ການເຄື່ອນໄຫວຕ່າງໆ

ໜັງສືພິມສຶກສາ

133072
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
225
618
1219
127937
9872
14182
133072
Your IP: 54.166.231.176
2017-04-26 19:25

ກອງປະຊຸມມອບ-ຮັບວຽກງານ

ຂອງສູນເຕັກໂນໂລຊີຂໍ້ມູນຂ່າວສານ ແລະ ການສື່ສານການສຶກສາ ແລະ ກິລາ (ສູນ ໄອຊີທີ)

ໃນຕອນບ່າຍຂອງວັນທີ 23 ກຸມພາ 2017 ໃນອາທິດທີ່ຜ່ານມາທີ່ຫ້ອງປະຊຸມຂອງສູນເຕັກໂນໂລຊີຂໍ້ມູນຂ່າວສານ ແລະ ການສື່ສານການສຶກສາ ແລະ ກິລາ (ສູນ ໄອຊີທີ) ໄດ້ຈັດພິທີມອບ-ຮັບວຽກງານຂອງຫົວໜ້າສູນໃຫ້ແກ່ຜູ້ປະຈຳການຂອງສູນ ໄອຊີທີ ໃຫ້ກຽດເຂົ້າຮ່ວມຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະກິລາແຂວງ, ທ່ານ ເສົາສະໝານ ເຫຼົາສະດິດ ຫົວໜ້າສູນ ໄອຊີທີ ແຂວງ, ມີຫົວໜ້າໜ່ວຍງານ ແລະ ພະນັກງານລັດຖະກອນພາຍໃນສູນເຂົ້າຮ່ວມເປັນສັກຂີພະຍານຢ່າງພ້ອມພຽງ.

            ໃນພິທີດັ່ງກ່າວ ທ່ານ ເສົາສະໝານ ເຫຼົາສະດິດ,ຫົວໜ້າສູນ ໄອຊີທີ ໄດ້ຂື້ນຜ່ານບົດສະຫຼຸບການຊີ້ນຳໆພາ ແລະ ການຈັດຕັ້ງປະຕິບັດວຽກງານຂອງສູນທີ່ຕົນເອງຮັບຜິດຊອບ ເຊິ່ງໄດ້ຍົກໃຫ້ເຫັນເຖິງບັນດາໝາກຜົນ ແລະ ຜົນສຳເລັດ ຂໍ້ຄົງຄ້າງທີ່ຈະຕ້ອງສືບຕໍ່ແກ້ໄຂໃນຕໍ່ໜ້າ ໂດຍມອບວຽກຊີ້ນຳລວມພາຍໃນສູນໃຫ້ແກ່ ທ່ານ ນ ຜ່ອງສີ ວົງພະຈັນ ສະມາຊິກພັກ, ວິຊາການໜ່ວຍງານ E-learning ຮັບຜິດຊອບຫ້ອງທົດລອງເຄມີ ແລະ ມອບວຽກງານວິຊາການໃຫ້ແກ່ ທ່ານ ນ ພົງສະຫວັດ ກ່ອງແກ້ວ ຫົວໜ້າໜ່ວຍງານບໍລິຫານ ເປັນຜູ້ສືບຕໍ່ຊີ້ນຳໆພາວຽກງານການເຄື່ອນໄຫວຂອງສູນ ໄອຊີທີ ໃນຕໍ່ໜ້າເພື່ອໃຫ້ຮັບປະກັນໄດ້ທາງດ້ານປະລິມານ ແລະ ຄຸນນະພາບຂອງວຽກງານການສຶກສາ ພ້ອມທັງວຽກງານຕ່າງໆເພື່ອເຮັດໃຫ້ປະສົມຜົນສຳເລັດຕາມຄາດໝາຍທີ່ວາງໄວ້ ໃນນັ້ນທ່ານ ນ ຜ່ອງສີ ວົງພະຈັນ ຜູ້ຮັກສາການສູນຜູ້ໃໝ່ ກໍ່ຍັງໄດ້ກ່າວໃນພິທີວ່າ: ເພື່ອເປັນການຍົກສູງຄຸນນະພາບການຈັດຕັ້ງການຮຽນ-ການສອນ ແລະ ວຽກງານການບໍລິການຕ່າງໆພາຍໃນສູນໃຫ້ມີໝາກຜົນ ຜົນສຳເລັດຢ່າງຮອບດ້ານ ຍົກສູງຄຸນນະພາບດ້ານການສຶກສາ ໂດຍຜູ້ຮັບຜິດຊອບທັງ 2 ທ່ານ ໄດ້ປະຕິຍານວ່າ: ຈະສືບຕໍ່ເສີມຂະຫຍາຍພາລະໜ້າທີ່ ແລະ ມູນເຊື້ອຂອງການຊີ້ນຳໆພາອັນດີງາມດ້ວຍຄວາມຮັບຜິດຊອບສູງ, ເອົາໃຈໃສ່ເຮັດວຽກນຳພາເປັນຜູ້ຄະນະ,ບຸກຄົນຮັບຜິດຊອບ ທຸກບັນຫາຈະຈັດຕັ້ງປະຕິບັດດ້ວຍຄວາມເປັນເອກະພາບສູງລວມສູນປະຊາທິປະໄຕ ພັດທະນາຫົວຄິດປະດິດສ້າງຂອງຖັນແຖວພະນັກ ງານລັດຖະກອນພາຍໃນສູນ, ເອົາໃຈໃສ່ຄຸ້ມຄອງວຽກງານຂອງສູນຮັບປະກັນໄດ້ການເຄື່ອນໄຫວຢ່າງຮອບດ້ານບົນພື້ນຖານຂອງແຜນງານ,ໂຄງການທີ່ທາງຄະນະນຳສູນໄດ້ວາງໄວ້. 

ໃນຕອນທ້າຍຂອງພິທີ ທ່ານ ສີລິສັກ ຖະໜອມຮັກ ກຳມະການພັກແຂວງ,ຫົວໜ້າພະແນກສຶກສາທິການ ແລະ ກິລາແຂວງ ກໍ່ໄດ້ໃຫ້ກຽດໂອ້ລົມ ແລະ ຊີ້ທິດເຍືອງທາງໃຫ້ແກ່ຜູ້ຮັບຜິດຊອບຜູ້ໃໝ່ ແລະ ພະນັກງານລັດຖະກອນພາຍໃນສູນ ທີ່ຈະຕ້ອງເອົາໃຈໃສ່ປະຕິບັດໃນຕໍ່ໜ້າ ໂດຍໃຫ້ຖືເອົາວຽກງານການເມືອງແນວຄິດເປັນບັນຫາກົກ ໃນການກໍ່ສ້າງ ແລະ ພັດທະນາພະນັກງານພາຍໃນສູນ, ເອົາໃຈໃສ່ໃນການພັດທະນາວຽກງານການສຶກສາຂອງສູນໃຫ້ມີບາດກ້າວ ແລະ ທ່າອ່ຽງຂະຫຍາຍໂຕທາງດ້ານປະລິມານ ແລະ ຄຸນນະພາບ ຍົກສູງການນຳໃຊ້ເຕັກໂນໂລຊີເຂົ້າໃນການພັດທະນາການຮຽນ-ການສອນ ແລະ ວຽກງານຂອງສູນຢ່າງຮອບດ້ານ ພ້ອມດຽວກັນນັ້ນບັນດາພະນັກງານລັດຖະກອນພາຍໃນສູນເອງ ກໍ່ຕ້ອງມີແບບແຜນການເຮັດວຽກທີ່ດີ ແລະ ມີແນວຄິດປະຄິດສ້າງໃນການຍົກລະດັບຄວາມຮູ້-ຄວາມສາມາດທາງດ້ານວິທະຍາສາດ, ວິທະຍາການອັນໃໝ່ໄປເລື້ອຍ ເພື່ອເຮັດແນວໃດໃຫ້ວຽກງານການສຶກສາຂອງແຂວງມີບາດກ້າວຂະຫຍາຍຕົວບົນພື້ນຖານວິທະຍາການອັນໃໝ່.