ການເຄື່ອນໄຫວຕ່າງໆ

ແຈ້ງການທຶນການສຶກສາ

177989
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
37
203
240
175511
6054
5537
177989
Your IP: 54.167.202.184
2017-10-23 02:34

ສກມ ສາລະວັນ ໄຂກອງປະຊຸມຜູ້ບໍລິຫານການສຶກສາທົ່ວເມືອງ

ຫ້ອງການສຶກສາທິການ ແລະ ກິລາ ເມືອງສາລະວັນ ເປີດກອງປະຊຸມຜູ້ບໍລິຫານການສຶກສາທົ່ວເມືອງ ເພື່ອສະຫຼຸບການເຄື່ອນໄຫວ ແລະ ວາງທິດທາງແຜນການປະຈໍາປີ 2017.

            ກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າວັນທີ 24 ກໍລະກົດ ຜ່ານມາ ທີ່ສະໂມສອນໂຮງຮຽນ ມສ ອົງແກ້ວ ພາຍໃຕ້ການເປັນປະທານຂອງທ່ານ ໜູຄຳ ສີສະຫວັດ ກໍາມະການພັກເມືອງຫົວໜ້າຫ້ອງການສຶກສາທິການ ແລະ ກິລາເມືອງສາລະວັນ, ໃຫ້ກຽດເຂົ້າຮ່ວມຂອງທ່ານ ສີລິສັກ ຖະໜອມຮັກ ກຳມະການພັກແຂວງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ນາງ ນວນໃສ ແກ້ວເມກ ຄະນະປະຈຳພັກເມືອງ ຮອງເຈົ້າເມືອງໆສາລະວັນ​, ມີຜູ້ບໍລິຫານການສຶກສາ, ຫ້ອງການອອ້ມຂ້າງເມືອງ, ​ເລຂາ​ພັກ​ຮາກ​ຖານ​ກຸ່ມ​ບ້ານ ​ພ້ອມແຂກທີ່ຖືກເຊີນ​ເຂົ້າ​ຮວ່ມຢ່າງພ້ອມພຽງ.

ໃນໂອກາດດຽວກັນ ທ່ານ ສຸລິວັນ ພັນທະວົງ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ສາລະວັນ ກໍ່ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ແຜນ​ພັດທະນາ​ການ​ສຶກສາ​ປະຈຳ​ປີ 2016-2017 ເຊິ່ງມີຫຼາຍອັນທີ່ພົ້ນເດັ່ນໃນການຈັດຕັ້ງປະຕິບັດຜ່ານມາ ເປັນຕົ້ນແມ່ນ ການສຶກສາກ່ອນໄວຮຽນ, ປະຖົມສຶກສາ, ວຽກງານ​ມັດທະຍົມຕອນຕົ້ນ, ວຽກມັດທະຍົມຕອນປາຍ, ການ​ສຶກສານ​ອກ​ໂຮງຮຽນ, ການສຶກສາວິຊາຊີບ, ກິລາ-ກາຍະກຳ, ການບໍລິຫານ ແລະ ຄຸ້ມຄອງການສຶກສາ. ໃນນັ້ນການສຶກສາກ່ອນໄວຮຽນແມ່ນມີການຂະຫຍາຍຕົວໄວພໍສົມຄວນ ແລະ ໄດ້ເອົາໃຈໃສ່ຂະຫຍາຍຫ້ອງກຽມປະຖົມໄດ້ຫຼາຍຂຶ້ນ ມີໂຮງຮຽນອະນຸບານຮຽນເດັກ 14 ແຫ່ງ ມີ 62 ຫ້ອງຮຽນ ເຊິ່ງເພີ່ມຂຶ້ນຈາກສົກປິ 2015 – 2016 ມີ 17 ຫ້ອງຮຽນເທົ່າກັບ 30,35%, ອັດຕາເຂົ້າຮຽນຂອງເດັກອາຍຸ 3-5 ປີ ບັນລຸໄດ້ 33,75%, ອັດຕາການເຂົ້າຮຽນລວມຂອງເດັກອາຍຸ 5 ປີ ບັນລຸໄດ້ 61%, ການສຶກສາຊັ້ນປະຖົມ ສາມາດປະຕິບັດໄດ້ ອັດຕາການເຂົ້າຮຽນໃໜ່ ປ1 ປະຕິບັດໄດ້ 115%, ອັດຕາເຂົ້າຮຽນລວມຊັ້ນປະຖົມ ປ1-ປ5 ປະຕິບັດໄດ້ 119%, ການສຶກສາຊັ້ນມັດທະຍົມຕອນຕົ້ນ 70,9%, ອັດຕາການຄ້າງຫ້ອງ 0,6%, ອັດຕາການປະລະ 10.1%, ການສຶກສາຊັ້ນມັດທະຍົມຕອນປາຍ ມີອັດຕາການເຂົ້າຮຽນລວມ 42,6%, ອັດຕາການປະລະ 4,5%, ອັດຕາຄ້າງຫ້ອງ 0,4%  ແລະ ວຽກງານອື່ນໆກໍ່ມີຜົນສຳເລັດ ໃນພິທີກໍ່ໄດ້ຜ່ານແຜນການພັດທະນາການສຶກສາປະຈຳສົກປີ 2017-2018 ແລະ ມອບຫຼຽນໄຊຊັ້ນໜຶ່ງ, ຊັ້ຊສອງ ແລະ ຊັ້ນສາມ, ມອບຫຼຽນກາແຮງງານ, ໃບຍ້ອງຍໍ ໃຫ້ບຸກຄົນ ແລະ ກົມກອງ ທີ່ມີຜົນງານດີເດັ່ນ ມອບຂັນແລະໃບຍ້ອງຍໍໃຫ້ແກ່ນັກຮຽນດີເດັ່ນປະຈຳສົກປີ 2016-2017.

ນອກຈາກ​ນີ້ ​ໃນ​ກອງ​ປະຊຸມ​ຍັງ​ໄດ້​ຮັບ​ຟັງ​ບົດ​ລາຍ​ງານ​ຂອງ​ບັນດາ​ຜູ້ອຳນວຍການ​ໂຮງຮຽນ ​ໂດຍ​ສະ​ເພາະ​ແມ່ນ​ການ​ລາຍ​ງານ​ກ່ຽວ​ກັບ​ການກໍ່ສ້າງ​ນັກ​ຮຽນ​​ເກັ່ງ​ພາຍ​ໃນ​ເມືອງ​ໃຫ້​ມີ​ຄວາມ​ພົ້ນ​ເດັ່ນ​ກວ່າ​ປີຜ່ານມາ ​ແລະ ວິທີ​ການ​ແກ້​ໄຂ​ປະກົດ​ການ​ຫຍໍ້​ທໍ້​ໃນ​ຂະ​ແໜງ​ການ​ສຶກສາ ​ເປັນ​ຕົ້ນ​ແມ່ນ​ອັດຕາ​ຄ້າງ, ອັດຕາ​ປະລະ​ໃຫ້​ຫຼຸດ​ລົງ, ​ໃນ​ກອງ​ປະຊຸມບັນດາ​ຄະນະ​ຜູ້​ແທນ ຜູ້​ບໍລິຫານ​ການ​ສຶກສາກໍ່​ໄດ້​ຈັດ​ກຸ່ມ​ຄົ້ນຄວ້າ​ຕາມ​ຄຳ​ຖາມ​ເຈາະ​ຈິ້ມ 7 ໜ້າ​ວຽກ​ຂອງ​ຜູ້​ບໍລິຫານ​ການ​ສຶກສາ​ພາຍ​ໃນ​ເມືອງ.

​ໃນຕອນທ້າຍຂອງພິທີ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ ກໍ່ໄດ້ໃຫ້ກຽດໂອ້ລົມຕໍ່ຜູ່ບໍລິຫານການສຶກສາ ເຊິ່ງທ່ານໄດ້ເນັ້ນໜັກບາງດ້ານທີ່ສໍາຄັນເປັນຕົ້ນແມ່ນ  ການຂະຫຍາຍໂອກາດ ໂດຍໃຫ້ເດັກໃນເກນອາຍຸ ທຸກຊັ້ນທຸກສາຍ ໃຫ້ມີໂອກາດເຂົ້າຮຽນຢ່າງທົ່ວເຖິງ, ການຂະຫຍາຍຕານ່າງການສຶກສາຕ້ອງໄດ້ມີຈຸດສຸມ ທີ່ເລັ່ງໃສ່ເງື່ອນໄຂ ແລະ ທ່າແຮງຕົວຈິງຂອງໂຮງຮຽນ, ຂອງບ້ານ ກໍ່ຄືຊຸມຊົນ, ເອົາໃຈໃສ່ການບໍລິຫານຄຸ້ມຄອງໂດຍແນ່ໃສ່ວິທີການນຳພາ, ການຄຸ້ມຄອງ ແບບແຜນວິທີເຮັດວຽກໃຫ້ຍຶດຖືປັດໄຈທາງການບໍລິຫານເປັນຕົ້ນຕໍ່ຄື ບຸກຄະລາກອນ ຖັນແຖວພະນັກງານທັງພະນັກງານນຳພາ-ວິຊາການຄູທີ່ເຮັດໜ້າທີ່ໃນການສິດສອນໃນໂຮງຮຽນໂດຍມີການພັດທະນາ ແລະ ກໍ່ສ້າງພະນັກງານສືບທອດປ່ຽນແທນ, ການພັດທະນາຄຸນນະພາບການສຶກສາແມ່ນເລັ່ງໃສ່ສ້າງໂຮງຮຽນໃຫ້ມີຄຸນນະພາບ ແລະ ໂຮງຮຽນຕົວແບບໃຫ້ເກີດຂຶ້ນເປັນຮູບປະທໍາ.

 

ຂ່າວໂດຍ: ແຫຼງຄຳ ບຸດນາໂຄກ