343534
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
68
238
552
342128
1406
7808
343534
Your IP: 54.92.148.165
2019-07-16 04:26

       

ແຂວງສາລະວັນ ກະກຽມປະກາດເມືອງຕຸ້ມລານ

ຈົບຊັ້ນມັດທະຍົມຕອນຕົ້ນບຳລຸງ ເມືອງທີ 6 ຂອງແຂວງ

                     ໃນວັນທີ 10 ເມສາ 2018 ນີ້ ທີ່ເມືອງຕຸ້ມລານໄດ້ຈັດພິທີລາຍງານຜົນການກະກຽມປະກາດເມືອງຕຸ້ມລານເປັນເມືອງຈົບຊັ້ນມັດທະຍົມຕອນຕົ້ນບຳລຸງ ເມືອງທີ 6 ຂອງແຂວງ, ​​ໂດຍເປັນກຽດເຂົ້າຮວ່ມຂອງທ່ານ ບົວແກ້ວ ວົງຄຳຈັນ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງຕຸ້ມລານ, ທ່ານ ນາງ ທອງໃບ ໄຊຍະສນ ຮອງຫົວໜ້າພະແນກສຶກສາທິການແລະ ກິລາແຂວງສາລະວັນ, ບັນດາຫົວໜ້າ-ຮອງຫົວໜ້າ ໜ່ວຍງານນອກໂຮງຮຽນ, ພ້ອມດ້ວຍວິຊາການເຂົ້າຮ່ວມ.

                     ​ໃນພິທີ, ທ່ານ ບົວແກ້ວ ວົງຄຳຈັນ ຫົວໜ້າຫ້ອງການສຶກສາທິການແລະ ກິລາເມືອງຕຸ້ມລານ ກໍ່ໄດ້ລາຍງານການກະກຽມໃນການປະກາດເມືອງຕຸ້ມເປັນເມືອງຈົບປະຖົມບຳລຸງເຊິ່ງໄດ້ມີຜົນສຳເລັດໃນຫຼາຍໆດ້ານເປັນຕົ້ນແມ່ນ ສຳເລັດໃນການເຮັດຜົນສະຫຼຸບແລະ ທິດທາງແຜນການໃນການຈັດຕັ້ງປະຕິບັດ, ບົດປະກອບຄຳຄິດຄຳເຫັນຂອງທ່ານເຈົ້າແຂວງ, ຂໍ້ຕົກລົງຂອງທ່ານເຈົ້າເມືອງ, ບົດກ່າວເປີດ​ ​ແລະ ກ່າວປິດຂອງທ່ານເຈົ້າເມືອງ, ສໍາ​ເລັດ​ບົດ​ຄຳ​ເຫັນ​ຂອງ​ນາຍບ້ານ, ນາຍຄູ ​ແລະ ນັກຮຽນ​ຕົວ​ແບບ​ການ​ສຶກສາ​ຊັ້ນ​ປະຖົມ​ບຳລຸງ ນອກຈາກ​ນັ້ນ​ກໍ່ຍັງ​ໄດ້​ສືບ​ຕໍ່​ຂຶ້ນ​ແຜນ​ສະ​ເໜີ​ການ​ຍ້ອງຍໍ​ຂັ້ນ​ກະຊວງ​ສຶກສາ​ທິການ ​ແລະ ກິລາ ​ໃຫ້​ກົມ​ກອງ ​ແລະ ບຸກຄົນ​ດີ​ເດັ່ນ​ໃນ​ການ​ຕັ້ງ​ໜ້າ​ປະຕິບັດ​ວຽກ​ງານ​ທີ່​ຮັບ​ຜິດ​ຊອບ, ​ໃນ​ພິທີກໍ່​ໄດ້​ຮວ່ມກັນ​ປຶກສາ​ຫາລື​​ໃນ​ການຈັດ​ຕັ້ງ​ທາງ​ດ້ານ​ພິທີການ ​ແລະ ​ເນື້ອ​ໃນ​ເປັນ​ຕົ້ນ​ແມ່ນ​ການ​ກະກຽມທາງດ້ານ​ເອກ​ສານ, ປ້າຍ​ຊື່, ຄຳ​ຂວັນ ທີ່​ຈະ​ຕິດຕາມ​ສະຖານ​ທີ່​ຕ່າງໆ​ຕາມ​ຄວາມ​ເໜາະ​ສົມ ນອກຈາກ​ນັ້ນ​ກໍ່ຍັງ​ໄດ້​ກະກຽມການສະ​ແດງ​ສິລະ​ປະວັນນະຄະດີ ​ແລະ ​ຂະ​ບວນການ​ແຫ່​ຕ່າງໆ ​ເພື່ອ​ສ້າງ​ບັນຍາກາດ​ໃນ​ພິທີ​ດັ່ງກ່າວ​ໃຫ້​ມີ​ຄວາມ​ໜາຍ​ຄວາມ​ສຳຄັນ​ຫຼາຍ​ຂຶ້ນ.

​                     ພ້ອມນັ້ນກໍ່ໄດ້ມີການ​ແຕ່ງ​ຕັ້ງ​ອະນຸ​ກຳມະການ​ຮັບຜິດຊອບ​ພິທີ​ປະກາດ​ເມືອງ​ຕຸ້ມ​ລານ​ເປັນ​ເມືອງ​ຈົບ​ປະຖົມ​ບຳລຸງ, ​ໂດຍ​ສະ​ເພາະ​ແມ່ນ​ຄະນະ​ຮັບຜິດຊອບ​ຊີ້​ນຳ​ຈັດ​ຕັ້ງ​ພິທີ, ​ແຕ່ງ​ຕັ້ງ​ກຳມະການ​ຝ່າຍ​ຕ່າງໆ​ເຊັ່ນ : ອະນຸ​ກຳມະການ​ເນື້ອ​ໃນ, ພິທີການ ​ແລະ ກອງ​​ເລຂາ, ອະນຸ​ກຳມະການ​ຮັບຜິດຊອບ​ສະຖານ​ທີ່, ການ​ລະດົມ​ທຶນ, ຍ້ອງຍໍ ​ແລະ ຮັບ​ແຂກ ພ້ອມ​ທັງ​ອະນຸ​ກຳມະການ​ປ້ອງ​ກັນ​ຄວາມ​ສະຫງົບ ​ແລະ ຮັກສາ​ສຸຂະພາບ​ເພື່ອ​ເຮັດ​ໃຫ້ການ​ຈັດ​ຕັ້ງ​ປະຕິບັດ​ໃນ​ວຽກ​ງານ​ໄດ້​ຮັບ​ຜົນສຳ​ເລັດ​ຕາມ​ເປົ້າ​ໜາຍ​ທີ່​ວາງ​ໄວ້.

                     ​ໃນ​ພິທີ, ກໍ່​ໄດ້​ຮັບ​ຟັງ​ການ​ໂອ້​ລົມ ​ແລະ ມີ​ຄຳ​ຄິດ​ຄຳ​ເຫັນ​ຂອງ​ທ່ານ ນາງ ທອງໃບ ໄຊຍະສານ  ຮອງຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ສາລະ​ວັນ ​ເຊິ່ງທ່ານ​ກໍ່​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ່ຜົນສຳ​ເລັດ​ໃນ​ການ​ກະກຽມທາງ​ດ້ານ​ຕ່າງໆ​ໃນ​ການຈະ​ປະກາດ​ເມືອງ​ຕຸ້ມ​ລານ​ຈົບ​ຊັ້ນມັດທະຍົມຕອນຕົ້ນບຳລຸງ ​​ເປັນເມືອງ​ທີ 6 ຂອງ​ແຂວງ, ​ເຊິ່ງທາງ​​ເມືອງ​​ແມ່ນ​ມີ​ຄວາມ​ຮັບຜິດຊອບ​ສູງ​ຕໍ່ໜ້າ​ທີ່​ວຽກ​ງານທີ່​ໄດ້​ຮັບ​ການ​ມອບ​ໜາຍ​ຈົນ​ໄດ້​ຮັບ​ຜົນສຳ​ເລັດ​ໃນ​ການ​ກະກຽມ ​ແຕ່​ເຖິງ​ຢ່າງ​ໃດ​ກໍ່ຕາມ​ພວກ​ເຮົາ​ກໍ່ຕ້ອງ​ມີ​ຄວາມ​ສາມັກຄີ​ໃນ​ການຈັດ​ຕັ້ງ​ປະຕິບັດ ​ໂດຍ​ສະ​ເພາະ​​ແມ່ນ​ການ​ກະກຽມ​ທາງ​ດ້ານ​ເນື້ອ​​ໃນ ​ແລະ ພິທີການ​ຕ່າງໆ ​ເພື່ອ​​ເຮັດໃຫ້​ມີ​ບັນຍາກາດ ​ແລະ ມີ​ຄວາມ​ໜາຍ​ຄວາມ​ສຳຄັນ​ໃນ​ການຈັດ​ຕັ້ງ​ປະຕິ​ບັດ ​ແລະ ​​ເປັນ​ການສະ​​ແດງ​ໃຫ້​ເຫັນ​ເຖິງບາດກ້າວ​ການ​ຂະຫຍາຍ​ຕົວ​ຂອງ​ວຽກ​ງານການ​ສຶກສາພາຍ​ໃນ​ເມືອງ​ກໍ່ຄື​ແຂວງ​ສາລະ​ວັນ​ມີ​ຄວາມ​ກ້າວໜ້າ​ ​ແລະ ​ເຂັ້ມ​ແຂງ​ຂຶ້ນ​ເລື້ອຍໆ.

        

ຂ່າວໂດຍ: ແຫຼັງຄຳ ບຸດນາໂຄກ

ອັບຂ່າວໂດຍ: ໂອເລ້ ສິງຂາວເພັດ