ການເຄື່ອນໄຫວຕ່າງໆ

ແຈ້ງການ

075113
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
225
260
2791
69189
12988
41370
75113
Your IP: 54.147.247.194
2017-01-22 16:20

 ສກຂ ສາລະ​ວັນ ຈັດ​ກອງ​ປະຊຸມ​ຜູ່​ບໍລິຫານ​ການ​ສຶກສາ ​ແລະ ກິລາ

            ​ໃນ​ຕອນ​ວັນ​ທີ 6 ມີ​ຖຸນາ ຜ່ານ​ມາ​ນີ້ ທີ່​ສະ​ໂມ​ສອນ​ຫ້ອງ​ວ່າການ​ປົກຄອງ​ເມືອງ ສາລະ​ວັນ​​ໄດ້​ຈັດ​ກອງ​ປະຊຸມ​ຜູ່​ບໍລິຫານ​ການ​ສຶກສາ​ ​ແລະ ກິລາ​ຂຶ້ນ​ຢ່າງ​ເປັນ​ທາງ​ການ​ໂດຍ​ເປັນກຽດ​ເຂົ້າ​ຮ່ວມ​ຂອງ​ທ່ານ ພູ​ທົງ ຄຳ​ມະ​ນີວົງ ຄະນະ​ປະຈຳ​ພັກ​ແຂວງ ຮອງ​ເຈົ້ງ​ແຂວງໆ ສາລະ​ວັນ, ທ່ານ ທອງ​ຜິວ ບຸດ​ສະ​ດີ ຜູ້​ຊ່ວຍ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ, ທ່ານ​ສີ​ລິ​ສັກ ຖະໜອມ​ຮັກ ກຳມະການ​ພັກ​ແຂວງ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ມີ​ທ່ານ​ກຳມະການ​ພັກ​ເມືອງ ຮອງ​ເຈົ້າ​ເມືອງ, ຮອງ​ພະ​ແນ​ກການ​ອ້ອມ​ຂ້າງ​ແຂວງ, ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ 8  ​ເມືອງ, ຜູ້ອຳນວຍການ​ໂຮງຮຽນ​ມສ , ​ໂຮງຮຽນວິຊາ​ຊີບ​ແບບ​ປະສົມ​ແຂວງ, ​ໂຮງຮຽນ​ສາມັນ​ກິນນອນ​ຊົນ​ເຜົ່າ​ແຂວງ, ສູນ​ການ​ສຶກສານ​ອກ​ໂຮງຮຽນ, ວິທະຍາ​ໄລ​ຄູ​ສາລະ​ວັນ, ​ໂຮງຮຽນ​ເຕັກນິກ​ວິຊາ​ຊີບ​ໄຊ​ປັນຍາ, ອົງການ​ອາຫານ​ເສີມ, ພັດທະນາ​ຊຸມ​ຊົນ​ບ້ານ​ເຮົາ, ຣູມທູຣີດ, ຫົວໜ້າ​ຂະ​ແໜງ​ຮອງ​ຂະ​ແໜງ ພ້ອມ​ດ້ວຍ​ພະນັກງານ​ຄູ​ອາຈານກໍ່​ໄດ້​ເຂົ້າ​ຮ່ວມ​ຢ່າງ​ພ້ອມພຽງ.

        ​ໃນ​ພິທີ​ທ່ານ​ວັດທະນາ ໜັ້ນວິ​ໄລ ຫົວໜ້າ​ຂະ​ແໜງບໍລິຫານ​ພະ​ແນ​ກສຶກສາ​ທິການ ​ແລະ ກິລາ​ແຂວງ ກໍ່​ໄດ້​ໃຫ້​ກຽດ​ຜ່ານ​ບົດ​ສະຫຼຸບຜົນ​ການຈັດ​ຕັ້ງ​ປະຕິບັດ​ແຜນ​ພັດທະນາ​ການ​ສຶກສາ ​ແລະ ກິລາ​ສົກຮຽນ 2015 – 2016 ​ແລະ ​ແຜນ​ພັດທະນາ​ການ​ສຶກສາ ​ແລະ ກິລາ​ສົກຮຽນ 2016 – 2017​ເຊິ່ງທ່ານ​ໄດ້​ກ່າວ​ບາງ​ຕອນ​ທີ່​ສຳຄັນ​ວ່າ: ຕາໜ່າງການ​ສຶກສາ​ຂອງ​ແຂວງ​ສາລະ​ວັນ​ແມ່ນ​ມີ​ການ​ຂະຫຍາຍຕົວ​ປົກ​ຄຸ້ມ​ບໍລິການ​ລົງ​ຮອກ​ເຂດ​ຊົນນະບົດ​ຫ່າງ​ໄກ​ສອກຫຼີກ, ທ່າ​ແຮງ​ທາງ​ດ້ານ​ການ​ສຶກສາ​ຂອງ​ແຂວງ​ປະກອບ​ມີ​ຫ້ອງການ​ສຶກສາ​ທິການ ​ແລະ ກິລາ​ເມືອງ 8 ​ເມືອ​ງ, ມີ​ໂຮງຮຽນ​ມັດທະຍົມ​ສົມບູນ 35 ​ແຫ່ງ, ມັດທະຍົມ​ຕອນ​ຕົ້ນ 51 ​ແຫ່ງ, ​ໂຮງຮຽນ​ປະຖົມ 609​ແຫ່ງ, ​ໂຮງຮຽນ​ອະນຸບານ 69 ​ແຫ່ງ, ​ໂຮງຮຽນ​ອະນຸບານ​ເອກະ​ຊົນ 1 ​ແຫ່ງ, ​ສູນ​ໄອ​ຊີ​ທີ 1 ​ແຫ່ງ, ສູນ​ການ​ສຶກສານ​ອກ​ໂຮງຮຽນ 1 ​ແຫ່ງ, ​ໂຮງຮຽນ​ວິຊາ​ຊີບ​ແບບ​ປະສົມ 1 ​ແຫ່ງ, ມີ​ບຸກຄະລາ​ກອນ​ສຶກສາ​ທົ່ວ​ແຂວງ​ຈຳນວນ 3.972 ຄົນ, ຍິງ 1.921 ຄົນ, ​ໃນ​ນັ້ນ ພະນັກງານ​ບໍລິຫານ 437 ຄົນ, ຍິງ 136 ຄົນ, ວິຊາ​ການ 3.535 ຄົນ, ຍິງ 1.785 ຄົນ. ຜົນສຳ​ເລັດ​ທາງ​ດ້ານ​ການ​ສຶກສາ​ໂດຍ​ສະ​ເພາະ​ການ​ສຶກສາກ່ອນ​ໄວ​ຮຽນ ອັດ​ຕາ​ເຂົ້າ​ຮຽນ​ຂອງ​ເດັກ 3-4 ປີ ບັນລຸ​ໄດ້ 22,1%, ອັດຕາ​ເຂົ້າ​ຮຽນ​ຂອງ​ເດັກ 3-5 ປີ ບັນລຸ​ໄດ້ 43,6%, ອັດ​ຕາ​ເຂົ້າ​ຮຽນ​ຂອງ​ເດັກ 5 ປີ ບັນລຸ​ໄດ້ 57,5%, ຊັ້ນ​ປະຖົມ​ສຶກສາ​ອັດຕາ​ເຂົ້າ​ຮຽນ​ໃໝ່​ສຸດທິ​ປ1 ບັນລຸ 97,1%, ອັດຕາ​ເຂົ້າ​ຮຽນ​ສຸດທິ​ຊັ້ນ​ປະຖົມ​ບັນລຸ​ໄດ້ 98,7%, ອັດຕາ​ເລື່ອນ​ຂັ້ນ ​ແລະ ຈົບ​ຊັ້ນ ບັນລຸ 84%. ການ​ສຶກສາ​ຊັ້ນ​ມັດທະຍົມ​ຕອນ​ຕົ້ນ ອັດຕາ​ເຂົ້າ​ຮຽນ​ລວມ 63,5%, ທຽບ​ໃສ່​ປີຜ່ານມາ​ເພີ່ມ​ຂຶ້ນ 7,7%, ທຽບ​ໃສ່​ແຜນການ​ເພີ່ມ​ຂຶ້ນ 2,1%, ອັດຕາ​ເລື່ອນ​ຂັ້ນ ​ແລະ ຈົບ​ຊັ້ນ 86,9% ​, ການ​ສຶກສາ​ຊັ້ນ​ມັດທະຍົມ​ຕອນ​ປາຍ ອັດຕາ​ເຂົ້າ​ຮຽນ​ລວມ 33,1%, ອັດຕາ​​ເລື່ອນ​ຂັ້ນ - ຈົບ​ຊັ້ນ 91%, ວຽກ​ງານ​ການ​ສື​ກສານ​ອກ​ໂຮງ​ຮຽນ ​ໄດ້​ປະກາດ​ເມືອງ​ຈົບ​ການ​ສຶກສາ​ຊັ້ນ​ມັດທະຍົມ​ຕອນ​ຕົ້ນ 3 ​ເມືອງ​ຄື: ​ເມືອງ​ວາປີ, ​ເມືອງ​ຄົງ​ເຊ​ໂດນ​ແລະ ​ເມືອງ ລະຄອນ​ເພັງ ມີ​ນັກຮຽນ​ຈົບ​ຊັ້ນ​ມັດທະຍົມ​ຕອນ​ຕົ້ນ​ບຳລຸງ 6,509 ຄົນ, ຍິງ 2,773% ການ​ບຳລຸງ​ມັດທະຍົມ​ຕົ້ນ​ສຸມ​ໃສ່ 5 ​ເມືອງບໍ່​ທັນ​ໄດ້​ປະກາດ ​ແລະ ​ຄາດ​ໜາຍ​ໃນ​ທ້າ​ຍປີ 2016 ​ໃຫ້​ໄດ້​ປະກາດ​ຕື່ມ​ອີກ 2 ​ເມືອງ​ຄື: ​ເມືອງ ສາລະ​ວັນ ​ແລະ ​ເມືອງ ​ເລົ່າ​ງາມທີ່​ໄດ້​ປະ​ເມີນ​ຂັ້ນ​ແຂວງ​​ແລ້ວ ​ໃນ​ນັ້ນ​ເມືອງ ສາລະ​ວັນ​ມີ​ຈຳນວນ​ນັກຮຽນ 238 ຄົນ ຍິງ 98% ​ໄດ້​ເປີດ​ການ​ຮຽນ - ການ​ສອນ​ແຕ່​ວັນ​ທີ 15 ພະຈິກ 2015ມີ​ຄູ​ສອນ​ທັງ​ໜົດ 36 ຄົນ, ​ເມືອງ ​ເລົ່າ​ງາມ ມີ​ຈຳນວນ 1,639 ຄົນ ຍິງ 780 ຄົນ ​ໄດ້​ເປີດ​ການ​ຮຽນ - ການ​ສອນ​​ແຕ່​ວັນ​ທີ 25 ກັນຍາ 2015 ມີ​ຄູ​ສອນ 108 ຄົນ. ວຽກ​ງານ​ອາຊີວະ​ສຶກສາ ​ແລະ ອົມ​ຮົມ​ວິຊາ​ຊີບ ​ໄດ້​ຈັດ​ສົ່ງ​ພະນັກງານ ​ແລະ​ນັກຮຽນ​ໃນ​ແຜນ​ແລະ ນອກ​ແຜນ​ໄປ​ສຶກສາ​ຕໍ່​ທີ່​ແຂວງ​ເທື່ອ​ທຽນ​ເຫວ້ ສສຫວຽດນາມ ຈຳນວນ 37 ຄົນ,ຍິງ21 ຄົນ​ນະຄອນ​ດ່າ​ໜັງ ຈຳນວນ 5 ຄົນ, ​ແຂວງ ຮ່າ​ຕິ໋ງ ຈຳນວນ 32 ຄົນ, ຍິງ 10 ຄົນ, ​ໄປ​ເຊື່ອມ​ຕໍ່​ຊັ້ນ​ສູງ​ທີ່​ໂຮງຮຽນ​ເຕັກນິກ​ວິຊາ​ຊີບ​ກຸຍ​ຢືນ ຈຳນວນ 5 ຄົນ ​ແລະ ​ແຂວງ ກອນ​ຕູມ​ຈຳນວນ 5 ຄົນ ຍິງ 3 ຄົນ​ແຂວງ ສາລະ​ວັນ​ມີ​ໂຮງຮຽນ​ວິຊາ​ຊີບ 1 ​ແຫ່ງ ມີ​ຄູ​ສອນ 50 ຄົນ ຍິງ 13 ຄົນ ມີ​ນັກຮຽນ 428 ຄົນ​ຍິງ 90 ຄົນ, ​ໂດຍ​ແບ່ງ​ອອກ​ເປັນ​ສອງ​ລະບົບ​ຮຽນ​ຄື: ລະບົບ9+3 ​ແລະ 12+2 ມີວິຊາກໍ່ສ້າງເຄຫາສະຖານ, ໄຟຟ້າ, ປູກຝັງ, ລ້ຽງສັດ, ອາຫານການໂຮງແຮມ, ລົດຍົນ, ຊ່າງໄມ້ ແລະ ຕັດຫຍິບຕາມໂຄງການຫຼັກສູດ. ວຽກງານກິລາ - ກາຍະກຳ ໄດ້ມີການຂະຫຍາຍຕົວຢ່າງ ກວ້າງຂວາງ ນັບທັງຕົວເມືອງ ແລະ ຊົນນະບົດ,ກິລາ - ກາຍະກໍາໄດ້ປະກອບສ່ວນເຂົ້າໃນການພັດທະນາຊັບພະຍາກອນມະນຸດ ແລະ ສາມາດແກ້ໄຂປະກົດການຫຍໍ້ໃນສັງຄົມ, ການພັດທະນາເສດຖະກິດ - ສັງຄົມ, ວຽກປ້ອງກັນຊາດ ປ້ອງກັນຄວາມສະຫງົບ, ກິລາ - ກາຍະກຳ ໄດ້ປະກອບສ່ວນເຂົ້າໃນການການເຊື່ອມໂຍງລະຫວ່າງແຂວງເຮົາກັບບັນດາແຂວງໃກ້ຄຽງ, ມາຮອດປະຈຸບັນໄດ້ສະລັບຊັບຊ້ອນເຈືອ ຈານເຂົ້າ ສູ່ສັງຄົມຕົວຈິງຢ່າງກວ້າງຂວາງໃນທຸກຂົງເຂດ, ທຸກສໍານັກງານອົງການ ຄຸ້ມບ້ານສະຖານທີ່ຊຸມຊົນລ້ວນແຕ່ມີຂະບວນການຫຼິ້ນກິລາ - ກາຍະກຳ ຕາມຄວາມສາມາດຕົວຈິງຂອງແຕ່ລະບ່ອນ ເວົ້າໄດ້ວ່າ: ບ່ອນໃດມີຊຸມຊົນບ່ານນັ້ນມີກິລາ - ກາຍະກຳເກີດຂຶ້ນ ( ພິເສດ ເຮົາສາມາດຈັດງານແຂ່ງຂັນລະດັບເມືອງ, ລະດັບແຂວງ ໄດ້ຜັດປ່ຽນກັນເປັນເຈົ້າພາບ ).

    ທ່ານໄດ້ກ່າວຕື່ມອີກວ່າ: ສຳລັບແຜນພັດທະນາການສຶກສາ ແລະ ກິລາສົກຮຽນ 2016 – 2017 ແມ່ນຂະຫຍາຍການສຶກສາເດັກກ່ອນໄວຮຽນໂດຍສະເພາະສຳລັບເດັກອາຍຸ 5 ປີ ພ້ອມທັງເອົາໃຈ ໃສ່ທາງ ດ້ານຄຸນນະພາບ, ເພີ່ມອັດຕາເຂົ້າຮຽນໃໜ່ສຸດທິສຳລັບເດັກອາຍຸ 6 ປີ ແລະ ປັບປຸງປະສິດທິດພາບພາຍໃນຂອງການສຶກສາຊັ້ນປະຖົມ, ສົ່ງເສີມໃຫ້ເດັກໄດ້ເຂົ້າເຖິງການ ສຶກສາຊັ້ນມັດທະຍົມ ຕົ້ນຫຼາຍຂຶ້ນ ພ້ອມທັງຮັບປະກັນຄວາມສະເໜີພາບຍິງ - ຊາຍ, ສົ່ງເສີມການສຶກສານອກໂຮງຮຽນຢ່າງເອົາຈິງເອົາຈັງ ແລະ ເພີ່ມການລົງທຶນໃສ່ສູນການສຶກສານອກໂຮງຮຽນ, ສົ່ງເສີມໃຫ້ນັກຮຽນທີ່ຈົບມ4 ໄດ້ເຂົ້າ ຮຽນໃນສາຍວິຊາຊີບໃຫ້ຫຼາຍຂຶ້ນ, ປັບປຸງຄຸນນະພາບ ແລະ ມາດຕະຖານຂອງສາມັນສຶກສາໃຫ້ຕິດພັນກັບວຍກສ້າງຄູ, ອາຊີວິສຶກສາແລະ ການສຶກສາຊັ້ນສູງຕາມຄວາມຮຽກ ຮ້ອງຕ້ອງການຂອງແຜນ ພັດທະນາເສດຖະກິດສັງຄົມແຫ່ງຊາດ ແລະ ພາກພື້ນອາຊຽນ, ຮັບປະກັບໃຫ້ການນຳໃຊ້ງົບປະມານມີປະສິດທິພາບ ແລະ ສິດທິຜົນໂດຍປັບປຸງລະບົບການສັບຊ້ອນ ແລະນຳໃຊ້ຄູ ພ້ອມທັງເຮັດໃຫ້ການ ຈັດສັນງົບປະ ມານສອດຄ່ອງກັບແຜນປະຕິບັດງານປະຈຳປີ, ສ້າງຂະບວນກິລາ-ກາຍະກຳມວນຊົນເປັນພື້ນຖານ ແລະ ກິລາ-ກາຍະກໍາລະດັບສູງເປັນສໍາຄັນກ້າວໄປເຖິງການສ້າງກິລາ-ກາຍະກຳອາຊີບເທື່ອລະກ້າວ.

  ຈາກນັ້ນຜູ້້ເຂົ້າຮ່ວມໃນກອງປະຊຸມກໍ່ໄດ້ຮັບຟັງການຜ່ານບົດລາຍງານວິໄຈການຈັດຕັ້ງປະຕິບັດແຜນພັດທະນາການສຶກສາ ຈາກທ່ານ ສຸນີ ນາມມະບົວລີ ຫົວໜ້າຂະແໜງສະຖິຕິ-ແຜນການ, ເຊິ່ງທ່ານໄດ້ຍົກໃຫ້ເຫັນບັນຫາຫຼາຍໆດ້ານພ້ອມທັງສາເຫດ ແລະ ວິທີການແກ້ໄຂໂດຍສະເພາະແມ່ນອັດຕາຄ້າງຫ້ອງ, ອັດຕາປະລະ, ອັດຕາລອດເຫຼືອ, ດັດສະນີຄວາມສະເໜີພາບໃນແຕ່ລະຊັ້ນຮຽນ ທ່ານໄດ້ກ່າວຕື່ມອີກວ່າ: ແຜນການ ແລະ ທິດທາງແກ່ໄຂ ຄາດໜາຍລວມອັດຕາເຂົ້າຮຽນຂອງເດັກໃນເກນອາຍຸ 3-5 ປີໃຫ້ໄດ້ 40,1%, ສົ່ງເສີມເດັກໃນເກນອາຍຸ 5 ປີ, ອະນຸບານ, ກຸ່ມຫຼິ້ນເພື່ອຮຽນ ແລະ ຫ້ອງກຽມປະຖົມໃຫ້ໄດ້ເຂົ້າຮຽນ 62,6%, ອັດຕາເຂົ້າຮຽນສຸດທິຊັ້ນປະຖົມໃຫ້ໄດ້ 98,9%, ອັດຕາເຂົ້າຮຽນໃໜ່ສຸດທິຊັ້ນປະຖົມໃຫ້ໄດ້ 97,6%, ຫຼຸດຜ່ອນອັດຕາຄ້າງຫ້ອງ ແລະ ປະລະການຮຽນ ຊັ້ນປະຖົມໃຫ້ຍັງເຫຼືອ ແລະ 7,9% ຕາມລຳດັບ, ເພີ່ມອັດຕາເລື່ອນຂັ້ນ-ຈົບຊັ້ນປະຖົມໃຫ້ໄດ້ 86,72%,ເພີ່ມອັດຕາລອດເຫຼືອຊັ້ນປະຖົມໃຫ້ໄດ້ 68,6% ແລະ ເພີ່ມອັດຕາການເຂົ້າຮຽນລວມ ໃນຊັ້ນມັດທະຍົມຕອນຕົ້ນໃຫ້ໄດ້ 68,9%, ຫຼຸດຜ່ອນອັດຕາຄ້າງຫ້ອງ ແລະ ປະລະການຮຽນຊັ້ນມັດທະຍົມຕົ້ນໃຫ້ຍັງເຫຼືອ 0,7% ແລະ 9,4% ຕາມລະດັບ, ເພີ່ມອັດຕາເລື່ອນຂັ້ນ - ຈົບຊັ້ນມັດທະຍົມຕົ້ນໃຫ້ໄດ້ 89,6%, ເພີ່ມອັດຕາການເຂົ້າຮຽນລວມໃນຊັ້ນມັດທະຍົມຕອນປາຍໃຫ້ໄດ້ 43,65%, ຫຼຸດຜ່ອນອັດຕາຄ້າງຫ້ອງ ແລະ ປະລະການຮຽນຊັ້ນມັດທະຍົມປາຍໃຫ້ຍັງເຫຼືອ 0,8% ແລະ 6,3%ຕາມລຳດັບ, ເພີ່ມອັດຕາເລື່ອນຂັ້ນ - ຈົບຊັ້ນມັດທະຍົມປາຍໃຫ້ໄດ້ 92,7%, ວຽກລົບລ້າງຄວາມບໍ່ຮູ້ໜັງສືສຳລັບປະຊາກອນໃນກຸ່ມເປົ້າໜາຍເປັນຕົ້ນແມ່ນ ກຸ່ມອາຍຸ 15 – 24 ປີ ໃຫ້ໄດ້ 99,8%ແລະ ກຸ່ມອາຍຸ 25 – 40 ປີ ໃຫ້ໄດ້ 99,5%. ວຽກງານບຳລຸງມັດທະຍົມຕົ້ນໃຫ້ປະຊົນ ກຸ່ມອາຍຸ15 – 30 ໃຫ້ໄດ້ 70%, ສືບຕໍ່ສ້າງສູນການສຶກສານອກໂຮງຮຽນຂັ້ນເມືອງ ເພື່ອຮອງຮັບນັກຮຽນທີ່ຈົບຈາກມັດທະຍົມຕົ້ນ ປະຊາຊົນເພື່ອໃຫ້ເຂົາເຈົ້າໄດ້ຝຶກອົບຮົມວິຊາຊີບຫຼືສືບຕໍ່ຮຽນຊັ້ນມັດທະຍົມຕອນປາຍຢູ່ສູນການສຶກສານອກໂຮງຮຽນຂັ້ນເມືອງເພື່ອສອດຄ່ອງກັບລະບົບປະຕິຮູບການສຶກສາ, ວຍກງານອາຊີວະສຶກສາສົກຮຽນ 2016-2017 ເກັບນັກຮຽນເຂົ້າຮຽນແຕ່ມ4 - ມ7ໃຫ້ໄດ້ 205 ຄົນ ຍິງ 90 ຄົນ, ຮັບນັກຮຽນເຂົ້າຮຽນໃນສາຍອາຊີວະໃຫ້ໄດ້ 400 ຄົນຂຶ້ນໄປ, ໃນນັ້ນໃຫ້ມີນັກຮຽນຍິງກວມ 30%, ຮັບປະກັນເຮັດໃຫ້ສັດສ່ວນການເຂົ້າຮຽນຂອງນັກຮຽນໃນແຕ່ລະຂະແໜງເຊັ່ນ ຂະແໜງບໍລິການໃຫ້ກວມ 25%, ຂະແໜງອຸດສາຫະກຳໃຫ້ກວມ35% ແລະ ຂະແໜງກະສິກຳໃຫ້ກວມ 40%.

   ໃນໂອກາດໄຂກອງປະຊຸມຜູ້ບໍລິຫານການສຶກສາ ແລະ ກິລາທົ່ວແຂວງ ກໍ່ໄດ້ຖືເອົາໂອກາດດັ່ງກ່າວປະກາດແຕ່ງຕັ້ງຮອງຫົວນ້າພະແນກສຶກສາທິການ ແລະ ກິລາແຂວງ ສາລະວັນ ສະບັບເລກທີ 246/ຈຂ.ສວ ລົງວັນທີ 5.5.2016 ເຊິ່ງປະກອບມີທ່ານ ວັດທະນາ ໜັ້ນວິໄລ ຫົວໜ້າຂະແໜງບໍລິຫານ ເປັນຮອງຫົວໜ້າພະແນກສຶກສາທິການ ແລະ ກິລາແຂວງສາລະວັນ ແລະ ທ່ານ ນາງ ທອງໃບ ໄຊຍະສານ ຮອງຜູ້ອຳນວຍການ ໂຮງຮຽນເຕັກນິກວິຊາຊີບແບບປະສົມແຂວງ, ເປັນຮອງຫົວໜ້າພະແນກສຶກສາທິການ ແລະ ກິລາແຂວງ ສາລະວັນ.