ການເຄື່ອນໄຫວຕ່າງໆ

ແຈ້ງການທຶນການສຶກສາ

187129
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
230
235
945
183399
6573
8621
187129
Your IP: 54.198.210.67
2017-11-22 14:31

 ກອງປະຊຸມປະຈຳປີ 2016 ຂອງໂຄງການສຶກສາໝູ່ບ້ານພາກໃຕ້ຂອງລາວ (VESL)

ພະແນກສຶກສາທິການ ແລະ ກິລາແຂວງ ສາລະວັນ ຮ່ວມກັບອົງການບ້ານຈຸດສຸມສາກົນ VFI ໄດ້ຈັດກອງປະຊຸມປະຈຳປີ 2016 ຂອງໂຄງການສຶກສາໝູ່ບ້ານພາກໃຕ້ຂອງລາວ (VESL)ໃນອາທິດທີ່ຜ່ານມານີ້ ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ ສາລະວັນ ໂດຍການໃຫ້ກຽດເຂົ້າຮ່ວມຂອງ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ ສາລະວັນ, ທ່ານ ນ ກ່ອງແສງ ສີຣິວັດ ຫົວໜ້າແຜນງານປົກປ້ອງສ້າງຄວາມເຂັ້ມແຂງໃຫ້ແກ່ແມ່ຍິງ-ເດັກນ້ອຍ ອົງການບ້ານຈຸດສຸມສາກົນ, ທ່ານ ວິສັນ ສົມພົງ ຫົວໜ້າພະແນກບຳລຸງຍົກລະດັບການສຶກສາ, ກົມການສຶກສານອກໂຮງຮຽນ, ກະຊວງສຶກສາທິການ ແລະ ກິລາ, ມີຜູ້ຕາງໜ້າຈາກກະຊວງການຕ່າງປະເທດ, ຜູ້ປະສານຂອງຄູ່ຮ່ວມພັດທະນາຈາກຫ້ອງວ່າການປົກຄອງແຂວງ,ພະແນກການຕ່າງປະເທດ,ພະແນກແຮງງານສະຫວັດດີການ-ສັງຄົມ,ກອງບັນຊາການ ປກສ ແຂວງ, ສະຫະພັນແມ່ຍິງແຂວງ,ພະແນກສາທາລະນະສຸກແຂວງ, ຫ້ອງການຊາວໜຸ່ມແຂວງ, ຜູ້ອຳນວຍການສູນການສຶກສານອກໂຮງຮຽນ ຈາກ 2 ແຂວງ ສາລະວັນ ແລະ ຈຳປາສັກ.

ໂຄງການສຶກສາໝູ່ບ້ານພາກໃຕ້ຂອງລາວ ໂດຍອົງການບ້ານຈຸດສຸມສາກົນ ແມ່ນອົງການຈັດຕັ້ງໜຶ່ງທີ່ຮ່ວມມືກັບກົມການສຶກສານອກໂຮງຮຽນ,ກະຊວງສຶກສາທິການ ແລະ ກິລາ ໄດ້ດຳເນີນໂຄງການສຶກສາໝູ່ບ້ານພາກໃຕ້ຂອງລາວນັບແຕ່ປີ 2001 ເປັນຕົ້ນມາ ແລະ ປະຈຸບັນນີ້ກຳລັງດຳເນີນໂຄງການເປັນໄລຍະທີ 6 ເຊິ່ງນັບແຕ່ປີ 2015-2017 ລວມເປັນງົບປະມານທັງໝົດໄລຍະນີ້ແມ່ນ 1,016,100 ໂຄງການດັ່ງກ່າວແມ່ນດຳເນີນກິດຈະກຳເປັນຕົ້ນຕໍຢູ່ແຂວງ ສາລະວັນ ແລະ ຈຳປາສັກ, ນອກນັ້ນກໍ່ຍັງໃຫ້ການຊ່ວຍເຫຼືອຜູ້ດ້ອຍໂອກາດ, ຜູ້ມີຄວາມສ່ຽງ ແລະ ຜູ້ຖືກເຄາະຮ້າຍທີ່ເຂົ້າມາຂໍຄວາມຊ່ວຍເຫຼືອ ຫຼື ຖືກສົ່ງມາຕໍ່ຈາກອຳນາດການປົກຄອງ ແລະ ເຈົ້າໜ້າທີ່ຕຳຫຼວດໃນທ້ອງຖິ່ນ ທີ່ມີຈາກແຂວງ ອື່ນໆເຊັ່ນດຽວກັນເຊັ່ນ: ແຂວງສະຫວັນນະເຂດ,ຄຳມ່ວນ,ເຊກອງ,ອັດຕະປື ແລະ ແຂວງອື່ນໆ. ໂດຍຈຸດປະສົງລວມຈະໃຫ້ການສະໜັບສະໜູນຊ່ວຍເຫຼືອປະຊາຊົນທີ່ຢູ່ໃນເຂດຫ່າງໄກສອກຫຼີກ, ໄວໜຸ່ມ,ແມ່ຍິງ ແລະ ເດັກນ້ອຍຜູ້ດ້ອຍໂອກາດຢູ່ໃນພາກໃຕ້ຂອງລາວ ເພື່ອເສີມສ້າງຄວາມຮູ້ ແລະ ຄວາມສາມາດທີ່ນຳໄປສູ່ການປັບປຸງດ້ານການຮັກສາສຸຂະພາບ, ຄວາມໝັ້ນຄົງທາງດ້ານສະບຽງອາຫານ, ອາຊີບ ແລະ ການສ້າງລາຍຮັບໃຫ້ແກ່ເຂົາເຈົ້າ ລວມໄປເຖິງການປົກປ້ອງແມ່ຍິງ ແລະ ເດັກນ້ອຍໃນດ້ານອື່ນໆ. ການຄຸ້ມຄອງຊັບພະຍາກອນທຳມະຊາດ ແລະ ສະຖານະພາບໃນດ້ານການສຶກສາຂອງສະມາຊິກພາຍໃນຊຸມຊົນ.

ໃນກອງປະຊຸມ ທ່ານ ຄຳສະຫວັດ ພົນທະວິໄລ ຫົວໜ້າສູນຮຽນຮູ້ຊຸມຊົນສີຂຽວຂອງອົງການບ້ານຈຸດສຸມສາກົນ ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດພາຍໃນ 1 ປີ ຜ່ານມາ ແລະ ທິດທາງແຜນການໃນການປະຕິບັດວຽກງານຂອງໂຄງການໃນປີ 2017 ໂດຍໂຄງການໄດ້ຈັດຕັ້ງປະຕິບັດ 4 ກິດຈະກຳໃຫຍ່ຄື: 1. ການສົ່ງເສີມການສຶກສາທັງພາຍໃນ ແລະ ນອກລະບົບໂຮງຮຽນ ແລະ ເຝິກອົບຮົມວິຊາຊີບ,2. ການສ້າງໃຫ້ຄວາມຮູ້ແກ່ຊຸມຊົນ, ໄວໜຸ່ມ,ແມ່ຍິງ ແລະ ເດັກນ້ອຍກ່ຽວກັບການຮັກສາສຸຂະພາບ, ສຸຂະອະນາໄມ ແລະ ໂພຊະນາການອາຫານ ແລະ ອື່ນໆ, 3. ການສົ່ງເສີມອາຊີບທີ່ຍືນຍົງໃຫ້ແກ່ຊາວບ້ານທາງດ້ານກະສິກຳ ແລະ ການສ້າງອາຊີບ ເພື່ອປັບປຸງຊີວິດການເປັນຢູ່ຂອງພວກເຂົາໂດຍຜ່ານສູນການສຶກສາຊຸມຊົນສີສຽວ ແລະ 4.ພັດທະນາ ແລະ ສ້າງຄວາມອາດສາມາດໃຫ້ແກ່ຄູ່ຮ່ວມງານພາກລັດ ເຊິ່ງສາມາດຍົກໃຫ້ເຫັນເຖິງຜົນສຳເລັດ ແລະ ຂໍ້ຄົງຄ້າງຂອງການດຳເນີນງານ ແລະ ວຽກຈຸດສຸມທີ່ຈະຕ້ອງໄດ້ພັດທະນາໃນຕໍ່ໜ້າຕື່ມອີກ. ນອກນັ້ນບັນດາຜູ້ແທນກອງປະຊຸມຍັງໄດ້ຄົ້ນຄ້ວາປະກອບຄຳເຫັນໃສ່ຮ່າງແຜນງານປະຈຳປີ 2017 ຂອງອົງການບ້ານຈຸດສຸມສາກົນ ກໍ່ຄືແຜນງານໂຄງການສຶກສາໝູ່ບ້ານພາກໃຕ້ຂອງລາວ ໂດຍກອງປະຊຸມເຫັນດີເປັນເອກະພາບໃນການຈັດຕັ້ງປະ ຕິບັດ 4 ກິດຈະກຳໃຫຍ່ຂອງໂຄງການປະຈຳປີ 2017 ທີ່ຈະຕ້ອງໄດ້ສືບຕໍ່ຢ່າງຕັ້ງໜ້າ ແລະ ເອົາຈິງເອົາຈັງ ເພື່ອເຮັດແນວໃດໃຫ້ຮັບປະກັນໄດ້ເຖິງຄວາມສອດຄ່ອງຂອງແຜນງານ,ໂຄງການ ແລະ ກິດຈະກຳທີ່ເປັນອັນຕົ້ນຕໍ່ຂອງໂຄງການ.

 

 

 ຂ່າວໂດຍ: ອາຈານ ບຸນເກີດ ອິນທະນຸດ