343539
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
73
238
557
342128
1411
7808
343539
Your IP: 54.92.148.165
2019-07-16 04:35

  

ເມືອງຕຸ້ມລານ ແຂວງ ສາລະວັນປະກາດເປັນເມືອງຈົບການສຶກສາ

ຊັ້ນມັດທະຍົມຕອນບໍາລຸງເປັນອັນທີ 6 ຂອງແຂວງ

ໃນຕອນເຊົ້າຂອງວັນທີ 14 ພຶດສະພານີ້ ເມືອງຕຸ້ມລານໄດ້ຈັດພິທີປະກາດເປັນເມືອງຈົບການສຶກສາຊັ້ນມັດທະຍົມຕອນຕົ້ນບໍາລຸງເປັນອັນທີ 6 ຂອງແຂວງ, ຢູ່ທີ່ສະໂມສອນຂອງເມືອງ ໃຫ້ກຽດເຂົ້າຮ່ວມຂອງ ທ່ານ ຮອງສາດສະດາຈານ ປະລິນຍາເອກ ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກິລາ, ມີ ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງໆສາລະວັນ, ທ່ານ ຈັນສະໜອນ ພົມມະແສງ ເຈົ້າເມືອງຕຸ້ມລານ ມີບັນດາທ່ານຫົວໜ້າກົມການສຶກສານອກໂຮງຮຽນກະຊວງສຶກສາທິການ ແລະ ກິລາ,ທ່ານຫົວໜ້າພະແນກສຶກສາທິການ ແລະ ກິລາແຂວງ, ສະມາຊິກສະພາທ້ອງຖິ່ນ ບັນດາທ່ານກຳມະການພັກແຂວງ, ເຈົ້າເມືອງ, ຮອງເຈົ້າເມືອງ, ຫົວໜ້າພະແນກການອ້ອມຂ້າງອົງການທຽບເທົ່າພາຍໃນແຂວງ, ບັນດາທ່ານຄະນະນຳຂັ້ນເມືອງພະນັກງານລັດຖະກອນ, ທະຫານ-ຕຳຫຼວດ ນັກຮຽນຮູ້ປັນຍາຊົນ ແລະ ພໍ່ແມ່ນປະຊາຊົນອ້ອມຂ້າງເທດສະບານເມືອງເຂົ້າຮ່ວມຢ່າງພ້ອມພຽງ.

ທ່ານ ບົວແກ້ວ ວົງຄຳຈັນ ກຳມະການພັກເມືອງຫົວໜ້າສຶກສາທິການ ແລະ ກິລາ ເມືອງໄດ້ຕີລາຄາຄືນການຈັດຕັ້ງປະຕິບັດ ການຮຽນ-ການສອນຊັ້ນມັດທະຍົມຕົ້ນບໍາລຸງໃນທົ່ວເມືອງຕຸ້ມລານມີພະນັກງານຄູອາຈານທັງໝົດ 253 ຄົນ, ມີໂຮງຮຽນອະນຸບານ 7 ແຫ່ງ, ມີນັກຮຽນປໍກຽມ 660 ຄົນ, ໂຮງຮຽນປະຖົມມ 39 ແຫ່ງ, ມີນັກຮຽນ 4300 ກວ່າຄົນ, ໂຮງຮຽນມັດທະຍົມຕອນຕົ້ນ 6 ແຫ່ງ, ມີນັກຮຽນທັງໝົດ 1100 ຮ້ອຍກວ່າຄົນ, ໂຮງຮຽນມັດທະຍົມຕອນປາຍ 2 ແຫ່ງ, ມີນັກຮຽນ 283 ຄົນ,ໄດ້ໃນໄລຍຜ່ານມາແມ່ນໄດ້ປະຕິບັດການຮຽນ-ການສອນໃຫ້ແກ່ປະຊາຊົນໃນເກນອາຍຸ 15-35 ປີໃຫ້ຜູ້ທີ່ຍັງບໍ່ທັນຈົບມັດທະຍົມຕອນຕົ້ນເຊິ່ງໄດ້ເກັບຂໍ້ມູນຈໍານວນປະຊາກອນເພື່ອສືບຕໍ່ຈັດການຮຽນ-ການສອນຈໍານວນ 37 ບ້ານ ມີ 681 ຄົນຍິງ 317 ຄົນ, ຜ່ານການປະຕິບັດເຫັນໄດ້ວ່າມີຜົນສຳເລັດຕາມລະດັບຄາດໜາຍເປັນຕົ້ນແມ່ນ ໃນສົກຮຽນ 20132014 ບັນລຸ 4 ບ້ານ ມີນັກຮຽນ 45 ຄົນ ຍິງ 11 ຄົນ, ສົກຮຽນ 20142015 ບັນລຸໄດ້ 9 ບ້ານມີນັກຮຽນ 73 ຄົນຍິງ 27 ຄົນ, ສົກຮຽນ 2015-2016 ບັນລຸໄດ້ 10 ບ້ານ ມີນັກຮຽນ 85 ຄົນ ຍິງ 35 ຄົນ, ສົກຮຽນ 20162017 ບັນລຸໄດ້ 14 ບ້ານ ມີນັກຮຽນ 453 ຍິງ 284 ຄົນ, ມາຮອດປະຈຸບັນມີຈຳນວນຜູ້ຮຽນຈົບມັດທະຍົມຕອນຕົ້ນທັງໜົດ 656 ຄົນ ຍິງ 357 ຄົນ ເທົ່າກັບ 96,33 ສ່ວນຮ້ອຍ.

ຈາກນັ້ນໃນພິທີກໍໄດ້ມີມອບໃບຍັ້ງຢືນການຈົບຊັ້ນມັດທະຍົມຕອນຕົ້ນບໍາລຸງໃຫ້ແກ່ເມືອງ ຕຸ້ມລານເປັນເມືອງອັນດັບທີ 6 ຂອງແຂວງໄດ້ມອບໃບຍ້ອງຍໍຂັ້ນກະຊວງສຶກສາທິການ ແລະ ກິລາ, ຂັ້ນແຂວງ, ຂັ້ນພະແນກ ແລະ ຂັ້ນເມືອງໃຫ້ກົມກອງບຸກຄົນທີ່ມີຜົນງານໃນການເຄື່ອນໄຫວການຮຽນ - ການສອນ ແລະ ຕອນທ້າຍຂອງພິທິກໍ່ໄດ້ມີການຕັດແຖບຜ້າ ແລະ ລັ່ນຄອງເປັນສັກຂີພິຍານໃນການປະກາດເປັນເມືອງຈົບມັດທະຍົມຕອນຕົ້ນບໍາລຸງອັນດັບທີ 6 ຂອງແຂວງສາລະວັນຢ່າງເປັນທາງການ.

ຂ່າວ​ໂດຍ : ​ແຫຼັງ​ຄຳ​ ບຸດ​ນາ​ໂຄກ 

ອັບໂຫຼດຂ່າວໂດຍ: ໂອເລ້ ສິງຂາວເພັດ