ການເຄື່ອນໄຫວຕ່າງໆ

ນິໃສທັດປີ 2030 ຍຸດທະສາດຮອດປີ 2025

144708
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
82
254
2516
139911
10868
10640
144708
Your IP: 54.166.242.76
2017-05-28 03:04

ສກຂ  ສາລະວັນ ສອບເສັງຈົບຊັ້ນ ມ4 ໃຫ້ບັນລຸ 96%

           ນັກຮຽນຊັ້ນ ມ4 ທົ່ວ​ແຂວງ ສາລະ​ວັນ​ຈຳນວນ 3,513 ຄົນ, ຍິງ 1.661 ຄົນ, ສອບ​ເສັງ​ຈົບ​ຊັ້ນ​ປະຈຳ​ສົກຮຽນ 2015 – 2016 ລະຫວ່າງ​ວັນ​ທີ 14 – 16 ມີ​ຖຸນານີ້, ​ເຊິ່ງມີ​ສູນ​ສອບ​ເສັງ​ທັງ​ໜົດ 14 ສູນ, ​ແບ່ງ​ເປັນ 156 ຫ້ອງ​ສອບ​ເສັງ, ສະເລ່ຍ 21 – 23 ຄົນ/ຫ້ອງ.

            ​ໃນ​ວັນ​ທີ 14 ມິຖຸນາ 2016 ນີ້ ​ແຂວງ ສາລະ​ວັນ​​ໄດ້​ຈັດການ​ສອບ​ເສັງ​ຈົບ​ຊັ້ນ ມ4 ພ້ອມ​ກັບ​ບັນດາ​ແຂວງ​ອື່ນໆ​ໃນ​ທົ່ວ​ປະ​ເທດ ​ໂດຍ​ໃຫ້​ກຽດ​ລົງ​ຕິດຕາມ​ ​ແລະ ​ເປີດ​ຫົວ​ບົດສອບ​ເສັງ​ຊັ້ນ​ ມ4 ຂອງ​ທ່ານນາງ ນວນ​ໃສ ​ແກ້ວ​ເມກ ຄະນະ​ປະຈຳ​ພັກ​ເມືອງ ຮອງ​ເຈົ້າ​ເມືອງໆ​ສາລະ​ວັນ, ມີ​ທ່ານ ສຸ​ລິດ ສຸ​ລິ​ວົງ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ໜູຄຳ ສີສະຫວັດ ຫົວໜ້າຫ້ອງການສຶກສາທິການ ແລະ ກິລາເມືອງ ສາລະວັນ, ບັນດາ​ຄະນະ​ກຳມະການ​ຍາມ​ຫ້ອງ​ສອບ​ເສັງ ​ແລະ ນັກຮຽນ​ສອບ​ເສັງ​ເຂົ້າ​ຮ່ວມ.

ການ​ສອບ​ເສັງ​ຈົບ​ຊັ້ນ​ມັດທະ​ຍົມ​ສຶກສາ​ຕອນ​ປາຍ ມ4 ສົກຮຽນ 2015 – 2016 ທົ່ວ​​ແຂວງ ສາລະ​ວັນ​ຄັ້ງ​ນີ້ ມີ​ນັກ​ສອບ​ທັງ​ໜົດ 3,513 ຄົນ, ຍິງ 1.661 ຄົນ, ​ໄດ້​ດຳ​ເນີນ​ການ​ສອບ​ເສັງ​ເປັນ​ໄລຍະ​ເວລາ 3 ວັນ ( 14-16 ມີ​ຖຸນາ 2016 ) ​ໄດ້​ແບ່ງ​ອອກ​ເປັນ 14 ສູນ, ​ເຊິ່ງຈັດ​ຢູ່​ແຕ່​ລະ​ເມືອງ​ຄື: ​ເມືອ​ງ ສາລະ​ວັນ 4 ສູນ ( ສູນ ມສ ສາລະວັນ, ສູນ ມສ ອົງແກ້ວ ແລະ ສູນ ມສ ສົງສາລະວັນ ແລະ ສູນໂຮງຮຽນສາມັນກິນນອນຊົນເຜົ່າແຂວງ), ​ເມືອງ​ເລົ່າ​ງາມ 1 ສູນ, ​ເມືອງ ວາປີ 2 ສູນຄື: ( ສູນ ມສ ວາປີ, ສູນ ມຕ ຄອນສາຍ ), ​ເມືອງ​ຄົງ​ເຊ​ໂດນ 2 ສູນຄື( ສູນ ມສ ຄົງເຊໂດນ ແລະ ສູນ ມສ ຄຳທອງ ), , ​ເມືອງ​ລະຄອນ​ເພັງ 2 ສູນຄື: ( ສູນ ມສ ລະຄອນສີ ແລະ ສູນ ມສ ດ່ານນາເລົາ), ​ເມືອງ ຕຸ້ມ​ລານ 1 ສູນ, ​ເມືອງ ຕະ​ໂອ້​ຍ 1 ສູນ, ​ເມືອງ ສະ​ໜ້ວຍ 1 ​ສູນ, ​ໂດຍ​ມີ​ຫ້ອງ​ສອບທັງ​ໜົດ 14 ຫ້ອງ ສະ​ເລ່ຍ​ໃສ່​ນັກຮຽນ​ສອບ​ເສັງ​ແມ່ນ 21 – 23 ຄົນ​ຕໍ່​ຫ້ອງ, ສໍາລັບ​ຊັ້ນ ​ມ4 ​ແມ່ນ​ສອບ​ເສັງ​ທັງ​ໜົດ 3 ວິຊາຄື: ວິຊາ​ພາສາ​ລາວ - ວັນນະຄະດີ, ສຶກສາພົນລະເມືອງ, ວິທະຍາສາດທຳມະຊາດ, ວິທະຍາສາດສັງຄົມ ແລະ ວິຊາຄະນິດສາດ.