ການເຄື່ອນໄຫວຕ່າງໆ

ແຈ້ງການທຶນການສຶກສາ

187113
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
214
235
929
183399
6557
8621
187113
Your IP: 54.198.210.67
2017-11-22 14:27

 ສສກ ລົງຕິດຕາມຊຸກຍູ້ກິດຈະກໍາໄລຍະພັກສິ້ນປີຮຽນຕາມທິດ 3 ສ້າງ

            ໃນຕອນເຊົ້າຂອງວັນທີ 13 ກັນຍາ ທີ່ຫ້ອງປະຊຸມຫ້ອງການສຶກສາທີການ ແລະ ກິລາ ເມືອງ ສາລະວັນໄດ້ຈັດພິທີຕ້ອນຮັບການລົງຕິດຕາມຊຸກຍູ້ກິດຈະກຳ ໄລຍະພັກສິ້ນປີຮຽນຕາມທິດ 3 ສ້າງ ແລະ ສ້າງຂະບວນການຮັກຊາດ ແລະ ພັດທະນາ ໃນຂະແໜງການສຶກສາ ແລະ  ກິລາປະຈຳປີ 2017 ຂອງກົມກວດກາກະຊວງສຶກສາທິການ ແລະ ກີລາ ເປັນກຽດເຂົ້າຮ່ວມຂອງທ່ານ ຂັນທະລີ ສີລິພົງພັນ ຄະນະປະຈຳພັກກະຊວງ ປະທານກວດກາ ຫົວໜ້າກົມກວດກາກະຊວງສຶກສາທິການ ແລະ ກິລາ, ທ່ານ ຄຳເຟືອງ ອິນທິສອນ ຄະນະພັກ ຫົວໜ້າຂະແໜງກວດກາ-ປະເມີນຜົນ ພະແນກສຶກສາທິການ ແລະ ກິລາ, ທ່ານ ວັນນະລັກ ຫຼ້າຫຼ່ຽມທະວີໄຊ ຮອງເລຂາ ຫົວໜ້າຄະນະຈັດຕັ້ງເມືອງ ສາລະວັນ ມີບັນດາທ່ານຄະນະປະຈຳພັກເມືອງ, ຫົວໜ້າ,ຮອງ, ພ້ອມດວ້ຍວິຊາການຫ້ອງການສຶກສາ ແລະ ພະນັກງານຄູອາຈານເຂົ້າຮ່ວມ.

            ໃນພິທີ ກໍ່ໄດ້ຮັບຟັງການລາຍງານຄວາມຄືບໜ້າ ແລະ ສິ່ງທີ່ທ້າທາຍສຳລັບຂະແໜງການສຶກສາ ປະຈຳສົກປີ 2016-2017 ເຊິ່ງລາຍງານໂດຍ ທ່ານ ໜູຄໍາ ສີສະຫວັດ ຫົວໜ້າຫ້ອງການສຶກສາທິການ ແລະ ກິລາເມືອງ ເຊິ່ງທ່ານໄດ້ກ່າວບາງຕອນທີ່ສຳຄັນວ່າ: ໃນທົ່ວເມືອງ ມີໂຮງຮຽນທັງໜົດ 187 ແຫ່ງ ຄູສອນທັງໜົດ 1,040 ຄົນ, ຍິງ 611 ຄົນ, ມີໂຮງຮຽນລ້ຽງເດັກ - ອະນຸບານ 14 ແຫ່ງ ໃນນັ້ນໂຮງຮຽນເອກະຊົນ 1 ແຫ່ງ, ຫ້ອງກຽມປະຖົມ 56 ແຫ່ງ, ໂຮງຮຽນປະຖົມ 153 ແຫ່ງ, ໂຮງຮຽນມັດທະຍົມ 20 ແຫ່ງ, ວຽກງານເດັກກ່ອນໄວຮຽນ ອັດຕາເຂົ້າຮຽນຂອງເດັກ 3-5 ປີ ບັນລຸ 32,5%, ອັດຕາສ່ວນຄູລ້ຽງເດັກ-ອະນຸບານຕໍ່ນັກຮຽນ 13/ຄູ 1 ຄົນ, ອັດຕາສ່ວນນັກຮຽນ ປກຽມ ຕໍ່ຄູ 20/ຄູ 1 ຄົນ. ວຽກປະຖົມສຶກສາ ອັດຕາເຂົ້າຮຽນສຸດທິຊັ້ນປະຖົມປະຕິບັດໄດ້ 99,6%, ອັດຕາເຂົ້າຮຽນໄໝ່ ປ1 ປະຕະບັດ 48,8%, ອັດຕາເລື່ອນຂັ້ນ ແລະ ຈົບຊັ້ນ ປະຕິບັດ 86,3%, ອັດຕາຄ້າງຫ້ອງ 6%, ອັດຕາປະລະ 7,7% ແລະ ອັດຕາລອດເຫຼືອປະຕິບັດໄດ້ 66,7%, ດັດສະນີຄວາມສະເໜີພາບລະຫວ່າງຍິງ-ຊາຍ ປະຕິບັດໄດ້ 0,95%, ວຽກມັດທະຍົມສຶກສາ ອັດຕາເຂົ້າຮຽນລວມມັດທະຍົມຕອນຕົ້ນ 70,9%, ມັດທະຍົມຕອນປາຍ ປະຕິບັດໄດ້ 42,6%, ອັດຕາເລື່ອນຂັ້ນ - ຈົບຊັ້ນມັດທະຍົມ 89,4%, ອັດຕາຄ້າງຫ້ອງ 0,6%, ມັດທະຍົມຕອນປາຍ 0,4%, ອັດຕາປະລະ 10,1%, ມັດທະຍົມຕອນປາຍ 4,5%, ດັດສະນີຄວາມສະເໜີລະຫວ່າງຍິງ-ຊາຍ ມັດທະຍົມຕອນຕົ້ນປະຕິບັດໄດ້ 0,94%, ແລະ ມັດທະຍົມຕອນປາຍ ປະຕິບັດໄດ້ 0,8%, ວຽກການສຶກສານອກໂຮງຮຽນ ແມ່ນໄດ້ສຳເລັດໃນການປະກາດຈົບຊັ້ນປະຖົມສຶກສາບຳລຸງ ແລະ ມັດທະຍົມຕົ້ນທົ່ວເມືອງໂດຍພື້ນຖານ, ຄຽງຄູ່ກັນກໍ່ໄດ້ຝຶກອົບຮົມວິຊາຊີບຂັ້ນພື້ນຖານ, ວຽກງານກິລາກາຍະກຳ ໄດ້ເຂົ້່າຮ່ວມການແຂ່ງຂັນກິລາປະເພດຕ່າງໆ ພ້ອມທັງໄດ້ຈັດການແຂ່ງຂັນຮັບໃຊ້ວັນສຳຄັນຂອງຊາດ, ເຂົ້າຮ່ວມການຄັດເລືອກນັກກິລາອາຍຸບໍ່ເກີນ 14 ປີ ເພື່ອກຽມໃສ່ນັກກິລາປະຈຳປີ 2020 ທີ່ແຂວງ ສາລະວັນເປັນເຈົ້າພາບ, ວຽກງານພະລະສຶກສາ - ສິລະປະສຶກສາ ແມ່ນໄດ້ຕິດພັນກັບການຮຽນ-ການສອນສາຍສາມັນ ເພື່ອເສີມສ້າງສຸຂະພາບຂອງເດັກໃນເກນອາຍຸເຂົ້າຮຽນໃຫ້ມີຄວາມແຂງແຮງສົມບູນ ສະນັ້ນຈິງໄດ້ເອົາໃຈໃສ່ຊຸກຍູ້ການຮຽນ-ການສອນ ວິຊາພາລະສຶກສາເຂົ້າໃນໂຮງຮຽນປະຖົມ, ມັດທະຍົມ ທຸກແຫ່ງຢ່າງເປັນປົກກະຕິ, ທາງດ້ານທິດສະດີ ແລະ ປະຕິບັດຕົວຈິງໂດຍການສອນໃຫ້ຄົບຕາມ 5 ຫຼັກມູນຂອງການສຶກສາ ມີ​ບັນດາ​​ໂຮງຮຽນ​ປອດ​ສິ່ງ​ເສບ​ຕິດ​ 8 ​ແຫ່ງ, ​ແລະ ​ໄດ້​ໂລ້​ໂກ​ຈາກ​ກະຊວງ​ສຶກສາ​ທິການ​ແລະ ກິລາ ​ເປັນ​ໂຮງຮຽນ​ປອດ​ຢາ​ເສບ​ຕິດ 4 ປີ​ຊ້ອນ, ວຽກ​ງານ​ປັບປຸງ​ຄຸນ​ນະພາ​ບ ​ແລະ ຄວາມ​ສອດ​ຄ່ອງ ​​ເປັນ​ຕົ້ນ​ວຽກ​ງານ​ການ​ຈັດ​ຕັ້ງ, ​ຄຸ້ມ​ຄອງ​ບຸກຄະລາ​ກອນ ​ແລະ ການ​ພົວພັນ​ຮ່ວມ​ມື​ລະຫວ່າ​ງພາຍ​ໃນ ​ແລະ ຕ່າງປະ​ເທດ ​ແມ່ນ​ໄດ້​ຮັບ​ປະສິດທິ​ຜົນ ​ແລະ ​ຜົນ​ໄດ້​ຮັບ​ສູງ​ທາງ​ດ້ານຄຸນ​ນະພາ​ບຂອງ​ການ​ສຶກສ, ວຽກ​ງານ​ການ​ບໍລິຫານ ​ແລະ ຄຸ້ມຄອງ​ການ​ສຶກສາ ​​ໄດ້​ເອົາ​ໃຈ​ໃສ່​ໃນ​ການ​ປັບປຸງ​ກົງຈັກ​ການຈັດ​ຕັ້ງ, ດ້ານ​ແນວ​ຄິດ​ການ​ເມືອງ, ວຽກ​ງານ​ການວາງ​ແຜນ, ວຽກ​ງານ​ການ​ຕິດຕາມ​ແລະ ປະ​ເມີນ​ຜົນ, ວຽກ​ງານ​ບໍລິຫານ - ການ​ເງິນ, ວຽກ​ງານ​ສາມ​ສ້າງ ທ່ານ​ໄດ້​ກ່າວ​ຕື່ມ​ອີກ​ວ່າ: ສຳລັບ​ທິດ​ທາງ​ໃນ​ການຈັດ​ຕັ້ງ​ປະຕິບັດ​ໃນ​ຕໍ່ໍ່ໜ້າ ​ແມ່ນ​ຫັນ​​ເອົາ​ທິດ​ທາງ​ແຜນການ​ນຳ​ໄປ​ເຜີຍ​ແຜ່​ໃຫ້​ຜູ້​ບໍລິຫານ​ການ​ສຶກສາ, ປັບປຸງ​ແບບ​ແຜນ​ວິທີ​ການ​ເຮັດ​ວຽກ, ປະສານ​ງານ​ລະຫວ່າງ​ຂະ​ແໜງ​ການ​ສຶກສາ​ດ້ວນ​ກັນ ​ແລະ ຂະ​ແໜງ​ການ​ອື່ນ​ທັງ​ສາຍ​ຕັ້ງ ​ແລະ ສາຍ​ຂວາງ, ຜູ້​ບໍລິຫານ​ໂຮງຮຽນ ຄູ​ສອນ​ປະຈຳ​ບ້ານ​ຕ້ອງ​ປະສານ​ສົມທົບ​ກັບ​ອົງການ​ຈັດ​ຕັ້ງ, ຄອບຄົວ, ສັງຄົມ​ເພື່ອ​ພັດທະນາ​ການ​ສຶກສາ, ​ເອົາ​ໃຈ​ໃສ່​ສຶກສາ​ອົບຮົມ​ແນວ​ຄິດ ຍົກ​ລະດັບ​ຄວາມ​ຮູ້ ຄວາມ​ສາມາດ​ຂອງ​ຜູ້​ບໍລິຫານ ​ແລະ​ຄູ​​ໃຫ້​ສູງ​ຂຶ້ນ, ຜູ້​ບໍລິຫານ​ຕ້ອງ​ຕິດຕາມ​ກວດກາ ​ແລະ ສະ​ຫຼຸບລາຍ​ງານ​ໃຫ້​ຂັ້ນ​ເທິງ​ໄດ້​ຮັບ​ຊາບ, ​ເພີ່ມ​ຄວາມ​ເປັນ​ເຈົ້າ​ການ​ປັບປຸງ​ກົນ​ໄກ​ການ​ນຳ​ໃຊ້​ທຶນ​ໃສ່​ການ​ສຶກສາ​ໃຫ້​ມີ​ຄວາມ​ສະດວກ ວອງ​ໄວ ​ແລະ ຍົກ​ສູງ​ປະສິດທິ​ຜົນ​ຂອງ​ການ​ນຳ​​ໃຊ້​ທຶນ.

            ​ໃນ​ໂອກາດ​ດຽວ​ກັນ​ນີ້ ບັນດາ​ຜູ້​ເຂົ້າ​ຮ່ວມ​ກອງ​ປະຊຸມ​ກໍ່​ໄດ້​ຮັບ​ຟັງ​ການ​ໂອ້​ລົມ​ໃຫ້​ຄຳ​ຄິດ​ຄຳ​ເຫັນ​ຈາກ​ທາງ​ຄະນະ​ນຳ​ກະຊວງ​ສຶກສາ​ທິການ ​ແລະ ກິລາ​ອີກ​ດ້ວຍ.

 

ຂ່າວໂດຍ: ແຫຼັງຄຳ ບຸດນາໂຄກ