ການເຄື່ອນໄຫວຕ່າງໆ

ແຈ້ງການທຶນການສຶກສາ

187115
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
216
235
931
183399
6559
8621
187115
Your IP: 54.198.210.67
2017-11-22 14:28

 

ກອງ​ປະຊຸມ​ເຜີຍ​ແຜ່ - ​ແນະນຳ​ການຈັດ​ຕັ້ງ​ປະຕິບັດ​

ການ​ແຈ້ງ​ຊັບ​ສິນ ​ແລະ ລາຍ​ຮັບ​ຂ​ອງພະນັກງານຂັ້ນ​ແຂວງ​ຄຸ້ມ​ຄອງ ຊຸດ​ທີ 2

            ​​ໃນຕອນເຊົ້າ ວັນທີ 22 ກັນຍາ 2017 ພະແນກສຶກສາທິການແລະ ກິລາແຂວງ ສາລະວັນ​​ໄດ້ເຜີຍແຜ່ - ​ແນະນຳການຈັດຕັ້ງປະຕິການແຈ້ງຊັບສິນແລະ ລາຍຮັບຂອງພະນັກງານນຳພາ - ​ຄຸ້ມຄອງໂດຍພາຍໃຕ້ການເປັນປະທານຂອງທ່ານ ສີລິສັກ ຖະໜອມຮັກ ກຳມະການພັກແຂວງ ຫົວໜ້າ​ພະ​ແນ​ກສຶກສາ​ທິກ​ານ ​ແລະ ກິລາ​ແຂວງ​ສາ​ລະ​ວັນ, ຄະນະພັກ ຄະນະພະແນກສຶກສາທິການ ແລະ ກິລາ, ຫົວໜ້າຂະແໜງ ຮອງຂະແໜງ, ຄະນະອຳນວຍການ, ສູນ ທີ່ຂຶ້ນກັບພະແນກສຶກສາ, ຄະນະອໍານວຍການວິທະຍາໄຍຄູສາລະວັນ ແລະ ພະນັກງານວິຊາການທັງສອງພາກສ່ວນ ພ້ອມດວ້ຍ​ບັນດາຄະນະນຳພາການແຈ້ງຊັບສິນຂັ້ນແຂວງ ແລະ ແຂກທີ່ຖືກເຊີນເຂົ້າຮ່ວມ.

            ​ໃນພິທີ ທ່ານ ສີລິສັກ ຖະໜອມຮັກ ກໍ່ໃຫ້ກຽດ​​ເຜີຍແຜ່ດຳລັດຂອງລັດຖະບານ ສະບັບເລກທີ 159/ລບ, ນະຄອນຫຼວງວຽງຈັນ,ລົງວັນທີ 4 ມິຖຸນາ 2013 ວ່າດວ້ຍການແຈ້ງຊັບສິນ, ​​ເຊິ່ງ​ໄດ້​ກຳ​ນົດຫຼັກການ, ລະບຽບ​ການ ​ແລະ ມາດ​ຕະການ​ກ່ຽວ​ກັບ​ການ​ແຈ້ງ​ຊັບ​ສິນ ​ແລ​ະ ລາຍ​ຮັບ​ຂອງ​ພະນັກງານ​ລັດຖະກອນ ທະຫານ ຕຳຫຼວດ ທີ່​ສັງກັດ​​ໃນ​ການຈັດ​ຕັ້ງ​ພັກ - ລັດ, ​ແນວ​ລາວ​ສ້າງ​ຊາດ, ການຈັດ​ຕັ້ງ​ມະຫາຊົນ, ລັດ​ວິ​ສາ​ຫະກິດ ​ແນ່​ໃສ່​ສ້າງ​ຄວາມ​ໂປ່​ງ​ໃສ​ ຕ້ານສະກັດ​ກັ້ນ​ປະກົດ​ການ​ສໍ້​ລາດ​ບັງ​ຫຼວງ​ໃນ​ການຈັດ​ຕັ້ງ​ພັກ - ລັດ ​ເພື່ອ​ປະກອບສ່ວນ​ໃນ​ການ​ສ້າງສາ ​ແລະ ພັດທະນາປະ​ເທດ​ຊາດ​ໃຫ້​ຈະ​ເລີ​ນຮຸ່ງ​ເຮື່ອ​ງ ​ແລະ ສີວິ​ໄລ​ເປັນ​ກ້າວໆ.

            ​ໃນ​ພິທີ ກໍ່​ໄດ້​ໃຫ້​ກຽດ​ຮັບ​ຟັງ​ການ​ຜ່ານ ບົດ​ແນະນຳ​​ຂອງອົງການກວດກາລັດຖະບານ ເລກທີ 46/ອກລ ນະຄອນຫຼວງ ລົງວັນທີ 20 ກຸມພາ 2017 ແລະ ຮ່າງແບບຟອມແຈ້ງຊັບສິນ ແລະ ລາຍຮັບ.

ເພື່ອ​ເປັນ​ການ​ຜັນ​ຂະຫຍາຍ​ດຳລັດ​ຂອງ​ລັດຖະບານ ວ່າ​ດວ້ຍການ​ແຈ້ງ​ຊັບ​ສິນ ​​​ເປັນ​ບ່ອນ​ອີງ​ໃຫ້​ຄະນະ​ພັກ, ອຳນາດ​ການ​ປົກຄອງ, ອົງການ​ກວດກາ​ລັດ ​ແລະ ຕ້ານ​ການ​ສໍ້​ລາດ​ບັງ​ຫຼວງ ​ແຕ່ລະ​ຂັ້ນ​ໄດ້​ດຳ​ເນີນ​​ໄປ​ຢ່າງ​ຖືກຕ້ອງ ​ແລະ ​ເປັນ​ເອກ​ະພາບ​ກັນ​ໃນ​ທົ່ວ​ປະ​ເທດ, ​ເພື່ອ​ເຮັດ​ໃຫ້​ອົງການ​ຮັບ​ແຈ້ງ​ຊັບ​ສິນ - ລາຍ​ຮັບ ​ແລະ ຜູ້​ທີ່​ເປັນ​ເປົ້າໜາຍ​ແຈ້ງ​ຊັບ​ສິນ - ລາຍ​ຮັບ ​ໄດ້​ຮັບ​ຮູ້, ​ເຂົ້າ​ໃຈ, ມີ​ຄວາມ​ເປັນ​ເອກ​ະພາບ​ກັນ​ໃນ​ການຈັດ​ຕັ້ງ​ປະຕິບັດ​ດວ້ຍຄວາມ​ຮັບຜິດ​ຊອບ​ສູງ ​ແນ່​ໃສ່​ເຮັດ​ໃຫ້ການ​ແຈ້ງ​ການ, ການ​ຮັບ​ແຈ້ງຊັບ​ສິນ ​ແລະ ລາຍ​ຮັບ​ໄດ້​ດຳ​ເນີນ​ໄປ​ຢ່າງ​ຖືກຕ້ອງ, ຈະ​ແຈ້ງ ​ແລະ ມີ​ຄວາມ​ໂປ່​ງ​ໃສ.

 

 

 ຂ່າວໂດຍ: ແຫຼັງຄຳ ບຸດນາໂຄກ