ການເຄື່ອນໄຫວຕ່າງໆ

ແຈ້ງການທຶນການສຶກສາ

169749
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
220
172
989
167370
3351
4987
169749
Your IP: 54.162.181.75
2017-09-21 21:04

 ແຂວງສາລະວັນ ພ້ອມແລ້ວສົ່ງນັກກິລາຮ່ວມງານມະຫະກຳກິລານັກຮຽນມັດທະຍົມທົ່ວປະເທດ ຄັ້ງທີ 6

ນົກກົກຄຳເກມທີ່ແຂວງບໍລິຄຳໄຊ

ແຂວງສາລະວັນ ກະກຽມຄວາມພ້ອມສົ່ງຄະນະນຳ,ຄູເຝິກ ແລະ ນັກກິລາ ຈຳນວນ 71 ຄົນ ໃນການເຂົ້າຮ່ວມງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຫລື ນັກກົກຄຳເກມທີ່ແຂວງບໍລິຄຳໄຊ ເປັນເຈົ້າພາບ ໃນລະຫວ່າງວັນທີ 1-9 ກຸມພາ 2017. ພ້ອມທັງຕັ້ງເປົ້າໝາຍສູ້ຊົນຍາດໃຫ້ໄດ້ 3 ຫຽນຄຳ,3 ຫຼຽນເງິນ ແລະ 5 ຫຼຽນທອງ.

ພິທີຖະແຫຼ່ງຂ່າວສົ່ງນັກກິລາເຂົ້າຮ່ວມງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊເປັນເຈົ້າພາບ ໄດ້ຈັດຂື້ນໃນຕອນແລງຂອງວັນທີ 20 ມັງກອນ 2017 ຜ່ານມາ ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງສາລະວັນ ພາຍໃຕ້ການເປັນປະທານຂອງ ທ່ານ ສີລິສັກ ຖະໜອມຮັກ ກຳມະການພັກແຂວງ,ຫົວໜ້າພະແນກສຶກສາທິການ ແລະ ກິລາແຂວງ (ທັງເປັນຮອງປະທານສະມາຄົມກິລາ-ກາຍະກຳແຂວງ) , ມີ ທ່ານ ວັດທະນາ ໝັ້ນວິໄລ ຮອງຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍບັນດາຫົວໜ້າສະຫະພັນກິລາປະເພດຕ່າງໆ, ຄູເຝິກ ແລະ ນັກກິລາເຂົ້າຮ່ວມ.

ໂອກາດນີ້ ທ່ານ ວັດທະນາ ໝັ້ນວິໄລ ຮອງຫົວໜ້າພະແນກສຶກສາທິການ ແລະ ກິລາແຂວງ,ທັງເປັນຮອງຄະນະນຳພາທັບນັກກິລາຂອງແຂວງສາລະວັນ ໄດ້ຂື້ນລາຍງານສະພາບການກະກຽມຄວາມພ້ອມໃນດ້ານຕ່າງໆ ໂດຍທ່ານໄດ້ກ່າວວ່າ: ການກະກຽມເຂົ້າຮ່ວມງານແຂ່ງຂັນກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ. ໂດຍແຂວງສາລະວັນ ໄດ້ມອບໝາຍໃຫ້ພະແນກສຶກສາທິການ ແລະ ກິລາແຂວງ,ສະຫະພັນກິລາປະເພດຕ່າງໆ ໄດ້ຄົ້ນຄວ້າຕົວຈິງທາງດ້ານເຕັກນິກວິຊາການຢ່າງມີເຫດ ແລະ ຜົນ ໂດຍເລັງໃສ່ປະເພດກິລາທີ່ແຂວງມີມູນເຊື້ອ ແລະ ທ່າແຮງຄວາມຫວັງຫຼຽນ ດັ່ງນັ້ນ,ຈຶ່ງໄດ້ມີຄວາມເຫັນດີເປັນເອກະພາບຕົກລົງກຳນົດເອົາ 7 ປະເພດກິລາເຂົ້າຮ່ວມແຂ່ງຂັນເຊິ່ງປະກອບມີ: ບານເຕະ,ບານສົ່ງ, ກະຕໍ້, ດອກປີກໄກ່,ໜ້າເກັກ,ແລ່ນ-ລານ ແລະ ເປຕັງ.

ສຳລັບການເຂົ້າຮ່ວມງານແຂ່ງຂັນກິລານັກຮຽນມັດທະຍົມທົ່ວປະເທດໃນຄັ້ງນີ້ແມ່ນຈະໄດ້ສົ່ງຄະນະນຳ,ຄູເຝິກ ແລະ ນັກກິລາເຂົ້າຮ່ວມທັງໝົດ 71 ຄົນ, ໃນນັ້ນຄູເຝິກ 14 ຄົນ ແລະ ນັກກິລາ 60 ຄົນ. ພ້ອມທັງເປົ້າ  ໝາຍສູ້ຊົນຍາດໄດ້ຢ່າງໜ້ອຍ 3 ຫຼຽນຄໍາ, 3 ຫຼຽນເງິນ ແລະ 5 ຫຼຽນທອງ. ໂດຍບັນດາຄູເຝິກ ແລະ ນັກກິລາໄດ້ເລິ່ມເຂົ້ານອນສູນເຝິກຊ້ອມນັບແຕ່ວັນທີ 5 ມັງກອນ 2017 ເປັນຕົ້ນມາ ໂດຍໄດ້ກຳນົດເປັນ 4 ຈຸດຄື: ສູນໂຮງຮຽນສາມັນກິນນອນຊົນເຜົ່າແຂວງ, ສູນສະຖານີໄຟຟ້າ, ສູນສະໜາມກິລາ ແລະ ສູນ ມສ ອົງແກ້ວ ທັງນີ້ ຈະສືບຕໍ່ເຝິກຊ້ອມໄປຈົນຮອດວັນທີ 28 ມັງກອນ 2017 ຈຶ່ງຈະໄດ້ຢຸດຕິການເຝິກຊ້ອມ ເພື່ອກະກຽມຄວາມພ້ອມກ່ອນການເດິ່ນທາງເຂົ້າຮ່ວມການແຂ່ງຂັນຢ່າງເປັນທາງການ ຜ່ານການກະກຽມໃນດ້ານຕ່າງໆ ແລະ ເກັບຕົວເຝິກຊ້ອມນອນສູນເຝິກຂອງນັກກິລາເຫັນວ່າມາຮອດປະຈຸບັນນີ້ແຂວງພວກເຮົາມີຄວາມພ້ອມ 90 ສ່ວນຮ້ອຍ ເປັນຕົ້ນແມ່ນທາງງົບປະມານ,ສະພາບຈິດໃຈ,ສຸຂະພາບຂອງນັກກິລາ, ຄູເຝິກກິລາປະເພດຕ່າງໆ ແລະ ອຸປະກອນຮັບໃຊ້ການເຝິກຊ້ອມ ແລະ ແຂ່ງຂັນ ເຊິ່ງການເຂົ້າຮ່ວມໃນຄັ້ງນີ້ແມ່ນຈະໄດ້ນຳໃຊ້ງົບປະມານທັງໝົດ 600 ລ້ານກວ່າກີບ.

ໃນພີທີດັ່ງກ່າວ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ ໄດ້ໃຫ້ກຽດໂອ້ລົມ ໂດຍທ່ານໄດ້ກ່າວວ່າ: ການເຂົ້າຮ່ວມແຂ່ງຂັນກິລານັກຮຽນມັດທະຍົມສຶກສາໃນຄັ້ງນີ້ ແມ່ນເປັນການພົບປະແລກປ່ຽນ ແລະ ທົດສອບກຳລັງ,ຄວາມສາມາດດ້ານການກິລາຂອງນັກຮຽນຊັ້ນມັດທະຍົມໃນທົ່ວປະເທດ ແມ່ນເຫັນວ່າມີຄວາມໝາຍຄວາມສຳຄັນ. ໃນການເຂົ້າຮ່ວມແຕ່ລະຄັ້ງຜ່ານມາຄະນະນັກກິລາຂອງແຂວງສາມາດເຮັດໜ້າທີ່,ການຮ່ວມມື, ສະແດງອອກເຖິງນ້ຳໃຈນັກກິລາ, ນອກນັ້ນຍັງຕ້ອງໄດ້ເອົາໃຈໃສປະສານສົມທົບເຊິ່ງກັນ ແລະ ກັນ, ຮັດແໜ້ນຄວາມສາມັກຄີ,ດຸໝັ່ນໃນການເຝິກຊ້ອມຮ່ຳຮຽນເອົາເຕັກນິກອັນໃໝ່ເພື່ອເອົາຊະນະຄູ່ແຂ່ງ ພ້ອມດຽວກັນນັ້ນນັກກິລາຕ້ອງໄດ້ຍຶດຖືລະບຽບວິໄນ ແລະ ຍົກສູງຄວາມເປັນເອກະພາບໃນໝູ່ຄະນະ. ສ້າງຄວາມສາມັກຄີກັບບັນດາແຂວງຕ່າງໆໃນທົ່ວປະເທດ ແລະ ສາມາດຍາດໃຫ້ໄດ້ໄຊຊະນະ. ພ້ອມນັ້ນກໍ່ຫວັງວ່າໃນຄັ້ງນີ້ຄະນະນັກກິລາ,ຄູເຝິກ ແລະ ນັກກິລາທຸກຄົນຈະໄດ້ຕັ້ງໜ້າເຂົ້າຮ່ວມດ້ວຍຈິດໃຈສູງ, ມີຄວາມພະຍາຍາມໃຊ້ສະຕິປັນຍາ, ຄວາມຮູ້ຄວາມສາມາດດ້ານວິຊາສະເພາະກິລາເຂົ້າໃນການແຂ່ງຂັນ ເພື່ອຍາດເອົາໄຊຊະນະມາສູ່ວົງການກິລາຂອງແຂວງສາລະວັນ ແລະ ພ້ອມທັງເສີມຂະຫຍາຍ ແລະ ກະກຽມຄວາມພ້ອມໃນການເປັນເຈົ້າພາບງານກິລານັກຮຽນມັດທະຍົມທົ່ວປະເທດ ຄັ້ງທີ 7 ທີ່ແຂວງສາລະວັນຈະໄດ້ຮັບກຽດເປັນເຈົ້າພາບ ແລະ ຈັດຂື້ນໃນປີ 2020.

 

 

 

 

                                                                                         ຂ່າວໂດຍ: ອຈ ບຸນເກີດ ອິນທະນຸດ