ການເຄື່ອນໄຫວຕ່າງໆ

ແຈ້ງການທຶນການສຶກສາ

194030
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
78
328
1220
190797
4181
9293
194030
Your IP: 54.221.73.186
2017-12-15 13:49

 ---------------------------------------------------------------------------------------------------------------------------------------------

ສາລະວັນ

ຈັດ​​ແຂ່ງຂັນກິລາ​​ເປຕັງຕ້ອນຮັບວັນຊາດ ຄົບຮອບ 42 ປີ

          ພະແນກສຶກສາທິການແລະ ກິລາແຂວງ ສາລະວັນຈັດການແຂ່ງຂັນກິລາເປຕັງຕ້ອນຮັບວັນຊາດ ຄົບຮອບ 42 ປີ ນອກນັ້ນແລ້ວກໍ່ຍັງເປັນການກະກຽມແຂ່ງຂັນຄັດເລືອກນັກກິລາຜູ້ດີເດັ່ນລຸ້ນເຍົາວະຊົນເປັນຜູ້ສືບທອດກະກຽມ​​ເຂົ້າຮ່ວມແຂ່ງຂັນໃນງານມະຫາກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ VII ​ໃນ​ປີ 2020 ທີ່ສາລະວັນຮັບເປັນເຈົ້າພາບ ແລະ ​ເຮັດ​ໃຫ້​ວຽກ​ງານ​ກິລາ​ເປ​ຕັງ​ຢູ່​ແຂວງ ສາລະ​ວັນ ​ໄດ້​ຮັບ​ການ​ພັດທະນາ​ດີ​ຂຶ້ນ​ເປັນ​ກ້າວໆ.

ການ​ແຂ່ງຂັນ​ກິລາ​ເປ​ຕັງ​ ຕ້ອນຮັບວັນສຳຄັນຂອງພັກຂອງຊາດ ແມ່ນໄດ້ຈັດ​ຂຶ້ນໃນວັນທີ 17 ພະຈິກຜ່ານມາ, ​ໂດຍພາຍໃຕ້ການເປັນປະທານ ຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການແລະ ກິລາແຂວງ, ​ທ່ານ ວັດທະນາ ໜັ້ນວິໄລ ຮອງຫົວໜ້າພະແນກສຶກສາທິການ ແລະ ກິລາ, ມີທ່ານ ເດດສຸວັນ ມະໄລທອງ ຫົວໜ້າບໍລິສັດໄຟຟ້າລາວ ສາຂາແຂວງ ສາລະວັນ ປະທານສະຫະພັນກິລາເປຕັງ, ພ້ອມດ້ວຍນັກກິລາຈາກຫຼາຍພາກສ່ວນເຂົ້າຮ່ວມຢ່າງເປັນຂະບວນການຟົດຟື້ນ​.

 ​​ໃນ​ການ​ແຂ່ງຂັນ​ຄັ້ງ​ນີ້​ແມ່ນ​ມີ​ທັງ​ໜົດ 91 ທິມ, ໃນນັ້ນມີລຸ້ນ ເຍົາວະຊົນ ອາຍຸບໍ່ເກີນ 15 ປີ 14 ທິມ, ລຸ້ນ ຊາຍ-ຍິງທົ່ວໄປ 65 ທິມ ແລະ ລຸ້ນອາວຸດໂສ 12 ທິມ ສຳລັບລາງວັນ​ຊະນະ​ເລີດ​ຂັນ 1 ໜ່ວຍ​ພ້ອມ​ດ້ວຍ​ເງິນ​ສົດ 700.000 ກີບ, ຮອງ​ຊະນະ​ເລີດ ​ເງິນສົດ 500.000 ກີບ ​ແລະ ລາງວັນ​ທີ 3 ຈຳນວນ​ເງິນສົດ 200.000 ກີບ.   

​ໃນ​ການ​ການ​ແຂ່ງຂັນ​ຄັ້ງ​ນີ້ ນອກຈາກຈະເປັນການຕ້ອນຮັບວັນຊາດ ທີ 2 ທັນວາ ຄົບຮອບ 42 ປີ ກໍ່ຍັງເປັນການສ້າງຄວາມສາມັກຄີ, ສ້າງຕົວນັກກິລາ ແລະ ສ້າງຂະບວນການໃຫ້ມີບັນຍາກາດເບີກບານມ່ວນຊື່ນ ທີ່ສຳຄັນກໍ່​ເພື່ອ​ເປັນ​ການ​ຄັດ​ເລືອກກິລາ​ນັກຮຽນ​ມັດທະຍົມ​ສຶກສາ​ ທີ່​ມີ​ພອນ​ສະຫວັນ ​ແລະ ​ມັກ​ຮັກ​ໃນ​ການ​ຫຼິ້ນ​ກິລາ ພ້ອມ​ທັງ​ຈະ​ບັນທຶກ​ຂໍ້​ມູນ​ລາຍ​ຊື່​ເປົ້າ​ໜາຍ, ຜູ້​ທີ່​ຫຼິ້ນ​ໄດ້​ດີ​ເດັ່ນ​​ ​ເພື່ອ​ກະກຽມ​ເຂົ້າ​ຮ່ວມ​ງານ​ແຂ່ງຂັນ​ກິລາ​ປະ​ເພດ​ຕ່າງໆ​ທັງ​ພາຍ​ໃນ ​ແລະ ຕ່າງ​ປະ​ເທດ​ໄດ້​ຕາມ​ລະດັບ​ຄາດ​ໜາຍ .

ຜົນການແຂ່ງຂັນເປຕັງ ປະເພດເຍົາວະຊົນ ທິມຍິງ ອັນດັບທີ 1 ເມືອງເລົ່າງາມ, ອັນດັບທີ 2 ເມືອງ ວາປີ ແລະ ອັນດັບທີ 3 ຮຄອງຮ່ວມ ມສ ສາລະວັນ ແລະ ເມືອງລະຄອນເພັງ, ທິມຊາຍ: ອັນດັບທີ 1 ເມືອງ ຄົງເຊໂດນ, ອັນດັບທີ 2 ເມືອງວາປີ, ອັນດັບທີ 3 ຄອງຮ່ວມ ເມືອງເລົ່າງາມແລະ ມສຊົນເຜົ່າ, ປະເພດຊາຍ-ຍິງທົ່ວໄປ ທິມຍິງ: ອັນດັບທີ 1 ພະແນກສຶກສາທິການ ແລະ ກິລາແຂວງ,  ອັນດັບທີ 2 ພະແນກສາທາລະນະສຸກແຂວງ, ອັນດັບທີ 3 ຄອງຮ່ວມ ບ້ານນາກົກໂພ ແລະ ເມືອງຄົງເຊໂດນ, ທິມຊາຍ: ອັນດັບທີ 1 ລັດວິສະຫະກິດໄຟຟ້າລາວ ສາຂາແຂວງສາລະວັນ, ອັນດັບທີ 2 ສຸພາວົງ, ອັນດັບທີ 3 ຄອງຮ່ວມ ລາວໂທລະຄົມແລະ ປກສ ແຂວງ, ປະເພດອາວຸດໂສ (​ການນຳ ) ອັນດັບທີ 1 ພະແນກອຸດສະຫະກຳ ແລະ ການຄ້າ, ອັນດັບທີ 2 ວິທະຍາໄລຄູສາລະວັນ ແລະ ອັນດັບ 3 ຄອງຮ່ວມ ແພດທະຫານ ແລະ ມສ ຊົນເຜົ່າແຂວງ ໃຫ້ກຽດຂັນລາງວັນຂອງທ່ານ ວັດທະນາ ໜັ້ນວິໄລ ຮອງຫົວໜ້າພະແນກສຶກສາທິການ ແລະ ກິລາ ແຂວງ, ທ່ານ ເດດສຸວັນ ມະໄລທອງ ຫົວໜ້າບໍລິສັດໄຟຟ້າລາວ ສາຂາແຂວງ ສາລະວັນ.

 

ຂ່າວໂດຍ: ແຫຼັງຄຳ ບຸດນາໂຄກ