283502
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
189
157
549
280813
4506
8678
283502
Your IP: 107.21.169.9
2018-12-18 14:59

   

 ສກມ ຄົງ​ເຊ​ໂດນ ຈັດ​ກອງ​ປະຊຸມ​ຜູ້​ບໍລິຫານ​ການ​ສຶກສາ ​ແລະ ກິລາ

​ໃນ​ຕອນ​ເຊົ້າ​ວັນ​ທີ 5 ກໍລະກົດນີ້ ທີ່​ສະ​ໂມ​ສອນ​ຫ້ອງ​ວ່າການ​ປົກຄອງ​ເມືອງ ຄົງ​ເຊ​ໂດນ ​ໄດ້​ຈັດ​ກອງ​ປະຊຸມ​ຜູ້​ບໍລິຫານ​ການ​ສຶກສາ ​ແລະ ກິລາ​ຂຶ້ນ​ຢ່າງ​ເປັນ​ທາງ​ການ ​ໄດ້ຈັດກອງປະຊຸມສະຫຼູບວຽກງານບໍລິຫານການສຶກສາ ແລະກິລາປະຈຳສົກຮຽນ 2017 – 2018 ​ແລະແຜນພັດທະນາການສຶກສາປະຈຳສົກຮຽນ 2018 - 2019 ຂື້ນຢ່າງເປັນທາງການ ໂດຍການເປັນປະທານຂອງທ່ານ ບຸນ​ປອນ ອາສາ​ພິທັກ ເຈົ້າເມືອງໆຄົງເຊໂດນ ແລະ ໃຫ້ກຽດເຂົ້າຮ່ວມຂອງທ່ານ ສີລິສັກ ຖະໝອມຮັກ, ຫົວໜ້າພະແນກສຶກສາການ ແລະ ກິລາແຂວງສາລະວັນ, ມີທ່ານ ທອງຄຳ ແສງຈັນ ຫົວໜ້າສຶກສາທິການ ແລະ ກິລາເມືອງ, ພະນັກງານອາວຸໂສການນໍາການສຶກສາຂັ້ນເມືອງ, ຄະນະ​ພັດທະນາ​ການ​ສຶກສາ ພ້ອມດ້ວຍຜູ້ບໍລິຫານການສຶກສາ ແລະ ຄູອາຈານໃນທົ່ວເມືອງເຂົ້າຮ່ວມ.

            ​​ໃນ​ພິທີ ທ່ານ ທອງຄຳ ​ແສງ​ຈັນ ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ ​ເມືອງຄົງ​ເຊ​ໂດນ ​ໄດ້​​ຂຶ້ນ​ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ແຜນ​ພັດທະນາ​ການ​ສຶກສາປະຈຳ​ສົກຮຽນ 2017-2018 ​ແລະ ​ແຜນ​ພັດທະນາ​ການ​ສຶກສາ​ປະຈຳ​ສົກຮຽນ 2018-2019 ​ເຊິ່ງທ່ານ​ໄດ້​ກ່າວ​ວ່າ: ສົກຮຽນ 2018ນີ້​ມີ​ໂຮງຮຽນ​ອຸະນຸບານ 10 ​ແຫ່ງ, ຫ້ອງ​ຮຽນ​ອະນຸບານ​ມີ 25 ຫ້ອງ​ຮຽນ, ຫ້ອງ​ກຽມ​ປະຖົມ​ມີ 29 ຫ້ອງ​ຮຽນ, ​ໂຮງຮຽນ​ປະຖົມ​ທັງ​ໜົດ 82 ​ແຫ່ງ, ​ໃນ​ນັ້ນ​ປະຖົມ​ສົມບູນ 68 ​ແຫ່ງ, ມັດທະຍົມ​ຕົ້ນ​ມີ 11 ​ແຫ່ງ​ ​ແລະ ມັດທະຍົມ​ປາຍ 4 ​ແຫ່ງ, ອັດຕາ​ເຂົ້າ​ຮຽນ​ຂອງ​ເດັກ 0-2 ປີ ປະຕິບັດ​ໄດ້ 0,57%, ອັດຕາ​ເຂົ້າ​ຮຽນ​ຂອງ​​ເດັກ 3-4 ປະຕິບັດ​ໄດ້ 14,9%, ອັດຕາ​ເຂົ້າ​ຮຽນ​ຂອງ​ເດັກ 5 ປີ ​ປະຕິບັດ​ໄດ້

70,0%, ອັດຕາ​ເຂົ້າ​ຮຽນ​ຂອງ​ເດັກ 3-5 ປີ ປະຕິບັດ​ໄດ້ 33,2%, ອັດຕາ​ເຂົ້າຮຽນລວມປະຖົມ​ບັນລຸ​ໄດ້ 100%, ອັດຕາ​ເຂົ້າ​ຮຽນ​ສຸດທິ​ຊັ້ນ​ປະຖົມ 99,8%, ອັດຕາ​ເລື່ອນ​ຂັ້ນ-ຈົບຊັ້ນປະຖົມ ປະຕິບັດໄດ້ 92,5%, ອັດຕາລອດເຫຼືອປະຖົມແມ່ນ 82,5%, ອັດຕາເຂົ້າຮຽນລວມຊັ້ນມັດທະຍົມຕອນຕົ້ນປະຕິບັດໄດ້  87,1%, ອັດຕາຄ້າງຫ້ອງແມ່ນ 0,3%,​ ອັດຕາປະລະແມ່ນ 12,7%,​ ສ່ວນມັດທະຍົມຕອນປາຍ ອັດຕາເຂົ້າຮຽນລວມ ເທົ່າກັບ 48,3% , ອັດຕາເລື່ອນຂັ້ນ - ຈົບຊັ້ນ ເທົ່າກັບ 91,6%, ອັດຕາຄ້າງຫ້ອງ ເທົ່າກັບ 0,6% ແລະ ອັດຕາປະລະ ເທົ່າກັບ 7,7%, ວຽກງານການສຶກສານອກໂຮງຮຽນ ແມ່ນໄດ້ສືບຕໍ່ເກັບກຳຂໍ້ມູນສະຖິຕິປະຊາກອນຕາມບ້ານເປົ້າໜາຍທີ່ຮຽນບໍ່ຈົບ ມຕົ້ນ ເປັນຕົ້ນ ບ້ານປາກເຊືອກ-ນາຮັງ, ນາຕານດົງ, ສະເທີ້ມ, ທ່າບຶງມານ ແລະ ແກ້ງຫວດ ໄດ້ຈັດຕັ້ງການຮຽນ - ການສອນ ມັດທະຍົມຕອນຕົ້ນບຳລຸງ ໃນບ້ານເປົ້າໜາຍ ແລະ ສຳເລັດການສອບເສັງເຊິ່ງມີທັງໜົດ 125 ຄົນ, ຍິງ 77 ຄົນ ແລະ ສອບໄດ້ 100%, ນອກຈາກນັ້ນວຽກງານບໍລິຫານ ແລະ ຄຸ້ມຄອງການສຶກສາເປັນຕົ້້ນວຽກນະໂຍບາຍ, ວຽກງານປັບປຸງກົງຈັກ ແລະ ການຈັດຕັ້ງ, ວຽກງານຝຶກອົບຮົບຜູ້ບໍລິຫານການສຶກສາ ແລະ ຄູສອນ, ວຽກງານຄຸ້ມຄອງຂໍ້ມູນຂ່າວສານ, ວຽກງານການເງິນ, ວຽກງານແຜນການ ແລະ ການລົງທຶນ, ວຽກງານກິລາກາຍະກຳ.

            ສຳລັບທິດທາງແຜນການສົກປີ 2018-2019 ແມ່ນສ້າງເງື່ອນໄຂໃຫ້ເດັກທຸກຄົນໄດ້ເຂົ້າເຖິງການສຶກສາແຕ່ຊັ້ນອະນຸບານຮອດຊັັ້ນມັດທະຍົມທີ່ມີຄຸນນະພາບ, ຢ່າງມີປະສິດທິພາບ, ໃຫ້ຜູ້ຮຽນທຸກຄົນໄດ້ຮັບການສິດສອນຈາກຄູທີ່ມີວຸດທິ ແລະ ໄດ້ຕາມມາດຕະຖານທາງດ້ານວິຊາຊີບຄູໄດ້ຮັບການພັດທະນາດ້ານວິຊາຊີບຢ່າງຕໍ່ເນື່ອງ, ສ້າງຂີດຄວາມສາມາດໃຫ້ແກ່ຜູ້ບໍລິຫານການສຶກສາ ແລະ ກິລາແຕ່ລະລະດັບໃນການບໍລິຫານ, ພັດທະນາວຽກງານກິລາກາຍະກຳ ເພື່ອເຮັດໃຫ້ປະຊາຊົນພາຍໃນເມືອງມີສຸຂະພາບເຂັ້ມແຂງທາງດ້ານຮ່າງກາຍ ແລະ ຈິດໃຈ ມີຄວາມເສຍສະຫຼະ ອົດທົນ ແລະ ມີນ້ຳໃຈກິລາ. 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ