ແຈ້ງການສອບເສັງ ມຈ ສົກຮຽນ 2017-2018

 

259614
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
129
302
1358
255866
5828
7569
259614
Your IP: 54.156.51.193
2018-09-20 14:30

 

 

ສກຂ ສາລະວັນ ຖອດຖອນບົດຮຽນກ່ຽວກັບ ການຈັດການຮຽນ-ການສອນ

ຫ້ອງກຽມປະຖົມ 2 ເມືອງ ສາລະວັນ ແລະ ເລົ່າງາມ

          ໃນຕອນເຊົ້າວັນທີ 29 ພຶດສະພາ 2018ນີ້ ທີ່ຫ້ອງປະຊຸມສູນວິຊາຊີບເຊເສັດ ເມືອງເລົ່າງາມ ແຂວງສາລະວັນ ໄດ້ຈັດກອງປະຊຸມຖອດຖອນບົດຮຽນກ່ຽວກັບ ການຈັດການຮຽນ - ການສອນ ຫ້ອງກຽມປະຖົມໃຫ້ 2 ເມືອງ ຄື ເມືອງ ສາລະວັນ ແລະ ເມືອງ ເລົ່າງາມ ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາ ແຂວງ, ມີຄະນະຫ້້ອງການສຶກສາທິການ ແລະ ກິລາ, ຫົວໜ້າໜ່ວຍງານການສຶກສາກ່ອນໄວຮຽນ, ວິຊາການ, ຜູ້ອຳນວຍການໂຮງຮຽນ, ຄູສອນຫ້ອງກຽມ, ນາຍບ້ານ( ຄະນະພັດທະນາການສຶກສາຂັ້ນບ້ານ ) ເຂົ້າຮ່ວມຈຳນວນ 102 ຄົນ.

            ໃນພິທີ ທ່ານ ນາງ ວັນມະນີ ບົວໄລ ວິຊາການຂະແໜງການສຶກສາກ່ອນໄວຮຽນ ກໍ່ໄດ້ຂື້ນລາຍງານການສຶກສາກ່ອນໄວຮຽນທົ່ວແຂວງ ສົກປີ 2017-2018 ເຊິ່ງໄດ້ກ່າວບາງຈຸດທີ່ສໍາຄັນເປັນຕົ້ນແມ່ນ ໃນທົ່ວແຂວງມີໂຮງຮຽນອະນຸບານທັງໜົດ 75 ແຫ່ງ, ເອກະຊົນ 3 ແຫ່ງ, ຫ້ອງກຽມປະຖົມມີ 238 ຫ້ອງ, ມີ 10 ກຸ່ມການຫຼິ້ນ, ນັກຮຽນລ້ຽງເດັກມີ 317 ຄົນ ຍິງ 164 ຄົນ, ນັກຮຽນອະນຸບານມີ 4,642 ຄົນ ຍິງ 2,304 ຄົນ ນັກຮຽນຫ້ອງກຽມປະຖົມ ແລະ ກຸ່ມຮຽນຜ່ານການຫຼິ້ນທັງໜົດ 6,098 ຄົນ, ຍິງ 3,069 ຄົນ ແຂວງ ສາລະວັນໄດ້ຮັບການສະໜັບສະໜູນຊ່ວຍເຫຼືອຈາກອົງການຢຸນີເຊັບ ມາຕັ້ງແຕ່ປີ 2012 – 2018 ມີ 5 ເມືອງ ຄື ເມືອງຕຸ້ມລານ, ວາປີ, ເລົ່າງາມ, ຕະໂອ້ຍ ແລະ ສາລະວັນເຊິ່ງໄດ້ມີການຊຸກຍູ້ຕິດຕາມການຈັດການຮຽນ - ການສອນ ການນໍາໃຊ້ ແລະ ຜະລິດອຸປະກອນຈາກທຳມະຊາດ, ໄດ້ຝຶກອົບຮົມໃຫ້ ຜດດ ( ຜູ້ດູແລເດັກ )ເມືອງຕະໂອ້ຍ 3 ຄັ້ງກ່ຽວກັບການນຳໃຊ້ຄູ່ມືການດູແລເດັກ, ໄດ້ລົງຕິດຕາມຊຸກຍູ້ຊ່ວຍເຫຼືອ ຄູສອນຫ້ອງກຽມປະຖົມ ແລະ ກຸ່ມຮຽນຜ່ານການຫຼິ້ນ, ຝຶກອົບຮົມການນຳໃຊ້ປຶ້ມນິທານ ໃຫ້ຄູສອນຫ້ອງກຽມປະຖົມ, ອະນຸບານ, ກຸ່ມຮຽນຜ່ານການຫຼິ້ນ, ສະໜອງຫີບອຸປະກອນໃຫ້ຫ້ອງກຽມປະຖົມ ແລະ ກຸ່ມຮຽນຜ່ານການຫຼິ້ນ, ຕິດຕາມການນຳໃຊ້ຕູ້ລຳໂພງທີ່ໄດ້ມອບໃຫ້, ຈັດລາຍການກາຕຸນ ແລະ ລາຍການບ້ານຂອງຂ້ອຍ ຂອງກົມສື່ມວນຊົນຢູ່ເມືອງ ຕະໂອ້ຍ. ຜ່ານການຈັດຕັ້ງປະຕິບັດໃນໄລຍະຜ່ານເຫັນໄດ້ວ່າມີດ້ານດີຫຼາຍໆດ້ານເປັນຕົ້ນແມ່ນ ໄດ້ແຕ່ງຕັ້ງຄະນະຮັບຜິດຊອບຊີ້ນຳຂັ້ນແຂວງ, ຂັ້ນເມືອງ, ຄະນະພັດທະນາການສຶກສາຂັ້ນບ້ານ, ອັດຕາເຂົ້າຮຽນຂອງເດັກອາຍຸ 5 ປີ ໄດ້ເພີ່ມຂຶ້ນ, ການຈັດການຮຽນ - ການສອນຂອງຄູເປັນປົກກະຕິ, ຄູມີແຜນການສອນ, ແຕ່ງບົດສອນ, ຜະລິດອຸປະກອນ, ມີການບັນທຶກພັດທະນາການເຂົ້າໃນປຶ້ມຮຽກຊື່ ແລະ ລາຍບຸກຄົນ, ໄດ້ຈັດສະພາບແວດລ້ອມໃນຫ້ອງຮຽນ ແລະ ນອກຫ້ອງຮຽນ, ຄພສບ ໄດ້ໃຫ້ການປຸກລະດົມລູກຫຼານເຂົ້າໂຮງຮຽນຢ່າງສະໜ່າສະເໜີ, ພ້ອມທັງໃຫ້ການຊ່ວຍເຫຼືອທາງດ້ານວັດຖຸກໍ່ຄຶແຮງງານໃນການເຮັດເຄື່ອຫຼິ້ນໃຫ້ໂຮງຮຽນ ສິ່ງສຳຄັນທີ່ສຸດເດັກໄດ້ຮຽນຮູ້ຫຼາຍຢ່າງຈາກຄູເຊັ່ນ: ຮ້ອງເພງ, ການຂຽນຕາມຮອຍຈ້ຳ, ພະຍັນຊະນະ, ຕົວເລກ, ການອ່ານ, ການນັບເລກ, ການເລົ່ານິທານ ແລະ ການເຄື່ອນໄຫວຕ່າງໆເພື່ອກຽມຄວາມພ້ອມກ່ອນເຂົ້າຮຽນຊັ້ນປະຖົມ.

            ທ່ານໄດ້ກ່າວຕື່ມອີກວ່າ: ສຳລັບທິດທາງແຜນການໃນຕໍ່ໜ້າແມ່ນເອົາໃຈໃສ່ສູ້ຊົນແນະນຳຊ່ວຍເຫຼືອໃນລະດັບເມືອງ ໃຫ້ເດັກໄດ້ເຂົ້າຮຽນໜົດທຸກຄົນ, ຂະຫຍາຍໂອກາດການສຶກສາກ່ອນໄວຮຽນ ໄປສູ່ເຂດຫ່າງໄກສອກຫຼີກ ເພື່ອເຮັດໃຫ້ອັດຕາການເຂົ້າຮຽນຂອງເດັກ 3-5 ປີເພີ່ມຂຶ້ນ, ປັບປຸງພື້ນຖານໂຄງລ່າງ ດ້ານອາຄານສະຖານທີ່, ວັດຖຸອຸປະກອນເຄື່ອຫຼິ້ນສຳລັບເດັກໃຫ້ພຽງພໍ, ລົງຕິດຕາມການຈັດການຮຽນ-ການສອນ ໃນໂຮງຮຽນທີ່ໄດ້ມີການແລກປ່ຽນ ໄດ້ມີຄວາມຄືບໜ້າປັບປຸງຕົນເອງດີຂຶ້ນຄືແນວໃດແດ່ ພ້ອມທັງເກັບກຳຂໍ້ມູນລະອຽດ ແລະ ຊັດເຈນໃນບັນດາໂຮງຮຽນ, ຝຶກອົບຮົມການນຳໃຊ້ຫຼັກສູດໃໝ່ຂອງຊັ້ນອະນຸບານ ແລະ ຫ້ອງກຽມປະຖົມ ເພື່ອເປັນການສ້າງຂີດຄວາມສາມາດໃຫ້ແກ່ຄູສອນກໍ່ຄືຄະນະພັດທະນາການສຶກສາຂັ້ນບ້ານໄດ້ນຳໃຊ້ໃນການປະຕິບັດຕົວຈິງໃນໜ້າທີ່ວຽກງານໄດ້ຢ່າງມີປະສິດທິພາບສູງ.

            ໃນກອງປະຊຸມກໍ່ໄດ້ມີການຖອດຖອນບົດຮຽນແລກປ່ຽນຄຳຄິດຄຳເຫັນຮ່ວມກັນຂອງບັນດານັກສຳມະກອນເປັນຕົ້ນ ການຈັດການຮຽນ-ການສອນ ເນັ້ນໃຫ້ເດັກເກີດການຮຽນຮູ້, ການນຳໃຊ້ອຸປະກອນຈາກທຳມະຊາດ, ການຈັດສະພາບແວດລ້ອມພາຍໃນຫ້ອງຮຽນ, ການຈັດສະພາບແວດລ້ອມນອກຫ້ອງ ແລະ ເຮັດເຄື່ອງຫຼິ້ນນອກໂດຍແມ່ນ ຜອ ແລະ ຄພສບ ເປັນຜູ້ນຳພາ, ການປຸກລະດົມຊຸມຊົນໃຫ້ສົ່ງເສີມລູກຫຼານເຂົ້າສຶກສາຮ່ຳຮຽນ ເພື່ອເປັນການພັດທະນາໃຫ້ເດັກມີຄວາມຮູ້ຄວາມສາມາດ ແລະ ໃຊ້ເວລາຫວ່າງໃຫ້ເປັນປະໂຫຍດ ທີ່ສຳຄັນ ເດັກໃນວັນນີ້ ຄືຜູ້ໃຫຍ່ໃນວັນໜ້າ ດັ່ງນັ້ນຕ້ອງໄດ້ສ້າງພື້ນຖານການຮຽນຮູ້ເພື່ອເປັນການສ້າງພັດທະນາການຂອງເດັກໃຫ້ມີຄວາມກຽມພ້ອມໃນການຮຽນຂັ້ນຕໍ່ໄປຢ່າງສົມບູບແບບ.

            ການຝຶກອົບຮົມຄັ້ງນີ້ແມ່ນຈະໄດ້ດຳເນີນເປັນເວລາ 3 ວັນ ຈຶ້ງຈະສຳເລັດ.

 

 

 

ຂ່າວໂດຍ: ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ