປ 1 ​ໃຫ້​ໄດ້ 10.5%, ຫຼຸດຜ່ອນ​ອັດຕາ​ປະລະການ​ຮຽນ​ຂອງ​ນັກຮຽນ​ຊັ້ນ​ປະຖົມຈາກ ​ໃຫ້​ໄດ້ 4.5%, ຫຼຸດຜ່ອນ​ອັດຕາ​ຄ້າງ​ຫ້ອງ​ຂອງ​ນັກຮຽນ​ປະຖົມ​ ​ໃຫ້​ໄດ້ 3.9%, ປຸກ​ສ້າງ ​ແລະ ສ້ອມ​ແປງ​ສະຖານ​ທີ່​ການ​ສຶກສາ​ໃຫ້​ໄດ້​ມາດຕະຖານ​ເພື່ອ​ໃຫ້​ມີ​ສະພາບ​ແວດ​ລ້ອມ​ທີ່​ເອື້ອ​ອຳນວຍ​ແກ່​ການ​ຮຽນ - ການ​ສອນ, ສ້າງ​ໂຮງຮຽນ​ຄຸນະພາບ​ໃຫ້​ໄດ້ 10 ​ແຫ່ງ, ວຽກ​ມັດທະຍົມ ​ເພີ່ມ​ອັດຕາ​ເຂົ້າ​ຮຽນ​ລວມຊັ້ນ​ມັດທະຍົມ​ຕົ້ນ​ໃຫ້​ໄດ້ 78,55%,​ ຫຼຸດ​ອັດຕາ​ປະລະ​ມັດ​ທະ​ຍົມ​​ໃຫ້​ໄດ້ 7.3%, ​ເພີ່ມ​ອັດຕ​າ​ເລື່ອນ​ຂັ້ນ ​ແລະ ຈົບ​ຊັ້ນ​ມັດທະຍົມ​ຕົ້ນ 92.5%,​ ​ເພີ່ມ​ອັດຕາ​ເຂົ້າ​ຮຽນ​ລວມຊັ້ນ​ມັດທະຍົມ​ຕອນ​ປາຍ​ໃຫ້​ໄດ້ 59.85%,​ ຫຼຸດຜ່ອນອັດຕາປະລະການຮຽນໃຫ້ໄດ້ 3.7%, ສ້າງຄວາມເຂັ້ມໃຫ້ຄູປະຈໍາການມີຄວາມສາມາດເຮັດການນິເທດພາຍໃນໂຮງຮຽນດ້ວຍຕົນເອງ ແລະ ມິຄຸນນະພາບ, ສັບຊ້ອນຄູສອນໃນໂຮງຮຽນມັດທະຍົມສຶກສາຕອນຕົ້ນໃຫ້ໄດ້ສອນຄົບທຸກວິຊາ, ຈັດການສອນບໍາລຸງເພີ່ມໃຫ້ນັກຮຽນທີ່ມີຜົນການຮຽນອ່ອນ, ຜູ້ບໍລິຫານໂຮງຮຽນ ແລະ ຄູສອນປະຈໍາການຕ້ອງປະສານສົມທົບກັບອໍານາດການປົກຄອງ, ຄອບຄົວ, ສັງຄົມ ເພື່ອຍາດແຍ່ງເອົາການຊ່ວຍເຫຼືອດ້ານບົດຮຽນ, ດ້ານທຶນຮອນໃສ່ວຽກງານການສຶກສາໃຫ້ຖືກຕ້ອງຊັດເຈນທັນການ ແລະ ວ່ອງໄວ, ເອົາໃຈໃສ່ສຶກສາອົບຮົມແນວຄິດ, ຍົກລະດັບຄວາມຮູ້, ຄວາມສາມາດຂອງຜູ້ບໍລິຫານການສຶກສາຄູອາຈານ ພ້ອມກັນນັ້ນກໍ່ຈັດຕັ້ງເຜີຍແຜ່ເນື້ອໃນທິດທາງແຜນການເພື່ອນຳໄປຜັນຂະຫຍາຍເປັນບ່ອນອີງ, ເປັນແຜນການ - ແຜນງານປະຈໍາເດືອນ, ພາກຮຽນ ແລະ ສົກຮຽນ ເພື່ອໃຫ້ໄດ້ຮັບຜົນສໍາເລັດຢ່າງຈົບງາມ.

 

ຂ່າວໂດຍ: ແຫຼງຄຳ ບຸດນາໂຄກ 

ອັັບຂ່າວໂດຍ: ໂອເລ້ ສິງຂາວເພັດ