ແຈ້ງການສອບເສັງ ມຈ ສົກຮຽນ 2017-2018

 

266691
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
230
195
600
264627
3754
9151
266691
Your IP: 54.198.15.20
2018-10-16 03:47

 

 

 

ສາລະ​ວັນ ຝຶກອົບຮົມ​ກ່ຽວ​ກັບ​ການ​ທົດ​ລອງ​ນຳ​ໃຊ້​ປຶ້ມ​ຄູ່​ມື​ຄູ

ໜ່ວຍ​ການ​ສອນ​ທີ 1-3 ​ໃຫ້​​ແກ່​ຄູ​ສອນ​ຫ້ອງກຽມປະຖົມ ຕະ​ໂອ້​ຍ ​ແລະ ສາລະ​ວັນ

            ກອງ​ປະຊຸມ​ຝຶກ​ອົບ​ຮົມ​ກ່ຽວ​ກັບ​ການ​ທົດ​ລອງ​ການ​ນຳ​ໃຊ້​ປຶ້ມ​ຄູ່​ມື​ຄູ ໜ່ວຍ​ການ​ສອນ 1-3 ​ໃຫ້​ແກ່ຄູ​ສອນ​ຫ້ອງ​ກຽມ​ປະຖົມ​ໃນ 2 ​ເມືອງ​ຄື: ​ເມືອງ​ຕະ​ໂອ້​ຍ ​ແລະ ​ເມືອງ ສາລະ​ວັນ ​ເຊິ່ງ​ໄດ້​ໄຂ​ຂຶ້ນ​ໃນ​ວັນ​ທີ 1 ຕຸລາ 2018 ຜ່ານ​ມາ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ສົມ​ຈິດ ​ເພັງ​ສຸວັນນະ​ວົງ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ນາງ ​ແສງ​ມະນີ ສຸພັນ​ທະລົງ ຮອງ​ຜູ້ອຳນວຍການ​ສູນ​ພັດທະນາ​ຫຼັກສູດ​ສະ​ຖາ​ບັນ​ຄົ້ນຄວ້າ​ວິທະຍາສາດ​ການ​ສຶກສາ, ບັນດາ​ທິມງານ​ຄູ​ຝຶກ​ຈາກ​ກະຊວງ​ສຶກສາ​ທິການ ​ແລະ ກິລາ, ວິຊາ​ການ​ຂັ້ນ​ແຂວງ​ຈາກ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ວິຊາ​ການ​ຈາກ​ເມືອງ​ຕະ​ໂອ້​ຍ ​ແລະ ​ເມືອງ​ສາລະ​ວັນ, ພ້ອມ​ດ້ວຍ​ຄູ​ສອນ​ຫ້ອງ​ກຽມ​ປະຖົມ​ທັງ​ສອງ​ເມືອງ​ເຂົ້າ​ຮ່ວມ.

            ​ໃນ​ການ​ຝຶກ​ອົບຮົມ​ຄັ້ງ​ນີ້​ຈຸດປະສົງ​​ເພື່ອ​ຝຶກ​ອົບຮົມ​ຄູ​ສອນ​ກ່ຽວ​ກັບ​ການ​ທົດ​ລອງ​ນຳ​ໃຊ້​ປຶ້ມ​ຄູ່ມື​ຄູ​ ໜ່ວຍ​ການ​ສອນ​ທີ 1-2-3 ​ໃຫ້​ແກ່​ຄູ​ສອນ​ຫ້ອງ​ກຽມ​ປະຖົມ ​ແລະ ການຈັດ​ຕັ້ງ​ປະຕິບັດ​ແຜນ​ງານ​ຮ່ວມ​ມື​ກັບ​ສະ​ຖາ​ບັນ​ຄົ້ນຄ້ວາ​ວິທະຍາສາດ​ການ​ສຶກສາ, ກະຊວງ​ສຶກສາ​ທິການ ​ແລະ ກິລາ​ຢູ່ 2 ​ເມືອງ​ກ່ຽວ​ກັບ​ການ​ສຶກສາກ່ອນ​ໄວ​ຮຽນ​ເມືອງ​ຕະ​ໂອ້​ຍ ​ແລະ ສາລະ​ວັນ, ສຳລັບ​ຫົວ​ຂໍ້​ທີ່ນັກ​ສຳ​ມະ​ນາກ​ອນຈະ​ໄດ້​ຮຽນ​ຮູ້​ໃນ​ຄັ້ງ​ນີ້​ເປັນ​ຕົ້ນ​ແມ່ນ ​ໄດ້​ນຳ​ສະ​ເໜີ​ຄວາມ​ເປັນ​ມາ ​ແລະ ​ເນື້ອ​ໃນ​ຂອງ​ການ​ຝຶກ​ອົບຮົມ, ປຶ້ມ​​ແບບຮຽນ​ສຳລັບ​ຫ້ອງ​ກຽມ​ປະຖົມ, ການ​ນຳ​ໃຊ້​ສື່​ການຮຽນ - ການ​ສອນ, ​ແນະນຳ​ໂຄງ​ຮ່າງ​ການ​ແຕ່ງ​ບົດ​ສອນ, ການ​ຈັດ​ກິດຈະກຳ​ການ​ຮຽນ - ການ​ສອນ, ການ​ຕິດຕາມ​ພັດທະນາ​ການ​ເດັກ, ການ​ປະຕິບັດ​ຕົວ​ຈິງ ​ໂດ​ຍການ​ສ້າງ​ແຜນ​ການສອນ​ປະຈຳ​ປີ, ປະຈຳ​ເດືອນ ​ແລະ ປະຈຳ​ອາທິດ ​ເຊິ່ງ​ໄດ້​ແບ່ງ​ຄູ​ສອນ​ອອກ​ເປັນ 6 ກຸ່ມ​ໃນ​ການ​ສົນທະນາ​ແລກປ່ຽນ​ບົດຮຽນ​ຮ່ວມ​ກັນ​ທາງ​ການ​ການ​ຮຽນ - ການ​ສອນ​ກໍ່ຄື​ການ​ແຕ່ງ​ບົດ​ສອນ​ຂອງ​ແຕ່ລະຄົນ, ຈາກ​ນັ້ນ​ກໍ່​ໃຫ້​ຕ່າງ​ໜ້າ​​ແຕ່​ລະ​ກຸ່ມ​ຂຶ້ນ​ຜ່ານ​ບົດ​ສອນ​ໃນ 6 ກິດຈະກຳ ພ້ອມ​ທັງ​ຮ່ວມ​ກັນ​ປຶກສາ​ຫາລື​ຄົ້ນຄວ້າ​ບົດຮຽນ​ໃນ​ດ້ານ​ການ​ຮຽນ - ການ​ສອນ​ເພື່ອ​ເປັນ​ການ​ພັດທະ​ນາວ​ຽກງານ​ການ​ສຶກສາ​ໃຫ້​ມີ​ຄວາມ​ເຂັ້ມ​ແຂງ ​ແລະ ມີ​ຄຸນ​ນະພາ​ບດີ​ຂຶ້ນ​ເລື້ອຍໆ​.

 

            ກອງປະຊຸມຝຶກອົບຮົມແມ່ນຈະໄດ້ດຳເນີນເປັນເວລາ 5 ວັນຈຶ່ງຈະສຳເລັດ.

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ