ການເຄື່ອນໄຫວຕ່າງໆ

ແຈ້ງການທຶນການສຶກສາ

164005
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
36
129
734
162285
2594
7633
164005
Your IP: 54.145.95.149
2017-08-18 06:41

 ສາລະ​ວັນ-​ເທື່ອ​ທຽນ​ເຫວ້​ພົບ​ປະ​ແລກປ່ຽນ​ວຽກ​ສຶກສາ-ກິລາ

            ພະແນກສຶກສາທິການແລະ ກິລາແຂວງ ສາລະວັນ ສປປ ລາວ, ​​ໄດ້​ມີ​ການ​ພົບ​ປະ​ແລກປ່ຽນ​ບົດຮຽນ​ຮ່ວມ​ກັນ ກັບ ພະ​ແນ​ກສຶກສາ ​ແລະ ກໍ່ສ້າງ​ແຂວງ​ເທື່ອ​ທຽນ​ເຫວ້ ສສຫວຽດນາມ ທັງ​ສອງ​ຝ່າຍ​ໄດ້​ຜັດປ່ຽນ​ລາຍ​ງານ​ວຽກ​ງານ​ສຶກສາ - ກິລາ​ໃຫ້​ກັບ​ຊາບ ​ເຖິງ​ຈຸດ​ດີ, ຈຸດ​ອ່ອນ, ບາງ​ບົດຮຽນ​ທີ່​ຖອດ​ຖອນ​ໄດ້​ໃນ​ໄລຍະ​ຜ່ານ​ມາ.

            ຈາກ​ນັ້ນ ​ທັງ​ສອງ​ຝ່າຍ​ກໍ່​ໄດ້​ປຶກສາ​ຫາລື​ແລກປ່ຽນ​ເຊິ່ງກັນ ​ແລະ ກັນ ​ເປັນ​ຕົ້ນ​ເລື່ອງ​ການຊ່ວຍ​ເຫຼື​ແລກປ່ຽນປະສົບ​ການ​ໃນ​ການ​ຄຸ້ມ​ຄອງ ການ​ພັດ​ທະ​ນາ​ການ​ສຶກສາ ​ແລະ​ເຕັກນິກ​ການ​ຮຽນ - ການ​ສອນ ການ​ຄຸ້ມ​ຄອງ​ໂຮງຮຽນດ້ວຍ​ເຄື່ອງມື​ເອ​ເລັກ​ໂຕ​ນິກ, ​ ​ແຂວງ​ເທື່ອ​ທຽນ​ເຫວ້​ຍິນ​ດີ​ໃຫ້ການ​ຊ່ວຍ​ເຫຼືອ​ທາງ​ດ້ານ​ເຕັກນິກ - ວັດຖຸ​ອຸປະກອນ​ຕ່າງໆ​ໃຫ້​ແກ່​ການ​ກະກຽມ​​ເປັນ​ເຈົ້າພາບ​ງານກິລາ​ນັກຮຽນ​ມັດທະຍົມ​ສຶກສາ​ທົ່ວ​ປະ​ເທດ​ໃນ​ປີ 2020 ​ທີ່ ສາລະ​ວັນ​ຮັບ​ເປັນ​ເຈົ້າພາບ, ​ໃຫ້​ເອົາ​ໃຈ​ໃສ່​ຄັດ​ເລືອກ​ວິຊາ​ຮຽນ​ສອດຄ່ອງ​ກັບ​ແຜນ​ຍຸດ​ທະ​ສາດ ​ແຜນ​ພັດທະນາ​ເສດຖະກິດ​ສັງຄົມ​ຂອງ​ແຂວງ ​ແລະ ຄັດ​ເລືອກ​ບຸກຄະລາ​ກອນ​ເປົ້າ​ໜາຍ​ກໍ່ສ້າງ​ຄວາມ​ຮູ້​ຄວາມ​ສາມາດ​ແທດ​ເໜາະ​ກັບ​ວິຊາ​ຮຽນ​ເພື່ອ​ຫຼີກ​ລຽງ​ບັນຫາ​ການ​ປ່ຽນ​ແປງ​ວິຊາ​ຮຽນ​ໃນ​ເວລາ​ໄປ​ຮຽນ​ຕົວ​ຈິງ ​​ແລະ​ ໃຫ້​ມີ​ພື້ນຖານ​ພາສາ​ຫວຽດນາມ​ ​ເພື່ອ​ສະດວກ​ໃນ​ການ​ຮຽນ - ການ​ສອນ. ​ແຕ່ລະ​ປີ​ແມ່ນ​ໄດ້​ສົ່ງ​ໄປ​ຮຽນຕາມ​ສັນຍາ​ປີ​ລະ 10 ທຶນ ​ເລີ່​ມ​ແຕ່​ປີ 2002 – 2017, ສຳລັບ​ແຂວງ​ສາລະ​ວັນ​ໄດ້​ຈັດ​ສົ່ງ​ພະນັກງານ ​ແລະ ນັກຮຽນ​ໄປ​ຍົກ​ລະດັບ, ສຶກສາ​ຮ່ຳຮຽນ​ຢູ່​ແຂວງ​ເທື່ອ​ທຽນ​ເຫວ້ມີ 154 ຄົນ ​ແລະ ກຳລັງ​ສຶກສາ​ຢູ່​ໃນ​ປັດຈຸບັນ 74 ຄົນ, ປະລິນຍາ​ໂທມີ 7 ຄົນ, ປະລິ​ຍາ​ຕີ 67 ຄົນ​.

            ການ​ພົບ​ປະ​ໄດ້​ຈັດ​ຂຶ້ນ​ໃນ​ວັນ​ທີ 23 ກໍລະກົດ 2017 ນີ້​ພະ​ແນ​ກສຶກສາ​ທິການ ​ແລະ ກິລາ​ແຂວງ​ສາລະ​ວັນ, ຝ່າຍ​ແຂວງ​ສາລະ​ວັນ ສປປ ລາວ ​ໂດຍ​ມີ​ທ່ານ​ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ພ້ອມ​ຄະນະ, ທ່ານ ຟ້າ​ມວັນ​ຮຸງ ຫົວໜ້າ​ພະ​ແນ​ກສຶກສາ ​ແລະ ກໍ່ສ້າງ​ແຂວງ​ເທື່ອ​ທຽນ​ເຫວ້ ພ້ອມ​ຄະນະ, ການ​ພົບ​ປະ​ຄັ້ງ​ນີ້​ເປັນ​ການ​ຮັດ​ແໜ້ນ​ຄວາມ​ສາມັກຄີ​ລາວ - ຫວຽດນາມ ທັງ​ການສະ​ເຫຼີ​ມສະຫຼອງ​ວັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື​ຄົບຮອບ 40 ປີ​ແລະ ວັນ​ສ້າງ​ຕັ້ງ​ສາຍ​ພົວພັນ​ການ​ທູດ​ລາວ - ຫວຽດນາມ​ຄົບຮອບ 55 ປີ ​ໃຫ້​ມີ​ຄວາມ​ໜາຍ​ຄວາມ​ສຳຄັນ​ຢ່າງ​ເລິກ​ເຊິ່ງ.

 

ຂ່າວໂດຍ: ແຫຼ່ງຄຳ ບຸດນາໂຄກ