ແຈ້ງການສອບເສັງ ມຈ ສົກຮຽນ 2017-2018

 

266669
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
208
195
578
264627
3732
9151
266669
Your IP: 54.198.15.20
2018-10-16 03:34

 

 

ສາລະ​ວັນ ສ້າງ​ການ​ຮຽນ​ຮູ້​ສິ່ງ​ແວດ​ລ້ອມ 2 ​ເມືອງ​ເປົ້າ​ໜາຍ

 ສາລະ​ວັນ ​ແລະ ​ເລົ່າ​ງາມ

        ​ໃນ​ຕອນ​ເຊົ້າ​ວັນ​ທີ 25 ທັນວາ​ນີ້ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ​ໄດ້​ຈັດ​ກອງ​ປະຊຸມ​ສົ່ງ​ເສີມ​ການ​ຮຽນ​ຮູ້​ສິ່ງ​ແວດ​ລ້ອມ​ຢູ່​ໃນ 2 ​ໂຮງຮຽນ​ມັດທະຍົມ​ສຶກສາ​ເປົ້າ​ໜາຍ 2 ​ເມືອງ​ຄື​: ​ເມືອງ ສາລະ​ວັນ ​ແລະ ​ເມືອງ ​ເລົ່າ​ງາ​ມ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ​ ນາງ ທອງ​ໃບ ​ໄຊ​ຍະ​ສານ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ນາງ ບົວລະ​ເພັດ ຈຸນ​ທະ​ວົງ ອຳນວຍ​ການ​ສະມາຄົມ​ພັດທະນາ​ຊຸມ​ຊົນ​ບ້ານ​ເຮົາ, ຮອງ​ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ​ສາລະ​ວັນ, ​ເມືອງເລົ່າ​ງາມ ພ້ອມ​ດ້ວຍ​ຄູ​ສອນ ​ແລະ ນ້ອງ​ນັກຮຽນ​ໂຮງຮຽນ​ມັດທະຍົມ​ຕອນ​ຕົ້ນໜາ​ກນາວ ​ແລະ ​ໂຮງຮຽນ ມສ ດົງ​ໃຫຍ່ ​ເຂົ້າ​ຮ່ວມ.

 

            ​ໃນ​ພິທີ ທ່ານ ນາງ ສຸກ​ສະ​ໄໜ ຄຳ​ພະ​ໄມ ຜູ້​ປະສານ​ງານ​ໂຄງການ​ສົ່ງ​ເສີມ​ການ​ຮຽນ​ຮູ້​ສິ່ງ​ແວດ​ລ້ອມ​ກໍ່​ໄດ້​ຂຶ້ນ​ລາຍ​ງານ​ຈຸດປະສົງ​ ແລະ​ ຄາດ​ໜາຍ​ຂອງ​ໂຄງການກໍ່​ເພື່ອ​ເພີ່ມ​ຄວາມ​ອາດ​ສາມາດ​ຂອງ​ນັກຮຽນ, ຄູ ​ແລະ ຄົນ​ໃນ​ຊຸມ​ຊົນ​ໃນ​ການ​ບໍລິຫານ​ຈັດການ​ດ້ານ​ສິ່ງ​ແວດ​ລ້ອມ​ພ້ອມໆ​ກັບ​ການ​ຊ່ວຍ​ໃຫ້​ພວກ​ເຂົາ​ຮັບ​ຮູ້ ​ແລະ ​ເຂົ້າ​ໃຈ​ເຖິງ​ຄວາມ​ຈຳ​ເປັນ​ໃນ​ການ​ນຳ​ເອົາ​ເດັກ ​ແລະ ​ໄວ​ໜຸ່ມ​ເຂົ້າ​ມາ​ມີ​ສ່ວນ​ຮ່ວມ​ໃນ​ຂະ​ບວນການ ​ໃຫ້​ນັກຮຽນ​ໄດ້​ມີ​ຄວາມ​ຮູ້​ໃນ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ​ ສ້າງ​ໂອກາດ​ໃຫ້​ເຂົາ​ມີ​ສ່ວນ​ຮ່ວມ​ຢ່າງ​ຕັ້ງ​ໜ້າ​​ໃນ​ການ​ບໍລິຫານ​ຈັດການ ​ເຊິ່ງມີ​ອາສາ​ສະ​ໜັກ 40 ນ້ອງ​ໃນ​ການ​ນຳພາ​ເຄື່ອນ​ໄຫວ​ກິດຈະກຳ​ທີ່​ກ່ຽວຂ້ອງ​ກັບ​ການ​ປົກ​ປັກ​ຮັກສາ​ສິ່ງ​ແວດ​ລ້ອມທີ່​ຈະ​ໃຫ້​ຄວາມ​ຮູ້ ​ແລະ ຊຸກຍູ້​ນັກຮຽນ​ພາຍ​ໃນ​ໂຮງຮຽນ​ກໍ່ຄື​ພໍ່​ແມ່​ປະຊາຊົນ​ພາຍ​ໃນ​ບ້ານ ​ໂຄງການ​ດັ່ງກ່າວ​ແມ່ນ​ຈະ​ດຳ​ເນີນ​ໄປ​​ເປັນ​ເວລາ 2 ປີ ​ເຊິ່ງຈະ​ມີ​ການ​ເຜີຍ​ແຜ່​ທາງ​ດ້ານ​ເອກະສານ ການຈັດ​ລາຍການ​ວິທະຍຸ ມີ​ວີ​ດີ​ໂອ​ທີ່​ສະ​ແດງ​ເຖິງ​ການ​ຮັກສາ​ສິ່ງ​ແວດ​ລ້ອມ ​ເພື່ອ​ເປັນ​ການ​ປຸກ​ລະດົມ​ໃຫ້​ທຸກ​ຄົນ​ມີ​ສ່ວນ​ຮ່ວມ ຫຼັງ​ຈາກ​ນັ້ນ​ກໍ່​ໄດ້​ຮ່ວມ​ກັນ​ສ້າງ​ແຜນ​ໂຄງ​ຮ່າງ​ການຈັດ​ຕັ້ງ​ປະຕິບັດ​ກິດຈະກຳ, ວາງ​ບົດບາດ ​ແລະ ໜ້າ​ທີ່​ອາສາ​ສະ​ໜັກ ພ້ອມທັງວາງ​ແຜນ​ສ້າງ​ຮ່າງ​ລົງ​ເກັບ​ກຳ​ຂໍ້​ມູນ​ພື້ນ​ທີ່​ເປົ້າໜາຍ​ກ່ອນ​ຈັດ​ຕັ້ງ​ກິດຈະກຳ.

 

 

ຂ່າວໂດຍ: ແຫຼັງຄຳ ບຸດນາໂຄກ