ແຈ້ງການສອບເສັງ ມຈ ສົກຮຽນ 2017-2018

 

266662
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
201
195
571
264627
3725
9151
266662
Your IP: 54.198.15.20
2018-10-16 03:33

 

 

ສກຂ ສາລະວັນ ສະເຫຼີມສະຫຼອງວັນຄູແຫ່ງຊາດ ຄົບຮອບ 24 ປີ

       ພະແນກສຶກສາທິການ ແລະ ກິລາແຂວງ ສາລະວັນ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ (7 ຕຸລາ1994 – 7 ຕຸລາ 2018) ຄົບຮອບ 24 ປີ ໃນຕອນບ່າຍວັນທີ 9 ກັນຍາຜ່ານມາ ທີ່ສະໂມສອນວິທະຍາໄລຄູສາລະວັນ ໂດຍເປັນກຽດເຂົ້າຮ່ວມຂອງທ່ານ ບົວທອງ ຄຸນຍອດປັນຍາ ຮອງເຈົ້າແຂວງໆ ສາລະວັນ, ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ພະອາຈານ ສີປະເສີດ ໄຊຍະປັນຍາ ຫົວໜ້າຄະນະກຳມະທິການສຶກສາສົງແຂວງ, ພ້ອມດ້ວຍຫົວໜ້າຫ້ອງການສຶກສາທິການ ແລະ ກິລາເມືອງ 8 ເມືອງ, ຄະນະອຳນວຍການ, ພະນັກງານຄູອາຈານ, ສະມາຄົມພໍ່ແມ່ນັກຮຽນ, ພະນັກງານອາວຸດໂສບຳນານ ແລະ ນັກຮຽນນັກສຶກສາເຂົ້າຮ່ວມຢ່າງເປັນຂະບວນຟົດຟື້ນ.

       ໃນໂອກາດ ດຽວກັນ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງກໍ່ໄດ້ໃຫ້ກຽດຜ່ານປະຫວັດຄວາມເປັນມາວັນຄູແຫ່ງຊາດລາວເຊິ່ງກຳເນີດຈາກນາຍຄູຄຳໃນປີ 1907, ທີ່ເປັນຄູຜູ້ທໍາອິດໃນປະຫວັດສາດຂອງຊາດລາວ ທ້າວຄໍາກໍ່ໄດ້ເລີ່ມເປັນຄູສອນຢູ່ໂຮງຮຽນສ້າງຄູສົງ ຍ້ອນຈິດໃຈຮັກຊາດຂອງນາຍຄູຄຳຈຶ່ງເອົາໃຈໃສ່ສຶກສາໃຫ້ພະສົງທີ່ຈະເປັນຄູໃຫ້ມີຄວາມຮັກຊາດລາວ, ບໍ່ໃຫ້ຊາດລາວເສື່ອມເສຍ ມາເຖິງປີ 1920 ໄດ້ມີການຕໍ່ສູ້ຂອງປະຊາຊົນລາວນໍາໂດຍນາຍຄູຄຳໄດ້ລະເບີດຂຶ້ນຢູ່ວຽງຈັນ ການຕໍ່ສູ້ຂອງປະຊາຊົນລາວບັນດາເຜົ່າກໍ່ໄດ້ຮັບໄຊຊະນະ ແລະ ໄດ້ລຸກຮື້ຂຶ້ນຍຶດອຳນາດໃນວັນທີ 12 ຕຸລາ 1945 ນັບແຕ່ນັ້ນມາການສຶກສາມີລັກສະນະຊາດກໍ່ຄອ່ຍປະກົດຕົວເປັນຮູບເປັນຮ່າງຂຶ້ນມາ, ຊື່​ສຽງ​ຂອງ​ຄູ​ໄດ້​ຕິດ​ພັນ​ກັບ​ຂະ​ບວນວິວັດ​ແຫ່ງ​ການ​ພັດທະນາ​ປະ​ເທດ​ຊາດ, ມາ​ໃນ​ສູ່​ມື້​ນີ້ ປະ​ເທດ​ຊາດ​ຂອງ​ພວກ​ເຮົາ​ໄດ້​ມີ​ນັກວິຊາການ, ມີ​ນາຍ​ທະ​ທານ​ຕຳຫຼວດ, ມີ​ນັກ​ກາ​ວີ, ນັກ​ຂຽນ, ນັກ​ປະພັນ, ນັກ​ການ​ເມືອງ ​ແລະ ນັກທຸລະກິດ​ທີ່​ດີ​ເດັ່ນ​ຫຼາຍ​ພໍ​ສົມຄວນ ​ແລະ ສາມາດ​ຕອບ​ສະໜອງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ປະ​ເທດ​ຊາດ​ໃນ​ຂັ້ນ​ພື້ນຖານ ປະ​ເທດ​ຊາດ​ມີ​ກຳລັງ​ແຮງ​ເພື່ອ​ພັດທະນາ​ເທົ່າ​ໃດ​ ກໍ່ຍິ່ງ​ເຮັດ​ໃຫ້ສັງຄົມ​ມີ​ຄວາມ​ສຳນຶກ​ເຖິງ​ບຸນຄຸນ​ຂອງ​ຄູ​ຫຼາຍ​ຂຶ້ນ​ເທົ່າ​ນັ້ນ, ດັ່ງນັ້ນເພື່ອເຮັດໃຫ້ສຳນຶກເຖິງຄຸນງາມ ຄວາມດີຂອງຄູໃນສັງຄົມ ໄດ້ກາຍເປັນພຶດຕິກຳໃນຕົວຈິງ, ຈຶ່ງໄດ້ກຳນົດໃຫ້ມີວັນຄູແຫ່ງຊາດລາວ ແລະ ໄດ້ກຳນົດເອົາວັນເຂົ້າຮັບລາຊະການຂອງນາຍຄູຄຳ ເປັນຄູທີ່ມີສັນຊາດລາວຄົນທຳອິດໃນວັນທີ 7 ຕຸລາ ເປັນວັນຄູແຫ່ງຊາດ.

       ນອກຈາກ​ນີ້ ​ໃນ​ພິທີ​ຍັງ​ມີ​ການ​ຍ້ອງຍໍ​​ໃຫ້​ແກ່​​ຄູ​ອາຈານ​ຜູ້​ທີ່​ມີ​ຜົນງານ​ດີ​ເດັ່ນ​ໃນ​ການ​ປະກອບສ່ວນ​ເຂົ້າ​ໃນ​ວຽກ​ງານ​ການ​ສຶກສາ ​ແລະ ດີ​ເດັ່ນ​ໃນ​ການ​ປະຕິບັດ​ໜ້າ​ທີ່​ວຽກ​ງານ​ການ​ສຶກສາ​ປະຈຳ​ສົກຮຽນ 2017-2018 ຂັ້ນ​ແຂວງ ຈຳນວນ478 ຄົນ, ຍິງ 172 ຄົນ, ຂັ້ນ​ພະ​ແນ​ກສຶກສາ​ທິການ​ແລະ ກິລາຈຳນວນ ​507 ຄົນ ຍິງ 253 ຄົນ.

       ​ໃນ​ຕອນ​ທ້າ​ຍຂອງ​ພິທີກໍ່​ໄດ້​ຮັບ​ຟັງ​ການ​ໂອ້​ລົມ​ຂອງ​ທ່ານ ບົວທອງ ຄຸນ​ຍອດ​ປັນຍາ ຮອງ​ເຈົ້າ​ແຂວງໆ ສາລະ​ວັນ ​ເຊິ່ງທ່ານ​ກໍ່​ໄດ້​ຍ້ອງຍໍ​ສັນລະ​ເສີນ​ຄູ-ອາຈານ​ຜູ້​ທີ່​ໄດ້ອຸທິດ​ຕົນ​ໃຫ້​ແກ່​ການ​ອົບຮົມ​ສິດສອນ​ລູກ​ຫຼານ​ປະຊາຊົນ​ບັນດາ​ເຜົ່າ, ຜູ້​ທີ່​ອຸທິດ​ຕົນ​ໃຫ້​ແກ່​ການ​ປົດ​ປ່ອຍ​ຄົນ​ອອກ​ຈາກ​ຄວາມ​ໂງ່​ຈ້າ​ຫຼ້າ​ຫຼັງ ​ແລະ ພັດທະນາ​ຄົນ​ໃຫ້​ມີ​ຄວາມ​ຮູ້​ຄວາມ​ສາມາດ, ສະຫຼາດ​ຫຼັກ​ແຫຼມ, ມີ​ຄຸນສົມບັດ, ສິນ​ທຳ​ປະຕິວັດ ​ແລະ ມີ​ນ້ຳ​ໃຈ​ຮັບ​ໃຊ້​ປະຊາຊົນ​ກໍ່ຄື​ຄວາມ​ຢູ່​ດີ​ກິນ​ດີ​ຂອງ​ປະຊາຊົນ ​ແລະ ຄວາມ​ຮັ່ງມີ​ເຂັ້ມ​ແຂງ​ຂອງ​ປະ​ເທດ​ຊາດ ຈາກ​ນັ້ນ​ທ່ານ​ກໍ່​ໄດ້​ເນັ້ນ​ໜັກ​ໃຫ້​ບັນດາ​ຜູ້​ບໍລິຫານ​ການ​ສຶກສາ​ທົ່ວ​ແຂວງ​ຈົ່ງ​ພ້ອມ​ກັນ​ເອົາ​ໃຈ​ໃສາ​ບາງ​ບັນຫາ​ເປັນ​ຕົ້ນ​ແມ່ນ ຄູ-ອາຈານ​ຕ້ອງ​ເອົາ​ໃຈ​ໃສ່​ໃນ​ການ​ພັດທະນາ​ຕົນ​ເອງ​ໃຫ້​ເປັນ​ຜູ້​ທີ່​ມີ​ຫຼັກ​ໜັ້ນທາງ​ດ້ານ​ການ​ເມືອງ​ໜັກ​ແໜ້ນ, ມີ​ຄວາມ​ຈົ່ງ​ຮັກ​ພັກດີ​ຕໍ່​ແນວທາງ​ນະ​ໂຍບານ​ຂອງ​ພັກ-ລັດ, ​ເປັນ​ແບບຢ່າງ​ທີ່ດີ​ຕໍ່​ສັງຄົມ​, ປະກອບສ່ວນ​ເຂົ້າ​ໃນ​ການ​ພັດທະນາ​ຄຸນ​ນະພາ​ບຊີວິດ​ຂອງ​ປະຊາຊົນ​ບັນດາ​ເຜົ່າ​, ສົ່ງ​ເສີມ​ອະນຸລັກ​ວັດທະນະທຳ ​ແລະ ຮີດຄອງ​ປະ​ເພນີ​ອັນ​ດີ​ງານມຂອງ​ຊາດ, ມີ​ສະຕິ​ຕໍ່​ການຈັດ​ຕັ້ງ, ​ເອົາ​ການ​ສຶກສາ​ອົບຮົມ​ແນວ​ຄິດ​ຄຸນສົມບັດ​ໃຫ້​ນັກຮຽນ-ນັກ​ສຶກສາ, ​ເປັນ​ເຈົ້າ​ການ​ຮ່ວມ​ກັບ​ຜູ້​ບໍລິຫານ​ໂຮງຮຽນ, ຄະນະ​ພັກດ ອຳນາດ​ການ​ປົກຄອງ​ທ້ອງ​ຖິ່ນ ​ໂດຍ​ສະ​ເພາະ​ການຈັດ​ຕັ້ງປະຕິບັດ 3 ຂໍ້ແຂ່ງຂັນ​ຂອງ​ຂະ​ແໜງ​ການ​ສຶກສາ ​ແລະ 5 ຫຼັກ​ມູນ​ການ​ສຶກສາ​ຂອງ​ລາວ, ນັກຮຽນ-ນັກ​ສຶກສາ​ຕ້ອງ​ດຸ​ໜັ່ນຂະຫຍັນ​ພຽນ, ມີ​ຄວາມ​ມານະ​ອົດທົນ, ​ເ​ອົາ​ໃຈ​ໃສ່​ຕັ້ງໜ້າ​ຄົ້ນຄວ້າ​ຮ່ຳຮຽນ ສະ​ແຫວ​ງຊອກ​ຫາ​ຄວາມ​ຮູ້​ດ້ວຍ​ຕົນ​ເອງ ​ແລະ ​ເພື່ອ​ຕົນ​ເອງ, ສ້າງ​ສະຕິ ​ແລະ ຄວາມ​ນຶກ​ຄິດ​ໃນ​ການ​ຮຽນ​ຮູ້​ໃຫ້​ມີ​ອາຊີ​ບທີ່​ໜັ້ນຄົງ ນອກຈາກ​ນັ້ນ​ທ່ານ​ກໍ່​ໄດ້​ຮຽນ​ຮ້ອງ​ທົ່ວ​ສັງຄົມ​ໂດຍ​ສະ​ເພາະ​ແມ່ນ​ຄອບຄົວ, ຜູ້​ປົກຄອງ​ນັກຮຽນ, ຈົ່ງ​ຊ່ວຍ​ກັນ​ຕັກ​ເຕືອນບອກສອນ​ສຶກສາ​ອົບຮົມ​ລູກ​ຫຼານ ​ໃຫ້​ເຂົາ​ເຈົ້​າ​ເອົາ​ໃຈ​ໃສ່​ຝຶກ​ຝົນ​ຫຼໍ່​ລອມ​ຕົນ​ເອງ​ແລະ ຕັ້ງໜ້າ​ຄົ້ນ​ຄວ້າ​ຮ່ຳຮຽນ, ຮູ້​ຄຸນ​ຄ່າ​ຂອງ​ການ​ຮຽນ ​ແລະ ທຸກ​ພາກສ່ວນ​ຈົ່ງ​ສືບ​ຕໍ່​ໃຫ້ການ​ສະໜັບ​ສະ​ໜູນ​ຊ່ວຍ​ເຫຼືອ​ເບິ່ງ​ແຍງ​ຊີວິດ​ການ​ເປັນ​ຢູ່​ຂອງ​ຄູ​ອາຈານ ​ແລະ ພ້ອມກັນພັດທະນາການສຶກສາ ແລະ ກິລາໂດຍສະເພາະແມ່ນການປະຕິບັດແຜນພັດທະນາການສຶກສາໃຫ້ມີການຫັນປ່ຽນທີ່ມີຄຸນະພາບສູງຂຶ້ນຖືເອົາການສຶກສາ ແລະ ກິລາ ເປັນໜ້າທີ່ ແລະ ຄວາມຮັບຜິດຊອບຂອງໜົດທຸກຄົນ. 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດໂດຍ: ໂອເລ້ ສິງຂາວເພັດ