ການເຄື່ອນໄຫວຕ່າງໆ

ແຈ້ງການທຶນການສຶກສາ

187116
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
217
235
932
183399
6560
8621
187116
Your IP: 54.198.210.67
2017-11-22 14:28

 ສສກມ ເລົ່າງາມ ໄຂສົກຮຽນໄໝ່ຢ່າງເປັນທາງການ

 ໃນ​ຕອນ​ເຊົ້າ​ຂອງ​ວັນ​ທີ 13 ກັນຍາ ​ນີ້ ​ເມືອງ​ ເລົ່າງາມ​ໄດ້​ຈັດ​ພິທີ​ໄຂ​ສົກຮຽນ​ໄໝ່ສົກຮຽນ2017-2018 ຂຶ້ນ​ຢ່າງ​ເປັນ​ທາງ​ການ ທີ່​ສະ​ໂມ​ສອນເມືອງເລົ່າງາມ, ​ໂດຍ​ການ​ເປັນ​ປະທານ​ຂອງ​ທ່ານ ພິດສະໄໝ ແກ້ວວົງສັກ ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​​ເມືອງ, ​ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ວັດທະນາ ໜັ້ນວົໄລ ຮອງຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ຄຳໄຫຼ ພົມວິຈິດ ຮອງເຈົ້າເມືອງໆເລົ່າງາມ, ມີພະນັກງານ​ບຳນານ, ​ບັນດາ​ທ່ານ​ຜູ້​ບໍລິຫານ​ການ​ສຶກສາ, ຜູ້ອຳນວຍການ​ໂຮງຮຽນ​ ​ອຳນາດ​ການ​ປົກຄອງ ຄູ​ອາຈານ .

            ​​ໃນພິທີ ທ່ານ ພິດສະໄໜ ແກ້ວວົງສັກ ຫົວໜ້າຫ້ອງການສຶກສາທິການແລະ ກິລາເມືອງກໍ່ໄດ້ໃຫ້ກຽດຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານການສຶກສາສົກ 2016-2017ແລະ ທິດທາງແຜນການໃນຕໍ່ໜ້າ ພ້ອມທັງ​ກ່າວ​ເປີດ​ໄຂ​ສົກຮຽນ​ໃໝ່ ສົກ 2017 – 2018 ຢ່າງ​ເປັນ​ທາງ​ການ​ເຊິ່ງທ່ານ​ໄດ້​ຍົກ​ໃຫ້​ເຫັນ​ການຈັດ​ຕັ້ງ​ປະຕິບັດ​ວຽກ​ງານ​ການ​ພັດທະນາ​ການ​ສຶກສາ​ທີ່​ມີ​ຜົນສຳ​ເລັດ​ຫຼາຍ​ດ້ານ​ເປັນ​ຕົ້ນ​ແມ່ນໄດ້ມີການຂະຫຍາຍຕົວເປັນກ້າວໆ ເຮັດໃຫ້ເຂດບໍລິການປົກຄຸມກວມຮອດເຂດຊົນນະບົດຫ່າງໄກສອກຫຼີກ ມາຮອດປະຈຸບັນມີໂຮງຮຽນມັດທະຍົມສົມບູນ 5 ແຫ່ງ ມັດທະຍົມຕອນຕົ້ນ 10 ແຫ່ງ, ໂຮງຮຽນອະນຸບານ 12 ແຫ່ງ ອັດຕາເຂົ້າຮຽນຂອງເດັກໃນເກນ 5 ປີ ແມ່ນເທົ່າກັບ 50,16%, ຍິງ 51,97%, ອັດຕາການເຂົ້າຮຽນຂອງເດັກໃນເກນອາຍຸ 3-5 ປີ ແມ່ນ30,89%, ຍິງ 31,33%, ອັດຕາການເຂົ້າຮຽນສຸດທິຊັ້ນປະຖົມ ປະຕິບັດໄດ້ 99,62%,ຍິງ 99,4%, ອັດຕາເຂົ້າຮຽນລວມ 128.7%, ຍິງ 129,2%, ອັດຕາເລື່ອນຂັ້ນ ແລະ ຈົບຊັ້ນປະຖົມປະຕິບັດໄດ້ 87,5%,ຍິງ 89,2%, ອັດຕາຈົບຊັ້ນ ປ5 ປະຕິບັດໄດ້ 99,7%, ຍິງ 99,89%, ອັດຕາປະລະ 5,6%, ອັດຕາຄ້າງຫ້ອງ 6,8%, ວຽກງານມັດທະຍົມ ອັດຕາເຂົ້າຮຽນລວມ ປະຕິບັດໄດ້ 61,28%, ຍິງ 64,35%, ອັດຕາຈົບຊັ້ນ ປະຕິບັດໄດ້ 99,47% ຍິງ 99,67%, ອັດຕາຄ້າງຫ້ອງ 0,9%, ຍິງ 0,2%, ອັດຕາປະລະ 16%, ຍິງ 14,4%, ມັດທະຍົມຕອນປາຍ ປະຕິບັດໄດ້ 25,46%, ຍິງ 26,22%, ອັດຕາຈົບຊັ້ນ ປະຕິບັດ 100%, ຍິງ 100%, ອັດຕາຄ້າງຫ້ອງ ປະຕິບັດໄດ້ 0,6%, ອັດຕາປະລະແມ່ນ 9,7% ຍິງ 8.7%. ວຽກງານການສຶກສາໂຮງຮຽນໄດ້ຈັດການຮຽນ - ການສອນ ບໍາລຸງເກັບເລັມຊັ້ນປະຖົມຈຳນວນ 22 ບ້ານ, ມີນັກຮຽນທັງໜົດ 104 ຄົນ, ຍິງ 36 ຄົນ, ແລະ ມັດທະຍົມຕົ້ນພາກເກັບເລັມຈຳນວນ 27 ບ້ານ ແລະໄດ້ເປີດການຮຽນ-ການສອນ ມັດທະຍົມຕົ້ນ ໃຫ້ແກ່ປະຊາຊົນ.

            ທ່ານ​ໄດ້​ກ່າວ​ຕື່ມ​ອີກ​ວ່າ: ບັນດາ​ຜູ້​ບໍລິຫານ​ການ​ສຶກສາຄູ​ອາຈານ ຈົ່ງ​ພ້ອມ​ກັນ​ປະຕິບັດ​ບັນດາ​ນິຕິ​ກຳ​ທີ່​ກ່ຽວຂ້ອງ​ກັບ​ການ​ຮຽນ-ການ​ສອນ​ໃຫ້​ເປັນ​ຮູບ​ປະ​ທຳ​ເອົາ​ໃຈ​ໃສ່​ພິ​ເສດ​ຕໍ່​ກາ​ນຮຽນ - ການ​ສອນ​ຊັ້ນ​ປະຖົມ ​ໂດຍ​ສືບຕໍ່ການ​ປະຕິບັດ​ການ​ເລື່ອນ​ຂັ້ນ​ແບບ​ຕໍ່​ເນື່ອງ, ຈະ​ເອົາ​ໃຈ​ໃສ່​ການ​ສຶກສາກ່ອນ​ໄວ​ຮຽນ​ໃຫ້​ກວ້າງຂວາງ​​ໂດຍ​ສະ​ເພາະ​ແມ່ນ​ການ​ຂະຫຍາຍ​ໂຮງຮຽນ​ອະນຸບານ ​ແລະ ຫ້ອງ​ກຽມ​ປະຖົມ​ຢູ່​ໃນ​ໂຮງຮຽນ​ປະຖົມ​ສຶກສາ, ຮັບປະກັນໃຫ້ສະຖານການສຶກສາທຸກລະດັບ, ປັບປຸງກົງຈັກບໍລິຫານ, ການຄຸ້ມຄອງການສຶກສາ ແລະ ກິລາໃຫ້ມີຄຸນນະພາບທີ່ກະຊວງສຶກສາທິການ ແລະ ກິລາວາງອອກ, ປັບປຸງກົງຈັກບໍລິຫານ, ການຄຸ້ມຄອງການສຶກສາ ແລະ ກິລາ ໃຫ້ມີຄຸນນະພາບ ແລະ ປະສິດທິຜົນ, ເອົາໃຈໃສ່ຜັນຂະຫຍາຍຍຸດທະສາດການກິລາ-ກາຍະກຳໃຫ້ປະກົດຜົນເປັນຈິງເພື່ອກະກຽມຮອງຮັບໃສ່ງານແຂ່ງຂັນກິລາປະເພດຕ່າງໆທີ່ເມືອງ, ແຂວງ ແລະ ລະດັບຊາດຈັດຂຶ້ນ.

​​            ໃນໂອກາດດຽວກັນ ທ່ານ ວັດທະນາ ໜັ້ນວິໄລ ຮອງຫົວໜ້າພະແນກສຶກສາທິການແລະ ກິລາແຂວງ ສາລະວັນກໍ່ໄດ້ໃຫ້ກຽດໂອ້ລົມຕໍ່ຜູ້ບໍລິຫານການສຶກສາເຊິ່ງທ່ານໄດ້ກ່າວເນັ້ນໜັກບາງບັນຫາທີ່ ສຳຄັນເປັນຕົ້ນແມ່ນ: ເນັ້ນໃສ່ການສຶກສາທີ່ມີຄຸນນະພາບ ເຊິ່ງແມ່ນວິໄສທັດຂອງການສຶກສານັ້ນເອງ, ແຕ່ສິ່ງສຳຄັນທີ່ເປັນປັດໃຈໃນການຕັດສິນຄຸນນະພາບການສຶກສາກໍ່ແມ່ນຄູ: ເຊິ່ງຕ້ອງໄດ້ພັດທະນາຕົນເອງຢູ່ຕະຫຼອດເວລາ ໂດຍສະເພາະການຍົກລະດັບວິຊາອາຊີບ ຫາຄວາມຮູ້ ແລະ ປະສົບໃໝ່ໆ ເພື່ອມານຳໃຊ້ໃຫ້ເກີດປະໂຫຍດຕໍ່ສັງຄົມຕໍ່ນັກຮຽນ, ຈາກນັ້ນແລ້ວສິ່ງທີ່ເອື້ອ ອຳນວຍຄວາມສະດວກໃຫ້ແກ່ການຮຽນ -ການສອນກໍ່ສຳຄັນເຊັ່ນກັນ ເປັນຕົ້ນແມ່ນ ອາຄານສະຖານ ທີ່ຮຽນ, ວັດຖຸອຸປະກອນ ແລະ ສື່ການຮຽນ - ການສອນຕ່າງໆ. ທ່ານໄດ້ກ່າວຕື່ມອີກວ່າ: ໃນໂອກາດໄຂສົກຮຽນໃໝ່ ສົກຮຽນ 2017 – 2018 ນີ້ ບໍ່ສະເພາະແຕ່ເມືອງເລົ່າງາມເທົ່ານັ້ນ ໃນທົ່ວແຂວງສາລະວັນກໍ່ໄດ້ມີການໄຂສົກຮຽນພ້ອມໆເຊັ່ນດຽວກັນ ດັ່ງນັ້ນບັນດາຜູ້ບໍລິຫານການ ສຶກສາຕ້ອງໄດ້ປະຕິບັດ 3 ຂໍ້ແຂ່ງຂັນຂອງການສຶກສາເປັນຕົ້ນແມ່ນ ສອນດີ - ຮຽນເກັ່ງ, ຕ້ານ ແລະ ສະກັ້ນກັດບັນດາປະກົດການຫຍໍ້ທໍ້ໃນຂະແໜງການສຶກສາ ແລະສ້າງໂຮງຮຽນໃຫ້ເປັນສີຂຽວ, ພ້ອມນັ້ນກໍ່ຕ້ອງນຳໃຊ້ 5 ຫຼັກມູນຂອງການສຶກສາເຂົ້າໃນການສິດສອນຄື: ຄຸນສົມບັດສຶກສາ, ປັນຍາສຶກສາ, ພະລະສຶກສາ, ສິນລະປະສຶກສາ ແລະ ແຮງງານສຶກສາ ເພື່ອຮັບປະກັນໃຫ້ໄດ້ທັງ ປະລິມານແລະ ຄຸນນະພາບຄຽງຄູ່ກັນໄປ.

 

            ​​ຂ່າວໂດຍ: ແຫຼັງຄຳ ບຸດນາໂຄກ