283527
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
214
157
574
280813
4531
8678
283527
Your IP: 107.21.169.9
2018-12-18 15:05

 

ສກຂ ສາລະ​ວັນ ຝຶກ​ອົບຮົມ​ດ້ານ​ບໍລິຫານ​ຄຸ້ມ​ຄອງ​ການ​ສຶກສາ​ຊັ້ນ​ມັດທະຍົມ

            ​ໃນ​ຕອນ​ເຊົ້າ​ວັນ​ທີ 1 ຕຸລາ 2018ນີ້ ທີ່​ຫ້ອງ​ປະຊຸມສູນ​ໄອ​ຊີ​ທີ​ ​ແຂວງ ສາລະ​ວັນ ​ໄດ້​ຈັດ​ກອງ​ປະຊຸມຝຶກ​ອົບຮົມ​ດ້ານ​ບໍລິ​ຫານ​ຄຸ້ມ​ຄອງ​ການ​ສຶກສາ​ຊັ້ນ​ມັດທະຍົມ​ໃຫ້​ແກ່​ພະນັກງານ​ຫ້ອງການ​ສຶກສາ​ທິການ ​ແລະ ກິລາ​ເມືອງ​ທົ່ວ​ແຂວງ​ຂຶ້ນ​ຢ່າງ​ເປັນ​ທາງ​ການ ​ໂດຍ​ພາຍ​ໃຕ້​ການ​ເປັນ​ປະທານຂອງ​ທ່ານ ສີ​ລິ​ສັກ ຖະໜອມຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ມີ​ທ່ານ ປະ​ເສີດ ຟອງ​ຈະ​ເລີ​ນ ຮັກສາ​ການ​ຫົວໜ້າ​ພະ​ແນ​ກບໍລິຫານ​ການ​ສຶກສາ ກະຊວງ​ສຶກສາ​ທິການ ​ແລະ ກິລາ, ບັນດາ​ທ່ານ​ຫົວໜ້າ, ຮອງຫ້ອງການ​ສຶກສາ​ທິການ ​ແລະ ກິລາ​ເມືອງ, ໜ່ວຍ​ງານ​ບໍລິຫານການ​ເງິນ, ໜ່ວຍ​ງານຈັດ​ຕັ້ງ-ພະນັກງານ, ໜ່ວຍ​ງານ​ສະຖິຕິ-​ແຜນການ, ໜ່ວຍ​ງານ​ກ່ອນ​ໄວ​ຮຽນ ມີ 8 ​ເມືອງ, ພ້ອມ​ດ້ວຍ​ຄະນະ​ຮັບຜິດຊອບ​ຂັ້ນ​ແຂວງ ​ແລະ ຄູ​ຝຶກ​ເຂົ້າ​ຮ່ວມ.

            ​ໃນ​ພິທີ, ທ່ານ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ກໍ່​ໄດ້​ໃຫ້​ກຽດ​ກ່າວ​ເປີດ ​ແລະ ຕອ້ນຮັບ​ແຂກ​ເຊິ່ງທ່ານກໍ່​ໄດ້​ເນັ້ນ​ໜັກບາງ​ດ້ານ​ທີ່​ສຳຄັນ​ເປັນ​ຕົ້ນ​ແມ່ນ: ເພື່ຶອຈັດຕັ້ງປະຕິບັດ ແຜນຍຸດທະສາດການປະຕິຮູບລະບົບການສຶກສາແຫ່ງຊາດເວົ້າລວມ, ເວົ້າສະເພາະແມ່ນເພື່ອປະຕິບັດແຜນພັດທະນາການສຶກສາຂັ້ນພື້ນຖານ ແລະ ໂຄງການຍົກສູງຄຸນນະພາບການສຶກສາ ທີ່ກະຊວງສຶກສາທິການ ແລະ ກິລາວາງອອກ ແລະ ປະຕິບັດກິດຈະກໍາຂອງໂຄງການພັດທະນາຂະແໜງການຍ່ອຍຊັ້ນມັດທະຍົມສຶກສາ ທັງນີ້ການຝຶກອົບຮົມກໍ່ເພື່ອສ້າງຂີດຄວາມສາມາດໃຫ້ແກ່ພະນັກງານຂັ້ນຫ້ອງການສຶກສາທິການ ແລະ ກິລາເມືອງ ໃນການບໍລິຫານການສຶກສາ ກໍ່ຄືການບໍລິຫານຄຸ້ມຄອງຂະແໜງການຍ່ອຍຊັ້ນມັດທະຍົມ ດັ່ງ​ນັ້ນ​ຈຶ່ງ​ຮຽກຮ້ອງ​ມາ​ຍັງ​ນັກ​ສຳ​ມະ​ນາກ​ອນທຸກ​ທ່ານ ຈົ່ງ​ພ້ອມ​ກັນເອົາໃຈໃສ່ສຶກສາ ຄົ້ນຄວ້າແລະ ປຶກສາຫາລືຮ່ວມກັນເພື່ອໃຫ້ໄດ້ບົດຮຽນທີ່ເປັນປະໂຫຍແກ່ວຽກງານການສຶກສາ - ກິລາໂດຍສະເພາະແມ່ນການຄຸ້ມຄອງໂຮງຮຽນແບບເອົາໂຮງຮຽນເປັນຖານ, ການວາງແຜນພັດທະນາການສຶກສາ, ງົບປະມານ ແລະ ການເງິນ, ການປະກັນຄຸນນະພາບ ແລະ ການຕິດຕາມ - ປະເມີນຜົນເຊິ່ງເປັນຫົວຂໍ້ເນື້ອໃນທີ່ຈະຝຶກໃນຄັ້ງນີ້.

 

            ການຝຶກອົບຮົມໃນຄັ້ງນີ້ແມ່ນຈະດຳເນີນເປັນເວລາ 5 ວັນຈຶ່ງສຳເລັດ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ