283598
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
285
157
645
280813
4602
8678
283598
Your IP: 107.21.169.9
2018-12-18 15:54

ເມືອງ ຕະໂອ້ຍ ແຂວງສາລະວັນ

ປະກາດຈົບການສຶກສາຊັ້ນມັດທະຍົມຕອນຕົ້ນບຳລຸງ

ໃນຕອນເຊົ້າວັນທີ 20 ກັນຍານີ້ ທີ່ເມືອງ ຕະໂອ້ຍ ໄດ້ຈັດພິທີປະກາດເມືອງຕະໂອ້ຍຈົບການສຶກສາຊັ້ນມັດທະຍົມຕອນຕົ້ນບຳລຸງຢ່າງເປັນທາງການ ທີ່ສະໂມສອນຂອງເມືອງ ໂດຍເປັນກຽດເຂົ້າຮ່ວມຂອງທ່ານ ບຸນໂຮມ ໂກມສຸນີ ເລຂາພັກ ເຈົ້າເມືອງໆ ຕະໂອ້ຍ, ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງໆ ສາລະວັນ, ທ່ານ ຄຳພວງ ບຸນມີໄຊ ຄະນະປະຈຳພັກ ຫົວໜ້າຫ້ອງການ ຄະນະພັກກະຊວງສຶກສາທິການ ແລະ ກິລາ,​ ມີບັນດາທ່ານຮອງຫົວໜ້າກົມການສຶກສານອກໂຮງຮຽນກະຊວງສຶກສາທິການ ແລະ ກິລາ, ທ່ານຫົວໜ້າພະແນກສຶກສາທິການ ແລະ ກິລາແຂວງ, ສະມາຊິກສະພາທ້ອງຖິ່ນ, ບັນດາທ່ານກຳມະການພັກແຂວງ, ເຈົ້າເມືອງ, ຮອງເຈົ້າເມືອງ, ຫົວໜ້າພະແນກການອ້ອມຂ້າງແຂວງ, ອົງການທຽບເທົ່າພາຍໃນແຂວງ, ບັນດາທ່ານຄະນະນຳຂັ້ນເມືອງ, ພະນັກງານລັດຖະກອນ, ທະຫານຕຳຫຼວດ ນັກຮຽນຮູ້ປັນຍາຊົນ ພ້ອມດ້ວຍອຳນາດການປົກຄອງທ້ອງຖິ່ນພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.

ໃນພິທີ ທ່ານ ເພັດສະໜອນ ຫຼວງລາດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງຕະໂອ້ຍ ກໍ່ໄດ້ໃຫ້ກຽດຂຶ້ນຜ່ານບົດສະຫຼຸບ ແລະ ທິດທາງແຜນການໃນການຈັດຕັ້ງປະຕິບັດວຽກງານການສຶກສານອກໂຮງຮຽນ ເຊິ່ງທ່ານໄດ້ຍົກໃຫ້ເຫັນບາງຕອນທີ່ສຳຄັນວ່າ: ​ເມືອງຕະໂອ້ຍ ໄດ້ສຳເລັດການສຶກສາຈົບຊັ້ນປະຖົມບຳລຸງໃນປີ 2014 ແລະ ໄດ້ສືບຕໍ່ບຳລຸງປະຖົມໃຫ້ປະຊາຊົນໃນເກນອາຍຸ 15-40​ ປີ, ທີ່ຍັງບໍ່ທັນຈົບຊັ້ນປະຖົມຢູ່່ເຂດຫ່າງໄກຊອກຫຼີກ, ໂດຍໄດ້ແຕ່ງຕັ້ງຄູມັດທະຍົມເປັນຜູ້ສິດສອນ, ເພື່ອເກັບເລັມຄູໃຫ້ສໍາເລັດຕາມຄາດໝາຍ, ດ້ວຍການປະສານສົມທົບກັບອໍານາດການປົກຄອງຂັ້ນເມືອງ, ຄະນະກຸ່ມບ້ານ, ຄະນະກຸ່ມພັດທະນາການສຶກສາຂັ້ນບ້ານ ແລະອໍານວຍການໂຮງຮຽນ ມັດທະຍົມສຶກສາ, ໃນນັ້ນລວມທັງໝົດມີ 56 ບ້ານ, ໃນເກນອາຍຸ 15-35 ປີ ທີ່ຍັງບໍ່ທັນຈົບມັດທະຍົມຕອນຕົ້ນມີພຽງແຕ່ 769 ຄົນ, ຍິງ 234 ຄົນ, ໂດຍໄດ້ວາງແຜນຈັດການຮຽນ-ການສອນ ເລີ່ມແຕ່ ສົກປີ 2014-2015 ບັນລຸໄດ້ 5 ບ້ານ ມີນັກຮຽນ 41 ຄົນ, ຍິງ 12 ຄົນ, ສົກຮຽນ 2015-2016 ບັນລຸໄດ້ 10 ບ້ານ ມີນັກຮຽນ 85 ຄົນ ຍິງ 22 ຄົນ, ສົກຮຽນ 2016 – 2017 ບັນລຸໄດ້ 20 ບ້ານ ມີນັກຮຽນ 161 ຄົນ ຍິງ 52 ຄົນ, ສົກປີ 2017-2018 ບັນລຸໄດ້ 21 ບ້ານ ມີນັກຮຽນ 459 ຄົນ ຍິງ 52 ຄົນ, ລວມຜູ້ຈົບຊັ້ນມັດທະຍົມຕອນຕົ້ນບຳລຸງທັງໜົດມີ 746 ຄົນ ຍິງ 230 ຄົນ ເທົ່າກັບ 79%, ຍັງບໍ່ທັນຈົບຈຳນວນ 23 ຄົນ, ຍິງ 4 ຄົນ ເທົ່າກັບ 0,24%, ເຊິ່ງຈະໄດ້ສືບຕໍ່ການຮຽນ-ການສອນໃນຂັ້ນຕໍ່ໄປ.

ຈາກນັ້ນ ໃນພິທີກໍ່ໄດ້ມີການມອບໃບຢັ້ງຢືນການຈົບຊັ້ນມັດທະຍົມຕອນຕົ້ນບຳລຸງໃຫ້ແກ່ເມືອງຕະໂອ້ຍ ເປັນເມືອງທີ 8 ຂອງແຂວງ, ໄດ້ມອບໃບຍ້ອງຍໍຂັ້ນກະຊວງສຶກສາທິການ ແລະ ກິລາ,​ຂັ້ນແຂວງ, ຂັ້ນເມືອງໃຫ້ແກ່ກົມກອງ ບຸກຄົນ ທີ່ມີຜົນງານໃນການເຄື່ອນໄຫວວຽກງານການຮຽນ - ການສອນ ແລະ ໃນຕອນທ້າຍຂອງພິທີກໍ່ໄດ້ມີການຕັດແຖບຜ້າ ແລະ ລັ່ນຄ້ອງເພື່ອເປັນສັກຂີພິຍານໃນການປະກາດເປັນເມືອງຈົບມັດທະຍົມຕອນຕົ້ນຕົນບຳລຸງຂອງແຂວງຢ່າງເປັນທາງການ.

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂາວໂດຍ: ໂອເລ້ ສິງຂາວເພັດ