283535
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
222
157
582
280813
4539
8678
283535
Your IP: 107.21.169.9
2018-12-18 15:06

 

ສກຂ ສາລະ​ວັນ ​ເປີດ​ພິທີ​ສອບ​ເສັງ​ຈົບ​​ຊັ້ນ ມ7 ສົກຮຽນ 2017-2018

ໃນ​ຕອນ​ເຊົ້າ​ວັນ​ທີ 19 ມິຖຸນາ 2018 ​ທີ່​ສູນ​ສອບ​ເສັງສາລະ​ວັນ ​ໄດ້​ຈັດ​ພິທີ​ເປີດຫົວ​ບົດ​ສອບ​ເສັງ​ຈົບ​ຊັ້ນ​ມັດທະຍົມ​ສຶກສາ​ຕອນ​ປາຍ ມ7 ສົກຮຽນ 2017 – 2018 ຢ່າງ​ເປັນ​ທາງ​ການ ​ໂດຍ​ເປັນ​ກຽດ​ເປີດ​ຫົວ​ບົດ​ສອບ​ເສັງໃນ​ຄັ້ງ​ນີ້ ຂອງ​ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາ ແຂວງ ສາລະ​ວັນ ຮອງປະທານຄະນະ​ກຳມະການ​ສອບ​ເສັງ​ຂັ້ນ​ແຂວງ, ມີທ່ານ ນາງ ແຫວນ​ເພັດ ສີສຸລາດ ຮອງຫົວໜ້າພະແນກມັດທະຍົມປາຍ​ກົມ​ມັດທະຍົມກົມມັດທະຍົມສຶກສາ ກະຊວງສຶກສາທິການ ແລະ ກິລາ ມີ​ທ່ານຮອງ​ເຈົ້າ​ເມືອງໆ​ສາລະ​ວັນ, ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ, ຄະນະ​ກຳມະການ​ຍາມ​ຫ້ອງສອບ​​ເສັງ, ນັກ​ສອບ​ເສັງ​ເຂົ້າ​ຮ່ວມ​ເປັນ​ສັກຂີ​ພິຍານ.

            ​ໃນ​ພິທີ ທ່ານ ໜູຄຳ ສີສະຫວັດ ຫົວໜ້າຫ້ອງການສຶກສາທິການ ແລະກິລາເມືອງສາລະວັນ ກໍ່​ໄດ້​ໃຫ້​ກຽດ​ຂຶ້ນ​ລາຍ​ງານ​ການຈັດ​ຕັ້ງ​ການ​ສອບ​ເສັງ​ຈົບ​ຊັ້ນ​ມັດທະຍົມ​ສື​ກສາ​ຕອນ​ປານ​ມ7 ​ເຊິ່ງທ່ານ​ກໍ່​ໄດ້ກ່າວ​ວ່າ: ນັກຮຽນ​ທີ່​ຈະ​ເຂົ້າ​ຮ່ວມ​ການ​ສອບ​ເສັງ​ຈົບ​ຊັ້ນ​ມ7 ມີ 2,346 ຍິງ 1,101 ຄົນ​, ມີ 10 ສູນ​ການ​ສອບ​ເສັງ, 122 ຫ້ອງ ສະ​ເລ່ຍ 21-22 ຄົນ​ຕໍ່​ຫ້ອງ, ນຳໃຊ້ກຳມະການຄວບຄຸມຫ້ອງເສັງ 2 ຄົນຕໍ່ຫ້ອງ ມີ 4 ວິຊາສອບເສັງຄື: ພາສາລາວ - ວັນນະຄະດີ, ຊີວະສາດ, ຄະນິດສາດ ແລະ ພູມສາດ. ສໍາ​ລັບດ້ານ​ຄວາມ​ພ້ອມ​​ແມ່ນຮ້ອຍ​ສ່ວນ​ຮ້ອຍ​ເຊິ່ງ​ໄດ້​ແຕ່ງ​ຕັ້ງ​ຄະນະ​ປະທານ​ຊີ້ນຳ​ລວມປະຈຳ​ຢູ່​ສູນ​ສອບ​ເສັງ​ໃນ​ແຕ່​ລະ​ສູນ, ພ້ອມທັງຜ່ານກົດລະບຽບການສອບເສັງໃຫ້ນັກຮຽນ ແລະ ຄະນະກໍາມະການຍາມຫ້ອງສອບ ​ເພື່ອ​ຮັກສາ​ຄວາມ​ສະຫງົບ ແລະ ຄວາມເປັນລະບຽບຮຽບຮ້ອຍ ​ໃນ​ແຕ່​ລະ​ສູນຮັບປະກັນ​ໃຫ້​ໄດ້​ຮັບ​ຜົນສຳ​ເລັດ​ ​ແລະ ບັນລຸ​ຕາມ​ຄາດ​ໜາຍ.

 

  ຂ່າວໂດຍ: ​ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂ່າວເພັດ