ການເຄື່ອນໄຫວຕ່າງໆ

ແຈ້ງການ

075153
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
265
260
2831
69189
13028
41370
75153
Your IP: 54.147.247.194
2017-01-22 16:22

 ເປີດ​ສາກ​ແລ້ວ ງານ​ແຂ່ງຂັນ​ກິລາ​ທົ່ວ​ແຂວງ ສາລະ​ວັນ ຄັ້ງ​ທີ 7

        ​​ເປີດ​ສາກ​ແຂ່ງຂັນ​ຢ່າງ​ເປັນ​ທາງ​ການ​ແລ້ວ ງານ​ການ​ແຂ່ງຂັນ​ກິລາ​ປະຈຳ​ປີ 2016 ​ທົ່ວ​ແຂວງ ສາລະ​ວັນ ຄັ້ງ​ທີ 7 ທີ່​ສະໜາມກິລາ​ແຂວງ​ສາລະ​ວັນ ​​ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ທຽມ​ ພົມມະ​ສະຖິດ ຮອງ​ເລຂາ​ພັກ​ແຂວງ ປະທານ​ສະພາ​ເຂດ​ເລືອກ​ຕັ້ງ​ທີ 14 ​ແຂວງ​ສາລະ​ວັນ, ທ່ານ ບົວໄລ ໄຊຍະບັນຫາ ຮອງຫົວໜ້າພະແນກສຶກສາທິການ ແລະ ກິລາເມືອງ, ທ່ານ ວັນນະລັກ ຫຼ້າຫຼ່ຽມທະວີໄຊ ຮອງ​ເລຂາ​ພັກ​ເມືອງ ຫົວໜ້າ​ຄະນະ​ຈັດ​ຕັ້ງ​ເມືອງ ສາລະວັນ, ບັນດາທ່ານກຳມະການພັກແຂວງ, ເລຂາພັກເຈົ້າເມືອງ, ຫົວໜ້າພະແນກການອ້ອມຂ້າງແຂວງ, ຄະນະນຳກິລາ, ຄູຝຶກ, ກໍາມະການຕັດສິນ,ນັກກິລາແຕ່ລະເມືອງເຂົ້າຮ່ວມຢ່າງ ຫຼວງຫຼາຍ.

     ໃນພິທີບັນດາທ່ານຜູ້ແທນແລະ ປວງຊົນຊາວແຂວງສາລະວັນກໍ່ໄດ້ຊົມລາຍການສະແດງຕ່າງໆຈາກນ້ອງນັກຮຽນແລະ ການເດີນສວນສະໜາມຂອງແຕ່ລະກ້ອນກຳລັງປະກອບມີ:ກ້ອນກຳລັງທຸງຊາດ, ທຸງນັກກິລາ ປ້າຍໂລໂກ້ງານ, ກ້ອນກຳລັງຕຸລິຍາຍ ເຍົາວະຊົນ,ກອ້ນກຳລັງກຳມະການຕັດສິນ, ກ້ອນກຳລັງຊາວໜຸ່ມປະຊາຊົນປະຕິວັດລາວ, ກ້ອນກຳລັງເມືອງສະໜ້ວຍ, ຕະໂອ້ຍ, ຕຸ້ມລານ,ລະຄອນເພັງ, ຄົງເຊໂດນ, ວາປີ, ເລົ່າງາມ ແລະ ເມືອງສາລະວັນເຈົ້າພາບ.

   ໃນໂອກາດດັ່ງກ່າວ ທ່ານ ວັນນະລັກ ຫຼ້າຫຼ່ຽມທະວີໄຊ ໄດ້ຂຶ້ນລາຍງານຈຸດປະສົງ ແລະ ລະດັບຄາດໜາຍໃນການເປັນເຈົ້າຈັດງານການແຂ່ງ ຂັນກິລາຄັ້ງນີ້ກໍ່ແມ່ນເພື່ອໃຫ້ນັກຮຽນ-ນັກສຶກສາໄດ້ສະແດງອອກ ເຖິງຄວາມສາມາດໃນແຕ່ລະປະເພດກິລາທີ່ຕົນມັກຮັກ ພ້ອມທັງສາມາດຄັດເລືອກເອົານັກກິລາທີ່ເກັ່ງ ມີພອນສະຫວັນເປັນຕົວເດັ່ນຂອງເມືອງກໍ່ຄືຂອງແຂວງ, ເຮັດໃຫ້ພໍ່ແມ່ປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈເຖິງຄວາມໜາຍຄວາມສຳຄັນຂອງວຽກງານ ກິລາໃຫ້ເລິກເຊິ່ງກວ້າງພ້ອມທັງມີສ່ວນຮ່ວມໃນແຕ່ລະການແຂ່ງຂັນ, ສຳລັບງານແຂ່ງຂັນກິລາທົ່ວແຂວງ ສາລະວັນ ທີ່ເມືອງສາລະວັນເປັນເຈົ້າພາບແມ່ນໄດ້ ຕົກລົງ ຮັບຮອງເອົາຊ້າງເປັນສັດນຳໂຊກ, ເອົາແຄນເປັນສັນຍາລັກ ແລະ ມີຄໍາຂວັນທີ່ວ່າ: ກິລາເພື່ອຄວາມສາມັກຄີ ມີວິໄນ ກ້າວສູ່ຫຼັກໄຊ ເປັນນ້ຳໃຈຂອງທຸກຄົນ. ພ້ອມດຽວກັນນີ້ ການຈັດງານແຂ່ງຂັນດັ່ງກ່າວ ຍັງເປັນການສ້າງຕົວນັກກິລາກະກຽມຄວາມພ້ອມເຂົ້າຮ່ວມງານແຂ່ງຂັນກິລານັກຮຽນ ທົ່ວປະເທດຄັ້ງທີ 6 ປີ 2017 ທີ່ແຂວງ ບໍລິຄຳໄຊ, ແລະ ງານມະຫາກຳແຫ່ງຊາດ ຄັ້ງທີ 11 ປີ 2018 ທີ່ແຂວງ ຊຽງຂວາງເປັນ ເຈົ້າພາບ.

      ສໍາລັບການແຂ່ງຂັນຄັ້ງນີ້ມີຄະນະນຳ, ຄູເຝິກ,ກຳມະການ ແລະ ນັກກິລາເຂົ້າຮ່ວມທັງໜົດ 1.561 ຄົນ,ຍິງ 725 ຄົນ,ໃນ 5 ປະເພດກິລາຄື: ກິລາບານເຕະຊາຍ, ກິລາບານສົ່ງ ຊາຍ -ຍິງ, ກິລາກະຕໍ້ ຊາຍ, ກິລາເປຕັງ ຊາຍ-ຍິງ, ກິລາ ແລ່ນ-ລານ ຊາຍ-ຍິງ. ລວມມີ 16 ລາຍການແຂ່ງຂັນ ພ້ອມນັ້ນກໍ່ມີເງິນລາງວັນ ແລະ ຂັນໃຫ້ປະເພດກິລາລວມໝູ່, ໃນນັ້ນຈະໄດ້ແຊ່ງຂັນຊີງໄຊກັນທັງໜົດ 279 ຫຼຽນ, ຫຼຽນຄໍາ 93 ຫຼຽນ, ຫຼຽນເງິນ 93 ຫຼຽນ, ແລະຫຼຽນທອງແດງ 93 ຫຼຽນ, ການແຂ່ງຂັນແມ່ນແບ່ງອອກເປັນສອງຈຸດຄື: ສະໜາມກິລານາໂຄກ, ແລະ ເດີ່ນກິລາໂຮງຮຽນ ມສ ສາລະວັນ ໂດຍງານແຂ່ງຂັນກິລາດັ່ງກ່າວຈະດຳເນີນ ໄປຮອດວັນທີ 9 ເມສາ 2016 ຈຶ່ງຈະປິດລົງຢ່າງເປັນທາງການ.

            ​ໃນ​ໂອກາດ​ທີ່​ມີ​ຄວາມ​ໜາຍ​ ທ່ານ ບຸນ​ທຽມ​ ພົມມະ​ສະຖິດ ກໍ່​ໄດ້​ໃຫ້​ກຽດ​ກ່າວ​ເປີດ​ງານ​ຢ່າງ​ເປັນ​ການ​ພ້ອມ​ທັງ​ຕັດ​ແຖບ​ຜ້າ, ລັ່ນຄ້ອງ 9 ບາດ ​ແລະ ປ່ອຍ​ປຸມ​ເປົ້າ​ຂຶ້ນ​ທ້ອງຟ້າ​ເພື່ອ​ເປັນ​ສາຍາ​ລັກ​ໃຫ້​ຮູ້​ວ່າ ສາລະ​ວັນ​ເກ​ມ​ໄດ້​ເປີດ​ສາດ​ຊີງ​ໄຊ​ກັນ​ຢ່າງ​​ເປັນ​ທາງ​ການ​ແລ້ວ.  ​ຈາກ​ນັ້ນໃນ​ຕອນ​ທ້າຍຂອງ​ພິທີ ກໍ່​ໄດ້​ຮັບ​ຊົມ​ການ​ເຕັ້ນ​ແອ​ໂຣບິ​ກ, ຟ້ອນ​ລຳ​ສາລະ​ວັນ, ຟ້ອນ​ມວຍ​ລາຍ​ລາວ ​ແລະ ​ເຕັ້ນ​ປັດ​ສະຫຼົບ​ລວມໜູ່ ຈາກ​ນ້ອງ​ນັກ​ຮຽນທີ່​ຖ່າຍ​ທອດ​ໃຫ້​ເຫັນ​ເຖິງ​ວັດທະນະທຳ​ອັນ​ດີງາມ​ຂອງ​ຊາດ​ກໍ່ຄື​ເອກະ​ລັກ​ປະຈຳ​ແຂວງ​ສາລະ​ວັນ​ກໍ່ຄື ຟ້ອນສາລະ​ວັນນັ້ນ​ເອງ.