ການເຄື່ອນໄຫວຕ່າງໆ

ແຈ້ງການທຶນການສຶກສາ

187110
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
211
235
926
183399
6554
8621
187110
Your IP: 54.198.210.67
2017-11-22 14:27

 

ແຂວງ​ສາລະ​ວັນ ຈັດ​ພິທີ​ຕອນ​ຮັບ ​ນາງ ​ຈັນ​ສະໜອນ​ ວົງ​ສະຫວັດ

ຫຼຽນຄຳເປຕັງຊີເກມ ຢ່າງສົມກຽດ

            ​ແຂວງ ສາລະວັນຈັດພິທີຕ້ອນຮັບແລະ ຍ້ອງຍໍນາງຈັນສະໜອນ ວົງສະຫວັດເຈົ້າຂອງຫຼຽນຄຳເປຕັງຊີເກມ ຄັ້ງທີ 29 ທີ່ມາເລ​​ເຊຍ ຫຼື ກົວລາລຳເປີເກມ ພິທີໄດ້ຈັດຂຶ້ນໃນຕອນເຊົ້າວັນທີ 15 ກັນຍາ​ 2017 ​ນີ້ ທີ່ສະໂມສອນໂຮງຮຽນ ມສ ອົງແກ້ວ​ເຂົ້າ​ຮ່ວມ​ເປັນ​ກຽດ​ໃນ​ພິທີ​ຄັ້ງ​ນີ້ ຂອງ​ທ່ານ ຄຳ​ຈັນ​ ​ແຈ່ມ​ສະ​ໜອນ ຄະນະ​ປະຈຳ​ພັກ​ແຂວງ ປະທານກວດກາແຂວງ, ທ່ານ ສີ​ລິ​ສັກ ຖະໜອມ​ຮັກ ຖະໜອມຮັກ ຮອງປະທານສະມາຄົມກິລາກາຍະກຳແຂວງ ຫົວໜ້າພະແນກສຶກສາທິການ ແລະ ກິລາ, ທ່ານ ເດດສຸວັນ ມະໄລທອງ ປະທານສະຫະພັນກິລາເປຕັງ ຫົວໜ້າບໍລິສັດໄຟຟ້າລາວສາຂາ ແຂວງສາລະວັນ, ມີບັນດາປະທານສະຫະພັນກິລາປະເພດຕ່າງໆ, ພະແນກການອອ້ມຂ້າງແຂວງ, ບໍລິສັດລັດວິສາຫະກິດ ພາກລັດ ແລະ ເອກະຊົນ, ຜູ້​ປົກຄອງ, ພະນັກງານຄູອາຈານ ແລະ ນັກຮຽນເຂົ້າຮ່ວມ.

            ໃນພິທີດັ່ງກ່າວ ທ່ານ ຄຳຈັນ ແຈ່ມສະໜອນກໍ່ໄດ້ມອບເງິນອັດສີດ ຈຳນວນ 1.150.000 ກີບ, ທ່ານ ສີລິສັກ ຖະໜອມຮັກ ຈໍານວນ 1.000.000 ກີບ, ທ່ານ ເດດສຸວັນ ມະໄລທອງ ຈໍານວນ 2.000.000 ກີບ ພ້ອມດ້ວຍພະແນກການອ້ອມຂ້າງແຂວງ ແລະ ໂຮງຮຽນ 2 ແຫ່ງ ລວມມູນຄ່າອັດສີດທັງໜົດ 8.750.000 ກີບ ( ແປດລ້ານເຈັດແສນຫ້າສິບພັນກີບ ).

            ໃນໂອກາດດຽວກັນທ່ານ ຄຳຈັນ ແຈ່ມສະໜອນ ກໍ່ໄດ້ໃຫ້ກຽດໂອ້ລົມ ແລະ ກ່າວຍ້ອງຍໍຊົມເຊີຍຕໍ່ນັກກິລາ ທີ່ມີຜົນງານໂດດເດັ່ນໃນດ້ານກິລາເປຕັງ ສາມາດຍາດຫຼຽນຄໍາໃນກົວລາລຳເປີເກມ ຄັ້ງທີ 29 ຢ່າງສົມສັກສີ ເຊິ່ງເປັນຜົນງານທີ່ສ້າງຊື່ສຽງກຽດຕິຍົດໃຫ້ແກ່ປະເທດຊາດບ້ານເມືອງກໍ່ຄື ແຂວງສາລະວັນຢ່າງໜ້າພູມໃຈຫາອັນປຽບບໍ່ໄດ້, ນາງ ຈັນສະໜອນ ວົງສະຫວັດ ເລີ່ມຫຼິ້ນກິລາຕັ້ງແຕ່ອາຍຸ 11 ປີ ມາຮອດປີ 2004 ໄດ້ຖືກຄັດເລືອກເປັນທິມປະສົມແຂວງສາລະວັນຊຸດໃຫຍ່ ແລະ ໄດ້ເຂົ້າຮ່ວມງານແຂ່ງຂັນກິລາເປຕັງລະດັບຊາດຈັດຂຶ້ນ ສາມາດຍາດໄດ້ຫຼຽນຄຳ, ຫຼຽນເງິນ ແລະ ຫຼຽນທອງແດງ, ໃນປີ 2005 ກໍ່ໄດ້ຖືກຄັດເລືອກເປັນນັກກິລາເປຕັງທິມຊາດລາວຢ່າງເປັນທາງການ ໃນເວລານັ້ນໄດ້ເຄື່ອນໄຫວແຂ່ງຂັ້ນລະດັບອະນຸພາກພື້ນ ສາມາດສ້າງກຽດຊື່ສຽງມາໃຫ້ຊາດລາວໃນເວທີສາກົນ, ໄດ້ຮັບການຍ້ອງຍໍຈາກພັກ-ລັດຖະບານຢ່າງຫຼວງຫຼາຍເຊິ່ງລາມຫຼຽນທີ່ໄດ້ຮັບທັງໜົດ 47 ຫຼຽນ ໃນນັ້ນ ຫຼຽນຄຳ 20 ຫຼຽນ, ຫຼຽນເງິນ 9 ຫຼຽນ, ແລະ ຫຼຽນທອງແດງ 18 ຫຼຽນ.

            ໃນຕອນທ້າຍຂອງພິທີ ນາງ ຈັນສະໜອນ ວົງສະຫວັດກໍ່ໄດ້ສະແດງຄວາມຮູ້ບຸນຄຸນຕໍ່ພັກ-ລັດທີ່ໃຫ້ໂອກາດໃນການໄດ້ນຳໃຊ້ຄວາມສາມາດທີ່ຕົນເອງມີສ້າງຄວາມພູມໃຈໃນປະຊາຊົນຄົນລາວ ແລະ ຊາວແຂວງ ສາລະວັນ ພ້ອມທັງໄດ້ຝາກເຖິງນ້ອງນັກຮຽນໄວໜຸ່ມທີ່ກຳລັງສຶກສາຮ່ຳຮຽນຈົ່ງໃຊ້ເວລາຫວ່າງໃຫ້ເກີດປະໂຫຍດ ຫັນມາຫຼິ້ນກິລາເພື່ອຫ່າງໄກຈາກສິ່ງເສບຕິດ ແລະ ຈົ່ງຕັ້ງໃຈສຶກສາຮ່ຳຮຽນສ້າງຄວາມພາກພູມໃຈໃຫ້ກັບສັງຄົມ.       

 

 

ຂ່າວໂດຍ: ແຫຼັງຄຳ ບຸດນາໂຄກ