283523
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
210
157
570
280813
4527
8678
283523
Your IP: 107.21.169.9
2018-12-18 15:04

 

  

ສກຂ ສາລະ​ວັນ ​ເປີດ​ພິທີ​ສອບ​ເສັງ​ຈົບ​​ຊັ້ນ ມ4 ສົກຮຽນ 2017-2018

​ໃນ​ຕອນ​ເຊົ້າ​ວັນ​ທີ 12 ມິຖຸນາ 2018 ​ພະແນກສຶກສາທິການ ແລະ ກິລາ ແຂວງສາລະວັນ ​ໄດ້​ຈັດ​ພິທີ​ເປີດຫົວ​ບົດ​ສອບ​ເສັງ​ຈົບ​ຊັ້ນ​ມັດທະຍົມ​ສຶກສາ​ຕອນ​ຕົ້ນ ມ4 ສົກຮຽນ 2017 – 2018 ຢ່າງ​ເປັນ​ທາງ​ການ ເຊິ່ງຈັດຂຶ້ນທີ່ສູນສອບເສັງເມືອງເລົ່າງາມ ​ໂດຍ​ເປັນ​ກຽດ​ເປີດ​ຫົວ​ບົດ​ສອບ​ເສັງໃນ​ຄັ້ງ​ນີ້ ຂອງ​ທ່ານ ພູ​ທົງ ຄຳ​ມະນີ​ວົງ ຄະນະ​ປະຈຳ​ພັກ​ແຂວງ ຮອງ​ເຈົ້າ​ແຂວງໆ ສາລະ​ວັນ ປະທານຄະນະ​ກຳມະການ​ສອບ​ເສັງ​ຂັ້ນ​ແຂວງ, ມີທ່ານ ສີ​ລິ​ສັກ ຖະໜອມ​ຮັກ ກຳມະການ​ພັກ​ແຂວງ, ຫົວໜ້າ​ພະ​ແນ​ກ​ສຶກສາ​ທິການ ​ແລະ ກິລາ, ມີ​ທ່ານຮອງ​ເຈົ້າ​ເມືອງໆ​, ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ, ຄະນະ​ກຳມະການ​ຍາມ​ຫ້ອງສອບ​​ເສັງ, ນັກ​ສອບ​ເສັງ​ເຂົ້າ​ຮ່ວມ​ເປັນ​ສັກຂີ​ພິຍານ.

            ​ການຈັດ​ຕັ້ງ​ການ​ສອບ​ເສັງ​ຈົບ​ຊັ້ນ​ມັດທະຍົມ​ສື​ກສາ​ຕອນ​ຕົ້ນ ມ4 ນັກຮຽນ​ທີ່​ຈະ​ເຂົ້າ​ຮ່ວມ​ການ​ສອບ​ເສັງ​ຈົບ​ຊັ້ນ ​ມ4 ມີ 3.785 ຄົນ. ຍິງ 1.824 ຄົນ​, ມີ 14 ສູນ​ການ​ສອບ​ເສັງ, 180 ຫ້ອງ ສະ​ເລ່ຍ 17-23 ຄົນ​ຕໍ່​ຫ້ອງ, ມີ 4 ວິຊາສອບເສັງຄື: ວິຊາພາສາລາວ - ວັນນະຄະດີ, ສຶກສາພົນລະເມືອງ, ວິທະຍາສາດທຳມະຊາດ, ວິທະຍາສາດສັງຄົມ, ຄະນິດສາດ ແລະ ພາສາອັງກິດ, ສໍາ​ລັບດ້ານ​ຄວາມ​ພ້ອມ​​ແມ່ນຮ້ອຍ​ສ່ວນ​ຮ້ອຍ​ເຊິ່ງ​ໄດ້​ແຕ່ງ​ຕັ້ງ​ຄະນະ​ປະທານ​ຊີ້ນຳ​ລວມປະຈຳ​ຢູ່​ສູນ​ສອບ​ເສັງ​ໃນ​ແຕ່​ລະ​ສູນ, ​ໄດ້​ແຕ່ງ​ຕັ້ງ​ກຳມະການ​ຍາມ​ຫ້ອງສອບ​ເສັງ, ຕຳຫຼວດຍາມໃນເວລາສອບເສັງ, ​ແພດ​ປະຈຳ​ສູນ ​ແລະ ມີໜ່ວຍປ້ອງ​ກັນ ​ເພື່ອ​ຮັກສາ​ຄວາມ​ສະຫງົບ​ໃນ​ແຕ່​ລະ​ສູນຮັບປະກັນ​ໃຫ້​ໄດ້​ຮັບ​ຜົນສຳ​ເລັດ​ ​ແລະ ບັນລຸ​ຕາມ​ຄາດ​ໜາຍ.

ໃນ​ການ​ສອບ​ເສັງ​ກໍ່ຄື​ການຈັດ​ຕັ້ງ​ການ​ຮຽນ - ການ​ສອນ​ຂອງ​ຄູ​ອາຈານ ​ແລະ ນ້ອງ​ນັກຮຽນ ​ແມ່ນ​ໄດ້​ວາງຄາດ​ໜາຍ​ທີ່​ຈະ​ຕອ້ງບັນລຸ​ຄື ການ​ສອບ​ເສັງ​ແມ່ນ​ໃຫ້​ມີ​ນັກຮຽນ​ເຂົ້າ​ສອບ​ໄດ້ຕາມ​ເປົ້າ​ໜາຍທີ່​ວາງ​ໄວ້,   ຄວາມ​ເປັນ​ລະບຽບ​ຮຽບຮ້ອຍ​ຂອງ​ນັກ​ສອບ​ເສັງ ຫຼື ວ່າ​ກຳມະການ​ສອບ​ເສັງ​ຍາມ​ຫ້ອງ​ຕ້ອງ​ມີ​ຄວາມ​ຍຸດຕິ​ທຳ ຕາມ​ຈັນ​ຍາ​ບັນ​ຂອງ​ຄະນະ​ກຳມະການ, ​ໃຫ້​ມີຄວາມ​ສະຫງົບ​ທັງພາຍ​ໃນ ​ແລະ ​ພາຍ​ນອກ​ໂຮງຮຽນ ​, ​ເອົາ​ໃສ່​ເບິ່ງ​ແຍງ​ຊີ​ວິດການ​ເປັນ​ຢູ່​ຂອງ​ນັກ​ສອບ​ເສັງ​ໂດຍ​ສະ​ເພາະ​ແມ່ນ​ຜູ້​ທີ່​ມາ​ແຕ່​ບ້ານ​ໄກ ​ເຊິ່ງທາງ​ແຂວງກໍ່ຄືແຕ່ລະເມືອງ ​ແມ່ນ​ໄດ້​ມີ​​ແພດປະຈຳ​ພາກ​ສະໝາ​ມ ​ເພື່ອ​ເບິ່ງ​ແຍງ​ດູ​ແລ ​ແລະ ​ໃກ້ຊິດ​ຕິດຕາມ​ສຸຂະພາບ​ຂອງ​ນັກ​ສອບ​ເສັງ​ທຸກ​ຄົນ ​ໂດຍ​ປະສານ​ງານ​ກັບ​ຄະນະ​ສະມາຄົມ​ພໍ່​ແມ່​ນັກຮຽນ​ເພື່ອຮ່ວມ​ກັນ​ຈັດ​ຕັ້ງ​ປະຕິບັດ, ເອົາ​ໃຈ​ໃສ່​ທາງ​ດ້ານ​ການຈັດ​ຕັ້ງ​ໂມງ​ເວລາ​ໃຫ້​ເປັນອກ​ກະພາບ​ຕາມ​ຕາຕະລາ​ທີ່​ກະຊວງ​ສຶກສາ​ໄດ້​ກຳນົດ​ອອກ, ຮັບປະກັນ​ດ້ານ​ຄວາມ​ສາມັກຄີ​​ໃຫ້​ເປັນ​ປຶກ​ແຜ່ນ​ແໜ້ນໜາ ຊ່ວຍ​ເຫຼືອ​ເຊິ່ງກັນ​ແລະ​ກັນ, ສຳລັບ​ຄະນະ​ກຳມະການ​ກວດກາ​ບົດ​ແມ່ນ​ຕ້ອງ​ຮັບປະກັນ​ທາງ​ດ້ານ​ເນື້ອ​ໃນ​ໂດຍ​ສະ​ເພາະ​ແມ່ນ​ໃຫ້​ຖືກຕ້ອງ​ຕາມ​ຂະໜານ​ຕອບ​ຂອງ​ທົ່ວປະ​ເທດ.

ການສອບເສັງດຳເນີນໄປ 3 ວັນຄື: ວັນທີ 12 – 14 ມິຖຸນາ 2018 ຈຶ່ງສຳເລັດ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດໂດຍ: ໂອເລ້ ສິງຂາວເພັດ