ແຈ້ງການສອບເສັງ ມຈ ສົກຮຽນ 2017-2018

 

266714
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
253
195
623
264627
3777
9151
266714
Your IP: 54.198.15.20
2018-10-16 04:10

 

 

ຮຮ ​ເຕັກນິກ​ວິຊາ​ຊີບ​ແບບ​ປະສົມ​ແຂວງ​ສາລະ​ວັນ​

ຮັບ​ສະມາຊິກ​ພັກສົມບູນ 3 ສະຫາຍ

      ​ໂຮງຮຽນ​ເຕັກນິກ​ວິຊາ​ຊີບ​ແບບ​ປະສົມ​ແຂວງ ສາລະ​ວັນ ​ໄດ້​ຈັດ​ພິທີ​ຮັບ​ເອົາ​ສຳມະ​ຊິກ​ພັກ​ສຳຮອງ​ ຈໍານວນ 3 ສະຫາຍ ຜູ້​ທີ່​ມີ​ຄວາມ​ກ້າວໜ້າ​ເຂົ້າ​ເປັນ​ສະມາຊິກ​ພັກ​ສົມບູນ ​ໃນ​ວັນ​ທີ 4 ຕຸລາ 2018 ນີ້ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ວັດທະນາ ໜັ້ນວິ​ໄລ ຄະນະ​ພັກ​ຄະນະ​ພະ​ແນ​ກສຶກສາທິການ ​ແລະ ກິລາ​ແຂວງ, ມີ​ເລຂາຄະນະ​ໜ່ວຍພັກອ້ອມ​ຂ້າງ, ນາຍບ້ານໆ​ແສນ​ວັງ, ​ບ້ານ​ຫົວ​ຂົວ​ເສັດ ພ້ອມ​ດ້ວຍສະມາຊິກ​ພັກ​ສົ​ມບູນ​ເຂົ້າ​ຮ່ວມ.

       ​ໃນ​ພິທີ ສະຫາຍ ​ແອ​ ຍາ​ແສງ ຮອງ​ຜູ້ອຳນວຍການ​ໂຮງຮຽນ​ເຕັກນິກ​ວິຊາ​ຊີບ​ແບບ​ປະສົມ​ແຂວງ​ກໍ່​ໄດ້​ຜ່ານ​ມະຕິ​ຕົກລົງ​ວ່າ​ດ້ວຍ​ການ​ຕົກລົງ​ອະນຸ​ມົດ​ເລື່ອນ​ສະມາຊິກ​ພັກ​ສຳຮອງ ຂຶ້ນ​ເປັນສະມາຊິກ​ສົມ​ບູນ ຂອງ​ພັກ​ປະຊາຊົນ​ປະຕິວັດ​ລາວ, ​ໂດຍ​ປະຕິບັດ​ຕາມ​ລະບຽບ​ຂອງ​ພັກ​ສະ​ໄໜທີ 10 ທີ່​ໄດ້​ກຳນົດ​ໄວ້​ໃນ​ໜວດ​ທີ 1, ມາດຕາ 2 ຂໍ້ ຄ ວ່າ​ດ້ວຍ ການ​ພິຈາລະນາ​ເລື່ອນ​ສະມາຊິກ​ສຳຮອງ​ເປັນ​ສະມາຊິກ​ສົມບູນ ຈຳນວນ 3 ສະ​ຫາຍຄື: 1, ສະ​ຫານ ບຸນ​ມີ ທຳ​ມະ​ວົງສາ, ສະຫາຍ ບຸນ​ມີ ​ໂນນ​ທະ​ໃສ, ສະຫາຍ ບົວ​ສີ ​ແສງ​ບົວ​ຄຳ.

       ​ໃນ​​ໂອກາດ​ດຽວ​ກັນ ທ່ານ ວັດທະນາ ໜັ້ນວິ​ໄລ ຄະນະ​ພັກ​ຄະນະ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ກໍ່​ໄດ້​ມີ​ຄຳ​ເຫັນ​ໂອ້​ລົມ​ພ້ອມ​ທັງ​​​ເນັ້ນ​ໜັກ​ຫຼາຍ​ບັນຫາ​ທີ່​ສຳຄັນ​ເປັນ​ຕົ້ນ​ແມ່ນ​ສະມາ​ຊິກ​ພັກ​ທຸກ​ສະຫາຍ​ຈົ່ງ​ເພີ່ມ​ທະວີ​ຄວາມ​ຮັບ​ຜິດ​ຊອບ​ສູງ, ​ເປັນ​ເຈົ້າ​ການ​ໃນ​ການ​ປະຕິບັດ​ລະບຽບ​ວິ​ໄນ​ຂອງ​ພັກ, ມີ​ຄວາມ​ສາມັກຄີ​ຮັກ​ແພງ​ເພື່ອນ​ມິດ​ສະຫາຍ​ທັງ​ພາຍ​ໃນ ​ແລະ ພາຍ​ນອກ, ມີ​ສະຕິ​ລະວັງ​ຕົວ, ​ເຄົາລົບ​ນັບຖື​ຕໍ່​ການຈັດ​ຕັ້ງ, ພ້ອມ​ກັນ​ສືບ​ຕໍ່​ເສີມ​ຂະຫຍາຍ​ພັກ​ໃຫ້​ເປັນ​ໜ່ວຍ​ພັກ​ເຂັ້ມ​ແຂງ-ປອດ​ໃສ ຕາມ​ລະບຽບ​ການ​ຂອງ​ພັກ​ປະຊາຊົນ​ປະຕິວັດ​ລາວ​ວາງ​ໄວ້, ໜ້າ​ທີ່​ຂອງ​ສະມາ​ຊິກ​ພັກ​ຕ້ອງ​ເປັນ​ເຈົ້າ​ການ​ໃນ​ການ​ປະຕິບັດ​ແນວທາງ,ນະ​ໂຍບາຍ, ມະຕິ​ຄຳ​ສັ່ງ, ກົດ​ລະບຽບ​ພັກ, ລັດຖະທຳ​ມະນູນ ​ແລະ ກົດ​ໜາຍ​ລັດ, ຕັ້ງໜ້າ​ຝຶກ​ຝົນ​ຫຼໍ່​ຫຼອມ​ຕົນ​ເອງ​ໃນ​ທຸກ​ດ້ານ, ຕັ້ງໜ້າ​ປະກອບ​ສ່ວນ​ເຂົ້າ​ໃນ​ວຍກງານ​ກໍ່ສ້າງ​ພັກ ​ເຮັດ​ໃຫ້​ພັກ​ປອດ​ໃສ​ເຂັ້ມ​ແຂງ ໜັກ​ແໜ້ນ​ທາງ​ດ້ານ​ການ​ເມືອງ​ແນວ​ຄິດ, ພົວພັນ​ສະໜິດ​ແໜ້ນ​ກັບ​ປະຊາຊົນ ​ເຄົາລົບ ​ແລະ ​ເສີມ​ຂະຫຍາຍ​ສິດ​ເປັນ​ເຈົ້າ​ຂອງ​ປະຊາຊົນ, ກຳ​ແໜ້ນ​ປະຕິບັດ​ແນວທາງ​ນະ​ໂຍບານ​ຕ່າງປະ​ເທດ​ຂອງ​ພັກ - ລັດ, ຍົກ​ສູງ​ນໍ້າ​ໃຈ​ສາມັກຄີ​ສາກົນ, ນອກຈາກ​ນັ້ນ​ແລ້ວ ສະມາຊິກ​ພັກ​ສົມບູນ​ມີ​ສິດ​ໄດ້​ຮັບ​ຂໍ້​ມູນ​ຂ່າວສານ​ປະຈຳ, ປະກອບສ່ວນ​ປຶກສາ​ຫາລື​ແລກປ່ຍນຄຳ​ຄິດ​ຄຳ​ເຫັນ, ຕິ​ຊົມ, ຊັກ​ຖາມກ່ຽວກັບ​ການ​ເຄື່ອນ​​ໄຫວ​ຂອງ​ການຈັດ​ຕັ້ງ​ພັກ, ​ເລືອກ​ຕັ້ງ ສະ​ໜັກ​ເລືອກ​ຕັ້ງ ​ແລະ ສະ​ເໜີ​ຜູ້​ອອກ​ສະ​ໜັກ​ຮັບ​ເລືອກ​ຕັ້ງ​ເຂົ້າ​ໃນ​ການ​ນຳ​ຂັ້ນ​ຕ່າງໆ, ຂໍ້​ຫ້າມ​ສຳລັບ​ສະມາຊິກ​ພັກ​ເປັນ​ຕົ້ນ​ແມ່ນ ຫ້າມ​ສະ​ແດງ​ທັດສະນະ ​ແລະ ປະພຶດ​ທີ່​ເປັນ​ການລະ​ເມີດ ​ແລະ ຕ້ານ​ແນວທາງ, ມະຕິ, ​ຄຳ​ສັ່ງ, ກົດ​ລະບຽບຂອງ​ພັກ, ລັດຖະທຳ​ມະນູນ, ກົດ​ໜາຍ​ຂອງ​ລັດ, ຫ້າມ​ເປີດ​ເຜີຍ​ຂໍ້​ມູນທີ່​ເປັນຄວາມ​ລັບຂອງ​ຊາດ, ຂອງ​ພັກ ​ແລະ ກົມ​ກອງ, ຫ້າມ​ຈັດ​ຕັ້ງ​ເຄື່ອນ​ໄຫວ ​ແລະ ​ເຂົ້າ​ຮ່ວມ​ຊຸມ​ນຸມ​ປະ​ທ້ວງ​ຫຼື​ນຳ​ໃຊ້​ສື່​ອອນ​ລາຍ​ຕ້ານ​ການ​ຈັດ​ຕັ້ງ​ພັກ-ລັດ, ຫ້າມ​ສວຍ​ໃຊ້​ອຳນາດ, ນຳ​ໃຊ້​ຊັບ​ສິນ​ຂອງ​ລັດ, ລວມໜູ່​ເພື່ອ​ຈຸດປະສົງ​ສ່ວນ​ຕົວ​ໂດຍ​ບໍ່​ຖືກ​ກັບ​ກົດ​ຫຼະບຍບພັກ​ແລະ ລັດ, ຫ້າມ​ໃຫ້​ສິນ​ບົນ, ຮັບ​ສິນ​ບົນ, ທວງ​ເອົາ ຂໍ​ເອົາ​ສ່ວນ​ແບ່ງ ​ໂດຍ​ທາງ​ກົງ ​ແລະ ທາງ​ອ້ອມ ​ແລະ ພຶດຕິ​ກຳ​ອັນ​ອື່ນ​ທີ່​ເປັນ​ການ​ສໍ໊ລາດ​ບັງ​ຫຼວງ.

 ​    ໃນ​ຕອນ​ທ້າ​ຍທ່ານ​ກໍ່​ໄດ້​ຍົກ​ໃຫ້​ເຫັນ​ເຖິງ​ຄວາມ​ໜາຍ​ຄວາມ​ສຳຄັນ​ຂອງ​ພິທີ​ໂດຍ​ສະ​ເພາະ​ແມ່ນ​ທຸງ​ພັກ ຂອບ​​ເຂດສີ​ແດງເຊິ່ງໜາຍ​ເຖິງ​ເລືອດ​ນັກຮົບ​ປະຕິວັດ ​ແລະ ປະຊາຊົນ​ບັນດາ​ເຜົ່າ​ທີ່​ຍອມ​ເສຍ​ສະຫຼະ​ເລືອດ​ເນື້ອ​ເພື່ອ​ປະ​ເທດ​ຊາດ, ​ໃຈກາງ​ມີ​ຮູບ​ກ່ຽວ ​ແລະ ຄ້ອນ​ຕີ​ໜາຍ​ເຖິງ ພັນ​ຕະພາບກຳມະກອນ​ ​​ແລະ ຊາວນາ​ທີ່​ເປັນ​ກຳລັງ​ແຮງ​ຂອງ​ພັກ​ໃນ​ການ​ລຸກ​ຂຶ້ນ​ຕໍ່​ສູ້​ພາຍ​ໃຕ້​ການ​ນຳພາ​ຂອງ​ພັກ, ທຸງຊາດ ຂອບ​ເຂດ​ສີ​ແດງ ໜາຍ​ເຖິງ​ເລືອດ​ນັກຮົບ​ປະຕິວັດ ​ແລະ ປະຊາຊົນ​ທີ່​ຍອມ​ເສະ​ສະຫຼະ​ເລືອ​ດ​ເນື້ອ​ທາ​ຜືນ​ແຜ່ນດິນ​ລາວ, ຂອບ​ມີ​ຄາມ ໜາຍ​ເຖິງຄວາມ​ອຸດົມສົ​ມບູນຂອງ​ປະ​ເທດ​ຊາດ ມີ​ຊັບພະຍາກອນ​ທຳ​ມະ​ຊາດ​ໃນ​ດິນ​ໃນ​ນ້ຳ​ຢ່າງ​ຫຼວງ​ຫຼາຍ, ​ໃຈກາງ​ເປັນ​ວົງ​ເດືອນ​ສີ​ຂາວ ໜາຍ​ເຖິງ​ແສງ​ສະຫວ່າງ, ຄວາມ​ປອດ​ໃສ, ບໍລິສຸດ​ຜຸດ​ຜ່ອງ​ຂອງ​ຄົນ​ລາວ​ທີ່​ມີ​ມູນ​ເຊື້ອ​ສືບ​ທອດ​ກັນ​ມາ, 

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ