ການເຄື່ອນໄຫວຕ່າງໆ

ແຈ້ງການທຶນການສຶກສາ

194029
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
77
328
1219
190797
4180
9293
194029
Your IP: 54.221.73.186
2017-12-15 13:48

ສາລະ​ວັນ​

ຝຶກ​ອົບຮົມ​​ການ​ເຊື່ອມ​ບົດຮຽນ​ເອດ ​ແລະ ພຕພ ​ເຂົ້າ​​ໃນ​ຫຼັກສູດ 4 ວິຊາ 

          ​ໃນ​ຕອນ​ເຊົ້າ​ວັນ​ທີ 20 ພະຈິກ ນີ້ທີ່​ຫ້ອງ​ປະຊຸມສູນ​ໄອ​ຊີ​ທີ ​ແຂວງ ສາລະ​ວັນ ​ໄດ້​ຈັດກອງ​ປະຊຸມ​ຝຶກ​ອົບຮົມກ່ຽວ​ກັບ​ການ​ເຊື່ອມ​ບົດຮຽນ​ເອດ ​ແລະ ພະຍາດ​ຕິດ​ຕໍ່​ທາງ​ເພດສຳພັນ ( ພຕພ )​ຂຶ້ນ ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ສົມ​ຈິດ ​ເພັງ​ສຸວັນນະ​ວົງ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ, ມີ​ບັນດາ​ຄູ​ສອນ​ຈາກ​ເມືອງ​ສາລະ​ວັນ, ຄົງ​ເຊ​ໂດນ, ລະຄອນ​ເພັງ, ຕະ​ໂອ້​ຍ ​ແລະ ສະ​ໜ້ວຍຈຳນວນ 25 ທ່ານເຂົ້າ​ຮ່ວມ.

            ​ໃນ​ພິທີ ທ່ານ ສົມ​ຈິດ ​ເພັງ​ສຸວັນນະ​ວົງ ກໍ່​ໄດ້​ໃຫ້​ກຽດ​ຂຶ້ນກ່າວ​ເປີດ​ພິທີ ​ແລະ ກ່າວ​ໂອ້​ລົມຕໍ່ຄູອາຈານ ເຊິ່ງທ່ານໄດ້ເນັ້ນ​ໃຫ້​ນັກ​ສຳ​ມະ​ນາກ​ອນ​ເອົາ​ໃຈ​ໃສ່​ໃນ​ການ​​ຝຶກ​ອົບຮົມ​ຢ່າງ​ເຕັມ​ເມັດ​ເຕັມ​ໜ່ວຍ​ເພື່ອ​ຮັບ​ເອົາ​ບົດຮຽນ​ໃນ​ຄັ້ງ​ນີ້​ໄປ​ປະກອບ​ໃສ່​ໃນ​ບົດ​ສອນ​ຂອງ​ຕົນ​ໄດ້​ຢ່າງ​ມີ​ປະສິດທິພາບ​ສູງ, ປະຕິບັດ​ໂມງ​ເວລາ​ໃຫ້​ເຂັ້ມ​ງວດ ມີ​ຂໍ້​ຂ້ອງ​ໃຈກໍ່​ໃຫ້​ສົນທະນາ​ແລກປ່ຽນ​ເຊິ່ງກັນ​ແລະ​ກັນ, ​ໃນ​ການ​ເຊື່ອມ​ບົດຮຽນ​ເອດ ​ແລະ ພະ​ຍາດຕິ​ດຕໍ່​ທາງ​ເພດ​ສຳພັນ ( ພຕພ ), ​ແມ່ນ​ນຳ​ໃຊ້​ເຂົ້າ​ໃນ 4 ວິຊາ​ຫຼັກ: ຄືວິຊາ​ສຶກສາ​ພົນລະ​ເມືອງ ມ3 , ມ5, ວິຊາ​ພູມ​ສາດ ມ4, ມ6, ວິຊາ​ວິທະຍາສາດ​ທຳ​ມະ​ຊາດ ມ4 ​ແລະ ວິຊາ ຊີວະ​ສາດ ມ6.

            ​ໃນ​ບັ້ນ​ຝຶກ​ອົບຮົມ​ຄັ້ງ​ນີ້ ນັກ​ສຳ​ມະ​ນາກ​ອນກໍ່ຈະ​ຮຽນ​ຮູ້ ​ແລະ ສົນທະນາ​ກ່ຽວ​ກັບຄວາມ​ສ່ຽງ​ຂອງ​ພະຍາດ​ເອດ ​ແລະ ຄວາມ​ຮູ້​ກ່ຽວ​ກັບ​ພະຍາດ ພຕພ ຈາກ​ນັ້ນ​ ນັກ​ວິທະຍາກອນ​ກໍ່​ໄດ້​ແນະນຳ​ການ​ເຊື່ອມ​ສານ​ບົດຮຽນພະຍາດ​ເອດ​ໃນ​ແຕ່​ລະວິ​ຊາ​ເປັນ​ຕົ້ນ​ແມ່ນ​ວິຊາ ສຶກສາ​ພົນລະ​ເມືອງ, ວິ​ທະຍາ​ສາດ​ທຳ​ມະ​ຊາດ, ຊີວະ​ສາດ ​ແລະ ພູມ​ສາດ .     

 

ຂ່າວໂດຍ: ແຫຼັງຄຳ ບຸດນາໂຄກ