343517
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
51
238
535
342128
1389
7808
343517
Your IP: 54.92.148.165
2019-07-16 04:09

     

ວິທະຍາໄລຄູ ສາລະວັນ ເຊື່ອມຊຶມເອກະສານວຽກງານພັກ-ລັດ

ໃນຕອນເຊົ້າວັນທີ 4 ພຶດສະພານີ້ ທີ່ສະໂມສອນວິທະຍາໄລຄູສາລະວັນໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານວຽກງານຂອງພັກ-ລັດ ໂດຍພາຍໃຕ້ການເປັນປະທານຂອງທ່ານ ສຸດອນ ວົງສະຫວັດ ຮອງເລຂາຄະນະພັກຮາກຖານ ຮອງຜູ້ອຳນວຍການວິທະຍາໄລຄູສາລະວັນ ມີບັນດາທ່ານຄະນະພັກຮາກຖານ ເລຂາໜ່ວຍພັກ-ຮອງເລຂາໜ່ວຍພັກ, ສະມາຊິກພັກ, ພະນັກງານ, ຄູ-ອາຈານ ແລະ ນັກສຶກສາຕໍ່ເນື່ອງ ເຂົ້າຮ່ວມທັງໝົດ 121 ຄົນ, ຍິງ 59 ຄົນ  ໃນນັ້ນສະມາຊິກສົມບູນ 69 ຄົນ, ຍິງ 29 ຄົນ, ສະມາຊິກພັກສໍາຮອງ 13 ຄົນ, ຍິງ 9 ຄົນ.

              ໃນພິທີກໍ່ໄດ້ຮັບຟັງການເຜີຍແຜ່ເອກະສານທີ່ສຳຄັນເປັນຕົ້ນແມ່ນ: ບົດສະຫຼຸບຕີລາຄາວຽກງານກວດກາປະຈຳປີ 2017 ​ແລະ ທິດທາງແຜນການວຽກງານກວດກາປະຈຳປີ 2018 ຄະນະກວດກາແຂວງສາລະວັນ, ບົດໂອ້ລົມຂອງທ່ານ ບຸນທອງ ຈິດມະນີ ກົມການເມືອງສູນກາງພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງ ຂັ້ນສູນກາງຕໍ່ກອງປະຊຸມວຽກງານກວດກາທົ່ວປະເທດປະຈຳປີ 2017, ເອກະສານວັນເສຍອົງຄະ ແລະ ເສຍສະຫຼະຊີວິດເພື່ອຊາດ 21 ມີນາ ປີ 1946, ເອກະສານວັນສ້າງຕັ້ງພັກປະຊາຊົນປະຕິວັດລາວ 22 ມີນາ 1955, ບົດແນະນຳເພີ້ມເຕີມເລກທີ 04 ກ່ຽວກັບສິດຕົກລົງວິໄນຂັ້ນກ່າວເຕືອນ, ປ່ຽນແປງ ຫຼື ລົບລ້າງຮູບການວິໄນຂອງຄະນະກວດກາພັກຂັ້ນເມືອງ ແລະ ທຽບເທົ່າຂຶ້ນໄປ, ຂໍ້ກຳນົດເລກທີ 05 ວ່າດ້ວຍການຕິດຕາມ, ກວດກາການຈັດຕັ້ງປະຕິບັດຜົນການກວດກາ, ບົດແນະນຳເລກທີ 27 ກ່ຽວກັບການດຳເນີນຄະດີການສໍ້ລາດບັງຫຼວງ, ບົດແນະນຳເລກທີ 36 ຂອງອົງການກວດກາລັດຖະບານກ່ຽວກັບການກວດກາຕາມຜົນຂອງການກວດສອບ.

​​ໃນຕອນທ້າຍຂອງກອງປະຊຸມ ທ່ານ ສຸດອນ ວົງສະຫວັດ ກໍ່​ໄດ້​ໃຫ້​ກຽດມີ​ຄຳ​ຄິດ​ຄຳ​ເຫັນ ​ແລະ ​ເນັ້ນ​ໜັກ​ບາງ​ບັນຫາ​ທີ່​ສຳຄັນ ​ໂດຍ​ສະ​ເພາະ​ແມ່ນການປັບປຸງ ແລະ ຂະຫຍາຍພັກ, ການສ້າງໜ່ວຍພັກເຂັ້ມແຂງປອດໃສ, ການກະກຽມເປີດກອງປະຊຸມເຄິ່ງສະໄໝຂອງໜ່ວຍພັກ ແລະ ຂອງພັກຮາກຖານ ​ແລະ ວຽກງານປ້ອງກັນຄວາມສະຫງົບພາຍໃນ ​ແລະ ພາຍ​ນ​ອກ ​ໂດຍ​ໃຫ້​ມີ​ຄວາມ​ຖືກ​ດອງ​ປອງ​ກັນ ຮັກ​ແພງ​ສາມັກຄີ ​ເປັນ​ຈິດ​ໜຶ່ງ​ໃຈ​ດຽວ ​​ແລະ ຊ່ວຍ​ເຫຼືອ​ເຊິ່ງກັນ ​ແລະ ກັນ.

 

 

ຂ່າວ: ສຸກສະຫວັນ ອຸປະຊິດ ພາບ: ຄຳວິໄລ ອໍລະໄທ