ການເຄື່ອນໄຫວຕ່າງໆ

ແຈ້ງການທຶນການສຶກສາ

187121
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
222
235
937
183399
6565
8621
187121
Your IP: 54.198.210.67
2017-11-22 14:29

 ສສກ ຝຶກ​ອົບຮົມ​ລະບຽບຫຼັກການ​ວຽກ​ງານ​ກິລາ-ກາ​ຍຍະ​ກຳ​

ລະ​ດັບພາກ​ພື້ນ, ອະນຸ​ພາກ​ພື້ນ ​ແລະ ສາກົນ​ໃຫ້​ແກ່ 4 ​ແຂວງ​ພາກ​ໃຕ້

          ​​ໃນ​ຕອນ​ວັນ​ທີ 25 ກັນຍາ​ນີ້ ທີ່​ຫ້ອງ​ປະຊຸມ​ສູນ​ໄອ​ຊີ​ທີ ​ແຂວງ ສາລະ​ວັນ ​ໄດ້​ຈັດ​ກອງ​ປະຊຸມ​ຝຶກ​ອົບຮົມ​ລະບຽບ​ຫຼັກການ​ວຽກ​ງານ​ກິລາ - ກາ​ຍຍະ​ກຳ ລະດັບ​ພາກ​ພື້ນ ອະນຸ​ພາກ​ພື້ນ ​ແລະ ສາກົນ ​ໃຫ້​ແກ່ 4 ​ແຂວງ​ພາກ​ໃຕ້ ​ເປັນ​ກຽດ​ເຂົ້າ​ຮ່ວມ​ໃນ​ພິທີ​ຂອງ​ທ່ານ ສີ​ລິ​ສັກ ຖະໜອມ​ຮັກ ກຳມະການ​ພັກ​ແຂວງ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ປອ ສຸດ​ຖະໜອມ ອິນ​ທະ​ວົງ​ ຫົວໜ້າ​ຫ້ອງການ​ເລຂາທິການ ຄະນະ​ກຳ​ມະ​ການ​ໂອ​ແລມປິກ​ແຫ່ງ​ຊາດ​ລາວ, ພ້ອມ​ດ້ວຍ​ຄະນະ ​ແລະ​ທິມງານ ມີ​ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງສາລະວັນ, ຈຳປາ​ສັກ, ​ເຊ​ກອງ, ອັດ​ຕະປື ພ້ອມ​ດ້ວຍ​ຜູ້​ຮັບຜິດຊອບ​ວຽກ​ງານ​ກິລາກາ​ຍະ​ກຳ​ເຂົ້າ​ຮ່ວມຢ່າງ​ພ້ອມພຽງ.

            ​ໃນ​ພິທີ ທ່ານ ​ສີ​ລິ​ສັກ ຖະໜອມ​ຮັກ ກໍ່​ໄດ້​ໃຫ້​ກຽດ​​ໂອ້​ລົມ​ມີ​ຄຳ​ຄິດ​ຄຳ​ເຫັນ​ເຊິ່ງທ່ານ​ກ່າວ​ວ່າ ກອງ​ປະຊຸມ​ຄັ້ງ​ນີ້ ມີຄວາມ​ສຳຄັນ​ຫຼາຍ ​ເຊິ່ງພວກ​ເຮົາ​ຈະ​ໄດ້​ພ້ອມ​ພາກັນ​ຮັບ​ຟັງ ​ແລະ ​ແລກປ່ຽນ​ບົດຮຽນ ກ່ຽວ​ກັບ​ລະບຽບ​ຫຼັກການ​ຂອງ​ການ​ພັດທະນາ​ກິລາ​ລາວ​ກ້າວ​ເຂົ້າ​ສູ່​ລະດັບ​ສາກົນ, ການ​ພັດທະນາ​ຈັດການ​ແຂ່ງຂັນ​ຕາມ​ລະບຽບ​ສາກົນ, ການ​ພັດທະນາ​ກິລາກາ​ຍະ​ກຳ, ການ​ພັດທະນາ​ສະໜາມກິລາ​ໄປ​ສູ່​ຍຸກ​ສະ​ໄໝ່, ​ແນວທາງ​ການ​ຈັດການ​ສິ່ງ​ແວດ​ລ້ອມ​ທີ່​ຢືນ​ຍົງ​ສຳລັບ​ອົງການ​ກິລາ ​ແລ​ະ ການ​ບໍລິຫານ​ອົງການ​ຕ່າງໆ ​ເພື່ອ​ເປັນ​ບົດຮຍນອັນ​ລ້ຳ​ຄ່າ​ໃຫ້​ແກ່​ພະນັກງານ, ວິຊາ​ການ ​ແລະ ຜູ້​ບໍລິຫານ​ ພ້ອມ​ກັນ​ນັ້ນ​ພວກ​ເຮົາ​ຈະ​ໄດ້​ຮຽນ​ຮູ້​ແລກປ່ຽນ​ປະສົບ​ການ​ຕົວ​ຈິງ​ລະຫວ່າງ​ແຂວງ​ຕໍ​ແຂວງ, ​ເມືອງ​ຕໍ່​ເມືອງ​ໃນ​ການຈັດ​ຕັ້ງ​ເຄື່ອນ​ໄຫວ​ວຽກ​ງານ​ກິລາ-ກາ​ຍະ​ກຳ ສະ​ນັ້ນ ບັນດາ​ສະຫາຍ​ຈົ່ງ​ໄດ້​​ເອົາ​ໃຈ​ໃສ່​ພ້ອມ​ກັນ​ຄົ້ນຄວ້າ, ຮັບ​ຟັງ ​ແລະ ສົນທະນາ​ແລກປ່ຽນຢ່າງ​ເລິກ​ເຊິ່ງ ​ເພື່ອ​ຈະ​ໜູນ​ໃຊ້​ເຂົ້າ​ໃນ​ວຽກ​ງານ​ຂອງ​ຕົນ​ເອງ​ໄດ້​ຢ່າງ​ມີ​ປະສິດທິພາບ​ສູງ.

            ​ໃນ​ໂອກາດ​ດຽວ​ກັນນີ້, ທ່ານ ປອ ສຸດ​ຖະໜອມ ອິນ​ທະ​ວົງ ຫົວ​ໜ້າ​ຫ້ອງການ​ເລຂາທິການ ຄະນະ​ກຳມະການ​ໂອ​ແລມປິກ​ແຫ່ງ​ຊາດ​ລາວ ກໍ່​ໄດ້​ກ່າວ​ເຖິງຈຸດປະສົງ​ທີ່​ສຳຄັນ​ຂອງ​ການ​ຈັດ​ກອງ​ປະຊຸມ​ກໍ​ເພື່ອ​ສ້າງ​ຄວາມ​ເຂັ້ມ​ແຂງ​ໃຫ້​ຜູ້​ບໍລິຫານ​ການ​ສຶກສາ​ໂດຍ​ສະ​ເພາະ​ໃນ​ຂົງ​ເຂດ​ວຍກງານ​ກິລາ 4 ​ແຂວພາກ​ໃຕ້, ​​ເປັນ​ກ​ອງປະຊຸມ​ຖອນ​ຖອດ​ບົດຮຽນ​ໃຫ້ການ​ພັດທະນາ​ວຽກ​ງານ​ກິລາ ​ເຊິ່ງບັນດາ​ທ່ານ​ຈະ​ໄດ້​ປະກອບ​ຄຳ​ຄິດ​ຄຳ​ເຫັນ​ໃຫ້​ແກ່​ແຂວງ​ສາລະ​ວັນ​ທີ່​ກະກຽມ​ຮັບ​ກຽດ​ເປັນ​ເຈົ້າພາບ​ມະຫາ​ກຳ​ກິລາ​ນັກຮຽນ 2020 ​ແລະ ​ເປັນອີກ​ບາດກ້າວ​ໜື່ງທີ່​ຈະ​ໃຫ້​ຜູ້​ບໍລິຫານ​ກິລາ​ໄດ້​ຮຽນ​ຮູ້​ກ່ຽວ​ກັບ​ວຽກ​ງານ​ກິລາ​ກ້າວ​​ເຂົ້າ​ສູ່​ສາກົນ.

            ກອງ​ປະຊຸມ​ຝຶກ​ອົບຮົມ​ຄັ້ງ​ນີ້​ຈະ​ດຳ​ເນີນ​ໄປ​ເປັນ​ເວລາ 3 ວັນ​ຈຶ່ງ​ສຳ​ເລັດ.

 

ຂ່າວໂດຍ: ແຫຼັງຄຳ ບຸດນາໂຄກ