ການເຄື່ອນໄຫວຕ່າງໆ

ແຈ້ງການທຶນການສຶກສາ

160412
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
210
141
351
159087
6634
8377
160412
Your IP: 54.225.18.67
2017-07-24 22:36

ພິທີ ປະກາດພະນັກງານພະແນກສຶກສາທິການ ແລະ ກິລາແຂວງ ສາລະວັນ ອອກພັກການຮັບເບ້ຍບຳນານ

            ພະແນກສຶກສາທິການ ແລະ ກິລາ ແຂວງ ສາລະວັນ ໄດ້ຈັດພິທີປະກາດພະນັກງານອອກພັກການຮັບເບ້ຍບຳນານ  ຢ່າງເປັນທາງການຂື້ນໃນຕອນແລງຂອງວັນທີ 24 ມັງກອນ 2017 ຜ່ານມາ. ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ ໂດຍເປັນກຽດເຂົ້າຮ່ວມຂອງທ່ານ ພູທົງ ຄຳມະນີວົງ ຮອງເຈົ້າແຂວງໆສາລະວັນ, ພ້ອມດ້ວຍຫົວໜ້າຂະແໜງ ແລະ ຮອງຂະແໜງ, ຫົວໜ້າ ຫລື ຮອງຫ້ອງການສຶກສາທິການ ແລະ ກິລາເມືອງ 8 ເມືອງ, ຜູ້ ອຳນວຍການໂຮງຮຽນ ແລະ ຜູ້ອຳນວຍການສູນການສຶກສາທີ່ຂື້ນກັບພະແນກ, ແຂກທີ່ຖືກເຊື້ອເຊີນຈາກພະແນກການຕ່າງໆ, ຕະຫຼອດຮອດພະນັກງານພາຍໃນພາຍພ້ອມພຽງ.

ເຊິ່ງໃນວາລະດັ່ງກ່າວ ທ່ານ ນ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງ ໄດ້ຂື້ນຜ່ານຂໍ້ຕົກລົງຂອງທ່ານລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 8251/ສສກ.ຈຕ ລົງວັນທີ 11 ພະຈິກ 2016 ແລະ ຂໍ້ຕົກລົງສະບັບເລກທີ 8234/ສສກ.ຈຕ ລົງວັນທີ 11 ພະຈິກ 2016 ວ່າດ້ວຍການອະນຸມັດອອກພັກການເພື່ອຮັບເບ້ຍບຳນານ ຂອງທ່ານ ທ່ານ ບົວໄລ ໄຊຍະບັນຫາ ຮອງຫົວໜ້າພະແນກສຶກສາທິການ ແລະ ກິລາແຂວງ ແລະ ທ່ານ ບຸນກອງເພັດ ຈະເລີນລັດ ຫົວໜ້າຂະແໜງມັດທະຍົມສຶກສາ ຍັງເປັນການປະຕິບັດນະໂຍບາຍຕໍ່ທ່ານ ບົວໄລ ໄຊຍະບັນຫາ ອາຍຸ 61 ປີ ຮອງຫົວໜ້າພະແນກສຶກສາທິການ ແລະ ກິລາແຂວງ ທີ່ສັງກັດລັດແຕ່ວັນທີ 1/9/1978 ລວມປີການທັງໝົດ 37 ປີ ສ່ວນຮ້ອຍບຳນານເທົ່າກັບ 82 ເປີເຊັນອອກພັກຜ່ອນເຂົ້າຮັບເບ້ຍບຳນານຕັ້ງແຕ່ວັນທີ 1/1/2017 ແລະ ທ່ານ ບຸນກອງເພັດ ຈະເລີນລັດ ອາຍຸ 60 ປີ ຫົວໜ້າຂະແໜງມັດທະຍົມສຶກສາ ທີ່ສັງກັດລັດແຕ່ວັນທີ 1/7/1978 ລວມປີການທັງໝົດ 38 ປີ ສ່ວນຮ້ອຍບຳນານເທົ່າກັບ 83 ເປີເຊັນ ອອກພັກຜ່ອນເຂົ້າຮັບເບ້ຍບຳນານຕັ້ງແຕ່ວັນທີ 1/1/2017. ພ້ອມທັງຜ່ານຂໍ້ຕົກລົງຂອງທ່ານລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການຍ້ອງຍໍຜູ້ທີ່ມີຜົນງານຕໍ່ການພັດທະນາວຽກງານການສຶກສາ ແລະ ກິລາ ໃຫ້ແກ່ທັງ 2 ທ່ານ. ເຊິ່ງໃນພິທີບັນດາຫົວໜ້າຫ້ອງການສຶກສາທິການ ແລະ ກິລາເມືອງ,ຜູ້ອຳນວຍການສູນ ແລະ ໂຮງຮຽນ ໄດ້ພັດປ່ຽນກັນຂື້ນມອບຂອງຂວັນໃຫ້ແກ່ພະນັກງານບຳນານ ເພື່ອສະແດງຄວາມຮູ້ບຸນຄຸນ.

            ໂອກາດດັ່ງກ່າວ, ທ່ານ ພູທົງ ຄຳມະນີວົງ ຄະນະປະຈຳພັກແຂວງ,ຮອງເຈົ້າແຂວງໆສາລະວັນ ໄດ້ໃຫ້ກຽດໂອ້ລົມຕໍ່ພະນັກງານທີ່ອອກພັກຜ່ອນເຂົ້າຮັບເບ້ຍບຳນານ ໂດຍທ່ານໄດ້ເນັ້ນໜັກໃຫ້ຜູ້ທີ່ພັກຜ່ອນທັງ 2 ທ່ານ ຕ້ອງໄດ້ໃຫ້ການຊ່ວຍເຫຼືອຖອດຖອນບົດຮຽນ,ການຊີ້ນຳໆພາ,ປະສົບການ,ແບບແຜນວິທີການເຮັດວຽກໃຫ້ແກ່ອ້າຍເອື້ອຍນ້ອງພາຍໃນພະແນກເພື່ອສືບທອດມູນເຊື້ອອັນດີໃນການເຮັດວຽກ. ສ່ວນຜູ້ທີ່ສືບຕໍ່ປະຈຳການກໍ່ຕ້ອງໄດ້ສືບສານມູນເຊື້ອແບບແຜນການນຳພາ ທີ່ຄະນະນຳທັງ 2 ທ່ານໃນໄລຍະກ່ອນໄດ້ສ້າງໄວ້ຢ່າງເປັນຮູບປະທຳ. ພ້ອມນີ້ກໍ່ຕ້ອງໄດ້ເປັນແບບຢ່າງນຳໜ້າໃນທຸກວຽກງານການເຄື່ອນໄຫວຂອງພະແນກ, ເອົາໃຈໃສ່ໃນການນຳພາ,ທັດສະນະມະຫາຊົນນຳໜ້າ, ຮູ້ເຄົາລົບ ແລະ ໃຫ້ກຽດແກ່ຜູ້ອາວຸໂສບຳນານ, ນຳພາເຮັດວຽກຕົວຈິງເປັນໝູ່ຄະນະ ແລະ ເຕົ້າໂຮມຄວາມສາມັກຄີໃຫ້ແໜ້ນແຟ້ນພາຍໃນກົມກອງ. ໃນບາງວຽກງານທີ່ຍັງຂາດຕົກບົກຜ່ອງກໍ່ຕ້ອງໄດ້ປະສານຂໍຄຳຄິດເຫັນຄຳປຶກສານຳຜູ້ທີ່ມີບົດຮຽນ ແລະ ນອກນັ້ນຍັງຕ້ອງໄດ້ປຶກສາຫາລືພາຍໃນຄະນະພັກ ແລະ ຄະນະແນກ, ປະສານກັບຂັ້ນເທິງເພື່ອຄັດເລືອກພະນັກງານສືບທອດປ່ຽນແທນ ເພື່ອໃຫ້ແທດເໝາະກັບໜ້າວຽກພາຍໃນພະແນກ ຮັບປະກັນໄດ້ທາງດ້ານຄຸນນະພາບ ແລະ ປະສິດທິຜົນຂອງວຽກງານໃຫ້ມີຜົນສຳເລັດສູງ.

 

     ຂ່າວໂດຍ: ອຈ ບຸນເກີດ ອິນທະນຸດ