ແຈ້ງການສອບເສັງ ມຈ ສົກຮຽນ 2017-2018

 

266672
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
211
195
581
264627
3735
9151
266672
Your IP: 54.198.15.20
2018-10-16 03:35

ກົມ​ພະລະ ສິລະ​ປະສຶກສາ ສະຫຼຸບ​ການຈັດ​ຕັ້ງ​ປະຕິບັດ​ວຽກ​ງານ​ປະຈຳ​ປີ 2018

            ​​ໃນ​ຕອນ​ເຊົ້າ​ວັນ​ທີ 25 ກັນຍາ​ນີ້ ທີ່​ຫ້ອງ​ປະຊຸມ​ຫ້ອງ​ວ່າການ​ປົກຄອງ​ແຂວງ​ສາລະ​ວັນ ​ໄດ້​ຈັດ​ກອງ​ປະຊຸມ​ສະຫຼຸບ​ການຈັດ​ຕັ້ງ​ປະຕິບັດ​ວຽກ​ງານ​ພະລະ ​ແລະ ສິລະ​ປະສຶກສາ ປະຈຳ​ປີ 2018 ​ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ສຸກ ທິລະ​ສັກ ຫົວໜ້າ​ກົມ​ພະລະ ​ແລະ ສິລະ​ປະ​ສຶກສາ, ມີ​ທ່ານ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ບັນດາ​ທ່ານ​ຫົວໜ້າ, ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ, ທ່ານ​ຫົວໜ້າ​ຂະ​ແໜງ​ພະລະ​ - ສິລະ​ປະ​ສຶກສາ 18 ​ແຂວງ, ກົມ​ການ​ທະຫານ​ທ້ອງ​ຖິ່ນ, ກົມກໍ່ສ້າງ​ກຳລັງ​ປ້ອງ​ກັນ​ຄວາມ​ສະຫງົບ, ກົມ​ສ້າງ​ຄູ, ກົມ​ກິລາ​ມວນ​ຊົນ, ກົມ​ກິລາ​ລະດັບ​ສູງ, ກົ​ມຈັດ​ຕັ້ງ​ພະນັກງານ ​ແລະ ພາກ​ສວ່ນທີ່​ກ່ຽວຂ້ອງ​ເຂົ້າ​ຮ່ວມ​ຢ່າງ​ພ້ອມພຽງ.

            ​ໃນ​ພິທີ ທ່ານ ບຸນ​ສຸກ ທິລະ​ສັກ ຫົວໜ້າ​ກົມ​ພະລະ ​ແລະ ສິລະ​ປະ​ສຶກສາ ກໍ່​ໄດ້​ໃຫ້​ກຽດ​ຂຶ້ນ​ຜ່ານ​ຜົນສຳ​ເລັດ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ພະລະ - ສິລະ​ປະ​ສຶກສາ​ຮອບດ້ານ​ປະຈຳ​ປີ 2018 ​ແລະ ທິດ​ທາງ​ແຜນ​ການ​ວຽກ​ງານ​ຈຸດ​ສຸມ 2019 ​ເຊິ່ງມີ​ຜົນສຳ​ເລັດ​ໃນ​ຫຼາຍໆ​ດ້ານ​ເປັນ​ຕົ້ນ​ແມ່ນ​ດ້ານ​ວຽກ​ງານ​ການ​ສ້າງ​ຄູ​ພະລະສຶກສາ ​ແລະ ຄູ​ສິລະ​ປະ​ສຶກສາ​ເປັນ​ຕົ້ນ​ໄດ້​ຮັບ​ນັກຮຽນ​ເຂົ້າ​ຮຽນ​ທັງ​ໜົດ 314 ຄົນ ​ປະຕິບັດ​ໄດ້ 11,78%, ສຳ​ເລັດ​ການຈັດ​ຕັ້ງ​ປະຕິບັດ​ແຜນການ​ຮຽນ -ການ​ສອນ ຕາມ​ຫຼັກສູດ​ທີ່​ໄດ້​ກຳນົດ​ໄວ້ 100%, ​ໄດ້​ຝຶກ​ອົບຮົມ​ສ້າງ​ຄວາມ​ເຂັ້ມ​​ແຂງ​ດ້ານ​ພາລະ - ສິລະ​ປະ​ສຶກສາ​ ແລະ ທັກ​ສະ​ວິຊາ​ສະ​ເພາະ, ​ໄດ້​ປັບປຸງ​ຫຼັກສູດ​ປະລິນຍາ​ຕີ​ຕໍ່​ເນື່ອງ​ມາ​ເປັນ​ຫຼັກສູດ​ປະລິ​ຍາ​ຕີ​ປົກກະຕິ ​ແລະ ຫຼັກສູດ 12+2, ດ້ານ​ການຈັດ​ຕັ້ງ​ປະຕິບັດ​ຫຼັກສູດ​ການ​ຮຽນ - ການ​ສອນ ພະລະສຶກສາ ​ແລະ ສິລະ​ປະ​ສຶກສາ​ໃນ​ໂຮງຮຽນ​ສາມັນ​ສຶກສາສຳລັບ​ຊັ້ນ​ປະຖົມ ປ1 - ປ5 ​ແມ່ນ​ຈະ​ໄດ້​ຮຽນ 5 ພາກ ຄື: ລະບຽບຮູບ​ແຖວ, ຫັດກາຍ​ບໍລິຫານ, ຫັດກາຍ​ປະກອບ​ດົນຕີ, ​ແບບ​ຫຼິ້ນ, ​ແລ່ນ-ລານ, ກາຍຍະກຳ​ພື້ນຖານ ​ແລະ ກິລາ​ເລືອກຮຽນ, ຊັ້ນ​ມັດທະຍົມສຶກສາ ມ1 - ມ4 ​ແມ່ນຮຽນ 2 ຊົ່ວ​ໂມງຕໍ່​ອາທິດ, 66 ຊົ່ວ​ໂມງ​ຕໍ່​ສົກຮຽນ,ມັດທະຍົມ​ປາຍ ​ແມ່ນ​ 2 ຊົວ​ໂມງ​ຕໍ່​ອາທິດ, 68 ຊົ່ວ​ໂມງ​ຕໍ່ສົກຮຽນ ສ່ວນ​ເນື້ອ​ໃນ​ຫຼັກສູດ​ແມ່ນ​ແຕກ​ຕ່າງ​ກັນ, ດ້ານ​ສິລະ​ປະ​ສຶກສາກໍ່ຈະ​ໄດ້​ຮຽນ​ດ້ານ​ສິລະ​ປະກຳ ການ​ແຕ້​ມຮູບ​ລະ​ບາບ​ສີ, ການ​ປັ້ນ, ການ​ສ້າງສັນ​ຜົນງານ​ສິລະ​ປະ, ທິດ​ສະ​ດີ​ດົນຕີ, ການ​ຮ້ອງ​​ເພງ,​ເຄື່ອດົນຕີ​ພື້ນ​ເມືອງລາວ - ສາກົນ ​ແລະ ນາດຕະສິນ, ດ້ານ​ການຈັດ​ຕັ້ງ​ປະຕິບັດ​ແຜນການ​ສ້າງ​ໂຮງຮຽນ​ຕົວ​ແບບ​ດ້ານ​ພະລະສຶກສາ ​ແລະ ສິລະ​ປະ​ສຶກສາ ມີ​ໂຮງຮຽນ​ຕົວ​ແບບ 36 ​ແຫ່ງ, ​ໄດ້ຈັດ​ຕັ້ງ​ການ​ຮຽນ - ການ​ສອນ ວິຊາ​ສຶກສາ​ປ້ອງ​ກັນຊາ​ດ - ປ້ອງ​ກັນ​ຄວາມ​ສະຫງົບ, ສົ່ງ​ເສີມ​ທັກ​ສະ​ຊີວິດ​ໃນ​ການ​ປ້ອງ​ກັນ​ສິ່ງ​ເສບ​ຕິດ ​ແລະ ປະກົດ​ການ​ຫຍໍ້​ທໍ້​ໃນ​ໂຮງຮຽນ,ສົ່ງ​ເສີມ ​ແລະ ອະນຸ​ລັກພູມ​ປັນຍາ​ທ້ອງ​ຖິ່ນ, ສົ່ງ​ເສີມ​ຂະ​ບວນການ​ແຂ່ງຂັນ​ກິລາ ​ແລະ ສິລະ​ປະ​ນັກຮຽນ - ນັກ​ສຶກສາ​ທັງ​ພາຍ​ໃນ ​ແລະ ຕ່າງປະ​ເທດ, ພ້ອມ​ກັນ​ນັ້ນ​ແມ່ນ​ໄດ້​ມີ​ການ​ບໍລິຫານ​ຄຸ້ມ​ຄອງ​ວຽກ​ງານ​ພະລະ - ສິລະ​ປະ ​ແລະ ການ​ພົວພັນ​ຮ່ວມ​ມື​ເປັນ​ຕົ້ນ​ການ​ປັບປຸງ​ພະລະບົດບາດ, ໜ້າ​ທີ່,​​ໂຄງ​ປະກອບ​ກົງຈັກ​ການຈັດຕັ້ງ, ການ​ສ້າງ​ຄວາມ​ເຂັ້ມ​ແຂງ​ໃນ​ການ​ກວດກາ, ຕິດຕາມ, ປະ​ເມີນ​ຜົນ ​ແລະ ຈັດ​ລະບົບ​ຖານ​ຂໍ້​ມູນ.

 

            ສຳລັບ​ທິດ​ທາງ​ແຜນການ​ຈຸດ​ສຸມ​ໃນ​ຕໍ່ໜ້າ​ແມ່ນ​ເອົາ​ໃຈ​ໃສ່​ໃນ​ການກໍ່ສ້າງ, ປັບປຸງ ​ແລະ ຍົກ​ລະດັບ​ການ​ສ້າງ​ຄູ​ພະລະສຶກສາ ​ແລະ ສິລະ​ປະ​ສຶກສາ, ກໍ່ສ້າງ, ປັບປຸງ, ບູລະນະ​ພື້ນຖານ​ໂຄ່ງ​ລ່າງ ​ແລະ ສິ່ງ​ອຳນວຍ​ຄວາມ​ສະດວກ​ໃຫ້​ແກ່​ການ​ຮຽນ - ການ​ສອນ, ການ​ປະຕິບັດ​ຫຼັກສູດ​ການ​ຮຽນ - ການ​ສອນ​ວິຊາ​ພະລະສຶກສາ - ສິລະ​ປະ​ສຶກສາ​ໃນ​ທຸກ​ຊັ້ນ​ທຸກ​ສາຍ, ສະໜອງ​ອຸປະກອນ​ການ​ຮຽນ - ການ​ສອນ​ຈາມ​ຫຼັກສູດ​ທີ່​ໄດ້​ກຳນົດ​ໄວ້​ໃນ​​ແຕ່​ລະ​ຊັ້ນ​ຮຽນ, ປະຕິບັດ​ຫຼັກສູດ​ການ​ຮຽນ - ການ​ສອນສຶກສາ​ວິຊາ​ພື້ນຖານ​ປ້ອງ​ກັນ​ຕົວ, ສົ່ງ​ເສີມ​ທັກ​ສະ​ຊີວິດ​ໃນ​ການ​ປ້ອງ​ກັນ​ສິ່ງ​ເສບ​ຕິດ ​ແລະ ປະກົດ​ການ​ຫຍໍ້​ທໍ້​ໃນ​ໂຮງຮຽນ ​ແລະ ການ​ສົ່ງ​ເສີມ ອຸ​ນຸລັກ​ພູມ​ປັນຍາ​ທ້ອງ​ຖິ່ນ, ພ້ອມ​ທັງ​ສົ່ງ​ເສີມ​ຂະ​ບວນການ​ແຂ່ງຂັນ​ກິລາ ​ແລະ​ສິລະ​ປະນັກຮຽນ - ນັກ​ສຶກສາ​ທັງ​ພາຍ​ໃນ ​ແລະ ຕ່າງປະ​ເທດກໍ່ຄື​ການ​ບໍລິຫານ ຄຸ້ມ​ຄອງ​ວຽກ​ງານ​ພະລະ ​ແລະ ສິລະ​ປະ​ສຶກສາ ​ແລະ ການ​ພົວພັນ​ຮ່ວມ​ມື ທັງ​ນີ້​ກໍ່​ເພື່ອ​ເປັນ​ການ​ເຮັດ​ໃຫ້​ວຽກ​ງານ​ພະລະ - ສິລະ​ປະ​ສຶກສາມີ​ຄວາມ​ເຂັ້ມ​ແຂງ ​ແລະ ຂະຫຍາຍຕົວ​ໃນ​ທຸກໆ​ດ້ານ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ