ແຈ້ງການສອບເສັງ ມຈ ສົກຮຽນ 2017-2018

 

241533
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
239
215
2138
237588
3945
6900
241533
Your IP: 54.198.243.51
2018-07-15 23:02

      

ສກຂ ສາລະ​ວັນ

ສະຫຼຸບ​ການ​ປະຕິບັດ​ວຽກ​ງານ​ສະຖິຕິ - ​ແຜນການ ​ແລະ ການ​ຮ່ວມມື​

          ໃນຕອນເຊົ້າວັນທີ ​30 ພຶດສະພານີ້ ທີ່ຫ້ອງປະຊຸມພະແນກສຶກສາທິການແລະ ກິລາແຂວງ ສາລະວັນໄດ້ຈັດກອງປະຊຸມສະຫຼຸບການປະຕິບັດວຽກງານສະຖິຕິແລະ ການຮ່ວມມື, ບົດວິໄຈສະພາບການສຶກສາ ສົກປີ 2017 – 2018 ​ແລະ ຈັດລຽງບູລິມະສິດ ສົກ 2019ຂຶ້ນຢ່າງເປັນທາງການໂດຍພາຍໃຕ້ການເປັນປະທານຂອງທ່ານ ສຸນີ ນາມມະບົວລີ ຮອງຫົວໜ້າພະແນກສຶກສາທິການແລະ ກິລາແຂວງ ສາລະວັນ, ມີທ່ານຫົວໜ້າຂະແໜງ 12 ຂະແໜງ, ຫົວໜ້າຫ້ອງການສຶກສາທິການແລະ ກິລາເມືອງ 8 ​ເມືອງ, ພ້ອມດ້ວຍໜ່ວຍງານສະຖິຕິແຜນການແລະ ວິຊາການເຂົ້າຮ່ວມ.

            ​ໃນພິທີ ທ່ານໄພວັນແສງອຳພັນ ຮອງຫົວໜ້າຂະແໜງສະຖິຕິ​ - ແຜນການ ກໍ່ໄດ້ໃຫ້ກຽດຂຶ້ນຜ່ານບົດສະຫຼຸບການປະຕິບັດວຽກງານສະຖິຕິ - ​ແຜນການແລະ ທິດທາງແຜນການ ສົກ 2019 ​ເຊິ່ງທ່ານກໍ່ໄດ້ຍົກໃຫ້ເຫັນບາງດ້ານທີ່ພົ້ນເດັ່ນເປັນຕົ້ນແມ່ນໄດ້ເປັນໃຈກາງ​​ໃນການເກັບກຳແລະ ສັງລວມຂໍ້ມູນສະຖິຕິການສຶກສາແຕ່ລະຊັ້ນແຕ່ລະສາຍໃນທົ່ວແຂວງໂດຍປະສານສົມທົບກັບຂະແໜງການທີ່ກ່ຽວຂ້ອງເພື່ອຮັບປະກັນໃຫ້ແກ່ການ​​ເກັບກຳ, ສັງລວມແລະ ລາຍງານຂໍ້ມູນທີ່ຖືກຕ້ອງແລະ ທັນເວລາ, ຈັດສົ່ງແບບຟອມເກັບກຳຂໍ້ມູນການສຶກສາຕິດຕາມການກວດກາການປ້ອນຂໍ້ມູນຂອງບັນດາເມືອງແລະ ສັງລວມສະຖິຕິຮອບດ້ານຂອງວຽກງານການສຶກສາແລະ ກິລາເພື່ອວາງແຜນໃນແຕ່ລະໄລຍະ, ຕິດຕາມກວດກາການປ້ອນຂໍ້ມູນ Lao EMIS ​ແລະ Lao EMIS Online ຂອງ​ພະນັກງານ​ຂັ້ນ​ເມືອງ ​ເຊິ່ງຜົນ​ໄດ້​ຮັບ​ຈາກ​ການ​ສັງ​ລວມຂໍ້​ມູນ ​ແລະ​ວິ​ໄຈ​ຂໍ້​ມູນ ​ເປັນ​ບ່ອນ​ອີງ​ໃຫ້​ແກ່​ວຽກ​ງານ​ການ​ພັດທະນາ​ການ​ສຶກສາ ​ແລະ ກິລາ ​ແລະ​ວຽກ​ງານ​ອື່ນໆທີ່​ມີ​ຄວາມ​ຮຽກຮ້ອງ​ຕ້ອງ, ທົ່ວ​ແຂວງ​ມີ​ໂຮງຮຽນ 75 ​ແຫ່ງ, ມີ​ນັກຮຽນ 11,104 ຄົນ, ຍິງ 5,553 ຄົນ, ຫ້ອງ​ຮຽນ 441 ຫ້ອງ, ​ໂຮງຮຽນ​ປະຖົມ 609 ​ແຫ່ງ, ມີ​ນັກຮຽນ 52,467ຄົນ, ຍິງ 25,193 ຄົນ, ມີ​ຫ້ອງ​ຮຽນ 1,897 ຫ້ອງ, ​ໂຮງຮຽນມັດທະຍົມມີ 92 ​ແຫ່ງ ມີ​ນັກຮຽນ 29,244 ຄົນ, ຍິງ 13,897 ຄົນ, ວຽກ​ອະນຸບານ ອັດຕາ​ເຂົ້າ​ຮຽນ 3-5 ປີ​ບັນລຸ 41,4%, ອັດຕາ​ເຂົ້າ​ຮຽນ​ຂອງ​ເດັກ 5 ປີ ບັນລຸ​ໄດ້ 67,91%, ວຽກ​ປະຖົມ ອັດຕາ​ເຂົ້າ​ຮຽນ​ໃໜ່ສຸດທິ​ບັນລຸ​ໄດ້ 98,56%, ອັດຕາ​ປະລະ​ຂັ້ນ​ປະຖົມ ປ1 ປະຕິບັດ​ໄດ້ 7,63%, ອັດຕາ​ຄ້າງ​ຫ້ອງ ປ1 ປະຕິ​ບັດ​ໄດ້ 12,59%, ອັດຕາ​ປະລະ​ຂັ້ນ​ປະຖົມ ປະຕິບັດ​ໄດ້ 6,97%, ອັດຕາ​ຄ້າງ​ຄ້າງ​ຫ້ອງ​ຂັ້ນ​ປະຖົມ 5,83%, ອັດຕາ​ລອດ​ເຫຼືອ​ຮອດ ປ5 ປະຕິບັດ​ໄດ້ 70,87%, ວຽກ​ມັດທະຍົມຕອນ​ຕົ້ນ ອັດຕາ​ເຂົ້າ​ຮຽນ​ລວມຊັ້ນ​ມັດທະຍົມ ບັນລຸ​ໄດ້ 67,10%, ອັດຕາ​ປະລະ​ຊັ້ນ​ມັດທະຍົມ​ຕອນ​ຕົ້ນ​ປະຕິບັດ​ໄດ້ 14,47%, ວຽກ​ມັດທະຍົມ​ຕອນປາຍ ອັດຕາ​ເຂົ້າ​ຮຽນ​ລວມ ປະຕິບັດ​ໄດ້ 36,91%, ອັດຕາ​ປະລະ ປະຕິບັດ​ໄດ້ 8,24%, ວຽກ​ກິລາ - ກາ​ຍະ​ກຳ ​ແມ່ນ​ໄດ້​ສົ່ງ​ເສີມ​ໃຫ້​ທຸກ​ເພດ​ທຸກ​ໄວ​ໄດ້​ຮ່ວມ​ຫັດກາຍ​ຍະ​ບໍລິຫານ,ການ​ອອກກຳລັງ​ກາຍ ​ແລະ ການ​ຫຼິ້ນ​ກິລາ-ກາ​ຍະ​ກຳ​ທົ່ວ​ແຂວງ ປະຕິບັດ​ໄດ້ 18%, ວຽກ​ງານ​ແຜນການ ​ແລະ ການ​ລົງທຶນ​ສົກ​ປີ 2018​ໄດ້​ຮັບ​ໂຄງການ​ລົງທຶນ​ຂອງ​ລັດ​ທັງ​ໜົດ 25 ​ໂຄງການ, ວຽກ​ງານ​ປະສານ​ງານ ​ແລະ​ ການ​ຮ່ວມມື​ສາກົນ ​ແມ່ນ​ໄດ້​ພົວພັນ​ຮ່ວມ​ມື​ກັບ​ບັນດາ​ອົງການ​ຈັດ​ຕັ້ງ​ສາກົນ​ຕ່າງໆ​ທີ່​ສັງກັດ​ລັດຖະບານ ​ແລະ ບໍ່​ສັງກັດ​ລັດຖະບານ, ​ເພີ່ມ​ທະວີ​ຄວາມ​ສາມັກຄີ​ມິດຕະພາບ​ແບບ​ພິ​ເສດ ລະຫວ່າງ​ແຂວງ​ພາກ​ກາງ ສສຫວຽດນາມ. ວຽກງານ ICT ​ໄດ້​ເອົາ​ໃຈ​ໃສ່​ຄົ້ນ​ຄວ້າ ອອກ​ແບບ ພັດທະນາ ບໍລິຫານ​ຄຸ້ມ​ຄອງ​ຂ່າວສານ ​ແລະ ​ເວ​ບ​ໄຊ​ສ໌ຂອງ​ພະ​ແນ​ກ ​ເພື່ອ​ໂຄສະນາ​ຂ່າວສານ​ການ​ເຄື່ອນ​ໄຫວ​ວຽກ​ງານ​ການ​ສຶກສາ.

            ທ່ານ​ໄດ້​ກ່າວ​ຕື່ມ​ອີກ​ວ່າ: ສຳລັບ​ທິດ​ທາງ​ແຜນ​ວຽກ​ບູລິ​ມະ​ສິດ​ສຳລັບ​ສົກຮຽນ 2018-2019 ​ແມ່ນ​ໄດ້​ສະ​ເໜີ​ປັບປຸງ​ຮ່າງ​ເກັບ​ກຳຂໍ້​ມູນ ​ເພື່ອ​ໃຫ້​ມີ​ຂໍ້​ມູນ​ຫຼາກ​ຫຼາຍ ສ້າງ​ຄວາມ​ເຂັ້ມ​ແຂງ​ວຍກງານ​ເກັບ​ກຳ ​ແລະ ວິ​ເຄາະຂໍ້​ມູນ​ໃຫ້​ແກ່​ພະນັກງານ​ວິຊາ​ການ, ສ້າງ​ກົນ​ໄກ​ເພື່ອ​ວິ​ເຄາະ ​ແລະ ຮັບຮອງ​ຜົນ​ການ​ວິ​ເຄາະ​ຂໍ້​ມູນ​ການ​ສຶກສາ, ​ເຜີຍ​ແຜ່​ຍຸດ​ທະ​ສາດ ​ແລະ ​ແຜນ​ພັດທະນາ​ຂະ​ແໜງ​ການ​ສຶກສາ ​ແລະ ກິລາ 5 ປີ, ສ້າງ​ຄູ່​ມື​ແນະນຳ​ສຳລັບ​ການ​ສ້າງ​ແຜນ​ປະຕິບັດ​ງານ​ປະຈຳ​ປີ, ສ້າງ​ຂີດ​ຄວາມ​ສາມາດ​ໃຫ້​ແກ່​ພະນັກງານ​ໃນ​ການ​ພົວພັນ​ຕ່າງປະ​ເທດ ​ແລະ ວຽກ​ງານ​ວິຊາ​ສະ​ເພາະ.

            ​ໃນ​ກອງ​ປະຊຸມ​ກໍ່​ໄດ້​ຮັບ​ຟັງ​ການ​ລາຍ​ງານ​ສະພາບ​ການ​ສຶກສາ​ຂອງ​ບັນດາ​ເມືອງ ພ້ອມ​ທັງ​ຮ່ວມ​ກັນ​ແລກປ່ຽນ​ຄຳ​ຄິດ​ຄຳ​ເຫັນ​ໃສ່​ຮ່າງ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ວຽກ​ງານ​ສະຖິຕິ - ​ແຜນການ ​ແລະ ການ​ຮ່ວມ​ມື ​ເພື່ອ​ເຮັດ​ບົດ​ສະຫຼຸບ​ມີ​​​ເນື້ອ​ໃນ​ຄົບ​ຖວ້ນ ​ແລະ ຖືກຕ້ອງ​ຢ່າງ​ຊັດ​ເຈນ.  

 

 

 

 

ຂ່າວໂດຍ: ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ