ການເຄື່ອນໄຫວຕ່າງໆ

ແຈ້ງການທຶນການສຶກສາ

187111
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
212
235
927
183399
6555
8621
187111
Your IP: 54.198.210.67
2017-11-22 14:27

ຫ້ອງການ ສກມ ເລົ່າງາມ ເປີດບັ້ນດຳເນີນຊີວິດການເມືອງປະຈຳປີ 

ໃນຕອນເຊົ້າຂອງວັນທີ 8 ສິງຫາ 2017 ທີ່ເມືອງເລົ່າງາມ ແຂວງ ສາລະວັນ ໄດ້ເປີດກອງປະຊຸມດໍາເນີນຊີວິດການເມືອງປະຈຳປີໃຫ້ແກ່ພະນັກງານຄູ-ອາຈານ ໃນທົ່ວຂະແໜງການສຶກສາ ແລະ ກິລາ ເຂົ້າຮ່ວມໃນພິທີຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ທ່ານ ພິດສະໄໝ ແກ້ວວົງສັກ ຫົວໜ້າກ້ອງການສຶກສາທິການ ແລະ ກິລາເມືອງ ເລົ່າງາມ ມີບັນດາຄູອາຈານເຂົ້າຮ່ວມຢ່າງພ້ອມພຽງ.

ການດຳເນີນຊີ້ວິດການເມືອງປະຈຳປີໃນເທື່ອນີ້ ທາງຫ້ອງການສຶກສາທິການ ແລະ ກິລາເມືອງ ໄດ້ຈັດແບ່ງອອກເປັນ 3 ສູນໃນນັ້ນຄື: ສູນ ວັງເປືອຍ, ສູນສະໂມສອນໃຫຍ່ ແລະ ສູນ ໜອງແກ ເຊິ່ງມີພະນັກງານຄູ-ອາຈານເຂົ້າຮ່ວມທັງໝົດ 472 ຄົນ, ຍິງ 252 ກອງປະຊຸມຈະໄດ້ດຳເນີນໄປເປັນເວລາ 4 ວັນ, ເຊິ່ງຈະໄດ້ນຳເອົາເອກະສານຕ່າງໆ ທີ່ສຳຄັນມາເຜີຍແຜ່ ແລະ ເຊື່ອມຊຶມໃຫ້ແກ່ພະນັກງານຄູ-ອາຈານ ເພື່ອເຮັດໃຫ້ເຂົາເຈົ້າກຳໄດ້ເຖິງບັນດາເນື້ອໃນຕ່າງໆຂອງເອກະສານຢ່າງເລິກເຊິ່ງ ໂດຍປະກອບມີເອກະສານ ເດັດດ່ຽວປັບປຸງປົວແປງພັກໃຫ້ປອດໃສເຂັ້ມແຂງ ແລະ ໜັກແໜ້ນ,ເອກະສານເພີ່ມທະວີຄຸນທາດການເມືອງ-ຄຸນສົມບັດສິນທຳປະຕິວັດ,ເອກະສານຕ້ານ ແລະ ສະກັດກັ້ນການສໍ້ລາດບັງຫຼວງ ແລະ ກົດໝາຍການສຶກສາ, ພາຍຫຼັງທີ່ສຳເລັດການເຜີຍແຜ່ ແລະ ເຊື່ອມຊືມບັນດາເອກະສານຕ່າງໆແລ້ວ ແຕ່ລະຄົນຈະໄດ້ຂຽນກິດສຳພັນ, ແບ່ງຈຸເພື່ອດຳເນີນການສຳຫຼວດກວດກາ.

ໃນກອງປະຊຸມໄດ້ຮັບຟັງການໂອ້ລົມຂອງທ່ານ ສີລິສັກ ຖະໜອມຮັກ ກຳມະການພັກແຂວງ,ຫົວໜ້າພະແນກສຶກສາທິການ ແລະ ກິລາແຂວງ ໂດຍກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ໝາກຜົນ ແລະ ຜົນງານທີ່ບັນດາພະນັກງານຄູ-ອາຈານຂອງພວກເຮົາສາມາດຍາດມາໄດ້ໃນສົກປີການສຶກສາ 2016-2017 ໂດຍໄດ້ມີການສະຫຼຸບຕີລາຄາຄືນເຖິງດ້ານດີ ແລະ ດ້ານອ່ອນ ບັນຫາໃດທີ່ຍັງເປັນຂໍ້ຄົງຄ້າງ,ອັນໃດດີຕ້ອງໄດ້ເສີມຂະຫຍາຍ ແລະ ອັນໃດບໍ່ທັນເຮັດໄດ້ດີຕ້ອງໄດ້ຕີຖອຍໃຫ້ຕົກໄປເທື່ອກ້າວ. ແຕ່ຄຽງຄູ່ກັບຜົນງານກໍ່ຍັງມີອີກຫຼາຍດ້ານບໍ່ວ່າຈະເປັນການຂະຫຍາຍໂອກາດເຂົ້າຮຽນທີ່ຍັງຖືວ່າເປັນສິ່ງທ້າທາຍໃນການພັດທະນາການສຶກສາ ແລະ ບັນຫາດ້ານຄຸນນະພາບຂອງການສຶກສາທີ່ຍັງຕ່ຳ, ນອກນນັ້ນທ່ານຍັງໄດ້ເນັ້ນໜັກໃຫ້ພະນັກງານຄູ-ອາຈານ ໃນທົ່ວຂະແໜງການສຶກສາ ແລະ ກິລາຂອງເມືອງ ຈົ່ງໄດ້ພ້ອກັນເອົາໃຈໃສ່ຫລາຍບັນຫາຕົ້ນຕໍຄື: ໃຫ້ຄູ-ອາຈານ ແຕ່ລະຄົນຕ້ອງໄດ້ເລັງໃສ່ມາດຖານຄຸນນະພາບການສຶກສາ ທັງ 6 ດ້ານ ເພື່ອສ້າງຄວາມຮັບຮູ້ ແລະ ຄວາມເຂົ້າໃຈຕໍ່ກັບເງື່ອນໄຂຂອງການປະເມີນຜົນຄຸນນະພາບ ທີ່ທຸກຄົນຈະຕ້ອງກຳໃຫ້ໄດ້ຢ່າງໜັກແໜ້ນ ແລະ ຊອກຮູ້ວິທີການຜັນຂະຫຍາຍ ໂດຍມີການວັດ ແລະ ປະເມີນຜົນຢ່າງເປັນຮູບປະທຳ ໃນການປະເມີນຄຸນນະພາບການຈັດການຮຽນ-ການສອນຂອງແຕ່ລະໂຮງຮຽນ.  ເອົາໃຈໃສ່ຈັດຕັ້ງປະຕິບັດ 3 ຂໍ້ແຂ່ງຂັນ ທີ່ກະຊວງສຶກສາທິການ ແລະ ກິລາ ວາງອອກ ໂດຍໃຫ້ມີການຈັດຕັ້ງຜັນຂະຫຍາຍທັງ 3 ເນື້ອໃນຄື: ສອນດີ-ຮຽນເກັ່ງ ຄູຕ້ອງໄດ້ເອົາໃຈໃສ່ສ້າງມາດຖານກະກຽມຄວາມພ້ອມກ່ອນການຂື້ນຫ້ອງສອນ ໂດຍເອົາໃຈໃສ່ໃນການແຕ່ງບົດສອນ,ປະດິດສ້າງສື່ການສອນທີ່ເເທດເໝາະກັບການສອນໃນແຕ່ລະວິຊາ, ຕ້ານ-ສະກັດກັ້ນປະກົດການຫຍໍ້ທໍ້ພາຍໃນໂຮງຮຽນ ເຊິ່ງບັນຫານີ້ຕ້ອງໄດ້ສຳຫຼວດເບິ່ງຄືນນັບແຕ່ຂັ້ນຜູ້ບໍລິຫານການສຶກສາກໍ່ຄືຜູ້ອຳນວຍການ ນອກນັ້ນບັນດາຄູກໍ່ຕ້ອງໄດ້ເອົາໃຈໃສ່ໃນການສິດສອນ ແລະ ພັດທະນາວຽກງານວິຊາການ, ການຈັດສັນສະພາບແວ້ດລ້ອມກໍ່ຄືສະພາວະໃນການການຈັດ-ການຮຽນການສອນ ທີ່ເໝາະສົມຕາມສະພາບຂອງແຕ່ທ້ອງຖິ່ນ ເພື່ອໃຫ້ສະພາບແວດລ້ອມທີ່ດີ ສົ່ງເສີມເຮັດໃຫ້ຜູ້ຮຽນ ແລະ ຜູ້ສອນ ເກີດການຮຽນຮູ້ທີ່ສະດວກສະບາຍໃນການຈັດການຮຽນ-ການສອນ ນອກນັ້ນການຈັດຕັ້ງຫຼັກສູດການຮຽນການສອນຂອງແຕ່ລະຊັ້ນແຕ່ລະຂັ້ນຮຽນຕ້ອງໄດ້ເລີ່ມແຕ່ການສອນໃຫ້ຈົບຕາມໂຄງການຫຼັກສູດ ໂດຍຄູຕ້ອງມີວິທີການພັດທະນາຢ່າງປະດິດສ້າງໃນການສົ່ງຄວາມຮູ້, ບັນດາຄູ-ອາຈານ ຕ້ອງໄດ້ເພີ່ມທະວີຄວາມເອົາໃຈໃສ່ຍົກສູງ ຄວາມຮັບຜິດຊອບສ້າງຕົນເອງໃຫ້ກາຍເປັນ ຄູມືອາຊີບ ທີ່ພຽບພ້ອມທາງດ້ານຄວາມຮູ້,ຄວາມສາມາດ ແລະ ຄວາມຮັບຜິດຊອບຕໍ່ຄຸນນະພາບຂອງການສອນ ບັນດາຜູ້ບໍລິຫານການສຶກສາໃນແຕ່ລະຂັ້ນຕ້ອງໄດ້ເອົາໃຈໃສ່ປັບປຸງຄຸນນະພາບທີ່ຢູ່ໃນຂັ້ນຄວາມຮັບຜິດຊອບຂອງຕົນໃຫ້ມີບາດກ້າວດີຂື້ນຢ່າງຕໍ່ເນື່ອງ.

 

 

 

ຂ່າວໂດຍ : ບຸນເກີດ ອິນທະນຸດ