ການເຄື່ອນໄຫວຕ່າງໆ

ແຈ້ງການທຶນການສຶກສາ

203429
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
33
108
455
200669
5625
7955
203429
Your IP: 23.22.240.119
2018-01-24 05:53

    

 

ເລຂາທິການໃຫຍ່ ປະທານປະເທດ ແຫ່ງ ສ ປ ປ ລາວ ມອບຄອມພິວເຕີ ຈຳນວນ 20 ຊຸດ 

ໃຫ້ແກ່ ມສ ຊົນເຜົ່າ ແຂວງສາລະວັນ

          ໃນຕອນບ່າຍວັນທີ 4 ມັງກອນ ນີ້ ທີ່ສະໂມສອນໂຮງຮຽນສາມັນກິນນອນຊົນເຜົ່າແຂວງ ສາລະວັນ ໄດ້ຈັດພິທີມອບເຄື່ອງອຸປະຖຳຈາກເລຂາທິການໃຫຍ່ປະທານປະເທດແຫ່ງ ສ ປ ປ ລາວ ມອບເຄື່ອງຄອມພິວເຕີຈຳນວນ 20 ຊຸດ ໃນນັ້ນ ຄອມພິວເຕີຕັ້ງໂຕະ 10 ຊຸດ ແລະ ຄອມພິວເຕີນັອກບຸກ 10 ຊຸດ ລວມມູນຄ່າ 100 ລ້ານກີບ, ໃຫ້ກຽດມອບຂອງທ່ານ ປອ ຄຳຜາ ພິມມະສອນ ຮອງຫົວໜ້າຫ້ອງວ່າການສູນກາງພັກ ພ້ອມຄະນະ ແລະ ໃຫ້ກຽດກ່າວຮັບຂອງທ່ານ ພູທົງ ຄຳມະນີວົງ ຮອງເຈົ້າແຂວງໆສາລະວັນ ໂດຍຊ້ອງໜ້າຜູ້ອຳນວຍການໂຮງຮຽນອຳນາດການປົກຄອງ ຄູອາຈານ ແລະ ນ້ອງນ້ອຍນັກຮຽນຮ່ວມເປັນສັກຂີພິຍານ.

            ໃນພິທີ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາ ແຂວງ ສາລະວັນ ກໍ່ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນຢ່າງສູງ ຕໍ່ການໃຫ້ອຸປະຖໍາຈາກເລຂາທິການໃຫຍ່ ປະທານປະເທດ ແຫ່ງ ສ ປ ປ ລາວ ເຊິ່ງຍາມໃດເວລາໃດທ່ານກໍ່ເອົາໃຈໃສ່ຕໍ່ວຽກງານການສຶກສາ ເປັນຫວ່ງລູກຫຼານນັກຮຽນທີ່ດ້ອຍໂອກາດເພື່ອໃຫ້ຮັບການສຶກສາຢ່າງທົ່ວເຖິງ ວຽກງານການສຶກສາແມ່ນມີຄວາມສຳຄັນທີ່ສຸດຕໍ່ການພັດທະນາປະເທດຊາດບ້ານເມືອງ ເຊິ່ງກ່ອນອື່ນໜົດແມ່ນຕ້ອງໄດ້ພັດທະນາຄົນໃຫ້ມີຄວາມສາມາດ ມີຄວາມຮູ້ ສະຕິປັນຍາຢ່າງຮອບດ້ານ ເຊື່ອແນ່ວ່າຜູ້ອຳນວຍການໂຮງຮຽນສາມັນກິນນອນຊົນເຜົ່າຈະນຳໃຊ້ເຄື່ອງຄອມພິວເຕີເຂົ້າໃນການຮຽນ - ການສອນ ຂອງຄູ ແລະ ນັກຮຽນ ເພື່ອໃຫ້ເກີດຜົນປະໂຫຍດສູງສຸດຕໍ່ວຽກງານການສຶກສາ ໃຫ້ນັກຮຽນໄດ້ຮຽນຮູ້ການນຳໃຊ້ຄອມພິວເຕີຂັ້ນພື້ນຖານເພື່ອເປັນປະໂຫຍດໃນອະນາຄົດ ແລະ ພ້ອມກັນປົກຮັກສາໃຫ້ໄດ້ນຳໃຊ້ຢ່າງຍາວນານ.

 

                                                                                    ຂ່າວໂດຍ ແຫຼັງຄຳ ບຸດນາໂຄກ