ການເຄື່ອນໄຫວຕ່າງໆ

ແຈ້ງການ

075106
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
218
260
2784
69189
12981
41370
75106
Your IP: 54.147.247.194
2017-01-22 16:19

 

          ບ້ານ​ໜອງ​ເກາະ​ຊອງ ​ເມືອງ​ຄົງ​ເຊ​ໂດນ ​ໄດ້​ຮັບ​ອາຄານ​ຮຽນ​ຫຼັງ​ໃໝ່

            ​ໃນ​ຕອນ​ເຊົ້າ​ຂອງ​ວັນ​ທີ 1 ພະຈິກ 2016ນີ້ ​ເມືອງ​ຄົງ​ເຊ​ໂດນ ​ແຂວງ​ສາລະ​ວັນ ​ໄດ້​ຈັດ​ພິທີ​ມອບ-ຮັບ​ອາຄານ​ຮຽນ​ປະຖົມ​ສຶກສາ​ສົມບູນ​ບ້ານ​ໜອງ​ເກາະ​ຊອງ ​ໂດຍ​ເປັນກຽດ​ເຂົ້າ​ຮ່ວມ​ຂອງ​ທ່ານ ນາງ ທອງ​ໃບ ​ໄຊ​ຍະ​ສານ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ບຸນ​ປອນ ອາສາພິທັກ ເຈົ້າເມືອງໆຄົງເຊໂດນ, ທ່ານ ນິກະວະ ຢູທະກະ  ແລະ ທ່ານ ນາງ ນິກະວະ ໂຕຊິໂກະ ຜູ້ໃຫ້ທຶນໃນການປຸກສ້າງອາຄານຮຽນ ບ້ານໜອງເກາະຊອງ ມີບັນດາຜູ້ປະສານງານ, ສະມາຄົມພັດທະນາຊຸມຊົນບ້ານເຮົາ, ຫ້ອງການສຶກສາທິການ ແລະ ກິລາເມືອງ, ນາຍບ້ານ, ອໍານາດການປົກຄອງ, ພໍ່ແມ່ປະຊາຊົນ ແລະຄູອາຈານ ນ້ອງນ້ອຍນັກຮຽນເຂົ້າຮ່ວມເປັນສັກຂີພິຍານ.

            ​ໃນ​ໂອກາດ​ດັ່ງກ່າວ, ທ່ານ ບຸນໜາ ຈິດ​ປັນຍາ ນາຍບ້ານໆ​ໜອງ​ເກາະ​ຊອງ​ກໍ່​ໄດ້​ຂຶ້ນ​ຜ່ານ​ບົດ​ລາຍ​ງານ​ການກໍ່ສ້າງ​ໂຮງຮຽນ​ປະຖົມ​ສົມບູນ ບ້ານ​ໜອງ​ເກາະ​ຊອງ ​ເມືອງ​ຄົງ​ເຊ​ໂດນ ​ເຊິ່ງທ່ານ​ໄດ້​ກ່າວ​ວ່າ: ບ້ານ​ໜອງ​ເກາະ​ຊອງ​ມີ​ພົນລະ​ເມືອງ​ທັງ​ໜົດ 683 ຄົນ, ຍິງ 365 ຄົນ, ມີ​ຈຳນວນ125 ຫຼັງຄາ​ເຮືອນ, ມີ​ 115 ຄອບຄົວ, ມີ​ຄູ​ສອນ 4 ທ່ານ ຍິງ 3 ທ່ານ, ມີ​ນັກຮຽນ​ທັງ​ໜົດ 55 ຄົນ, ຍິງ 35 ຄົນ, ການຈັດ​ຕັ້ງ​ປະຕິບັດການກໍ່ສ້າງ​ແມ່ນ​ເລີ່​ມ​ແຕ່​ວັນ​ທີ 29 ມີນາ 2016 ​ໄລຍະ 6 ​ເດືອ​ນ, ມີ​ອາຄານ 1 ຫຼັງ ມີ​ໄຟຟ້າ 10 ດອກ ​ແລະ ພັດ​ລົມ 8 ໜ່ວຍ, ມີ 3 ຫ້ອງ​ເຄິ່ງ 3 ຫ້ອງ​ຮຽນ ​ແລະ1 ຫ້ອງການ, ມີ​ຫ້ອງ​ນ້ຳ 1 ຫຼັງ 3 ຫ້ອງ, ນ້ຳ​ບາ​ດານ 1 ບໍ່,​ ລວມມູນ​ຄ່າ​ໃນ​ການກໍ່ສ້າງ​ໂຮງຮຽນ​ປະຖົມ ບ້ານ​ໜອງ​ເກາະ​ຊອງ​ທັງ​ໜົດ​ແມ່ນ 311.200.000 ກີບ ( ສາມ​ຮ້ອຍ​ສິບ​ເອັດ​ລ້ານສອງ​ແສນ​ກີບ ) ​ໂດຍ​ມີ​ສ່ວນ​ຮ່ວມ​ລະຫວ່າງ​ອົງການ​ເອຟາ​ປະຈຳ​ຍີ່ປຸ່ນ ​ແມ່ນ​ສະໜອງ​ວັດ​ສະ​ດຸກໍ່ສ້າງ ​ແລະ ​ເງິນ​ຄ່າ​ຊ່າງ, ​ໃນ​ນັ້ນ​ອຳນາດ​ການ​ປົກຄອງ​ພ້ອມ​ດ້ວຍ​ພໍ່​ແມ່​ປະຊາຊົນ​ໄດ້​ປະກອບສ່ວນ​ແຮງ​ງານ​ສົມທົບ ​ແລະ ວັດສະດຸ​ການກໍ່ສ້າງ​ ລວມມູນ​ຄ່າ 60.000.000 ກີບ ( ຫົກ​ສິບ​ລ້ານ​ກີບ ).

            ຫຼັງ​ຈາກ​ນັ້ນ​ທ່ານ ທ່ານ ນິກະວະ ຢູທະກະ  ແລະ ທ່ານ ນາງ ນິກະວະ ໂຕຊິໂກະ ຜູ້ໃຫ້ທຶນໃນການປຸກສ້າງອາຄານຮຽນ ບ້ານໜອງເກາະຊອງ ກໍ່​ໄດ້​ກ່າວ​ມອບ​ອາຄານ​ຮຽນ​ໃຫ້​ກັບ​ທ່ານ ບຸນ​ປອນ​ສາ​ພິທັກ ​ເຈົ້າ​ເມືອງໆ​ຄົງ​ເຊ​ໂດນ ​ເຊິ່ງທ່ານ​ກໍ່​ໄດ້​ມອບ​ຕໍ່​ໃຫ້​ກັບຫ້ອງການ​ສຶກສາ​ທິການ ​ແລະ ກິລາ​ເມືອງ​ກໍ່ຄື​ອຳນາດ​ການ​ປົກຄອງ​ຂອງ​ບ້ານ​ໃຫ້​ພ້ອມ​ກັນ​ເອົາ​ໃຈ​ໃສ່​ປົກ​ປັກ​ຮັກສາ​ອາຄານ​ຮຽນ​ຫຼັງ​ດັ່ງກ່າວ​ໃຫ້​ເກີດ​ຜົນ​ປະ​ໂຫຍ​ດສູງ​ສຸດ​ໃນ​ການ​ສຶກສາ​ຮ່ຳຮຽນ​ຂອງ​ລູກ​ຫຼານ.