ແຈ້ງການສອບເສັງ ມຈ ສົກຮຽນ 2017-2018

 

266711
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
250
195
620
264627
3774
9151
266711
Your IP: 54.198.15.20
2018-10-16 04:09

 

ໂຮງຮຽນສາມັນກິນນອນຊົນເຜົ່າ ແຂວງສາລະວັນ

ໄຂສົກຮຽນ ສົກຮຽນ 2018-2019

          ໂຮງຮຽນສາມັນກິນນອນຊົນເຜົ່າແຂວງສາລະວັນ ໄຂສົກຮຽໃໜ່ ສົກຮຽນ 2018-2019 ເຊິ່ງຈັດຂຶ້ນໃນຕອນເຊົ້າວັນທີ 11 ກັນຍາ 2018 ນີ້ ທີ່ສະໂມສອນໂຮງຮຽນ ໂດຍເປັນກຽດເຂົ້າຮ່ວມຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ມີທ່ານ ສັງທອງ ອາດວິໄລ ຮັກສາການຜູ້ອຳນວຍການໂຮງຮຽນສາມັນກິນນອນຊົນເຜົ່າແຂວງ ມີແຂກຖືກເຊີນ ຄູ-ອາຈານ ພ້ອມດ້ວຍນັກຮຽນພາຍໃນໂຮງຮຽນເຂົ້າຮ່ວມ.

            ໃນພິທີ ທ່ານ ສັງທອງ ອາດວິໄລ ໄດ້ສະຫຼຸບຕີລາຄາຄືນການຈັດຕັ້ງປະຕິບັດແຜນພັດທະນາການສຶກສາສົກຮຽນ 2017-2018 ເຊິ່ງມີຫຼາຍດ້ານທີ່ຕັ້ງໜ້າ ແລະ ປະສົບຜົນສຳເລັດ ເປັນຕົ້ນດ້ານການຮຽນ - ການສອນ ແມ່ນໄດ້ປະຕິບັດຕາມຫຼັກສູດຂອງໂຮງຮຽນສາມັນທົ່ວໄປ ແຕ່ມີນະໂຍບາຍພິເສດ, ມີລະບຽບຫຼັກການຄຸ້ມຄອງທີ່ນຳໃຊ້ສະເພາະໂຮງຮຽນຊົນເຜົ່າທົ່ວປະເທດ, ເອົາໃຈໃສ່ໃນການຕິດຕາມກວດກາກ່ຽວກັບການສ້າງແຜນການສອນ, ການແຕ່ງບົດສອນ ແລະ ສ້າງສື່ການສອນຂອງຄູຢ່າງເຂັ້ມງວດ, ນອກນັ້ນ ຍັງໄດ້ເອົາໃຈໃສ່ໃນການເຮັດນິເທດພາຍໃນເຊັ່ນ: ການເຂົ້າຮ່ວມໂມງສອນ, ຕິດຕາມການຂຶ້ນຫ້ອງສອນຂອງຄູໃນທຸກໆຊົ່ວໂມງສອນຂອງຄູແຕ່ລະຄົນ ໄດ້ມີການບັນທຶກ ແລະ ສະຫຼຸບລາຍງານປະຈຳເດືອນ ເພື່ອເປັນການແກ້ໄຂຈຸດອ່ອນ ແລະ ຂໍ້ຄົງຄ້າງ ດ້ວຍຮູບການສຶກສາອົບຮົມ ແລະ ກໍ່ສ້າງໃນຖັນແຖວພະນັກງານໃຫ້ປະຕິບັດຕາມພາລະບົດບາດ ແລະ ໜ້າທີ່ຢ່າງເຂັ້ມງວດ ເຊິ່ງສະແດງອອກໃນຜົນການລົງປະເມີນຂອງຄູນິເທດເມືອງ ແລະ ແຂວງ ເຫັນວ່າຄູອາຈານສ່ວນຫຼາຍແມ່ນມີແຜນການສອນ ໄດ້ແຕ່ງບົດສອນຄົບຖັວນ ແລະ ຂະບວນການຮຽນ - ການສອນ ຖ້າທຽບໃສ່ສົກຮຽນຜ່ານມາເຫັນວ່າດີຂຶ້ນຫຼາຍ ເຊິ່ງສະແດງອອກໃນຜົນການສອບເສັງຈົບຊັ້ນ ແລະ ເລື່ອນຂັ້ນຂອງນັກຮຽນແມ່ນເສັງໄດ້ຮ້ອຍສ່ວນຮ້ອຍ, ໂດຍສະເພາະສອບເສັງຈົບຊັ້ນ ມ7.

            ໂຮງຮຽນສາມັນກິນນອນຊົນເຜົ່າແຂວງ ມີນັກຮຽນທັງໜົດທີ່ມາຈາກ 8 ຕົວເມືອງ 400 ກວ່າຄົນ, ຍິງ 300 ກວ່າຄົນ, ນັບທັງນັກຮຽນພອນສະຫວັນທີ່ຮຽນຢູ່ໂຮງຮຽນມັດທະຍົມສົມບູນສາລະວັນ ໃນນັ້ນ 3 ເມືອງພູດອຍ ແມ່ນໄດ້ຮັບຕົວເລກຫຼາຍກວ່າຕົວເມືອງທົ່ງພຽງ, ມີນັກຮຽນໃນແຜນ 390 ກວ່າຄົນ ນອກແຜນ 33 ຄົນ, ຍິງ 14 ຄົນ, ມີ 7 ຂັ້ນຮຽນ ແຕ່ ມ1 ຮອດ ມ7 ປະກອບມີ 10 ເຜົ່າ ແລະມີອາຄານຮຽນ 10 ຫຼັງ ນອກນັ້ນ ພາຍໃນໂຮງຮຽນຍັງໄດ້ເຄື່ອນໄຫວນອກຫຼັກສູດເປັນຕົ້ນປູກຝັງລ້ຽງສັດປະເພດຕ່າງໆຕື່ມອີກ.   

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂ່າວເພັດ